༡. པ་ཋ་མ་སི་ཀྑཱ་པ་ད-ཨ་ཏྠ་ཡོ་ཛ་ནཱ

༩༧༨. ཙི་ཏྟཱ་གཱ་ར་ཝ་གྒ་སྶ པ་ཋ་མེ ར་ཉྙོ ཀཱི་ལ༹་ན་ཊྛཱ་ནཾ ཨ་གཱ་རཾ རཱ་ཛཱ་གཱ་རནྟི ཝ་ཙ་ན་ཏྠཾ ད་སྶེ་ནྟོ ཨཱ་ཧ ‘‘ར་ཉྙོ ཀཱི་ལ༹་ན་གྷ་ར’’ནྟི. ཙི་ཏྟཾ ཨ་གཱ་རཾ ཙི་ཏྟཱ་གཱ་རཾ. ཨཱ་རཱ་མནྟི ན་ག་ར་ཏོ ནཱ་ཏི་དཱུ་ར་ཨཱ་རཱ་མོ་ཏི ཨཱ་ཧ ‘‘ཨུ་པ་ཝ་ན’’ནྟི. ཨུ་ཡྻཱ་ནནྟི ས་མྤ་ནྣ་པུ་པྥ་ཕ་ལ་ཏཱ་ཡ ཨུ་དྡྷཾ ཨུ་ལློ་ཀེ་ཏྭཱ མ་ནུ་སྶཱ ཡ་ནྟི ག་ཙྪ་ནྟི ཨེ་ཏྠཱ་ཏི ཨུ་ཡྻཱ་ནཾ. པོ་ཀྑ་ར་ཎིནྟི པོ་ཀྑ་རཾ པ་དུ་མཾ ནེ་ཏཱི་ཏི པོ་ཀྑ་ར་ཎཱི. པ་ཉྩ་པཱིཏི རཱ་ཛཱ་གཱ་རཱ་དཱི་ནི པ་ཉྩ་པི. ས་བྦ་ཏྠཱཏི ད་སྶ་ན་ཏྠཱ་ཡ ག་མ་ནེ ཙ ག་ནྟྭཱ པ་སྶ་ནེ ཙཱ་ཏི ས་བྦེ་སུ.

༩༨༡. ‘‘ཨ་ཛ྄ཛྷཱ་རཱ་མེ’’ཏི་ཨཱ་དི་ནཱ ཨཱ་རཱ་མེ ཋི་ཏཱ་ཡ ཨཱ་རཱ་མ་ཏོ བ་ཧི ཀ་ཏེ རཱ་ཛཱ་གཱ་རཱ་དི་ཀེ པ་སྶ་ནྟི་ཡཱ་པི ཨ་ནཱ་པ་ཏྟཱི་ཏི ད་སྶེ་ཏི. ཏཱ་ནཱིཏི རཱ་ཛཱ་གཱ་རཱ་དཱི་ནཱི་ཏི. པ་ཋ་མཾ.