༧. ག་བྦྷི་ནི་ཝ་གྒོ
༡. པ་ཋ་མ་སི་ཀྑཱ་པ་ད-ཨ་ཏྠ་ཡོ་ཛ་ནཱ
༡༠༦༩. ག་བྦྷི་ནི་ཝ་གྒ་སྶ པ་ཋ་མེ ཀུ་ཙྪིཾ པ་ཝི་ཊྛོ ས་ཏྟོ ཨེ་ཏི་སྶཱ ཨ་ཏྠཱི་ཏི ཀུ་ཙྪི་པ་ཝི་ཊྛ་ས་ཏྟཱ. ‘‘ཀུ་ཙྪི’’ནྟི་པི པཱ་ཋོ. ཨི་མི་ནཱ ག་བྦྷི་ནཱིཏི ཨེ་ཏྠ ག་བྦྷ་ས་དྡོ ཀུ་ཙྪི་ཊྛ་ས་ཏྟ་ཝཱ་ཙ་ཀོ་ཏི ད་སྶེ་ཏི. ག་བྦྷ་ས་དྡོ (ཨ་བྷི་དྷཱ་ན་པྤ་དཱི་པི་ཀཱ་ཡཾ ༩༤༤ གཱ་ཐཱ་ཡཾ) ཧི ཀུ་ཙྪི་ཊྛ་ས་ཏྟེ ཙ ཀུ་ཙྪི་མྷི ཙ ཨོ་ཝ་ར་ཀེ ཙ ཝ་ཏྟ་ཏཱི་ཏི. པ་ཋ་མཾ.
༢. དུ་ཏི་ཡ་སི་ཀྑཱ་པ་དཾ
༡༠༧༣. དུ་ཏི་ཡེ ཐ་ཉྙཾ པི་ཝ་ཏཱི་ཏི པཱ་ཡ་ནྟོ, དཱ་ར་ཀོ, སོ ཨེ་ཏི་སྶཱ ཨ་ཏྠཱི་ཏི པཱ་ཡ་ནྟཱིཏི ད་སྶེ་ནྟོ ཨཱ་ཧ ‘‘ཐ་ཉྙཾ པཱ་ཡ་མཱ་ནི’’ནྟི. དུ་ཏི་ཡཾ.
༣. ཏ་ཏི་ཡ་སི་ཀྑཱ་པ་དཾ
༡༠༧༧. ཏ་ཏི་ཡེ ནི་ཏྠ་རི་སྶ་ཏཱིཏི ཝ་ཊྚ་དུ་ཀྑ་ཏོ ནི་ཏྠ་རི་སྶ་ཏི.
༡༠༧༩. པཱ་ཎཱ་ཏི་པཱ་ཏཱ ཝེ་ར་མ་ཎིནྟི ཨེ་ཏྠ པཱ་ཎཱ་ཏི་པཱ་ཏཱ ཝི་ར་མ་ཏི ཨི་མཱ་ཡཱ་ཏི ཝེ་ར་མ་ཎཱིཏི ཨ་ཏྠེ་ན སི་ཀྑཱ་པ་དཾ ཝེ་ར་མ་ཎི ནཱ་མཱ་ཏི ཨཱ་ཧ ‘‘པཱ་ཎཱ་ཏི་པཱ་ཏཱ ཝེ་ར་མ་ཎི་སི་ཀྑཱ་པ་ད’’ནྟི. ཡཾ ཏཾ སི་ཀྑཱ་པ་ད་ནྟི ས་མྦ་ནྡྷོ. ས་བྦ་ཏྠཱཏི ‘‘ཨ་དི་ནྣཱ་དཱ་ནཱ ཝེ་ར་མ་ཎི’’ནྟི་ཨཱ་དཱི་སུ ས་བྦེ་སུ ཝཱ་ཀྱེ་སུ. པ་བྦ་ཛི་ཏཱ་ཡ སཱ་མ་ཎེ་རི་ཡཱ་ཏི ས་མྦ་ནྡྷོ. ཨེ་ཏཱ་སཱུཏི ཚ་སུ སི་ཀྑཱ་སཱུ་ཏི. ཏ་ཏི་ཡཾ.
༤. ཙ་ཏུ་ཏྠ་སི་ཀྑཱ་པ་དཾ
༡༠༨༤. ཙ་ཏུ་ཏྠེ ‘‘ཝུ་ཊྛཱ་ན་ས་མྨུ་ཏཱི’’ཏི པ་དཾ ‘‘ཧོ་ཏཱི’’ཏི པ་དེ ཀ་ཏྟཱ, ‘‘དཱ་ཏ་བྦཱ་ཡེ་ཝཱ’’ཏི པ་དེ ཀ་མྨ་ནྟི. ཙ་ཏུ་ཏྠཾ.
༥-༩. པ་ཉྩ་མཱ་དི་སི་ཀྑཱ་པ་དཾ
༡༠༩༥. པ་ཉྩ་མཱ་དཱི་སུ ན་ཝ་མ་པ་རི་ཡོ་སཱ་ནེ་སུ སི་ཀྑཱ་པ་དེ་སུ ཨ་ནུ་ཏྟཱ་ན་ཊྛཱ་ནཾ ན་ཏྠཱི་ཏི. པ་ཉྩ་མ་ཚ་ཊྛ་ས་ཏྟ་མ་ཊྛ་མ་ན་ཝ་མཱ་ནི.
༡༠. ད་ས་མ་སི་ཀྑཱ་པ་དཾ
༡༡༡༦. ད་ས་མེ ཝཱུ་པ་ཀཱ་སེ་ཡྻཱཏི ཨེ་ཏྠ ཀཱ་ས་དྷཱ་ཏུ་ཡཱ ག་ཏྱ་ཏྠཾ ད་སྶེ་ནྟོ ཨཱ་ཧ ‘‘ག་ཙྪེ་ཡྻཱ’’ཏི. ད་ས་མཾ.
ག་བྦྷི་ནི་ཝ་གྒོ ས་ཏྟ་མོ.