༡༦. ཝ་ཙྩ་པྤ་སྶཱ་ཝ་ཊྛཱ་ནི་ཀ་ནི་དྡེ་ས་ཝ་ཎྞ་ནཱ

༡༥༦. ཡ་ཐཱ་ཝུ་ཌྜྷཾ ན ཀ་རེ་ཡྻ ཝ་ཙྩ་ནྟི ས་མྦ་ནྡྷོ. ཡ་ཐཱ་ནུ་པུ་བྦི་ཡཱ ལ་བྦྷ་ཏཱི་ཏི ས་མྦ་ནྡྷོ. ཨི་མེ་སུ པ་ན ཏཱི་སུ ཋཱ་ནེ་སུ ཡོ ཡོ པ་ཋ་མཾ ཨཱ་ག་ཙྪ་ཏི ཝུ་ཌྜྷོ ཝཱ ན་ཝོ ཝཱ, སོ སོ ཨཱ་ག་ཏ་པ་ཊི་པཱ་ཊི་ཡཱ ཀཱ་ཏུ་ཉྩ ན་ཧཱ་ཡི་ཏུ་ཉྩ ལ་བྦྷ་ཏཱི་ཏི ཨ་དྷི་པྤཱ་ཡོ.

༡༥༧. ཨུ་བྦྷ་ཛི་ཏྭཱཏི (ཙཱུ་ལ༹་ཝ. ༣༧༣, ༣༧༤) ནི་ཝཱ་ས་ནཾ དཱུ་ར་ཏོ་ཝ ཨུ་ཀྑི་པི་ཏྭཱ ནོ པ་ཝི་སེ་ཡྻ. ས་ཧ་སཱ ཙ ནོ པ་ཝི་སེ་ཡྻཱ་ཏི ས་མྦ་ནྡྷོ. ‘‘བ་ཧི ཋི་ཏེ་ན ཨུ་ཀྐཱ་སི་ཏ་བྦ’’ནྟི ཙ ‘‘སཱ་དྷུ་ཀཾ ཨ་ཏ་ར་མཱ་ནེ་ན ཝ་ཙྩ་ཀུ་ཊི པ་ཝི་སི་ཏ་བྦཱ’’ཏི ཙ ཝུ་ཏྟ་ཏྟཱ ཨུ་ཀྐཱ་སི་ཏྭཱ་ཝ ཨ་ཏ་ར་མཱ་ནོ པ་ཝི་སེ་ཡྻཱ་ཏི ཨ་ཏྠོ. ‘‘ན ཨུ་བྦྷ་ཛི་ཏྭཱ པ་ཝི་སི་ཏ་བྦཱ, ཝ་ཙྩ་པཱ་དུ་ཀཱ་ཡ ཋི་ཏེ་ན ཨུ་བྦྷ་ཛི་ཏ་བྦ’’ནྟི (ཙཱུ་ལ༹་ཝ. ༣༧༤) ཝ་ཙ་ན་ཏོ ‘‘ཨུ་བྦྷ་ཛེ་ཡྻ པཱ་དུ་ཀཱ་སྭེ་ཝ ས་ཎྛི་ཏོ’’ཏི ཝུ་ཏྟཾ.

༡༥༨. ན ཀ་རེ་ཡྻ ཨུ་བྷ་ཡཾ ན ཀ་རེ་ཡྻུ་བྷ་ཡཾ.

༡༥༩. ཀཱུ་པེཏི (ཙཱུ་ལ༹་ཝ. ༣༧༤) ཝ་ཙྩ་ཀཱུ་པེ. ཀ་ཊྛནྟི ཨ་ཝ་ལེ་ཁ་ན་ཀ་ཊྛཾ. པ་སྶཱ་ཝ་དོ་ཎི་ཡཱ ཁེ་ལ༹ཾ ན ཀཱ་ཏ་བྦ་ནྟི ཨ་ཏྠོ. ནཱ་ཝ་ལེ་ཁེ་ཡྻ ཕ་རུ་སེ་ནཱཏི ཕཱ་ལི་ཏ་ཀ་ཊྛེ་ན ཝཱ ཁ་རེ་ན ཝཱ ག་ཎྛི་ཀེ་ན ཝཱ ཀ་ཎྚ་ཀེ་ན ཝཱ སུ་སི་རེ་ན ཝཱ པཱུ་ཏི་ནཱ ཝཱ ནཱ་ཝ་ལེ་ཁི་ཏ་བྦ་ནྟི ཨ་ཏྠོ. ཨུ་ཧ་ཏ་ཉྩཱ་པཱིཏི གཱུ་ཐ་མ་ཀྑི་ཏ་མྤི དྷོ་ཝ་ཡེ ཨ་ཏྟ་ནཱ ཝཱ པ་རེ་ན ཝཱ ཀ་ཏ་ནྟི ཨ་དྷི་པྤཱ་ཡོ.

༡༦༠. ཨུ་བྦྷ་ཛི་ཏྭཱ ན ནི་ཀྑ་མེཏི ཨེ་ཏྠ ‘‘ཝ་ཙྩ་པཱ་དུ་ཀཱ་ཡ ཋི་ཏེ་ན པ་ཊི་ཙྪཱ་དེ་ཏ་བྦ’’ནྟི (ཙཱུ་ལ༹་ཝ. ༣༧༤) ཧི ཝུ་ཏྟཾ, པུ་ན ‘‘ཨཱ་ཙ་མ་ན་པཱ་དུ་ཀཱ་ཡཾ ཋི་ཏེ་ན ཨུ་བྦྷ་ཛི་ཏ་བྦ’’ནྟི (ཙཱུ་ལ༹་ཝ. ༣༧༤) ཙ ཝུ་ཏྟཾ. ‘‘ཙ་པུ ཙ་པཱུ’’ཏི ས་དྡཾ ཀ་ཏྭཱ ནཱ་ཙ་མེ་ཡྻཱ་ཏི ཨ་ཏྠོ. ཝ་ཙྩ་པྤ་སྶཱ་ཝ་ཊྛཱ་ནི་ཀ་ཝི་ནི་ཙྪ་ཡོ.

ཝ་ཙྩ་པྤ་སྶཱ་ཝ་ཊྛཱ་ནི་ཀ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.