༣༣. ཀཱ་ཡ་བ་ནྡྷ་ན་ནི་དྡེ་ས་ཝ་ཎྞ་ནཱ
༢༣༥. ཨ་ཀཱ་ཡ་བ་ནྡྷ་ནོཏི ཀཱ་ཡ་བ་ནྡྷ་ནཾ ཨ་བ་ནྡྷི་ཏྭཱ་ཏི ཨ་ཏྠོ. ཏ་ཏོ པ་ཊྛཱ་ཡ ཙཱི་ཝ་རཾ པཱ་རུ་པི་ཏ་བྦཾ, ཏ་ཏོ པ་ཊྛཱ་ཡ ཨེ་ཝ ཀཱ་ཡ་བ་ནྡྷ་ནཾ བ་ནྡྷི་ཏ་བྦཾ. ‘‘ན བྷི་ཀྑ་ཝེ ཨ་ཀཱ་ཡ་བ་ནྡྷ་ནེ་ན གཱ་མོ པ་ཝི་སི་ཏ་བྦོ. ཡོ པ་ཝི་སེ་ཡྻ, ཨཱ་པ་ཏྟི དུ་ཀྐ་ཊ་སྶཱ’’ཏི (ཙཱུ་ལ༹་ཝ. ༢༧༨) ཧི ཝུ་ཏྟཾ. ཏ་ཏྠེ་ཝཱ་ས་ཏི་ཡཱ ག་ཏོཏི ཨ་ས་ཏི་ཡཱ ག་ཏོ ཡ་ཏྠ ས་ར་ཏི, ཏ་ཏྠེ་ཝ བ་ནྡྷི་ཏ་བྦཾ. ས་རི་ཏྭཱ པ་ན ཡཱ་ཝ ན བ་ནྡྷ་ཏི, ཏཱ་ཝ པི་ཎྜཱ་ཡ ཙ་རི་ཏུཾ ན ཝ་ཊྚ་ཏི. ཡ་དི ཨ་ནྟོ་གཱ་མེ ས་ར་ཏི, ཀཱ་ཡ་བ་ནྡྷ་ནེ ས་ཏི ཨེ་ཀ་མ་ནྟེ ཋ་ཏྭཱ བ་ནྡྷི་ཏ་བྦཾ, ཨ་ས་ཏི ཙེ ནི་ཀྑ་མི་ཏྭཱ བ་ནྡྷི་ཏྭཱ པུ་ན པི་ཎྜཱ་ཡ པ་ཝི་སི་ཏ་བྦ་ནྟི ཝ་ད་ནྟི.
༢༣༦. ‘‘ཨ་ནུ་ཛཱ་ནཱ་མི, བྷི་ཀྑ་ཝེ, དྭེ ཀཱ་ཡ་བ་ནྡྷ་ནཱ་ནི པ་ཊྚི་ཀཾ སཱུ་ཀ་ར་ནྟ་ཀ’’ནྟི (ཙཱུ་ལ༹་ཝ. ༢༧༨) ཝུ་ཏྟ་ཏྟཱ ‘‘དུ་ཝི་དྷ’’ནྟི ཝུ་ཏྟཾ. ཏ་ཏྠ སཱུ་ཀ་ར་ནྟཾ ནཱ་མ ཀུ་ཉྩི་ཀཱ་ཀོ་ས་ཀཱ ཝི་ཡ ཨ་ནྟེ སུ་སི་རཾ ཀ་ཏྭཱ ཀོ་ཊྚི་ཏཾ. ར་ཛྫུ ཙ ཨེ་ཀཱཏི ཨེ་ཀ་ཝ་ཊྚཱ ར་ཛྫུ ཙ. ཏ་ད་ནུ་ལོ་མི་ཀཱཏི ཏེ་སཾ དྭི་ནྣཾ ཨ་ནུ་ལོ་མི་ཀཱ.
༢༣༧. མ་ཙྪ་ཀ་ཎྜ་ཀ་ཁ་ཛྫུ་རཱི-པ་ཏྟཱ མ་ཊྛཱ ཙ པ་ཊྚི་ཀཱཏི ཨེ་ཏྠ (ཙཱུ་ལ༹་ཝ. ཨ་ཊྛ. ༢༧༨) ཨེ་ཏེ མ་ཙྪ་ཀ་ཎྚ་ཀཱ་ད་ཡོ མ་ཊྛཱ ཝི་ཀཱ་ར་ར་ཧི་ཏཱ པ་ཊྚི་ཀཱ ཙ ཏ་ད་ནྟོ་ག་དྷཱ་ཏི ཨ་དྷི་པྤཱ་ཡོ. ལ་བྦྷཱ ད་སཱ ཙ་ཏ་སྶོཏི ཨེ་ཀཱ་ཡ ཝཱ དྭཱི་སུ ཝཱ ཏཱི་སུ ཝཱ ཀ་ཐཱ ཨེ་ཝ ན་ཏྠཱི་ཏི ཨ་དྷི་པྤཱ་ཡོ, ཏ་ཏོ པ་རཾ ན ཝ་ཊྚ་ཏི. ཨ་ནྟེ་སཱུཏི ཨུ་བྷོ་སུ ཨ་ནྟེ་སུ. གུ་ཎ་སུ་ཏྟ་ཀནྟི དི་གུ་ཎ་སུ་ཏྟ་ཀཾ.
༢༣༩. མ་ཀ་ར་མུ་ཁཱ་དིནྟི ཨཱ་དི-ས་དྡེ་ན དེ་ཌྜུ་བྷ་སཱི་སཾ ག་ཧི་ཏཾ. ཨུ་བྷ་ནྟེཏི ཨུ་བྷོ་སུ ཨ་ནྟེ་སུ. ཀ་སྶཱ་ཏི? ཝི་དྷ་སྶ. གྷ་ཊ་ཀཱཏི གྷ་ཊ་ཀ་ཏོ. ལེ་ཁཱཏི ལེ་ཁཱ་ཡ. གྷ་ཊ་ཀ་ཏོ ཙ ལེ་ཁཱ་ཡ ཙ ཨ་ཉྙཾ ཙི་ཏྟ་ཀཾ ན ཀ་པྤ་ཏཱི་ཏི ཨ་ཏྠོ.
༢༤༠. དེ་ཌྜུ་བྷ་ཀནྟི (ཙཱུ་ལ༹་ཝ. ༢༧༨; ཙཱུ་ལ༹་ཝ. ཨ་ཊྛ. ༢༧༨) ཨུ་ད་ཀ་ས་པྤ་སི་ར་ས་དི་སཾ. མུ་ར་ཛནྟི བ་ཧུ་ར་ཛྫུ་ཀེ ཨེ་ཀ་ཏོ ས་ངྐ་ཌྜྷི་ཏྭཱ ཨེ་ཀཱ་ཡ ར་ཛྫུ་ཡཱ པ་ལི་ཝེ་ཋེ་ཏྭཱ ཀ་ཏ་ར་ཛྫུ. མ་དྡ་ཝཱི་ཎནྟི པཱ་མ་ངྒ་ས་དི་སཾ. ཀ་ལཱ་བུ་ཀནྟི ཨ་ནེ་ཀ་ཝ་ཊྚཾ. ཨེ་ཏཱ་ནི པ་ན ས་བྦཱ་ནི ན ཀ་པྤ་ནྟི. ད་སཱ་སུ དྭེ མ་ཛ྄ཛྷི་མཱཏི མུ་ར་ཛཾ མ་དྡ་ཝཱི་ཎ་ནྟི དྭེ མ་ཛ྄ཛྷི་མཱ ཨེ་ཝ. ཀ་པྤ་རེཏི ཀ་པྤ་ནྟཱི་ཏི ཨ་ཏྠོ.
༢༤༡. ག་ཎྛི་ཡོ ཙཱ་པཱིཏི (ཙཱུ་ལ༹་ཝ. ༢༧༩) ཙཱི་ཝ་ར་ག་ཎྛི་ཡོ་པི. ཝེ་ལུ༹་ཨཱ་དི་མ་ཡཱ ཀ་པྤ་ནྟཱི་ཏི པ་ས་ངྒེ་ན ཝུ་ཏྟཾ. ཀཱ་ཡ་བ་ནྡྷ་ན་ཝི་ནི་ཙྪ་ཡོ.
ཀཱ་ཡ་བ་ནྡྷ་ན་ནི་དྡེ་ས་ཝ་ཎྞ་ནཱ ནི་ཊྛི་ཏཱ.
པ་ཋ་མ་བྷཱ་ཎ་ཝཱ་རཾ.