༡༡. བྷེ་དཱ་ནུ་ཝ་ཏྟ་ཀ་སི་ཀྑཱ་པ་ད་ཝ་ཎྞ་ནཱ

ཨེ་ཀཱ་ད་ས་མེ ཏ་སྶེ་ཝ ཁོ པ་ནཱཏི ཡོ ས་ངྒྷ་བྷེ་དཱ་ཡ པ་ར་ཀྐ་མ་ཏི, ཏ་སྶེ་ཝ. ཨ་ནུ་ཝ་ཏྟ་ཀཱཏི ཏ་སྶ དི་ཊྛིཾ ཁ་ནྟིཾ རུ་ཙིཾ ག་ཧ་ཎེ་ན ཨ་ནུ་པ་ཊི་པ་ཛྫ་ན་ཀཱ. ཝ་གྒཾ ཨ་སཱ་མ་གྒི་པ་ཀྑི་ཡ་ཝ་ཙ་ནཾ ཝ་ད་ནྟཱི་ཏི ཝ་གྒ་ཝཱ་ད་ཀཱ. ཡ་སྨཱ པ་ན ཏི་ཎྞཾ ཨུ་དྡྷཾ ཀ་མྨཱ་ར་ཧཱ ན ཧོ་ནྟི. ན ཧི ས་ངྒྷོ ས་ངྒྷ་སྶ ཀ་མྨཾ ཀ་རོ་ཏི, ཏ་སྨཱ ‘‘ཨེ་ཀོ ཝཱ དྭེ ཝཱ ཏ་ཡོ ཝཱ’’ཏི ཝུ་ཏྟཾ. ཛཱ་ནཱ་ཏི ནོཏི ཨ་མྷཱ་ཀཾ ཚ་ནྡཱ་དཱི་ནི ཛཱ་ནཱ་ཏི. བྷཱ་ས་ཏཱིཏི ‘‘ཨེ་ཝཾ ཀ་རོ་མཱ’’ཏི ཨ་མྷེ་ཧི ས་དྡྷིཾ བྷཱ་ས་ཏི. ཨ་མྷཱ་ཀ་མྤེ་ཏཾ ཁ་མ་ཏཱིཏི ཡཾ སོ ཀ་རོ་ཏི, ཨེ་ཏཾ ཨ་མྷཱ་ཀ་མྤི རུ་ཙྩ་ཏི. ས་མེ་ཏཱ་ཡ་སྨ་ནྟཱ་ནཾ ས་ངྒྷེ་ནཱཏི ཨཱ་ཡ་སྨ་ནྟཱ་ནཾ ཙི་ཏྟཾ ས་ངྒྷེ་ན ས་དྡྷིཾ ས་མེ་ཏུ ས་མཱ་ག་ཙྪ་ཏུ, ཨེ་ཀཱི་བྷཱ་ཝཾ ག་ཙྪ་ཏཱུ་ཏི ཝུ་ཏྟཾ ཧོ་ཏི. སེ་སཾ པ་ད་ཏྠ་ཏོ ཨུ་ཏྟཱ་ན་མེ་ཝ. ཝི་ནི་ཙྪ་ཡ་ཀ་ཐཱ་པེ་ཏྠ ད་ས་མེ ཝུ་ཏྟ་ས་དི་སཱ་ཡེ་ཝ.

ཨ་ཡཾ པ་ན ཝི་སེ་སོ – ཨི་དཾ རཱ་ཛ་ག་ཧེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ དེ་ཝ་ད་ཏྟ་སྶ ས་ངྒྷ་བྷེ་དཱ་ཡ པ་ར་ཀྐ་མ་ནྟ་སྶ ཨ་ནུ་ཝ་ཏྟ་ན་ཝ་ཏྠུ་སྨིཾ པ་ཉྙ་ཏྟཾ, ཨ་ངྒེ་སུ ཙ ཡ་ཐཱ ཏ་ཏྠ པ་ར་ཀྐ་མ་ནཾ, ཨེ་ཝཾ ཨི་དྷ ཨ་ནུ་ཝ་ཏྟ་ནཾ ད་ཊྛ་བྦ་ནྟི.

བྷེ་དཱ་ནུ་ཝ་ཏྟ་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.