༡༩. ནྷཱ་ན་ཀ་པྤ་ནི་དྡེ་ས་ཝ་ཎྞ་ནཱ

༡༦༨. པུ་ར་ཏོཏི (ཙཱུ་ལ༹་ཝ. ༣༧༢) ཐེ་རཱ་ནཾ པུ་ར་ཏོ ཨུ་པ་རི ཝཱ ན ཙ ནྷཱ་ཡེ་ཡྻཱ་ཏི ཨ་ཏྠོ.

༡༦༩-༡༧༡. ཀུ་ཊྚ་ཏྠ་མྦྷ་ཏ་རུ་ཊྚཱ་ནེཏི ཨེ་ཏྠ (ཙཱུ་ལ༹་ཝ. ༢༤༣; ཙཱུ་ལ༹་ཝ. ཨ་ཊྛ. ༢༤༣) ཀུ་ཊྚེ ཝཱ ཐ་མྦྷེ ཝཱ ཏ་རུ་མྷི ཝཱ ཨ་ཊྚཱ་ན་ཕ་ལ་ཀེ ཝཱ ཀཱ་ཡཾ ན གྷཾ་ས་ཡེ་ཏི ཨ་ཏྠོ. ག་ནྡྷ་བྦ་ཧ་ཏྠོ ནཱ་མ མ་ཀྐ་ཊ་ཧ་ཏྠ་ས་དི་སོ དཱ་རུ་ཨཱ་དི་མ་ཡོ. ཀུ་རུ་ཝི་ནྡ་ཀ་སུ་ཏྟི་ཡཱཏི ཀུ་རུ་ཝི་ནྡ་སུ་ཏྟི་ཡཱ. མ་ལླ་ཀེ་ན ཝཱ ཨ་ཉྙ་མ་ཉྙཾ ཝཱ. ‘‘ན བྷི་ཀྑ་ཝེ ཝི་གྒ་ཡ྄ཧ པ་རི་ཀ་མྨཾ ཀཱ་རཱ་པེ་ཏ་བྦཾ. ཡོ ཀཱ་རཱ་པེ་ཡྻ, ཨཱ་པ་ཏྟི དུ་ཀྐ་ཊ་སྶཱ’’ཏི (ཙཱུ་ལ༹་ཝ. ༢༤༣) ཨེ་ཝཾ ཝུ་ཏྟཾ ཝི་གྒ་ཧ་པ་རི་ཀ་མྨཾ ས་ནྡྷཱ་ཡ ‘‘ཨ་ཉྙ་མ་ཉྙཾ ཝཱ’’ཏི ཝུ་ཏྟཾ.

ཨི་དཱ་ནི ཀ་པྤི་ཡཱ་ནི ད་སྶེ་ཏུཾ ‘‘ཀ་པཱ་ལི་ཊྛ་ཀ་ཁ་ཎྜཱ་ནཱི’’ཏི་ཨཱ་དི་མཱ་ཧ. ས་བྦེ་སཾ ཝ་ཊྚ་ཏཱི་ཏི ས་མྦ་ནྡྷོ. གི་ལཱ་ན་སྶ་པི (ཙཱུ་ལ༹་ཝ. ཨ་ཊྛ. ༢༤༣) ཨ་གི་ལཱ་ན་སྶ་པི ཨི་མཱ་ནི ཀ་པཱ་ལི་ཊྛ་ཀ་ཁ་ཎྜཱ་དཱི་ནི ཀཱ་ཡ་གྷཾ་ས་ནེ ཝ་ཊྚ་ནྟི. པུ་ཐུ་པཱ་ཎཱིཏི (ཙཱུ་ལ༹་ཝ. ༢༤༤) ཧ་ཏྠ་པ་རི་ཀ་མྨཾ ཝུ་ཙྩ་ཏི. ཏ་སྨཱ ས་བྦེ་སཾ ཧ་ཏྠེ་ན པི་ཊྛི་པ་རི་ཀ་མྨཾ ཀཱ་ཏུཾ ཝ་ཊྚ་ཏི. ཨ་ཀ་ཏ་མ་ལླ་ཀཾ ནཱ་མ ཨེ་ཀ་དཱ་ཋི་མཾ པ་རི་ཙྪི་ནྡི་ཏྭཱ ཀ་ཏཾ. པཱ་སཱ་ཎཱ་ད་ཡོ པཱ་ད་གྷཾ་ས་ནེ ཨེ་ཝ ཀ་པྤི་ཡཱ. ནྷཱ་ན་ཀ་པྤ་ཝི་ནི་ཙྪ་ཡོ.

ནྷཱ་ན་ཀ་པྤ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.