༡༡. ཨེ་ཀཱ་ད་ས་མ་ནི་སྶ་གྒི་ཡ་པཱ་ཙི་ཏྟི་ཡ་སི་ཀྑཱ་པ་དཾ

༧༨༤. ཨེ་ཀཱ་ད་ས་མེ ག་རུ་པཱ་ཝུ་ར་ཎཾ ནཱ་མ སཱི་ཏ་ཀཱ་ལེ པཱ་ཝུ་ར་ཎ་ཝ་ཏྠ་ནྟི ད་སྶེ་ནྟོ ཨཱ་ཧ ‘‘སཱི་ཏ་ཀཱ་ལེ པཱ་ཝུ་ར་ཎ’’ནྟི. སཱི་ཏ་ཀཱ་ལེ ཧི མ་ནུ་སྶཱ ཐཱུ་ལ་པཱ་ཝུ་ར་ཎཾ པཱ་རུ་པ་ནྟི. ‘‘ཙ་ཏུ་ཀྐཾ་ས་པ་ར་མ’’ནྟི ཨེ་ཏྠ ཀཾ་སས་དྡོ བྷུ་ཉྫ་ན་པ་ཏྟེ ཙ སུ་ཝ་ཎྞཱ་དི་ལོ་ཧ་ཝི་སེ་སེ ཙ ཙ་ཏུ་ཀ་ཧཱ་པ་ཎེ ཙཱ་ཏི ཏཱི་སུ ཨ་ཏྠེ་སུ དི་སྶ་ཏི, ཨི་དྷ པ་ན ཙ་ཏུ་ཀ་ཧཱ་པ་ཎེ ཝ་ཏྟ་ཏཱི་ཏི ད་སྶེ་ནྟོ ཨཱ་ཧ ‘‘ཀཾ་སོ ནཱ་མ ཙ་ཏུ་ཀྐ་ཧཱ་པ་ཎི་ཀོ ཧོ་ཏཱི’’ཏི. ཙ་ཏུ་ཀྐཾ་ས་ས་ངྑཱ་ཏཾ པ་ར་མཾ ཨི་མ་སྶཱ་ཏི ཙ་ཏུ་ཀྐཾ་ས་པ་ར་མཾ, སོ་ལ༹་ས་ཀ་ཧཱ་པ་ཎ་གྒྷ་ན་ཀཾ པཱ་ཝུ་ར་ཎ་ནྟི ཨ་ཏྠོ་ཏི. ཨེ་ཀཱ་ད་ས་མཾ.