༤༣. ཚ་ནྡ་དཱ་ན་ནི་དྡེ་སོ

ཚ་ནྡ་དཱ་ནཱ་དཱིཏི –

༣༩༩. བྷེ་རིཾ གྷ་ཎྚིཾ པ་ཏཱ་ལེ༹་ཏྭཱ, ཀ་མྨ་པྤ་ཏྟེ ས་མཱ་ག་ཏེ;

ས་ངྒྷེ ཧ་རེ་ཡྻ ཚ་ནྡཾ ཝཱ, པཱ་རི་སུ་དྡྷིཾ པ་ཝཱ་ར་ཎཾ.

༤༠༠. ཨེ་ཀཾ བྷི་ཀྑུཾ ཨུ་པ་གྒ་མྨ, ནི་སཱི་དི་ཏྭཱ ཨུ་ཀྐུ་ཊི་ཀཾ;

ཨ་ཉྫ་ལིཾ པ་གྒ་ཎྷི་ཏྭཱ་ན, ད་དེ ཚ་ནྡཾ ཝི་ཙ་ཀྑ་ཎོ.

༤༠༡. (ཀ) ‘‘ཚ་ནྡཾ ད་མྨི, ཚ་ནྡཾ མེ ཧ་ར, ཚ་ནྡཾ མེ ཨཱ་རོ་ཙེ་ཧཱི’’ཏི ཝ་ཏྟ་བྦཾ.

(ཁ) པཱ་རི་སུ་དྡྷིཾ དེ་ནྟེ་ན ‘‘པཱ་རི་སུ་དྡྷིཾ ད་མྨི, པཱ་རི་སུ་དྡྷིཾ མེ ཧ་ར, པཱ་རི་སུ་དྡྷིཾ མེ ཨཱ་རོ་ཙེ་ཧཱི’’ཏི ཝ་ཏྟ་བྦཾ.

༤༠༢. པཱ་རི་སུ་དྡྷི་པྤ་དཱ་ནེ་ན, ས་མྤཱ་དེ་ཏི ཨུ་པོ་ས་ཐཾ;

ས་ངྒྷ་སྶ ཨ་ཏྟ་ནོ ཙཱ་པི, སེ་ས་ཀ་མྨཾ ཝི་བཱ་དྷ་ཏི.

༤༠༣. ཚ་ནྡ་དཱ་ནེ་ན ས་ངྒྷ་སྶ, དྭ་ཡཾ སཱ་དྷེ་ཏི ན་ཏྟ་ནོ;

ཏ་སྨཱ ཚ་ནྡཾ ད་ད་ནྟེ་ན, དཱ་ཏ་བྦཱ པཱ་རི་སུ་དྡྷི་པི.

༤༠༤. ཧ་རེ་ཡྻེ་ཀོ བ་ཧཱུ་ན་མྤི, པ་ར་མྤ་རཱ ན ཧཱ་ར་ཡེ;

པ་ར་མྤ་རཱ་ཧ་ཊཱ ཚ་ནྡ-པཱ་རི་སུ་དྡྷི ན ག་ཙྪ་ཏི.

༤༠༥. ས་བྦཱུ་པ་ཙཱ་རཾ ཀ་ཏྭཱ་ན, ཨེ་ཝཾ དེ་ཡྻཱ པ་ཝཱ་ར་ཎཱ. ‘‘པ་ཝཱ་ར་ཎཾ ད་མྨི, པ་ཝཱ་ར་ཎཾ མེ ཧ་ར, པ་ཝཱ་ར་ཎཾ མེ ཨཱ་རོ་ཙེ་ཧི, མ་མ་ཏྠཱ་ཡ པ་ཝཱ་རེ་ཧཱི’’ཏི.

༤༠༦. ཨཱ་རོ་ཙེ་ཏྭཱ་ཐ སོ ས་ངྒྷཾ, པ་ཝཱ་རེ་ཡྻེ་ཝ་མཱ་ག་ཏོ. ‘‘ཨི་ཏྠ་ནྣཱ་མོ, བྷ་ནྟེ, ས་ངྒྷཾ པ་ཝཱ་རེ་ཏི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ཏུ ཏཾ ས་ངྒྷོ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶ་ཏཱི’’ཏི.

༤༠༧. ག་ཧེ་ཏྭཱ པཱ་རི་སུ་དྡྷིཾ ཝཱ, ཚ་ནྡཾ ཝཱ་པི པ་ཝཱ་ར་ཎཾ;

ཧཱ་ར་ཀོ ས་ངྒྷ་མ་པྤ་ཏྭཱ, ཝི་བྦྷ་མེ་ཡྻ མ་རེ་ཡྻ ཝཱ.

༤༠༨. སཱ་མ་ཎེ་རཱ་དི་བྷཱ་ཝཾ ཝཱ,

པ་ཊི་ཛཱ་ནེ་ཡྻ ནཱ་ཧ་ཊཱ;

པ་ཏྭཱ ས་ངྒྷཾ ཏ་ཐཱ ཧེ་ཡྻ,

ཨཱ་ཧ་ཊཱ ཧོ་ཏི ཧཱ་ར་ཀོ.

༤༠༩. ས་ངྒྷ་པྤ་ཏྟོ པ་མ་ཏྟོ ཝཱ, སུ་ཏྟོ ནཱ་རོ་ཙ་ཡེ་ཡྻ ཝཱ;

ཨ་ནཱ་པ་ཏྟི་ཝ ས་ཉྩི་ཙྩ, ནཱ་རོ་ཙེ་ནྟ་སྶ དུ་ཀྐ་ཊ་ནྟི.