༡. པ་ཋ་མ་ནི་སྶ་གྒི་ཡ་པཱ་ཙི་ཏྟི་ཡ་སི་ཀྑཱ་པ་ད-ཨ་ཏྠ་ཡོ་ཛ་ནཱ

ཏིཾ་ས ནི་སྶ་གྒི་ཡཱ ཡེ དྷ་མྨཱ བྷི་ཀྑུ་ནཱི་ནཾ བྷ་ག་ཝ་ཏཱ པ་ཀཱ་སི་ཏཱ, ཏེ་སཾ དྷ་མྨཱ་ནཾ དཱ་ནི ཨི་མ་སྨིཾ ཀཱ་ལེ ཨ་ཡཾ སཾ་ཝ་ཎྞ་ནཱ་ཀྐ་མོ བྷ་ཝ་ཏཱི་ཏི ཡོ་ཛ་ནཱ.

༧༣༣. པ་ཋ་མེ ཨཱ་མ་ཏྟི་ཀཱ་པ་ཎནྟི ཨེ་ཏྠ ཨཱ་མ་ཏྟ་ས་དྡོ བྷཱ་ཛ་ན་པ་རི་ཡཱ་ཡོ་ཏི ཨཱ་ཧ ‘‘བྷཱ་ཛ་ནཱ་ནཱི’’ཏི. བྷཱ་ཛ་ནཱ་ནི ཧི ཨ་མ་ནྟི པ་རི་བྷུ་ཉྫི་ཏ་བྦ་བྷཱ་ཝཾ ག་ཙྪ་ནྟཱི་ཏི ‘‘ཨ་མ་ཏྟཱ་ནཱི’’ཏི ཝུ་ཙྩ་ནྟི. ཨ་མ་ཏྟཱ་ནི ཝི་ཀྐི་ཎ་ནྟཱི་ཏི ‘‘ཨཱ་མ་ཏྟི་ཀཱ’’ཏི ཝ་ཙ་ན་ཏྠཾ ད་སྶེ་ནྟོ ཨཱ་ཧ ‘‘ཏཱ་ནཱི’’ཏི་ཨཱ་དི. ཏེ་སནྟི ཨཱ་མ་ཏྟི་ཀཱ་ནཾ. ཏཾ ཝཱཏི ཨཱ་མ་ཏྟི་ཀཱ་པ་ཎཾ ཝཱ.

༧༣༤. ‘‘ས་ནྣི་དྷི’’ནྟི ཨི་མི་ནཱ སཾ་ནི་པུ་བྦོ ཙི་ས་དྡོ ཨུ་ཙི་ན་ན་ཏྠོ་ཏི ད་སྶེ་ཏི. ཧིས་དྡོ ཝི་སེ་ས་ཛོ་ཏ་ཀོ. ཏ་ཏྠཱཏི མ་ཧཱ་ཝི་བྷ་ངྒེ. ཨི་དྷཱཏི བྷི་ཀྑུ་ནི་ཝི་བྷ་ངྒེ.

ཨི་ད་མྤཱིཏི ཨི་དཾ སི་ཀྑཱ་པ་ད་མྤི. པི་ས་དྡོ མ་ཧཱ་ཝི་བྷ་ངྒ་སི་ཀྑཱ་པ་དཾ ཨ་པེ་ཀྑ་ཏཱི་ཏི. པ་ཋ་མཾ.