༢༤. ཨ་ཉྫ་ནཱི་ནི་དྡེ་ས་ཝ་ཎྞ་ནཱ

༡༨༢. ཝ་ཊྚཱ ཝཱ ཨ་ཊྛ་སོ་ལ༹་སཾ་སཱ ཝཱ མ་ཊྛཱ ཨ་ཉྫ་ནཱི ཝ་ཊྚ་ཏཱི་ཏི ཡོ་ཛ་ནཱ. ཨ་ཊྛ ཙ སོ་ལ༹་ས ཙ ཨཾ་སཱ ཀོ་ཎཱ ཡ་སྶཱ སཱ་ཏི ཝི་གྒ་ཧོ. སོ་ལ༹་སཾ་ས་པ་དེ་ས་ཝི་བྷ་ཏྟཱ་ཡ ཨ་ཊྛཾ་སཱ་སུ་ཏི་ཡཱ ཨ་ཊྛཾ་ས་པ་དེ་ས་ཝི་བྷ་ཏྟཱ ཙ་ཏུ་རཾ་སཱ་པི སཱ་མ་ཏྠི་ཡཱ ག་ཡ྄ཧ་ཏཱི་ཏི ཉཱ་ཏ་བྦཾ. ‘‘ཨུ་ཛུ་ཀ་མེ་ཝ པ་ན ཙ་ཏུ་རཾ་སཱ་ཝཱ’’ཏི ཧི ཨ་ཊྛ་ཀ་ཐཱ་ཡཾ (པཱ་རཱ. ཨ་ཊྛ. ༡.༨༥) ཝུ་ཏྟཾ. ཨ་ཉྫ་ནཱིཏི ཨ་ཉྫ་ན་ནཱ་ལི༹. མཱུ་ལེ ཏི་སྶོ་པི ལེ་ཁཱ ཝ་ཊྚ་ནྟཱི་ཏི ཡོ་ཛ་ནཱ. མཱུ་ལེཏི བུ་ནྡེ, ཧེ་ཊྛ་ཏོ་ཏི ཝུ་ཏྟཾ ཧོ་ཏི. ལེ་ཁཱཏི ཝ་ཊྚ་ལེ་ཁཱ. བ་ནྡྷི་ཏུཾ གཱི་ཝཱ་ཡཾ ཨེ་ཀཱ ཨེ་ཝ ལེ་ཁཱ ཝ་ཊྚ་ཏཱི་ཏི ས་མྦ་ནྡྷོ. བ་ནྡྷི་ཏུནྟི པི་དྷཱ་ན་བ་ནྡྷ་ན་ཏྠཾ.

༡༨༣. ཡཾ ཀི་ཉྩི རཱུ་པནྟི ཨི་ཏྠི་རཱུ་པཱ་དི ཡཾ ཀི་ཉྩི རཱུ་པཾ. མཱ་ལཱ་དི་ཀ་མྨནྟི མཱ་ལཱ་ཀ་མྨཾ ལ་ཏཱ་ཀ་མྨཾ. ཨ་ཌྜྷ་ཙ་ནྡཱ་དཱིཏི ཨེ་ཏྠ ཨཱ་དི-ས་དྡེ་ན ཨ་གྒྷི་ཡཱ་དི་ཀཾ ག་ཧི་ཏཾ. ཨེ་ཏྠཱཏི ཨ་ཉྫ་ནི་ཡཾ.

༡༨༤. ཐ་ཝི་ཀཱཏི ཨ་ཉྫ་ནི་ཐ་ཝི་ཀཱ. སི་པཱ་ཊཱིཏི ཁུ་ར་སི་པཱ་ཊི་ཀཱ. ས་ལཱ་ཀཱ་པི ཨ་ཙི་ཏྟ་ཀཱ ལ་བྦྷཱ་ཏི ས་མྦ་ནྡྷོ. ས་ལཱ་ཀཱཏི ཨ་ཉྫ་ནི་ས་ལཱ་ཀཱ. ན་ཏྠི ཙི་ཏྟ་མེ་ཏི་སྶཱ་ཏི ཨ་ཙི་ཏྟ་ཀཱ. ཏཱ་དི་སཾ པ་ན ལ་བྷི་ཏྭཱ ཨུ་པཱ་ཧ་ནཱ་ཡོ ཝི་ཡ ནཱ་སེ་ཏྭཱ པ་རི་བྷུ་ཉྫི་ཏ་བྦཾ.

༡༨༥. ཨ་ཊྛི-ས་དྡེ་ན མ་ནུ་སྶ་ཊྛིཾ ཋ་པེ་ཏྭཱ ཡཾ ཀི་ཉྩི ཨ་ཊྛི ག་ཧི་ཏཾ.

༡༨༦. དྷཱུ་མ་ནེ་ཏྟཱཏི དྷཱུ་མ་ནཱ་ལི༹་ཀཱ, ནི་སྶ ཨཱ-ཀཱ་རཱ་དེ་ས་ཝ་སེ་ན ཝུ་ཏྟཾ. ས་ཏྠ་ཀ་ད་ཎྜཱ་ནཱིཏི ས་ཏྠ་ད་ཎྜཱ. ན་ཏྠུཾ དེ་ནྟི ཨེ་ཏཱ་ཡཱ་ཏི ན་ཏྠུ་དཱ་ནཱ. ཨ་ནི་ཡ་མེ་ན ཧི ན་དཱ་དི་ཏོ ཝཱ ཨཱི. ཏེ་ཧི ས་ངྑ་ནཱ་བྷི་ཨཱ་དཱི་ཧི ནི་བྦ་ཏྟཱ ཏ་མྨ་ཡཱ.

ཨ་ཉྫ་ནཱི་ནི་དྡེ་ས་ཝ་ཎྞ་ནཱ ནི་ཊྛི་ཏཱ.