༢༩. མི་ཙྪཱ་ཛཱི་ཝ་ཝི་ཝ་ཛྫ་ནཱ་ནི་དྡེ་ས་ཝ་ཎྞ་ནཱ

༢༠༩. ཙུ་ཎྞནྟི སི་རཱི་ས་ཙུ་ཎྞཱ་དི་ཀ་ནྟི ཨ་ཏྠོ. མ་ཏྟི་ཀཱཏི པ་ཀ་ཏི་མ་ཏྟི་ཀཱ ཝཱ པ་ཉྩ་ཝ་ཎྞཱ ཝཱ སུ་དྡྷཱ ཀུ་ངྐུ་ཊྛ་ཨཱ་དི་ཀཱ ཝཱ. ཀུ་ལ་ས་ངྒ་ཧཱཏི ཨེ་ཏེ་ཧི ས་ངྒ་ཧི་ཏཱ་ནཾ ས་ནྟི་ཀེ ལཱ་བྷཱ་སཱ་ཡ ཀུ་ལ་ས་ངྒ་ཧ་ཏྠ་ནྟི ཨ་ཏྠོ. ཨེ་ཏྠ པ་ན ཨི་མེ་ཧི ས་ངྒ་ཧི་ཏཱ་ནཾ ས་ནྟི་ཀེ ‘‘ཀི་ཉྩི ལ་བྷི་སྶཱ་མཱི’’ཏི ས་ངྒྷི་ཀཾ ཝཱ པུ་གྒ་ལི་ཀཾ ཝཱ དཱ་ཏུཾ ན ཝ་ཊྚ་ཏི ཨེ་ཝ. ཨི་མི་ནཱ པ་ན ན་ཡེ་ན ལ་དྡྷཾ པ་ཉྩ་ནྣ་མྤི ས་ཧ་དྷ་མྨི་ཀཱ་ནཾ ན ཝ་ཊྚ་ཏི, མི་ཙྪཱ་ཛཱི་ཝ་ཉྩ ཧོ་ཏི.

༢༡༠-༢༡༡. ལཱ་བྷཱ་སཱ་ཡ དཱ་ཡ་ཀཱ་ནཾ དཱ་ར་ཀེ ཨུ་ཀྑི་པི་ཏྭཱ པ་རི་བྷ་ཊ་བྷཱ་ཝོ པཱ་རི་བྷ་ཊ་ཀ་ཏཱ, ཏཱ་ཡ པཱ་རི་བྷ་ཊ་ཀ་ཏཱ་ཡ ན ཛཱི་ཝ་ཡེ་ཏི ས་མྦ་ནྡྷོ. སེ་སེ་སུ་པི ཨེ་སེ་ཝ ན་ཡོ. ཁེ་ཏྟཱ་དཱི་སུ པེ་སི་ཏ་སྶ ག་མ་ནཾ པ་ཧེ་ཎ་ཀ་མྨཾ. སཱ་ས་ན་པྤ་ཊི་སཱ་ས་ན་ཧ་ར་ཎཾ དཱུ་ཏ་ཀ་མྨཾ. པེ་སི་ཏ་སྶ གེ་ཧ་ཏོ གེ་ཧ་ག་མ་ནཾ ཛ་ངྒྷ་པེ་ས་ནི་ཡཾ. ལཱ་བྷཱ་སཱ་ཡ ལ་ཉྫ་དཱ་ནམ་ནུ་པྤ་དཱ་ནཾ. ཨ་ཉྙེ་ན ཝཱ་པཱིཏི ཨ་ངྒ་ཝི་ཛྫཱ་དི་ནཱ.

༢༡༢. ཝི་ཉྙ་ཏྟཱིཏི (པཱ་རཱ. ༥༡༥ ཨཱ་ད་ཡོ; པཱ་རཱ. ཨ་ཊྛ. ༢.༥༡༥ ཨཱ་ད་ཡོ) ཨ་ཉྙཱ་ཏ་ཀ་ཝི་ཉྙ་ཏྟི. ཨ་ནེ་ས་ནཱཏི པུ་བྦེ ཝུ་ཏྟེ་ན པུ་པྥ་དཱ་ནཱ་དི་ནཱ པ་ཙྩ་ཡེ་ས་ནཱ. ཀུ་ཧ་ནཱ་དཱི་ཧཱིཏི (ཝི་བྷ. ༨༦༡; ཝི་བྷ. ཨ་ཊྛ. ༨༦༡; མ་ཧཱ་ནི. ༨༧) ཀུ་ཧ་ནཱ ལ་པ་ནཱ ནེ་མི་ཏྟ་ཀ་ཏཱ ནི་པྤེ་སི་ཀ་ཏཱ ལཱ་བྷེ་ན ལཱ་བྷཾ ནི་ཛི་གཱི་ས་ན་ཏཱ་ཏི ཨི་མེ་ཧི པ་ཉྩ་ཧི ཝ་ཏྠཱུ་ཧཱི་ཏི ཨ་ཏྠོ. མི་ཙྪཱ་ཛཱི་ཝ་ཝི་ནི་ཙྪ་ཡོ.

མི་ཙྪཱ་ཛཱི་ཝ་ཝི་ཝ་ཛྫ་ནཱ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.