༥. ཏ་ལ་ས་ཏྟི་ཀ་སི་ཀྑཱ་པ་དཾ

༤༥༤. པ་ཉྩ་མེ ཏ་ལནྟི ཧ་ཏྠ་ཏ་ལཾ. ཏ་ཉྷི ཏ་ལ་ཏི ཡཾ་ཀི་ཉྩི ག་ཧི་ཏ་ཝ་ཏྠུ པ་ཏི་ཊྛཱ་ཏི ཨེ་ཏྠཱ་ཏི ‘‘ཏ་ལ’’ནྟི ཝུ་ཙྩ་ཏི. ས་ཏྟཱིཏི ཀུ་ནྟོ. སོ ཧི ས་ཀ་ཏི ཝི་ཛ྄ཛྷི་ཏུཾ ས་མ་ཏྠེ་ཏཱི་ཏི ‘‘ས་ཏྟཱི’’ཏི ཝུ་ཙྩ་ཏི. ཏ་ལ་མེ་ཝ ས་ཏྟི་ས་དི་ས་ཏྟཱ ཏ་ལ་ས་ཏྟི་ཀཾ, ས་དི་ས་ཏྠེ ཀོ, ཏཾ ཏ་ལ་ས་ཏྟི་ཀཾ ཨུ་པ་ཙཱ་རེ་ན ག་ཧེ་ཏྭཱ ‘‘ཀཱ་ཡ་མྤཱི’’ཏི ཝུ་ཏྟཾ. ཀཱ་ཡ་ཏོ ཨ་ཉྙཾ ཝ་ཏྠུ་མྤི ཏ་ལ་ས་ཏྟི་ཀ་ས་ངྑཱ་ཏེ་ན ཀཱ་ཡེ་ན ག་ཧེ་ཏྭཱ ཨུ་གྒི་ར་ཏྟཱ ཝུ་ཏྟཾ ‘‘ཀཱ་ཡ་པ་ཊི་བ་དྡྷ་མྤཱི’’ཏི. ‘‘པ་ཧཱ་ར་ས་མུ་ཙྩི་ཏཱ’’ཏི ཨེ་ཏྠ སཾ་པུ་བྦོ ཙ ཨུ་པུ་བྦོ ཙ ཙི་ས་དྡོ པ་གུ་ཎ་ན་ས་ངྑཱ་ཏེ པ་རི་ཙི་ཏེ ཝ་ཏྟ་ཏཱི་ཏི ཨཱ་ཧ ‘‘པ་ཧཱ་ར་པ་རི་ཙི་ཏཱ’’ཏི. པ་ཧཱ་རེ་ན སཾ པུ་ན་པྤུ་ནཾ ཨུ་ཙྩི་ཏཱ པ་རི་ཙི་ཏཱ་ཏི ཨ་ཏྠོ. ཨི་མ་མེ་ཝ་ཏྠཾ ས་ནྡྷཱ་ཡ ཝུ་ཏྟཾ ‘‘པུ་བྦེ་པི…པེ… ཨ་ཏྠོ’’ཏི. ཨ་ཉྙ་མྤི ས་ཛ྄ཛྷཱ་ཡ་ན་ན་ཡཾ ད་སྶེ་ཏུཾ ཝུ་ཏྟཾ ‘‘པ་ཧཱ་ར་སྶ ཨུ་བྦི་གཱ’’ཏི. ཏ་སྶཱཏི ཏ་སྶ པཱ་ཋ་སྶ. པ་ཧཱ་ར་སྶཱཏི པ་ཧཱ་ར་ཏོ. ནི་སྶ་ཀྐ་ཏྠེ ཙེ་ཏཾ སཱ་མི་ཝ་ཙ་ནཾ. ‘‘བྷཱི་ཏཱ’’ཏི ཨི་མི་ནཱ ‘‘ཨུ་བྦི་གཱ’’ཏི ཨེ་ཏྠ ཨུ་པུ་བྦ ཝི་ཛ་དྷཱ་ཏུ་སྶ་ཏྠཾ ད་སྶེ་ཏི.

༤༥༧-༨. ཝི་ར་དྡྷོཏི པ་ཎྞ་ཀོ ཧུ་ཏྭཱ. པུ་བྦེཏི པུ་རི་མ་སི་ཀྑཱ་པ་དེ. ཝུ་ཏྟེ་སུ ཝ་ཏྠཱུ་སཱུཏི ‘‘ཙོ་རཾ ཝཱ པ་ཙྩ་ཏྠཱི་ཀཾ ཝཱ’’ཏི་ཨཱ་དི་ནཱ ཝུ་ཏྟེ་སུ ཝ་ཏྠཱུ་སཱུ་ཏི. པ་ཉྩ་མཾ.