༤༥. པ་ཝཱ་ར་ཎཱ་ནི་དྡེ་སོ
པ་ཝཱ་ར་ཎཱཏི –
༤༣༣. དྭི་ནྣཾ ཏི་ཎྞཾ ཙ་ཏུ་ནྣ་ཉྩ, ཨ་ཉྙ་མ་ཉྙ་པྤ་ཝཱ་ར་ཎཱ;
ཨེ་ཀ་སྶ ཙ ཨ་དྷི་ཊྛཱ་ནཾ, སེ་སཱ ས་ངྒྷ་པྤ་ཝཱ་ར་ཎཱ.
༤༣༤. པུ་བྦ་ཀི་ཙྩེ ཙ ཀ་ར་ཎེ, པ་ཏྟ་ཀ་ལླེ ས་མཱ་ནི་ཏེ;
ཋ་པེ་ཏྭཱ ཉ་ཏྟིཾ ས་ངྒྷེ་ན, ཀ་ཏྟ་བྦེ་ཝཾ པ་ཝཱ་ར་ཎཱ.
‘‘སུ་ཎཱ་ཏུ མེ བྷ་ནྟེ ས་ངྒྷོ, ཨ་ཛྫ པ་ཝཱ་ར་ཎཱ པ་ནྣ་ར་སཱི, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ པ་ཝཱ་རེ་ཡྻཱ’’ཏི.
༤༣༥. ཨེ་ཀཾ་སཾ ཙཱི་ཝ་རཾ ཀ་ཏྭཱ, ནི་སཱི་དི་ཏྭཱ ཨུ་ཀྐུ་ཊི་ཀཾ;
ཐེ་རེ་ན ཨ་ཉྫ་ལིཾ ས་ངྒྷོ, པ་གྒ་ཡ྄ཧ ས་མུ་དཱི་རི་ཡོ.
༤༣༦. ‘‘ས་ངྒྷཾ, ཨཱ་ཝུ་སོ, པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟུ མཾ ཨཱ་ཡ་སྨ་ནྟོ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མི. དུ་ཏི་ཡ་མྤི…པེ… ཏ་ཏི་ཡ་མྤི, ཨཱ་ཝུ་སོ, ས་ངྒྷཾ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟུ མཾ ཨཱ་ཡ་སྨ་ནྟོ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མཱི’’ཏི.
༤༣༧. པ་ཝཱ་རེ་ནྟེ་སུ ཐེ་རེ་སུ, ནི་ས་ཛྫུ་ཀྐུ་ཊི་ཀཾ ན་ཝོ;
པ་ཝཱ་རེ་ཏི ས་ཡཾ ཡཱ་ཝ, ཨུ་ཀྐུ་ཊི་ཀོ་ཝ ཨ་ཙྪ་ཏུ.
༤༣༨. པུ་བྦཱ་ར་མྦྷཾ ས་མཱ་པེ་ཏྭཱ, ན་ཝོ ས་ངྒྷ་མུ་དཱི་ར་ཡེ.
༤༣༩. ‘‘ས་ངྒྷཾ, བྷ་ནྟེ, པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟུ མཾ ཨཱ་ཡ་སྨ་ནྟོ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མི. དུ་ཏི་ཡ་མྤི…པེ… ཏ་ཏི་ཡ་མྤི, བྷ་ནྟེ, ས་ངྒྷཾ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟུ མཾ ཨཱ་ཡ་སྨ་ནྟོ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མཱི’’ཏི.
༤༤༠. དཱ་ནེ་ན དྷ་མྨ་སཱ་ཀ་ཙྪཱ, ཀ་ལ་ཧེ་ཧི ཙ ར་ཏྟི་ཡཱ;
ཏེ་ཝཱ་ཙི་ཀཱ་ཡ ཨོ་ཀཱ་སེ-ས་ཏི ཁེ་པི་ཏ་བྷཱ་ཝ་ཏོ;
ཨ་ནྟ་རཱ་ཡེ ད་ས་ཝི་དྷེ, ཉ་ཏྟིཾ ཝ་ཏྭཱ་ནུ་རཱུ་པ་ཏོ.
༤༤༡. ‘‘སུ་ཎཱ་ཏུ མེ བྷ་ནྟེ ས་ངྒྷོ, མ་ནུ་སྶེ་ཧི དཱ་ནཾ དེ་ནྟེ་ཧི, དྭཱི་ཧི བྷི་ཀྑཱུ་ཧི དྷ་མྨཾ སཱ་ཀ་ཙྪ་ནྟེ་ཧི, ཀ་ལ་ཧཾ ཀ་རོ་ནྟེ་ཧི ཡེ་བྷུ་ཡྻེ་ན ར་ཏྟི ཁེ་པི་ཏཱ. ས་ཙེ ས་ངྒྷོ ཏེ་ཝཱ་ཙི་ཀཾ པ་ཝཱ་རེ་སྶ་ཏི, ཨ་པྤ་ཝཱ་རི་ཏོ་ཝ ས་ངྒྷོ བྷ་ཝི་སྶ་ཏི, ཨ་ཐཱ་ཡཾ ར་ཏྟི ཝི་བྷཱ་ཡི་སྶ་ཏི. ཨ་ཡཾ རཱ་ཛ་ནྟ་རཱ་ཡོ, ཨ་ཡཾ ཙོ་ར་ནྟ་རཱ་ཡོ, ཨ་ཡཾ ཨ་གྱ་ནྟ་རཱ་ཡོ, ཨ་ཡཾ ཨུ་ད་ཀ་ནྟ་རཱ་ཡོ, ཨ་ཡཾ མ་ནུ་སྶ་ནྟ་རཱ་ཡོ, ཨ་ཡཾ ཨ་མ་ནུ་སྶ་ནྟ་རཱ་ཡོ, ཨ་ཡཾ ཝཱ་ལ༹་ནྟ་རཱ་ཡོ, ཨ་ཡཾ ས་རཱི་ས་པ་ནྟ་རཱ་ཡོ, ཨ་ཡཾ ཛཱི་ཝི་ཏ་ནྟ་རཱ་ཡོ, ཨ་ཡཾ བྲ་ཧྨ་ཙ་རི་ཡ་ནྟ་རཱ་ཡོ. ས་ཙེ ས་ངྒྷོ ཏེ་ཝཱ་ཙི་ཀཾ པ་ཝཱ་རེ་སྶ་ཏི, ཨ་པྤ་ཝཱ་རི་ཏོ་ཝ ས་ངྒྷོ བྷ་ཝི་སྶ་ཏི, ཨ་ཐཱ་ཡཾ བྲ་ཧྨ་ཙ་རི་ཡ་ནྟ་རཱ་ཡོ བྷ་ཝི་སྶ་ཏི. ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ དྭེ་ཝཱ་ཙི་ཀཾ, ཨེ་ཀ་ཝཱ་ཙི་ཀཾ, ས་མཱ་ན་ཝ་སྶི་ཀཾ པ་ཝཱ་རེ་ཡྻཱ’’ཏི.
༤༤༢. པ་ཝཱ་རེ་ཡྻཱ་ནུ་རཱུ་པེ་ན, ཡ་ཐཱ་ཋ་པི་ཏ་ཉ་ཏྟི་ཡཱ;
ཨཱ་ག་ཙྪེ་ཡྻུཾ ཡ་དི ས་མཱ, ཨཱ་དི་ཀཱ ཙེ་ཏྠ ཨཱ་ཧ་རེ.
༤༤༣. ཨེ་ཝཾ ཏི་ཙ་ཏུ་ཝ་གྒོ ཙ, ཉ་ཏྟིཾ ཝ་ཏྭཱ པ་ཝཱ་ར་ཡེ. ‘‘སུ་ཎ་ནྟུ མེ ཨཱ་ཡ་སྨ་ནྟཱ, ཨ་ཛྫ པ་ཝཱ་ར་ཎཱ པ་ནྣ་ར་སཱི, ཡ་དཱ་ཡ་སྨ་ནྟཱ་ནཾ པ་ཏྟ་ཀ་ལླཾ, མ་ཡཾ ཨ་ཉྙ་མ་ཉྙཾ པ་ཝཱ་རེ་ཡྻཱ་མཱ’’ཏི.
༤༤༤. ཨེ་ཀཾ་སཾ ཙཱི་ཝ་རཾ ཀ་ཏྭཱ, ནི་སཱི་དི་ཏྭཱ ཨུ་ཀྐུ་ཊི་ཀཾ;
ཐེ་རེ་ན ཨ་ཉྫ་ལིཾ ཏེ་ཝཾ, པ་གྒ་ཡ྄ཧ ས་མུ་དཱི་རི་ཡཱ.
༤༤༥. ‘‘ཨ་ཧཾ, ཨཱ་ཝུ་སོ, ཨཱ་ཡ་སྨ་ནྟེ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟུ མཾ ཨཱ་ཡ་སྨ་ནྟཱ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མི. དུ་ཏི་ཡ་མྤི…པེ… ཏ་ཏི་ཡ་མྤི ཨ་ཧཾ, ཨཱ་ཝུ་སོ, ཨཱ་ཡ་སྨ་ནྟེ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟུ མཾ ཨཱ་ཡ་སྨ་ནྟཱ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མཱི’’ཏི.
ན་ཝེ་ནཱ་པི ‘‘ཨ་ཧཾ, བྷ་ནྟེ, ཨཱ་ཡ་སྨ་ནྟེ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟུ མཾ ཨཱ་ཡ་སྨ་ནྟཱ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མི. དུ་ཏི་ཡ་མྤི…པེ… ཏ་ཏི་ཡ་མྤི ཨ་ཧཾ, བྷ་ནྟེ, ཨཱ་ཡ་སྨ་ནྟེ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟུ མཾ ཨཱ་ཡ་སྨ་ནྟཱ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མཱི’’ཏི.
༤༤༦. དྭཱི་སུ ཐེ་རེ་ན ཀ་ཏྟ་བྦཾ, ན་ཝོ ཀ་ཏྭེ་ཝ་མཱི་རི་ཡོ.
༤༤༧. ‘‘ཨ་ཧཾ, ཨཱ་ཝུ་སོ, ཨཱ་ཡ་སྨ་ནྟཾ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ཏུ མཾ ཨཱ་ཡ་སྨཱ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མི. དུ་ཏི་ཡ་མྤི…པེ… ཏ་ཏི་ཡ་མྤི ཨ་ཧཾ, ཨཱ་ཝུ་སོ, ཨཱ་ཡ་སྨ་ནྟཾ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ཏུ མཾ ཨཱ་ཡ་སྨཱ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མཱི’’ཏི.
ན་ཝེ་ནཱ་པི ‘‘ཨ་ཧཾ, བྷ་ནྟེ, ཨཱ་ཡ་སྨ་ནྟཾ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ཏུ མཾ ཨཱ་ཡ་སྨཱ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མི. དུ་ཏི་ཡ་མྤི…པེ… ཏ་ཏི་ཡ་མྤི ཨ་ཧཾ, བྷ་ནྟེ, ཨཱ་ཡ་སྨ་ནྟཾ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ཏུ མཾ ཨཱ་ཡ་སྨཱ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མཱི’’ཏི.
༤༤༨. པུ་བྦ་ཀི་ཙྩཾ ས་མཱ་པེ་ཏྭཱ, ཨ་དྷི་ཊྛེ་ཡྻེ་ཝ་མེ་ཀ་ཀོ. ‘‘ཨ་ཛྫ མེ པ་ཝཱ་ར་ཎཱ ཙཱ་ཏུ་དྡ་སཱི་ཏི ཝཱ པ་ནྣ་ར་སཱི་ཏི ཝཱ ཨ་དྷི་ཊྛཱ་མཱི’’ཏི ཝ་ཏྟ་བྦཾ.
༤༤༩. ཡ་སྨིཾ ཝ་ས་ནྟི ཝཱ པ་ཉྩ, ཙ་ཏྟཱ་རོ ཝཱ ཏ་ཡོ དུ་ཝེ;
པ་ཝཱ་ར་ཎཾ ཧ་རི་ཏྭཱ་ན, ཨེ་ཀེ་ཀ་སྶི་ཏ་རཱི་ཏ་རེ.
༤༥༠. ཏཾ ཏཾ པ་ཝཱ་ར་ཎཾ ཀ་ཡི་རུཾ,
སི་ཡཱ ཨཱ་པ་ཏྟི དུ་ཀྐ་ཊཾ;
སེ་སཱ ཨུ་པོ་ས་ཐེ ཝུ་ཏྟཱ,
གཱ་ཐཱ་ཡོ ཙེ་ཏྠ ཨཱ་ཧ་རེ.
༤༥༡. པ་ཝཱ་རི་ཏེ་ཝ ས་ངྒྷ་མྷི, པཱ་རི་སུ་དྡྷི་ཨུ་པོ་ས་ཐཾ;
ཀ་རེ་ཡྻ ཚི་ནྣ་ཝ་སྶོ ཝཱ, ཨ་ཝུ་ཏྠོ ཝཱ་ནུ་པ་ག་ཏོ.
༤༥༢. ཙཱ་ཏུ་མཱ་སི་ནི་ཡཱ ཙཱ་པི, ཀ་ཏེ ས་ངྒྷེ་ནུ་པོ་ས་ཐེ;
ཝུ་ཏྠ་ཝ་སྶཱ པ་ཝཱ་རེ་ཡྻུཾ, ས་ཙེ ཨ་པྤ་ཏ་རཱ སི་ཡུ་ནྟི.