ཀ་ངྑཱ་ཝི་ཏ་ར་ཎཱི-ཨ་ཊྛ་ཀ་ཐཱ

ག་ནྠཱ་ར་མྦྷ་ཀ་ཐཱ

བུ་དྡྷཾ དྷ་མྨ་ཉྩ ས་ངྒྷ་ཉྩ, ཝི་པྤ་ས་ནྣེ་ན ཙེ་ཏ་སཱ;

ཝ་ནྡི་ཏྭཱ ཝ་ནྡ་ནཱ་མཱ་ན, པཱུ་ཛཱ་ས་ཀྐཱ་ར་བྷཱ་ཛ་ནཾ.

ཐེ་ར་ཝཾ་ས་པྤ་དཱི་པཱ་ནཾ, ཐི་རཱ་ནཾ ཝི་ན་ཡ་ཀྐ་མེ;

པུ་བྦཱ་ཙ་རི་ཡ་སཱི་ཧཱ་ནཾ, ན་མོ ཀ་ཏྭཱ ཀ་ཏ་ཉྫ་ལཱི.

པཱ་མོ་ཀྑཾ ཨ་ན་ཝ་ཛྫཱ་ནཾ, དྷ་མྨཱ་ནཾ ཡཾ མ་ཧེ་སི་ནཱ;

མུ་ཁཾ མོ་ཀྑ་པྤ་ཝེ་སཱ་ཡ, པཱ་ཏི་མོ་ཀྑཾ པ་ཀཱ་སི་ཏཾ.

སཱུ་ར་ཏེ་ན ནི་ཝཱ་ཏེ་ན, སུ་ཙི་ས་ལླེ་ཁ་ཝུ་ཏྟི་ནཱ;

ཝི་ན་ཡཱ་ཙཱ་ར་ཡུ་ཏྟེ་ན, སོ་ཎ་ཏྠེ་རེ་ན ཡཱ་ཙི་ཏོ.

ཏ་ཏྠ ས་ཉྫཱ་ཏ་ཀ་ངྑཱ་ནཾ, བྷི་ཀྑཱུ་ནཾ ཏ་སྶ ཝ་ཎྞ་ནཾ;

ཀ་ངྑཱ་ཝི་ཏ་ར་ཎ་ཏྠཱ་ཡ, པ་རི་པུ་ཎྞ་ཝི་ནི་ཙྪ་ཡཾ.

མ་ཧཱ་ཝི་ཧཱ་ར་ཝཱ་སཱི་ནཾ, ཝཱ་ཙ་ནཱ་མ་གྒ་ནི་སྶི་ཏཾ;

ཝ་ཏྟ་ཡི་སྶཱ་མི ནཱ་མེ་ན, ཀ་ངྑཱ་ཝི་ཏ་ར་ཎིཾ སུ་བྷ་ནྟི.