༥. ཨུ་ད་ཀ་སུ་དྡྷི་ཀ་སི་ཀྑཱ་པ་ད་ཝ་ཎྞ་ནཱ

པ་ཉྩ་མེ ཨུ་ད་ཀ་སུ་དྡྷི་ཀནྟི མུ་ཏྟ་ཀ་ར་ཎ་སྶ དྷོ་ཝ་ནཾ. ཨཱ་དི་ཡ་མཱ་ནཱ་ཡཱཏི ཀ་རོ་ནྟི་ཡཱ. དྭ་ངྒུ་ལ་པ་བྦ་པ་ར་མཾ ཨཱ་དཱ་ཏ་བྦནྟི དྭཱི་སུ ཨ་ངྒུ་ལཱི་སུ ཨེ་ཀེ་ཀཾ ཀ་ཏྭཱ དྭ་ངྒུ་ལ་པ་བྦ་པ་ར་མཾ ཨཱ་དཱ་ཏ་བྦཾ. ཏཾ ཨ་ཏི་ཀྐཱ་མེ་ནྟི་ཡཱཏི ས་ཙེ དྷོ་ཝ་ན་ཀཱ་ལེ རཱ་ག་ཝ་སེ་ན ཝི་ཏྠཱ་ར་ཏོ ཏ་ཏི་ཡཱ་ཡ ཨ་ངྒུ་ལི་ཡཱ ཨ་གྒ་པ་བྦཾ, ག་མྦྷཱི་ར་ཏོ ཨེ་ཀི་སྶཱ་ཝ ཨ་ངྒུ་ལི་ཡཱ ཏ་ཏི་ཡ་པ་བྦཾ པ་ཝེ་སེ་ཏི པཱ་ཙི་ཏྟི་ཡཾ.

ས་ཀྐེ་སུ ཨ་ཉྙ་ཏ་རཾ བྷི་ཀྑུ་ནིཾ ཨཱ་ར་བྦྷ ཨ་ཏི་ག་མྦྷཱི་རཾ ཨུ་ད་ཀ་སུ་དྡྷི་ཀཾ ཨཱ་དི་ཡ་ན་ཝ་ཏྠུ་སྨིཾ པ་ཉྙ་ཏྟཾ, ཏི་ཀ་པཱ་ཙི་ཏྟི་ཡཾ, ཨཱུ་ན་ཀ་དྭ་ངྒུ་ལ་པ་བྦེ དྭི་ཀ་དུ་ཀྐ་ཊཾ. ཏ་སྨིཾ པ་ན ཨཱུ་ན་ཀ་ས་ཉྙཱ་ཡ, དྭ་ངྒུ་ལ་པ་བྦ་པ་ར་མཾ ཨཱ་དི་ཡ་ནྟི་ཡཱ, ཨཱ་བཱ་དྷ་པ་ཙྩ་ཡཱ ཨ་ཏི་རེ་ཀ་མྤི, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི, སེ་སཾ ཏ་ཏི་ཡ་ས་དི་ས་མེ་ཝཱ་ཏི.

ཨུ་ད་ཀ་སུ་དྡྷི་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.