༢༦. པ་ཉྩཱ་བཱ་དྷ་ཝ་ཏྠུ་ཀ་ཐཱ
༨༨. མ་ག་དྷེ་སཱུཏི ཨེ་ཏྠ བ་ཧུ་ཝ་ཙ་ན་པ་དེ་ན ཝུ་ཏྟ་ཏྟཱ ཛ་ན་པ་ད་སྶ ནཱ་མ་ནྟི ཨཱ་ཧ ‘‘མ་ག་དྷ་ནཱ་མ་ཀེ ཛ་ན་པ་དེ’’ཏི. ཨ་མ་ནུ་སྶཱ་ན་ཉྩཱཏི མ་ནུ་སྶེ་ཧི ཨ་ཉྙ་ས་ཏྟཱ་ན་ཉྩ. ཨུ་སྶ་ནྣ་ས་དྡོ ཙ ཨུ་སྶ་ད་ས་དྡོ ཙ ཝུ་ཌྜྷི་པྤ་ཏྟ་པ་རི་ཡཱ་ཡོ་ཏི ཨཱ་ཧ ‘‘ཨུ་སྶ་ནྣཱ ཝུ་ཌྜྷི་པྤ་ཏྟཱ’’ཏི. ‘‘ཕཱ་ཏི་པྤ་ཏྟཱ’’ཏི ཨི་མི་ནཱ ཏ་མེ་ཝ་ཏྠཾ ད་སྶེ་ཏི. ཏེ་ཧཱིཏི ཀུ་ཊྛཱ་དཱི་ཧི པ་ཉྩ་ཧི ཨཱ་བཱ་དྷེ་ཧི.
ཏ་ཏྠཱཏི ཀུ་ཊྛཱ་དཱི་སུ པ་ཉྩ་སུ ཨཱ་བཱ་དྷེ་སུ. ཨཱ་བཱ་དྷི་ཀཾ ཨཱ་བྷུ་སོ བཱ་དྷ་ཏི པཱི་ལེ༹་ཏཱི་ཏི ཨཱ་བཱ་དྷོ, ཨ་ངྒ་པ་ཙྩ་ངྒཾ ཀུ་ཊ་ཏི ཚི་ནྡ་ཏཱི་ཏི ཀུ་ཊྛཾ. ‘‘ར་ཏྟ་ཀུ་ཊྛཾ ཝཱ’’ཏི་ཨཱ་དཱི་སུ ཝཱ་ས་དྡེ་ན སེ་ཏ་ཀུ་ཊྛཱ་དཱི་ནི་པི ས་ངྒ་ཎྷཱ་ཏི. ཀཱི་ཊི་བྷ ད་དྡུ ཁ་ཛྫུ ཨཱ་དི་པྤ་བྷེ་ད་མྤཱིཏི ཀཱི་ཊི་བྷོ ཙ ད་དྡུ ཙ ཁ་ཛྫུ ཙ ཀཱི་ཊི་བྷ་ད་དྡུ་ཁ་ཛྫུ་ཡོ, ཏཱ ཨཱ་ད་ཡོ ཡེ་སཾ ཀུ་ཊྛཱ་ན་ནྟི ཀཱི་ཊི་བྷ་ད་དྡུ་ཁ་ཛྫུ་ཨཱ་ད་ཡོ, ཏེ་སཾ པ་བྷེ་དོ ཀཱི་ཊི་བྷ་ད་དྡུ ཁ་ཛྫུ་ཨཱ་དི་པྤ་བྷེ་དོ, ཏ་མྤི. ཏ་ཏྠ ཀཱི་ཊི་བྷོཏི ཀཱི་ཊ ཨི་བྷོ་ཏི པ་ད་ཝི་བྷཱ་གོ ཀཱ་ཏ་བྦོ. ཏ་ཏྠ ཀཱི་ཊོཏི ཀི་མི. ཨི་མི་ནཱ ཀཱི་ཊ་ཀུ་ལཱ་ཝ་ཀཾ ‘‘ཀཱི་ཊོ’’ཏི ག་ཧེ་ཏ་བྦཾ, ཀཱི་ཊོ ཝི་ཡཱ་ཏི ཀཱི་ཊོ, ཀུ་ཊྛ་ཝི་སེ་སོ. ཨི་བྷོཏི ག་ཛོ. ཨི་མི་ནཱ ག་ཛ་སྶ ས་བ་ལཾ ‘‘ཨི་བྷོ’’ཏི ག་ཧེ་ཏ་བྦཾ. ཨི་བྷོ ཝི་ཡཱ་ཏི ཨི་བྷོ, ཀུ་ཊྛ་ཝི་སེ་སོ. ཀཱི་ཊོ་ཡེ་ཝ ཨི་བྷོ ཀཱི་ཊི་བྷོ, ཀུ་ཊྛཱ་བཱ་དྷ་ཝི་སེ་སོ, ཡཾ ལོ་ཀེ ‘‘ཀུ་ཊྚཱ་བཱ་དྷ ཝི་སེ་སོ’’ཨི་ཏི ཝོ་ཧ་ར་ནྟི. ད་དྡཱུཏི ཀ་ཙྪུ. སཱ ཧི ས་རཱི་རཾ དཾ་ས་ཏི ཝི་དཾ་ས་ཏི, ཧིཾ་ས་ཏཱི་ཏི ཝཱ ད་དྡུཏི ཝུ་ཙྩ་ཏི. ཨེ་ཀ་སྶ ད་ཀཱ་ར་སྶ ར་ཀཱ་རཾ ཀ་ཏྭཱ ‘‘ད་དྡུ’’ཏི་པི པཱ་ཋོ. ཡཾ ལོ་ཀེ ‘‘པྭེ:’’ཨི་ཏི ཝོ་ཧ་ར་ནྟི. ཁ་ཛྫཱུཏི ཀ་ཎྜུ་ཝ་ནཾ. ཏ་ཉྷི ས་རཱི་རཾ ཁ་ཛྫ་ཏི བྱ་ཐ་ཏི ཁ་ད་ཏི, ཧིཾ་ས་ཏཱི་ཏི ཝཱ ཁ་ཛྫཱུ་ཏི ཝུ་ཙྩ་ཏི. ཡཾ ལོ་ཀེ ‘‘ཁ་ཛྫ’’ཨི་ཏི ཝོ་ཧ་ར་ནྟི. ‘‘ཀ་ཙྪཱུ’’ཏི་པི པཱ་ཋོ, སོ ཨ་པཱ་ཋོ ད་དྡུ་ས་དྡེ་ན ཏ་སྶ ག་ཧི་ཏ་ཏྟཱ. ཏནྟི ཀུ་ཊྛཾ. པ་ཀ་ཏི་པ་ཊི་ཙྪ་ནྣ་ཊྛཱ་ནེཏི པ་ཀ་ཏི་ཡཱ པ་ཊི་ཙྪ་ནྣ་ཊྛཱ་ནེ, ཡ་ཐཱ་ནི་ཝ་ཏྠ་པཱ་རུ་ཏ་ཊྛཱ་ནེ་ཏི ཨ་ཏྠོ. ཨི་མི་ནཱ ཝི་སེ་ས་ཏོ པ་ཊི་ཙྪ་ནྣཾ ནི་ཝ་ཏྟེ་ཏི. ཨ་ཝ་ཌྜྷ་ན་ཀ་པ་ཀྑེ ཋི་ཏཾ ས་ཙེ ཧོ་ཏཱི་ཏི ཡོ་ཛ་ནཱ. པ་ཀ་ཏི་ཝ་ཎྞེཏི =༠༧ པ་ཀ་ཏི་ཚ་ཝི་ཡཾ. ཡ་ཐཱ ཨ་ཝ་ཎཱ ཚ་ཝི ཧོ་ཏི, ཏ་ཐཱ་ཏི ཨ་ཏྠོ. ཨི་དཾ ཝ་ཎ་ཝ་ཏྠུཾ ས་ནྡྷཱ་ཡ ན ཝུ་ཏྟཾ.
མེ་ད་ག་ཎྜོཏི མེ་དོ ཨ་སྨིཾ ཨ་ཏྠཱི་ཏི མེ་དོ, ག་ཎྜ་ཏི ཕོ་ཊོ བྷ་ཝ་ཏཱི་ཏི ག་ཎྜོ, མེ་དོ་ཡེ་ཝ ག་ཎྜོ མེ་ད་ག་ཎྜོ. ཡཾ ལོ་ཀེ ‘‘མེ་ད་ག་ཎྜོ་ཨི་ཏི ཝོ་ཧ་ར་ནྟི. ཀོ་ལ་ཊྛཱིཏི ཀོ་ལཾ ཝུ་ཙྩ་ཏི བ་ད་ར་ཕ་ལཾ, ཏ་སྶ ཨ་ཊྛི ཀོ་ལ་ཊྛི. ཨ་ཝ་ཌྜྷ་ན་ཀ་པ་ཀྑེ ཋི་ཏེ ས་ཏཱི་ཏི ཡོ་ཛ་ནཱ. ས་ཉྪ་ཝིནྟི སཾ་ཝི་ཛྫ་མཱ་ན་ཚ་ཝིཾ, ས་ཉྫཱ་ཏ་ཚ་ཝིཾ ཝཱ. ཨུ་ཎྞི་ག་ཎྜཱཏི ཨུ་དྡྷཾ ན་མ་ནྟཱི་ཏི ཨུ་ཎྞི་ཡོ, ཏཱ་ཡེ་ཝ ག་ཎྜཱ ཨུ་ཎྞི་ག་ཎྜཱ. ཡེ ལོ་ཀེ ‘‘ཨུ་ཎྞི་ག་ཎྜཱ’’ ཨི་ཏི ཝོ་ཧ་ར་ནྟི. ཏ་ཏྠ ཏ་ཏྠཱཏི ཏ་སྨིཾ ཏ་སྨིཾ ས་རཱི་ར་པ་དེ་སེ. ཁཱི་ར་པཱི་ལ༹་ཀཱཏི ཁཱི་རཾ ཨེ་ཏྠ ཨ་ཏྠཱི་ཏི ཁཱི་རཱ, ཏཱ ཨེ་ཝ པཱི་ལ༹་ཀཱ ཁཱི་ར་པཱི་ལ༹་ཀཱ. ཡཱ ལོ་ཀེ ‘‘ཁཱི་ར་པཱི་ལ༹་ཀཱ’’ ཨི་ཏི ཙ ཨི་ཏི ཙ ཝོ་ཧ་ར་ནྟི. ཏཱ་སཱུཏི པཱི་ལ༹་ཀཱ་སུ. ཁཱི་ར་པཱི་ལ༹་ཀཱ ནཱ་མ ག་ཎྜཱ ཧོ་ནྟཱི་ཏི ས་མྦ་ནྡྷོ. ཁ་ར་པཱི་ལ༹་ཀཱཏི ཁ་ར་ས་བྷཱ་ཝཱ པཱི་ལ༹་ཀཱ. ཁ་ར་ས་བྷཱ་ཝ་ཏྟཱ ཏེ་ན ས་ཏྟཱ མ་ར་ཎ་མྤི ག་ཙྪ་ནྟི, མ་ར་ཎ་མ་ཏྟ་མྤི དུ་ཀྑཾ. ཡཱ ལོ་ཀེ ཨི་ཏི ‘‘ཁཱི་ར་པཱི་ལ༹་ཀཱ’’ ཝོ་ཧ་ར་ནྟི. པ་དུ་མ་ཀ་ཎྞི་ཀཱ ནཱ་མ ག་ཎྜཱ ཧོ་ནྟཱི་ཏི ས་མྦ་ནྡྷོ. པ་དུ་མ་སྶ ཀ་ཎྞི་ཀཱ ཝི་ཡ པ་དུ་མ་ཀ་ཎྞི་ཀཱ. ཡཱ ལོ་ཀེ ‘‘པ་དུ་མ་ཀ་ཎྞི་ཀཱ’’ཨི་ཏི ཝོ་ཧ་ར་ནྟི. སཱ་ས་པ་བཱི་ཛ་ཀཱ ནཱ་མ ག་ཎྜཱ་ཏི ས་མྦ་ནྡྷོ. སཱ་ས་པ་སྶ བཱི་ཛཾ པ་མཱ་ཎ་མེ་ཏཱ་ས་ནྟི སཱ་ས་པ་བཱི་ཛ་ཀཱ. ཡཱ ལོ་ཀེ ‘‘སཱ་ས་པ་བཱི་ཛ་ཀཱ’’ ཨི་ཏི ཝོ་ཧ་ར་ནྟི. ཏཱ ས་བྦཱཏི ས་བྦཱ ཏཱ པཱི་ལ༹་ཀཱ, ག་ཎྜ་ཛཱ་ཏི་ཡོ ཝཱ. ཏཱ་སཱུཏི པཱི་ལ༹་ཀཱ་སུ, ག་ཎྜ་ཛཱ་ཏཱི་སུ ཝཱ.
པ་དུ་མ་པུ་ཎྜ་རཱི་ཀ་པ་ཏྟ་ཝ་ཎྞནྟི པ་དུ་མཾ ནཱ་མ ར་ཏྟཾ, པུ་ཎྜ་རཱི་ཀཾ ནཱ་མ སེ་ཏཾ, ཏེ་སཾ པུ་པྥ་པ་ཏྟ་སྶ ཝ་ཎྞཾ ཝི་ཡ ཝ་ཎྞ་མེ་ཏ་སྶཱ་ཏི པ་དུ་མ་པུ་ཎྜ་རཱི་ཀ་པ་ཏྟ་ཝ་ཎྞཾ, ས་ངྑ་ཀུ་ཊྛཾ. ཡཾ ལོ་ཀེ ‘‘པ་དུ་མ་པུ་ཎྜ་རཱི་ཀ་པ་ཏྟ་ཝ་ཎྞཾ, ས་ངྑ་ཀུ་ཊྛཾ’’ ཨི་ཏི ཝོ་ཧ་ར་ནྟི. ཡེ་ནཱཏི ཀུ་ཊྛེ་ན. གུ་ནྣཾ ས་རཱི་རཾ ས་བ་ལཾ ཝི་ཡ མ་ནུ་སྶཱ་ནཾ ས་རཱི་རཾ ས་བ་ལཾ ཧོ་ཏཱི་ཏི ཡོ་ཛ་ནཱ. ཏ་སྨིནྟི ཀི་ལཱ་སེ. སོ་ས་བྱཱ་དྷཱིཏི ཁ་ཡ་རོ་གོ. སོ ཧི ཡ་སྨཱ མཾ་ས་ལོ་ཧི་ཏཱ་དཱི་ནི སོ་སཱ་པེ་ཏི, ཏ་སྨཱ སོ་སོཏི ཝུ་ཙྩ་ཏི. ཡཾ ལོ་ཀེ ‘‘སཱཾ་ས’’ ཨི་ཏི ཙ ‘‘སོ་ས་བྱཱ་དྷི’’ ཨི་ཏི ཙ ཝོ་ཧ་ར་ནྟི. ཏ་སྨིནྟི སོ་ས་བྱཱ་དྷི་མྷི. ཨ་པ་མཱ་རོཏི ཨ་པ་སྨཱ་རོ. སོ ཧི སཱ་ར་ཏོ ཨ་པ་ག་ཏ་ཏྟཱ ‘‘ཨ་པ་མཱ་རོ’’ཏི ཝུ་ཙྩ་ཏི ས་ཀཱ་ར་སྶ མ་ཀཱ་རཾ ཀ་ཏྭཱ. ཡཾ ལོ་ཀེ ‘‘ཨ་པ་མཱ་ར’’ ཨི་ཏི ཙ ‘‘ཨ་རཱུ?’’ཨི་ཏི ཙ ཝོ་ཧ་ར་ནྟི. ཏ་ཏྠཱཏི དྭཱི་སུ ཨུ་མྨཱ་དེ་སུ. ཨཱ་དྷཱ་རེ ཙེ་ཏཾ བྷུ་མྨ་ཝ་ཙ་ནཾ. དུ་ཏྟི་ཀི་ཙྪོ ཧོ་ཏཱི་ཏི ས་མྦ་ནྡྷོ.