༢༨. ཀ་མྨ་ནི་དྡེ་སོ
ཀ་མྨ་ཉྩཱཏི –
༡༩༩. ཝ་གྒེ་ན ཨ་དྷ་མྨ་ཀ་མྨཾ, ས་མ་གྒེ་ན ཨ་དྷ་མྨི་ཀཾ;
ཝ་གྒེ་ན དྷ་མྨ་ཀ་མྨ་ཉྩ, ས་མ་གྒེ་ན ཙ དྷ་མྨི་ཀཾ;
ཙ་ཏུ་ཏྠཾ་ཡེ་ཝཱ་ནུ་ཉྙཱ་ཏཾ, སེ་ས་ཀ་མྨེ་སུ དུ་ཀྐ་ཊཾ.
༢༠༠. ཙ་ཏུ་ཝ་གྒོ པ་ཉྩ་ཝ་གྒོ, ད་ས་ཝཱི་ས་ཏི་ཝ་གྒི་ཀོ;
ཏི་རེ་ཀ་ཝཱི་ས་ཏི་ཝ་གྒོ, པ་ཉྩ ས་ངྒྷཱ ཝི་བྷཱ་ཝི་ཏཱ.
༢༠༡. ཙ་ཏུ་ཝ་གྒེ་ཏྠ ཨ་བྦྷཱ་ནུ-པ་ས་མྤ་དཱ་པ་ཝཱ་ར་ཎཱ;
པ་ཉྩ་ཝ་གྒོ ཙ ཨ་བྦྷཱ་ནཾ, མ་ཛ྄ཛྷ་དེ་སུ་པ་ས་མྤ་དཾ.
༢༠༢. ད་ས་ཝ་གྒོ ཙ ཨ་བྦྷཱ་ནཾ, ཋ་པེ་ཏྭཱ ས་བྦ་ཀ་མྨི་ཀོ;
ཨི་ཏ་རོ ས་བྦ་ཀ་མྨེ་སུ, ཀ་མྨ་པྤ་ཏྟོ་ཏི དཱི་པི་ཏོ.
༢༠༣. ཙ་ཏུ་ཝ་གྒེ་ན ཀ་ཏྟ་བྦེ, ཙ་ཏྟཱ་རོ པ་ཀ་ཏ་ཏྟ་ཀཱ;
ཀ་མྨ་པྤ་ཏྟཱ པ་རེ ཚ་ནྡཱ-ར་ཧཱ སེ་སེ་པྱ་ཡཾ ན་ཡོ.
༢༠༤. ཙ་ཏུ་ཝ་གྒཱ་དི་ཀ་ཏྟ་བྦཾ, ཨ་སཾ་ཝཱ་ས་ཀ་མྨཱ་ར་ཧ;
ག་རུ་ཀ་ཊྛེ་སྭ་ཉྙ་ཏ་རཾ, ཀ་ཏྭཱ་ན ག་ཎ་པཱུ་ར་ཀཾ;
པ་རི་ཝཱ་སཱ་དི་ཀཾ ཀ་མྨཾ, ཀ་ཏཾ ཀུ་པྤ་ཉྩ དུ་ཀྐ་ཊཾ.
༢༠༥. ཨ་དྷ་མྨ་ཀ་མྨཾ ཝཱ་རེ་ཡྻ, ཨ་ནྟ་རཱ་ཡེ དུ་ཝེ ཏ་ཡོ;
དི་ཊྛཱ་ཝི་མེ་ཀོ་དྷི་ཊྛཱ་ནཾ, ཝཱ་རེ་ནྟེ་ཝ ཏ་ཏོ་དྷི་ཀཱ.
༢༠༦. ཀ་མྨཱ་ར་ཧཱ ཨ་སཾ་ཝཱ་སཱ, ཁི་ཏྟ་ཙི་ཏྟ་དུ་ཁ་ཊྚི་ཏཱ;
ཨེ་ཏེ་སཾ ས་ངྒྷ་མ་ཛ྄ཛྷ་མྷི, པ་ཊི་ཀྑེ་པོ ན རུ་ཧ་ཏི.
༢༠༧. པ་ཀ་ཏ་ཏྟེ་ཀ་སཱི་མ་ཊྛ-ས་མ་སཾ་ཝཱ་ས་བྷི་ཀྑུ་ནོ;
ཨཱ་རོ་ཙེ་ནྟ་སྶ་ནྟ་མ་སོ-ན་ནྟ་ར་སྶཱ་པི རཱུ་ཧ་ཏི.
༢༠༨. ཀོ་པེ་ཏུཾ དྷ་མྨི་ཀཾ ཀ་མྨཾ, པ་ཊི་ཀྐོ་སེ་ཡྻ ས་མྨུ་ཁཱ;
ཏི་རོ་ཀྑཱ ཀཱ་ཡ་སཱ་མ་གྒིཾ, ཚ་ནྡཾ ནོ དེ་ཡྻ དུ་ཀྐ་ཊ་ནྟི.