༣. ཝི་ཀཱ་ལ་གཱ་མ་པྤ་ཝི་ས་ན་སི་ཀྑཱ་པ་དཾ

༥༠༨. ཏ་ཏི་ཡེ ‘‘ཏི་ར་ཙྪཱ་ན་བྷཱུ་ཏཾ ཀ་ཐ’’ནྟི ཨི་མི་ནཱ ‘‘ཏི་ར་ཙྪཱ་ན་ཀ་ཐ’’ནྟི པ་ད་སྶ ཏུ་ལྱ་ནི་སྶི་ཏ་ས་མཱ་སཾ ད་སྶེ་ཏི. རཱ་ཛ་པ་ཊི་སཾ་ཡུ་ཏྟནྟི རཱ་ཛཱུ་ཧི པ་ཊི་སཾ་ཡུ་ཏྟཾ.

༥༡༢. ས་མྦ་ཧུ་ལཱ བྷི་ཀྑཱུ་ཏི ས་མྦ་ནྡྷོ. ཏ་སྨིཾ གཱ་མེཏི ཏ་སྨིཾ པ་ཋ་མ་པ་ཝི་ས་ན་གཱ་མེ. ཏཾ ཀ་མྨནྟི ཏཾ ཨི་ཙྪི་ཏ་ཀ་མྨཾ. ཨ་ནྟ་རཱཏི གཱ་མ་ཝི་ཧཱ་རཱ་ན་མ་ནྟ་རེ. བྷུ་མྨ་ཏྠེ ཙེ་ཏཾ ནི་སྶ་ཀྐ་ཝ་ཙ་ནཾ.

ཀུ་ལ་གྷ་རེ ཝཱཏི ཉཱ་ཏི་ཀུ་ལ་ཨུ་པ་ཊྛཱ་ཀ་ཀུ་ལ་གྷ་རེ ཝཱ. ཏེ་ལ་བྷི་ཀྑཱ་ཡ ཝཱཏི ཏེ་ལ་ཡཱ་ཙ་ན་ཏྠཱ་ཡ ཝཱ. པ་སྶེཏི ཨ་ཏྟ་ནོ པ་སྶེ ས་མཱི་པེ་ཏི ཝུ་ཏྟཾ ཧོ་ཏི. ཏེ་ནཱཏི གཱ་མ་མ་ཛ྄ཛྷ་མ་གྒེ་ན. ཨ་ནོ་ཀྐ་མྨཱཏི ཨ་ནོ་ཀྐ་མི་ཏྭཱ, ཨ་པ་ཀྐ་མི་ཏྭཱ་ཏི ཨ་ཏྠོ་ཏི. ཏ་ཏི་ཡཾ.