༨. ཨ་ཊྛ་མ་སི་ཀྑཱ་པ་དཾ

༨༢༤. ཨ་ཊྛ་མེ ནི་བྦི་ཊྛ་རཱ་ཛ་བྷ་ཊོཏི ཨེ་ཏྠ ཨུ་ཏྟ་ར་པ་ད་སྶ ཚ་ཊྛཱི་ས་མཱ་ས་ཉྩ པུ་བྦ་པ་དེ་ན བཱ་ཧི་ར་ཏྠ་ས་མཱ་ས་ཉྩ ད་སྶེ་ནྟོ ཨཱ་ཧ ‘‘ནི་བྦི་ཊྛོ’’ཏི་ཨཱ་དི. ཏ་ཏྠ ‘‘ར་ཉྙོ བྷ་ཏཱི’’ཏི ཨི་མི་ནཱ ར་ཉྙོ བྷ་ཊོ རཱ་ཛ་བྷ་ཊོཏི ཚ་ཊྛཱི་ས་མཱ་སཾ ད་སྶེ་ཏི, ‘‘ཨེ་ཏེ་ནཱ’’ཏི ཨི་མི་ནཱ བཱ་ཧི་ར་ཏྠ་ས་མཱ་སཾ. ནི་བྦི་ཊྛོཏི ནི་ཝི་ཊྛོ པ་ཏི་ཊྛཱ་པི་ཏོ་ཏི ཨ་ཏྠོ. ཀེ་ཎཱིཏི ར་ཉྙོ དཱ་ཏ་བྦ་སྶ ཨཱ་ཡ་སྶེ་ཏ་མ་དྷི་ཝ་ཙ་ནཾ. ཨེ་ཏེ་ནཱཏི བྲཱ་ཧྨ་ཎེ་ན. ཏ་ཏོཏི ཋཱ་ན་ནྟ་ར་ཏོ. བྷ་ཊ་ས་ངྑཱ་ཏཱ་ཡ ཀེ་ཎི་ཡཱ པ་ཐ་ཏྟཱ ཀཱ་ར་ཎ་ཏྟཱ ཋཱ་ན་ནྟ་རཾ བྷ་ཊ་པ་ཐནྟི ཨཱ་ཧ ‘‘ཏཾ་ཡེ་ཝ ཋཱ་ན་ནྟ་ར’’ནྟི.

༨༢༦. ཙ་ཏྟཱ་རི་པི ཝ་ཏྠཱུ་ནཱིཏི ཨུ་ཙྩཱ་རཱ་དཱི་ནི. པཱ་ཊེ་ཀྐནྟི པ་ཊི་ཝི་སུཾ ཨེ་ཀེ་ཀ་མེ་ཝ. ཨུ་ཙྩཱ་རཾ ཝཱཏི་ཨཱ་དཱི་སུ ཝཱ་ས་དྡེ་ན ད་ནྟ་ཀ་ཊྛཱ་ད་ཡོ་པི ག་ཧེ་ཏ་བྦཱ་ཏི ཨཱ་ཧ ‘‘ད་ནྟ་ཀ་ཊྛ…པེ… པཱ་ཙི་ཏྟི་ཡ་མེ་ཝཱ’’ཏི. ས་བྦ་ཏྠཱཏི ས་བྦེ་སུ ཨུ་ཙྩཱ་རཱ་དཱི་སཱུ་ཏི. ཨ་ཊྛ་མཾ.