༧. ནི་སཱི་ད་ན་སི་ཀྑཱ་པ་དཾ

༥༣༡. ས་ཏྟ་མེ ཀ་ཏྠཱཏི ཀི་སྨིཾ ཁ་ནྡྷ་ཀེ, ཀི་སྨིཾ ཝ་ཏྠུ་སྨིཾ ཝཱ. ཧཱིཏི ས་ཙྩཾ. ཏ་ཏྠཱཏི ཙཱི་ཝ་ར་ཀྑ་ནྡྷ་ཀེ, པ་ཎཱི་ཏ་བྷོ་ཛ་ན་ཝ་ཏྠུ་སྨིཾ ཝཱ. ‘‘ཡ་ཐཱ ནཱ་མཱ’’ཏི ཨི་མི་ནཱ ‘‘སེ་ཡྻ་ཐཱ་པཱི’’ཏི པ་ད་སྶ ཨ་ཏྠཾ ད་སྶེ་ཏི, ‘‘པུ་རཱ་ཎོ ཙ་མྨ་ཀཱ་རོ’’ཏི ཨི་མི་ནཱ ‘‘པུ་རཱ་ཎཱ་སི་ཀོ་ཊྛོ’’ཏི པ་ད་སྶ. ཙ་མྨ་ཀཱ་རོ ཧི ཨ་སི་ནཱ ཙ་མྨཾ ཀུ་ཊ་ཏི ཚི་ནྡ་ཏཱི་ཏི ‘‘ཨ་སི་ཀོ་ཊྛོ’’ཏི ཝུ་ཙྩ་ཏི. ཝ་ཏྠུ་པྤ་ནྣ་ཀཱ་ལ་མུ་པ་ནི་དྷཱ་ཡ ཝུ་ཏྟཾ ‘‘པུ་རཱ་ཎོ’’ཏི. ཏ་མེ་ཝཱུ་པ་མཾ པཱ་ཀ་ཊཾ ཀ་རོ་ནྟོ ཨཱ་ཧ ‘‘ཡ་ཐཱ ཧཱི’’ཏི. ཧཱིཏི ཏ་པྤཱ་ཀ་ཊཱི་ཀ་ར་ཎཾ, ཏཾ པཱ་ཀ་ཊཾ ཀ་རི་སྶཱ་མཱི་ཏི ཧི ཨ་ཏྠོ. ཙ་མྨ་ཀཱ་རོ ཀ་ཌྜྷ་ཏཱི་ཏི ས་མྦ་ནྡྷོ. ཝི་ཏྠ་ཏནྟི ཝི་སཱ་ལཾ. སོ་པཱིཏི ཨུ་དཱ་ཡཱི་པི. ཏཾ ནི་སཱི་ད་ནཾ ཀ་ཌྜྷ་ཏཱི་ཏི ཡོ་ཛ་ནཱ. ཏེ་ནཱཏི ཀ་ཌྜྷ་ན་ཧེ་ཏུ་ནཱ. ཏནྟི ཨུ་དཱ་ཡིཾ. ས་ནྠ་ཏ་ས་དི་སནྟི ས་ནྠ་ཏེ་ན ས་དི་སཾ. ཨེ་ཀ་སྨིཾ ཨ་ནྟེཏི ཨེ་ཀ་སྨིཾ ཀོ་ཊྛཱ་སེ, ཕཱ་ལེ་ཏྭཱ་ཏི ས་མྦ་ནྡྷོ་ཏི. ས་ཏྟ་མཾ.