༢༦. ས་མཱ་ནཱ་ས་ནི་ཀ་ནི་དྡེ་ས་ཝ་ཎྞ་ནཱ

༡༩༥. ཏི་ཎྞཾ ཝ་སྶཱ་ནཾ ཨ་ནྟ་རཾ ཏི་ཝ་སྶ་ནྟ་རཾ. ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཏི་ཝ་སྶ་ནྟ་རེ་ན ས་ཧ ནི་སཱི་དི་ཏུ’’ནྟི (ཙཱུ་ལ༹་ཝ. ༣༢༠) ཧི ཝུ་ཏྟཾ. ཡོ དྭཱི་ཧི ཝ་སྶེ་ཧི (ཙཱུ་ལ༹་ཝ. ཨ་ཊྛ. ༣༢༠) ཝུ་ཌྜྷོ ཝཱ ན་ཝོ ཝཱ, སོ ཏི་ཝ་སྶ་ནྟ་རོ ནཱ་མ.

༡༩༦. མུ་ནཱིཏི བུ་དྡྷ་མུ་ནི. ས་བྦེ་ཧེ་ཝཱཏི ཨ་ནུ་པ་ས་མྤ་ནྣེ་ཧི་པི.

༡༩༧. ཨ་ནྟནྟི པ་ཙྪི་མཾ. ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཡཾ ཏི་ཎྞཾ པ་ཧོ་ཏི, ཨེ་ཏྟ་ཀཾ པ་ཙྪི་མཾ དཱི་གྷཱ་ས་ན’’ནྟི (ཙཱུ་ལ༹་ཝ. ༣༢༠) ཝུ་ཏྟ་ཏྟཱ ཡཾ ཏི་ཎྞཾ པ་ཧོ་ཏི, ཨེ་ཏཾ སཾ་ཧཱ་རི་མཾ ཝཱ ཧོ་ཏུ ཨ་སཾ་ཧཱ་རི་མཾ ཝཱ, ཏ་ཐཱ་རཱུ་པེ་སུ ཕ་ལ་ཀ་ཁ་ཎྜེ་སུ་པི ནི་སཱི་དི་ཏུཾ ཝ་ཊྚ་ཏི. དྭི་ནྣནྟི དྭི་ནྣཾ ས་མཱ་ནཱ་ས་ནི་ཀཱ་ནཾ. ‘‘ཨ་ནུ་ཛཱ་ནཱ་མི, བྷི་ཀྑ་ཝེ, དུ་ཝ་གྒ་སྶ མ་ཉྩཾ དུ་ཝ་གྒ་སྶ པཱི་ཋ’’ནྟི (ཙུ་ལ༹་ཝ. ༣༢༠) ཝུ་ཏྟ་ཏྟཱ དྭེ ས་མཱ་ནཱ་ས་ནི་ཀཱ ས་ཧ ནི་སཱི་དི་ཏུཾ ལ་བྷ་ནྟི. ཨ་ཉྙེ་ཧི ཨ་ས་མཱ་ནཱ་ས་ནི་ཀེ་ཧི, ཨ་ནུ་པ་ས་མྤ་ནྣཱ་དཱི་ཧི ཝཱ དྭེ ཧུ་ཏྭཱ་པི ནི་སཱི་དི་ཏུཾ ན ལ་བྷ་ནྟི. ས་མཱ་ནཱ་ས་ནི་ཀ་ཝི་ནི་ཙྪ་ཡོ.

ས་མཱ་ནཱ་ས་ནི་ཀ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.