༦. པི་ཡ་ངྐ་ར་སུ་ཏྟ་ཝ་ཎྞ་ནཱ

༢༤༠. པ་ཙྩ་ནྟེཏི པ་རི་ཡ་ནྟེ. པཱ་ཊི་ཡེ་ཀྐནྟི ས་ངྒཱི་ཏི་ཀཱ་ལེ ཝི་སུཾ. ཡ་མ་ཀ་ཝ་གྒཱ་དི་ཀཱ བྲཱ་ཧྨ་ཎ་ཝ་གྒ་པ་རི་ཡོ་སཱ་ནཱ ཚ་བྦཱི་ས་ཏི ཝ་གྒཱ ཨེ་ཏི་སྶཱ་ཏི ཚ་བྦཱི་ས་ཏི་ཝ་གྒཱ, ཏ་ནྟཱིཏི པཱ་ལི༹. ཨུ་ཙྩཱ་ར་པ་སྶཱ་ཝཱ་དི ཨེ་ཝ་རཱུ་པཾ དུ་བྦྷོ་ཛ་ནཾ, ‘‘ཨ་སུ་ཙི་ཛེ་གུ་ཙྪ་བྷཱ་ཝེ་ན དུ་ཊྛུ བྷོ་ཛ་ན’’ནྟི ཀ་ཏྭཱ, དུ་བྦྷོ་ཛ་ན་གྒ་ཧ་ཎེ་ན ཝཱ ཝ་ནྟ་ག་བྦྷ་མ་ལཱ་དཱི་ནི ཨ་ཏི་དི་ས་ཏི. ཚ་ཝི་ཨཱ་དཱི་ནི ཚེ་ཏྭཱཏི ཚ་ཝི་ཨཱ་དཱི་ནི ཨ་ཏི་ཝི་ཛ྄ཛྷ ཨ་ཏི་ཝི་ཡ པ་ཝི་སི་ཏྭཱ. ཨ་ཊྛི་མི་ཉྫཾ ཨཱ་ཧ་ཙྩ ཨ་ཊྛཱ་སི པཱི་ཏི་ས་མུ་ཊྛཱ་ན་ཨུ་ལཱ༹་རོ་ལཱ༹་ར་རཱུ་པ་པྤ་ཝ་ཏྟི་ཡཱ. ཏེ་ནཱ་ཧ ‘‘ཧ་ད་ཡ་ངྒ་མ་ནཱི་ཡོ ཧུ་ཏྭཱ’’ཏི.

དྷ་མྨ་ཏཱ་ཡ ས་མཱ་དི་ཎྞནྟི ཀ་སྶ་ཙི ས་ནྟི་ཀེ ཨ་གྒ་ཧེ་ཏྭཱ ས་ཡ་མེ་ཝ ཏ་སྨིཾ ཁ་ཎེ སཾ་ཡ་ཏཱ ཧོ་མཱ་ཏི ཡ་ཐཱ་སཾ་ཡ་ཏཱ. ཏ་ཏི་ཡ་པ་དེ་ནཱཏི ‘‘སི་ཀྑེ་མ སུ་སཱི་ལྱ’’ནྟི ཨི་མི་ནཱ པ་དེ་ན. སེ་སཱཏི ཝུ་ཏྟཱ་ཝ་སེ་སཱ. ཏི་སྶོ ཨ་དི་ནྣཱ་དཱ་ན་མི་ཙྪཱ་ཙཱ་ར་སུ་རཱ་པཱ་ན་ཝི་ར་ཏི་ཡོ. ག་ཧི་ཏཱ གོ་བ་ལཱི་བ་དྡ་ཉཱ་ཡེ་ན. ཚཱ་ཏ་ཀཾ དུ་བྦྷི་ཀྑ་ཉྩ ཨེ་ཏྠཱ་ཏི ཚཱ་ཏ་ཀ་དུ་བྦྷི་ཀྑཱ, ཛི་གྷ་ཙྪཱ་དུ་བྦྷི་ཀྑཱ་བ་ཧུ་ལཱ་ཡཱ་ཏི ཨ་ཏྠོ. པི་སཱ་ཙ་ཡ་ཀྑ་ཡོ་ནི་ཡཱཏི པེ་ཏྟི་ཝི་ས་ཡ་ས་དི་ས་ཡ་ཀྑ་ཡོ་ནི་ཡཱ ཨ་པི ནཱ་མ མུ་ཙྩེ་མཱ་ཏི ཡོ་ཛ་ནཱ.

པི་ཡ་ངྐ་ར་སུ་ཏྟ་ཝ་ཎྞ་ནཱ ནི་ཊྛི་ཏཱ.