༤. ཙ་ཏུ་ཏྠ་ནི་སྶ་གྒི་ཡ་པཱ་ཙི་ཏྟི་ཡ་སི་ཀྑཱ་པ་དཾ

༧༤༨. ཙ་ཏུ་ཏྠེ ཀི་ཎཱ་ཏི ཨ་ནེ་ནཱ་ཏི ཀ་ཡནྟི ཝ་ཙ་ན་ཏྠེ་ན མཱུ་ལཾ ཀ་ཡཾ ནཱ་མཱ་ཏི ཨཱ་ཧ ‘‘མཱུ་ལེ་ནཱ’’ཏི. སཱཏི ཐུ་ལླ་ན་ནྡཱ, ཨཱ་ཧ ཀི་རཱ་ཏི ས་མྦ་ནྡྷོ. ཉཱ་དྷཱ་ཏུ་ཡཱ ཨ་ཝ་བོ་དྷ་ན་ཏྠ་ཏོ ཨ་ཉྙ་མྤི ཉཱདྷཱ་ཏུ་ཡཱ ཡཱ་ཙ་ན་ཏྠཾ ད་སྶེ་ནྟོ ཨཱ་ཧ ‘‘ཡཱ་ཙི་ཏྭཱ ཝཱ’’ཏི.

༧༥༢. ཡནྟི ས་བྦི་ཏེ་ལཱ་དི. ཏ་ཉྙེ་ཝཱཏི ས་བྦི་ཏེ་ལཱ་དི་མེ་ཝ. ཡ་མ་ཀནྟི ས་བྦིཾ ས་ཧ ཏེ་ལེ་ན ཡུ་ག་ལ༹ཾ ཀ་ཏྭཱ. ཝེ་ཛྫེ་ནཱཏི བྷི་ས་ཀྐེ་ན. སོ ཧི ཨཱ་ཡུ་བྦེ་ད་ས་ངྑཱ་ཏཾ ཝི་ཛྫཾ ཛཱ་ནཱ་ཏཱི་ཏི ཝེ་ཛྫོཏི ཙ རོ་ག་ཉྩ ཏ་སྶ ནི་དཱ་ན་ཉྩ བྷེ་ས་ཛྫ་ཉྩ ཝི་ད་ཏི ཛཱ་ནཱ་ཏཱི་ཏི་པི ཝེ་ཛྫོཏི ཙ ཝུ་ཙྩ་ཏི. ཏ་ཏོཏི ཝེ་ཛྫེ་ན ཝུ་ཏྟ་ཀཱ་ར་ཎཱ. ཀ་ཧཱ་པ་ཎ་སྶཱཏི ཀ་ཧཱ་པ་ཎེ་ན, ཨཱ་བྷ་ཏ་ནྟི ས་མྦ་ནྡྷོ་ཏི. ཙ་ཏུ་ཏྠཾ.