༧. ཨཱ་མ་ཀ་དྷ་ཉྙ་སི་ཀྑཱ་པ་ད་ཝ་ཎྞ་ནཱ

ས་ཏྟ་མེ ཝི་ཉྙ་ཏྭཱཏི ཨ་ནྟ་མ་སོ མཱ་ཏ་ར་མྤི ཡཱ་ཙི་ཏྭཱ. བྷུ་ཉྫེ་ཡྻཱཏི ཨ་ཛ྄ཛྷོ་ཧ་རེ་ཡྻ. ཨེ་ཏྠ ཙ ཝི་ཉྙ་ཏྟི ཙེ་ཝ བྷོ་ཛ་ན་ཉྩ པ་མཱ་ཎཾ, ཏ་སྨཱ ས་ཡཾ ཝི་ཉྙ་ཏྭཱ ཨ་ཉྙཱ་ཡ བྷ་ཛྫ་ནཱ་དཱི་ནི ཀཱ་རཱ་པེ་ཏྭཱ ཝཱ, ཨ་ཉྙཱ་ཡ ཝི་ཉྙཱ་པེ་ཏྭཱ ས་ཡཾ བྷ་ཛྫ་ནཱ་དཱི་ནི ཀ་ཏྭཱ ཝཱ པ་ཊི་གྒ་ཧ་ཎ་ཏོ པ་ཊྛཱ་ཡ ཡཱ་ཝ ད་ནྟེ་ཧི སཾ་ཁཱ་ད་ནཾ, ཏཱ་ཝ པུ་བྦ་པྤ་ཡོ་གེ་སུ དུ་ཀྐ་ཊཱ་ནི, ཨ་ཛ྄ཛྷོ་ཧཱ་རེ ཨ་ཛ྄ཛྷོ་ཧཱ་རེ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ ཨཱ་མ་ཀ་དྷ་ཉྙཾ ཝི་ཉྙཱ་པ་ན་ཝ་ཏྠུ་སྨིཾ པ་ཉྙ་ཏྟཾ, ས་ཡཾ ཝཱ ཨ་ཉྙཱ་ཡ ཝཱ ཨ་ཝི་ཉྙ་ཏྟི་ཡཱ ལ་དྡྷཾ བྷ་ཛྫ་ནཱ་དཱི་ནི ཀ་ཏྭཱ ཝཱ ཀཱ་རེ་ཏྭཱ ཝཱ བྷུ་ཉྫ་ནྟི་ཡཱ དུ་ཀྐ་ཊཾ, ཨ་ཉྙཱ་ཡ ཝི་ཉྙ་ཏྟི་ཡཱ ལ་དྡྷཾ པ་ན ས་ཡཾ བྷ་ཛྫ་ནཱ་དཱི་ནི ཀ་ཏྭཱ་པི ཀཱ་རེ་ཏྭཱ་པི བྷུ་ཉྫ་ནྟི་ཡཱ དུ་ཀྐ་ཊ་མེ་ཝ. ཨཱ་བཱ་དྷེ ས་ཏི སེ་ད་ཀ་མྨཱ་དཱི་ནཾ ཨ་ཏྠཱ་ཡ ཝི་ཉྙཱ་པེ་ནྟི་ཡཱ, ཨ་ཝི་ཉྙ་ཏྟི་ཡཱ ལ་བྦྷ་མཱ་ནཾ ན་ཝ་ཀ་མྨ་ཏྠཱ་ཡ ས་མྤ་ཊི་ཙྪ་ནྟི་ཡཱ, ཉཱ་ཏ་ཀ་པྤ་ཝཱ་རི་ཏ་ཊྛཱ་ནེ མུ་གྒ་མཱ་སཱ་དི་ཨ་པ་ར་ཎྞཾ ཝི་ཉྙཱ་པེ་ནྟི་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ས་ཏྟ་ནྣཾ དྷ་ཉྙཱ་ནཾ ཨ་ཉྙ་ཏ་ར་སྶ ཝི་ཉྙཱ་པ་ནཾ ཝཱ ཝི་ཉྙཱ་པཱ་པ་ནཾ ཝཱ, པ་ཊི་ལཱ་བྷོ, བྷ་ཛྫ་ནཱ་དཱི་ནི ཀ་ཏྭཱ ཝཱ ཀཱ་རེ་ཏྭཱ ཝཱ ཨ་ཛ྄ཛྷོ་ཧ་ར་ཎ་ནྟི ཨི་མཱ་ནེ་ཏྠ ཏཱི་ཎི ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨ་དྡྷཱ་ན་མ་གྒ་སི་ཀྑཱ་པ་ད་ས་དི་སཱ་ནཱི་ཏི.

ཨཱ་མ་ཀ་དྷ་ཉྙ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.