༥. པ་ཉྩ་མ་སི་ཀྑཱ་པ་དཾ
༨༡༠. པ་ཉྩ་མེ ‘‘ཨ་ཏི་ག་མྦྷཱི་ར’’ནྟི་པ་དཾ ཀི་རི་ཡཱ་ཝི་སེ་ས་ན་ནྟི ཨཱ་ཧ ‘‘ཨ་ཏི་ཨ་ནྟོ པ་ཝེ་སེ་ཏྭཱ’’ཏི. ‘‘ཨུ་ད་ཀེ་ན དྷོ་ཝ་ནཾ ཀུ་རུ་མཱ་ནཱ’’ཏི ཨི་མི་ནཱ ‘‘ཨུ་ད་ཀ་སུ་དྡྷི་ཀ’’ནྟི་པ་ད་སྶ ཨུ་ད་ཀེ་ན སུ་དྡྷི་ཡཱ ཀ་ར་ཎ་ནྟི ཨ་ཏྠཾ ད་སྶེ་ཏི.
༨༡༢. དྭ་ངྒུ་ལ་པ་བྦ་པ་ར་མནྟི ཨེ་ཏྠ དྭེ ཨ་ངྒུ་ལཱ་ནི ཙ དྭེ པ་བྦཱ་ནི ཙ དྭ་ངྒུ་ལ་པ་བྦཾ, ཨུ་ཏྟ་ར་པ་དེ པུ་བྦ་པ་ད་ལོ་པོ. དྭ་ངྒུ་ལ་པ་བྦཾ པ་ར་མཾ པ་མཱ་ཎཾ ཨེ་ཏ་སྶ ཨུ་ད་ཀ་སུ་དྡྷི་ཀ་སྶཱ་ཏི དྭ་ངྒུ་ལ་པ་བྦ་པ་ར་མཾ. ཝི་ཏྠཱ་ར་ཏོ དྭ་ངྒུ་ལ་པ་ར་མཾ, ག་མྦྷཱི་ར་ཏོ དྭི་པ་བྦ་པ་ར་མ་ནྟི ཝུ་ཏྟཾ ཧོ་ཏི. ཏེ་ནཱ་ཧ ‘‘ཝི་ཏྠཱ་ར་ཏོ’’ཏི་ཨཱ་དི. ཨ་ངྒུ་ལཾ པ་ཝེ་སེ་ནྟི་ཡཱ་ཏི ས་མྦ་ནྡྷོ. ཧཱིཏི ས་ཙྩཾ. ‘‘ཙ་ཏུ་ནྣཾ ཝཱ’’ཏི ཨི་དཾ ཨུ་ཀྐ་ཊྛ་ཝ་སེ་ན ཝུ་ཏྟཾ, ཏི་ཎྞ་མྤི པ་བྦཾ ན ཝ་ཊྚ་ཏི, ཙ་ཏུ་ནྣཾ པ་ན པ་གེ་ཝཱ་ཏི ཨ་ཏྠོ་ཏི. པ་ཉྩ་མཾ.