༥. པ་ཏྟ་ནི་དྡེ་སོ
པ་ཏྟོ ཙཱཏི –
༦༠. ཨ་ཡོ་པ་ཏྟོ བྷཱུ་མི་པ་ཏྟོ, ཛཱ་ཏི་ཡཱ ཀ་པྤི་ཡཱ དུ་ཝེ;
ཨུ་ཀྐ་ཊྛོ མ་ཛ྄ཛྷི་མོ ཙེ་ཝ, ཨོ་མ་ཀོ ཙ པ་མཱ་ཎ་ཏོ.
༦༡. ཨུ་ཀྐ་ཊྛོ མ་ག་དྷེ ནཱ་ལི༹-དྭ་ཡ་ཏ་ཎྜུ་ལ་སཱ་དྷི་ཏཾ;
ག་ཎྷཱ་ཏི ཨོ་ད་ནཾ སཱུ་པཾ, བྱ་ཉྫ་ན་ཉྩ ཏ་དཱུ་པི་ཡཾ.
༦༢. མ་ཛ྄ཛྷི་མོ ཏ་སྶུ་པ་ཌྜྷོ་ཝ, ཏ་ཏོ་པ་ཌྜྷོ་ཝ ཨོ་མ་ཀོ;
ཨུ་ཀྐ་ཊྛ་ཏོ ཙ ཨུ་ཀྐ་ཊྛོ, ཨ་པ་ཏྟོ ཨོ་མ་ཀོ་མ་ཀོ.
༦༣. ཨ་ཏི་རེ་ཀ་པ་ཏྟོ དྷཱ་རེ་ཡྻོ, ད་སཱ་ཧ་པ་ར་མཾ ས་ཀོ;
ཀ་པྤོ ནི་སྶ་གྒི་ཡོ ཧོ་ཏི, ཏ་སྨིཾ ཀཱ་ལེ་ཏི་ནཱ་མི་ཏེ.
༦༤. ཨ་ཙྪེ་ད་དཱ་ན་གཱ་ཧེ་ཧི, ཝི་བྦྷ་མཱ མ་ར་ཎུ་དྡྷ་ཊཱ;
ལི་ངྒ་སི་ཀྑཱ་ཧི ཚི་དྡེ་ན, པ་ཏྟཱ་དྷི་ཊྛཱ་ན་མུ་ཛ྄ཛྷ་ཏི.
༦༥. པ་ཏྟཾ ན པ་ཊི་སཱ་མེ་ཡྻ, སོ་ད་ཀཾ ན ཙ ཨོ་ཏ་པེ;
ཨུ་ཎྷེ ན ནི་ད་ཧེ བྷུ་མྱཱ, ན ཋ་པེ ནོ ཙ ལ་གྒ་ཡེ.
༦༦. མི་ཌྜྷ་ནྟེ པ་རི་བྷ་ཎྜ་ནྟེ, ཨ་ངྐེ ཝཱ ཨཱ་ཏ་པ་ཏྟ་ཀེ;
པཱ་དེ་སུ མ་ཉྩ་པཱི་ཋེ ཝཱ, ཋ་པེ་ཏུཾ ན ཙ ཀ་པྤ་ཏི.
༦༧. ན ནཱི་ཧ་རེ་ཡྻ ཨུ་ཙྪི་ཊྛོ-ད་ཀ་ཉྩ ཙ་ལ་ཀ་ཊྛི་ཀཾ;
པ་ཏྟེ་ན པ་ཏྟ་ཧ་ཏྠོ ཝཱ, ཀ་ཝཱ་ཊཾ ན པ་ཎཱ་མ་ཡེ.
༦༨. བྷཱུ་མི་ཨཱ་དྷཱ་ར་ཀེ དཱ་རུ་ད་ཎྜཱ་དྷཱ་རེ སུ་ས་ཛྫི་ཏེ;
དུ་ཝེ པ་ཏྟེ ཋ་པེ་ཡྻེ་ཀཾ, ནི་ཀྐུ་ཛྫི་ཏྭཱ་ན བྷཱུ་མི་ཡཾ.
༦༩. དཱ་རུ་རཱུ་པི་ཡ་སོ་ཝ་ཎྞ-མ་ཎི་ཝེ་ལུ༹་རི་ཡཱ་མ་ཡཱ;
ཀཾ་ས་ཀཱ་ཙ་ཏི་པུ་སཱི་ས་ཕ་ལི་ཀཱ་ཏ་མྦ་ལོ་ཧ་ཛཱ.
༧༠. ཚ་ཝ་སཱི་ས་མ་ཡོ ཙཱ་པི, གྷ་ཊཱི་ཏུ་མྦ་ཀ་ཊཱ་ཧ་ཛཱ;
པ་ཏྟཱ ཨ་ཀ་པྤི་ཡཱ ས་བྦེ, ཝུ་ཏྟཱ དུ་ཀྐ་ཊ་ཝ་ཏྠུ་ཀཱ་ཏི.