༨. ཨུ་པ་སྶུ་ཏི་སི་ཀྑཱ་པ་དཾ

༤༧༡. ཨ་ཊྛ་མེ ‘‘ཨ་དྷི་ཀ་ར་ཎ་ཛཱ་ཏཱ་ན’’ནྟི ཨེ་ཏྠ ཨ་དྷི་ཀ་ར་ཎ་སྶ པ་ཀ་ར་ཎ་ཏོ ཝི་ཝཱ་དཱ་དྷི་ཀ་ར་ཎ་བྷཱ་ཝ་ཉྩ ཝི་སེ་ས་ན་པ་ར་པ་ད་བྷཱ་ཝ་ཉྩ ད་སྶེ་ནྟོ ཨཱ་ཧ ‘‘ཨུ་པྤ་ནྣ་ཝི་ཝཱ་དཱ་དྷི་ཀ་ར་ཎཱ་ན’’ནྟི. ཏ་ཏྠ ཨུ་པྤ་ནྣ་ས་དྡེ་ན ཛཱ་ཏ་ས་དྡ་སྶ་ཏྠཾ ད་སྶེ་ཏི. ཝི་ཝཱ་ད་ས་དྡེ་ན ཨ་དྷི་ཀ་ར་ཎ་སྶ ས་རཱུ་པཾ ད་སྶེ་ཏི. སུ་ཡྻ་ཏཱི་ཏི སུ་ཏི ཝ་ཙ་ནཾ, སུ་ཏི་ཡཱ ས་མཱི་པཾ ཨུ་པ་སྶུ་ཏི ཋཱ་ན་ནྟི ཨ་ཏྠཾ ད་སྶེ་ཏུཾ ཝུ་ཏྟཾ ‘‘སུ་ཏི་ས་མཱི་པ’’ནྟི. ‘‘ས་མཱི་པ’’ནྟི ཨི་མི་ནཱ ཨུ་པ་ས་དྡ་སྶ་ཏྠཾ ད་སྶེ་ཏི. ‘‘ཡ་ཏྠཱ’’ཏི་ཨཱ་དི་ནཱ ‘‘ཨུ་པ་སྶུ་ཏཱི’’ཏི ཨེ་ཏྠ ཨུ་པ་ས་དྡ་སྶ པ་དྷཱ་ན་ཏྟཱ ཏ་སྶ ས་རཱུ་པཾ ད་སྶེ་ཏི. ཡ་ཏྠཱཏི ཡ་སྨིཾ ཋཱ་ནེ. མ་ནྟེ་ནྟནྟི ཨེ་ཏྠ ཨུ་པ་ཡོ་ག་ཝ་ཙ་ན་སྶ བྷུ་མྨ་ཏྠེ ཨ་དྷི་པྤེ་ཏ་ཏྟཱ ཝུ་ཏྟཾ ‘‘མ་ནྟ་ཡ་མཱ་ནེ’’ཏི.

༤༧༣. ‘‘ཝཱུ་པ་ས་མི་སྶཱ་མཱི’’ཏི ཨེ་ཏྠ ཨི་དྷཱ་ཏུ་ཡཱ ག་ཏྱ་ཏྠཾ ད་སྶེ་ཏུཾ ཝུ་ཏྟཾ ‘‘ཝཱུ་པ་ས་མཾ ག་མི་སྶཱ་མཱི’’ཏི. ཨ་ཀཱ་ར་ཀ་བྷཱ་ཝནྟི ནི་དྡོ་ས་བྷཱ་ཝཾ. སོ་ཏུ་ཀཱ་མ་ཏཱ་ཡ ག་མ་ན་ཝ་སེ་ན སི་ཡཱ ཀི་རི་ཡ་ནྟི ཡོ་ཛ་ནཱ. པ་ར་ཏོ་པི ཨེ་སེ་ཝ ན་ཡོ་ཏི. ཨ་ཊྛ་མཾ.