ནི་སྶ་གྒི་ཡ་ཀ་ཎྜོ
༡. པ་ཏྟ་ས་ནྣི་ཙ་ཡ་སི་ཀྑཱ་པ་ད་ཝ་ཎྞ་ནཱ
ནི་སྶ་གྒི་ཡེ་སུ ཨཱ་དི་ཝ་གྒ་སྶ ཏཱ་ཝ པ་ཋ་མེ པ་ཏྟ་ས་ནྣི་ཙ་ཡཾ ཀ་རེ་ཡྻཱཏི པ་ཏྟ་ས་ནྣི་དྷིཾ ཀ་རེ་ཡྻ, ཨེ་ཀཱ་ཧཾ ཨ་ན་དྷི་ཊྛ་ཧི་ཏྭཱ ཝཱ ཨ་ཝི་ཀ་པྤེ་ཏྭཱ ཝཱ ཨ་དྷི་ཊྛཱ་ནུ་པ་གཾ པ་ཏྟཾ ཋ་པེ་ཡྻཱ་ཏི ཨ་ཏྠོ.
སཱ་ཝ་ཏྠི་ཡཾ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ པ་ཏྟ་ས་ནྣི་ཙ་ཡ་ཝ་ཏྠུ་སྨིཾ པ་ཉྙ་ཏྟཾ, སེ་ས་ཀ་ཐཱ་མ་གྒོ བྷི་ཀྑུ་པཱ་ཏི་མོ་ཀྑ་ཝ་ཎྞ་ནཱ་ཡཾ ཝུ་ཏྟ་ན་ཡེ་ནེ་ཝ ཝེ་དི་ཏ་བྦོ, ཏ་ཏྲ ཧི ད་སཱ་ཧཱ་ཏི་ཀྐ་མེ ཨཱ་པ་ཏྟི, ཨི་དྷ ཨེ་ཀཱ་ཧཱ་ཏི་ཀྐ་མེ་ཏི ཨེ་ཏྟ་ཀ་མེ་ཝ ཏ་སྶ ཙ ཨི་མ་སྶ ཙ ནཱ་ནཱ་ཀ་ར་ཎཾ, སེ་སཾ ཏཱ་དི་ས་མེ་ཝཱ་ཏི.
པ་ཏྟ་ས་ནྣི་ཙ་ཡ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༢. ཨ་ཀཱ་ལ་ཙཱི་ཝ་ར་སི་ཀྑཱ་པ་ད་ཝ་ཎྞ་ནཱ
དུ་ཏི་ཡེ ཨ་ཀཱ་ལ་ཙཱི་ཝ་རནྟི ཨ་ཏྠ་ཏེ ཀ་ཐི་ནེ ཀ་ཐི་ན་མཱ་སེ་ཧི, ཨ་ན་ཏྠ་ཏེ ཙཱི་ཝ་ར་མཱ་ས་ཏོ ཨ་ཉྙ་སྨིཾ ཀཱ་ལེ ཨུ་པྤ་ནྣཾ, ཡཾ ཝཱ པ་ན ཀཱ་ལེ་པི ཨཱ་དི་སྶ དི་ནྣཾ. ཨཱ་དི་སྶ དི་ནྣཾ ནཱ་མ ‘‘ས་མྤ་ཏྟཱ བྷཱ་ཛེ་ནྟཱུ’’ཏི ཝ་ཏྭཱ ཝཱ, ‘‘ཨི་དཾ ག་ཎ་སྶ, ཨི་དཾ ཏུ་མྷཱ་ཀཾ ད་མྨཱི’’ཏི ཝ་ཏྭཱ ཝཱ, དཱ་ཏུ་ཀཱ་མ་ཏཱ་ཡ པཱ་ད་མཱུ་ལེ ཋ་པེ་ཏྭཱ ཝཱ དི་ནྣཾ. ཨི་ཙྩེ་ཏཾ ཨ་ཀཱ་ལ་ཙཱི་ཝ་རཾ ‘‘ཀཱ་ལ་ཙཱི་ཝ་ར’’ནྟི ཨ་དྷི་ཊྛ་ཧི་ཏྭཱ བྷཱ་ཛཱ་པེ་ནྟི་ཡཱ པ་ཡོ་གེ དུ་ཀྐ་ཊཾ, ཡཾ ཨ་ཏྟ་ནཱ ལ་དྡྷཾ, ཏཾ ནི་སྶ་གྒི་ཡཾ ཧོ་ཏི. ནི་སྶ་ཊྛཾ པ་ཊི་ལ་བྷི་ཏྭཱ་པི ཡ་ཐཱ་དཱ་ནེ་ཡེ་ཝ ཨུ་པ་ནེ་ཏ་བྦཾ, ཨ་ཉྙ་སྨི་མྤི ཨེ་ཝ་རཱུ་པེ སི་ཀྑཱ་པ་དེ ཨེ་སེ་ཝ ན་ཡོ.
སཱ་ཝ་ཏྠི་ཡཾ ཐུ་ལླ་ན་ནྡཾ ཨཱ་ར་བྦྷ ཨ་ཀཱ་ལ་ཙཱི་ཝ་རཾ ‘‘ཀཱ་ལ་ཙཱི་ཝ་ར’’ནྟི ཨ་དྷི་ཊྛ་ཧི་ཏྭཱ བྷཱ་ཛ་ན་ཝ་ཏྠུ་སྨིཾ པ་ཉྙ་ཏྟཾ, ཨ་ཀཱ་ལ་ཙཱི་ཝ་རེ ཝེ་མ་ཏི་ཀཱ་ཡ, ཀཱ་ལ་ཙཱི་ཝ་རེ ཨ་ཀཱ་ལ་ཙཱི་ཝ་ར་ས་ཉྙཱ་ཡ ཙེ་ཝ ཝེ་མ་ཏི་ཀཱ་ཡ ཙ དུ་ཀྐ་ཊཾ. ཨུ་བྷོ་སུ ཀཱ་ལ་ཙཱི་ཝ་ར་ས་ཉྙཱ་ཡ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨ་ཀཱ་ལ་ཙཱི་ཝ་ར་ཏཱ, ཏ་ཐཱ་ས་ཉྙི་ཏཱ, ‘‘ཀཱ་ལ་ཙཱི་ཝ་ར’’ནྟི ཨ་དྷི་ཊྛཱ་ཡ ལེ་སེ་ན བྷཱ་ཛཱ་པ་ནཾ, པ་ཊི་ལཱ་བྷོ་ཏི ཨི་མཱ་ནེ་ཏྠ ཙ་ཏྟཱ་རི ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨ་དི་ནྣཱ་དཱ་ན་ས་དི་སཱ་ནཱི་ཏི.
ཨ་ཀཱ་ལ་ཙཱི་ཝ་ར་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༣. ཙཱི་ཝ་ར་པ་རི་ཝ་ཏྟ་ན་སི་ཀྑཱ་པ་ད་ཝ་ཎྞ་ནཱ
ཏ་ཏི་ཡེ ཧ་ནྡཱཏི ག་ཎྷ. ཨ་ཙྪི་ནྡེ་ཡྻཱཏི ས་ཡཾ ཨ་ཙྪི་ནྡ་ནྟི་ཡཱ བ་ནྡྷི་ཏྭཱ ཋ་པི་ཏེ་སུ བ་ཧཱུ་སུ་པི ཨེ་ཀཱ་པ་ཏྟི, ཨི་ཏ་རེ་སུ ཝ་ཏྠུ་ག་ཎ་ནཱ་ཡ ཨཱ་པ་ཏྟི་ཡོ. ཨ་ཙྪི་ནྡཱ་པ་ནེ པ་ན ཨེ་ཀཱ་ཡ ཨཱ་ཎ་ཏྟི་ཡཱ བ་ཧཱུ་སུ ཨ་ཙྪི་ནྣེ་སུ་པི ཨེ་ཀཱ་ཝཱ་པ་ཏྟི.
སཱ་ཝ་ཏྠི་ཡཾ ཐུ་ལླ་ན་ནྡཾ ཨཱ་ར་བྦྷ ཙཱི་ཝ་རཾ པ་རི་ཝ་ཏྟེ་ཏྭཱ ཨ་ཙྪི་ནྡ་ན་ཝ་ཏྠུ་སྨིཾ པ་ཉྙ་ཏྟཾ, སཱ་ཎ་ཏྟི་ཀཾ, ཏི་ཀ་པཱ་ཙི་ཏྟི་ཡཾ, ཨ་ཉྙ་སྨིཾ པ་རི་ཀྑཱ་རེ ཏི་ཀ་དུ་ཀྐ་ཊཾ, ཨ་ནུ་པ་ས་མྤ་ནྣཱ་ཡ ཙཱི་ཝ་རེ་པི ཏི་ཀ་དུ་ཀྐ་ཊ་མེ་ཝ. ཡཱ པ་ན ཏཱ་ཡ ཝཱ དི་ཡྻ་མཱ་ནཾ, ཏ་སྶཱ ཝཱ ཝི་སྶཱ་སཾ ག་ཎྷཱ་ཏི, ཏ་སྶཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨུ་པ་ས་མྤ་ནྣ་ཏཱ, པ་རི་ཝ་ཏྟི་ཏ་ཙཱི་ཝ་ར་སྶ ཝི་ཀ་པྤ་ནུ་པ་ག་ཏཱ, ས་ཀ་ས་ཉྙཱ་ཡ ཨ་ཙྪི་ནྡ་ནཾ ཝཱ ཨ་ཙྪི་ནྡཱ་པ་ནཾ ཝཱ་ཏི ཨི་མཱ་ནེ་ཏྠ ཏཱི་ཎི ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨ་དི་ནྣཱ་དཱ་ན་ས་དི་སཱ་ནི, ཨི་དཾ པ་ན དུ་ཀྑ་ཝེ་ད་ན་ནྟི.
ཙཱི་ཝ་ར་པ་རི་ཝ་ཏྟ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༤. ཨ་ཉྙ་ཝི་ཉྙཱ་པ་ན་སི་ཀྑཱ་པ་ད་ཝ་ཎྞ་ནཱ
ཙ་ཏུ་ཏྠེ ཝི་ཉྙཱ་པེ་ཏྭཱཏི ཛཱ་ནཱ་པེ་ཏྭཱ, ‘‘ཨི་དཾ ནཱ་མ ཨཱ་ཧ་རཱ’’ཏི ཡཱ་ཙི་ཏྭཱ ཝཱ. ཨ་ཉྙཾ ཝི་ཉྙཱ་པེ་ཡྻཱཏི ཡཾ པུ་བྦེ ‘‘ཀི་ནྟེ, ཨ་ཡྻེ, ཨ་ཕཱ་སུ, ཀིཾ ཨཱ་ཧ་རི་ཡ་ཏཱུ’’ཏི ཝུ་ཏྟཱ་ཡ ཝི་ཉྙཱ་པི་ཏཾ, ཏཾ པ་ཊི་ཀྑི་པི་ཏྭཱ ཏ་ཉྩེ་ཝ ཨ་ཉྙ་ཉྩ ག་ཧེ་ཏུ་ཀཱ་མཱ ཏ་ཏོ ཨ་ཉྙཾ ཝི་ཉྙཱ་པེ་ཡྻ, ཏ་སྶཱ ཝི་ཉྙ་ཏྟི་ཡཱ དུ་ཀྐ་ཊཾ, པ་ཊི་ལཱ་བྷེ་ན ནི་སྶ་གྒི་ཡཾ ཧོ་ཏི.
སཱ་ཝ་ཏྠི་ཡཾ ཐུ་ལླ་ན་ནྡཾ ཨཱ་ར་བྦྷ ཨ་ཉྙཾ ཝི་ཉྙཱ་པེ་ཏྭཱ ཨ་ཉྙཾ ཝི་ཉྙཱ་པ་ན་ཝ་ཏྠུ་སྨིཾ པ་ཉྙ་ཏྟཾ, ཏི་ཀ་པཱ་ཙི་ཏྟི་ཡཾ, ཨ་ན་ཉྙེ དྭི་ཀ་དུ་ཀྐ་ཊཾ. ཨ་ན་ཉྙེ ཨ་ན་ཉྙ་ས་ཉྙཱ་ཡ པ་ན, ཏ་སྨིཾ ཨ་པྤ་ཧོ་ནྟེ པུ་ན ཏ་ཉྙེ་ཝ, ཨ་ཉྙེ་ན་པི ཨ་ཏྠེ ས་ཏི ཏེ་ན ས་དྡྷིཾ ཨ་ཉྙ་ཉྩ, ཡ་ཉྩ ཝི་ཉྙ་ཏྟཾ, ཏ་ཏོ ཙེ ཨ་ཉྙཾ ས་མ་གྒྷ་ཏ་རཾ ཧོ་ཏི, ཨི་མཾ ཨཱ་ནི་སཾ་སཾ ད་སྶེ་ཏྭཱ སུ་དྡྷཾ ཨ་ཉྙ་མེ་ཝ ཙ ཝི་ཉྙཱ་པེ་ནྟི་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ལེ་སེ་ན ག་ཧེ་ཏུ་ཀཱ་མ་ཏཱ, ཨ་ཉྙ་སྶ ཝི་ཉྙཱ་པ་ནཾ, པ་ཊི་ལཱ་བྷོ་ཏི ཨི་མཱ་ནེ་ཏྠ ཏཱི་ཎི ཨ་ངྒཱ་ནི. ས་མུ་ཊྛཱ་ནཱ་དཱི་ནི ས་ཉྩ་རི་ཏྟ་ས་དི་སཱ་ནཱི་ཏི.
ཨ་ཉྙ་ཝི་ཉྙཱ་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༥. ཨ་ཉྙ་ཙེ་ཏཱ་པ་ན་སི་ཀྑཱ་པ་ད་ཝ་ཎྞ་ནཱ
པ་ཉྩ་མེ ཨ་ཉྙཾ ཙེ་ཏཱ་པེ་ཏྭཱཏི ཨ་ཏྟ་ནོ ཀ་པྤི་ཡ་བྷ་ཎྜེ་ན ‘‘ཨི་དཾ ནཱ་མ ཨཱ་ཧ་རཱ’’ཏི ཨ་ཉྙཾ པ་རི་ཝ་ཏྟཱ་པེ་ཏྭཱ. ཨ་ཉྙཾ ཙེ་ཏཱ་པེ་ཡྻཱཏི ‘‘ཨེ་ཝཾ མེ ཨི་དཾ ད་ཏྭཱ ཨ་ཉྙ་མྤི ཨཱ་ཧ་རི་སྶ་ཏཱི’’ཏི མ་ཉྙ་མཱ་ནཱ ‘‘ན མེ ཨི་མི་ནཱ ཨ་ཏྠོ, ཨི་དཾ ནཱ་མ མེ ཨཱ་ཧ་རཱ’’ཏི ཏ་ཏོ ཨ་ཉྙཾ ཙེ་ཏཱ་པེ་ཡྻ. ཏ་སྶཱ ཙེ་ཏཱ་པ་ན་པྤ་ཡོ་གེ དུ་ཀྐ་ཊཾ, པ་ཊི་ལཱ་བྷེ་ན ཏེ་ན ཝཱ ཨ་ཉྙེ་ན ཝཱ མཱུ་ལེ་ན ཨཱ་ཧ་ཊཾ ནི་སྶ་གྒི་ཡཾ ཧོ་ཏི, སེ་སཾ ཙ་ཏུ་ཏྠ་ས་དི་ས་མེ་ཝཱ་ཏི.
ཨ་ཉྙ་ཙེ་ཏཱ་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༦. པ་ཋ་མ་ས་ངྒྷི་ཀ་ཙེ་ཏཱ་པ་ན་སི་ཀྑཱ་པ་ད་ཝ་ཎྞ་ནཱ
ཚ་ཊྛེ ཨ་ཉྙ་ད་ཏྠི་ཀེ་ནཱཏི ཨ་ཉྙ་སྶ་ཏྠཱ་ཡ དི་ནྣེ་ན. ཨ་ཉྙུ་དྡི་སི་ཀེ་ནཱཏི ཨ་ཉྙཾ ཨུ་དྡི་སི་ཏྭཱ དི་ནྣེ་ན. ས་ངྒྷི་ཀེ་ནཱཏི ས་ངྒྷ་སྶ པ་རི་ཙྩ་ཏྟེ་ན. པ་རི་ཀྑཱ་རེ་ནཱཏི ཀ་པྤི་ཡ་བྷ་ཎྜེ་ན. ཨ་ཉྙཾ ཙེ་ཏཱ་པེ་ཡྻཱཏི ‘‘ཨི་དཾ ནཱ་མ པ་རི་བྷུ་ཉྫེ་ཡྻཱ་ཐཱ’’ཏི ཡཾ ཨུ་དྡི་སི་ཏྭཱ ནི་ཡ་མེ་ཏྭཱ ཡོ པ་རི་ཀྑཱ་རོ དི་ནྣོ, ཏ་ཏོ ཨ་ཉྙཾ པ་རི་ཝ་ཏྟཱ་པེ་ཡྻ, ཏ་སྶཱ པ་ཡོ་གེ དུ་ཀྐ་ཊཾ, པ་ཊི་ལཱ་བྷེ་ན ནི་སྶ་གྒི་ཡཾ.
སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ ཏཱ་དི་སེ་ན པ་རི་ཀྑཱ་རེ་ན ཨ་ཉྙཾ ཙེ་ཏཱ་པ་ན་ཝ་ཏྠུ་སྨིཾ པ་ཉྙ་ཏྟཾ, ཏི་ཀ་པཱ་ཙི་ཏྟི་ཡཾ, ཨ་ན་ཉྙ་ད་ཏྠི་ཀེ དྭི་ཀ་དུ་ཀྐ་ཊཾ. ཏ་སྨིཾ པ་ན ཨ་ན་ཉྙ་ད་ཏྠི་ཀ་ས་ཉྙཱ་ཡ, སེ་ས་ཀཾ ཨུ་པ་ནེ་ནྟི་ཡཱ, ‘‘ཏུ་མྷེ་ཧི ཨེ་ཏ་ད་ཏྠཱ་ཡ དི་ནྣོ, ཨ་མྷཱ་ཀ་ཉྩ ཨི་མི་ནཱ ནཱ་མ ཨ་ཏྠོ’’ཏི སཱ་མི་ཀེ ཨ་པ་ལོ་ཀེ་ཏྭཱ ཨུ་པ་ནེ་ནྟི་ཡཱ, ཡ་དཱ བྷི་ཀྑུ་ནི་ཡོ ཝི་ཧཱ་ར་མྤི ཚ་ཌྜེ་ཏྭཱ པ་ཀྐ་མ་ནྟི, ཨེ་ཝ་རཱུ་པཱ་སུ ཨཱ་པ་དཱ་སུ ཨུ་པ་ནེ་ནྟཱི་ནཾ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. སེ་སཾ ཙ་ཏུ་ཏྠ་ས་དི་ས་མེ་ཝཱ་ཏི.
པ་ཋ་མ་ས་ངྒྷི་ཀ་ཙེ་ཏཱ་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༧. དུ་ཏི་ཡ་ས་ངྒྷི་ཀ་ཙེ་ཏཱ་པ་ན་སི་ཀྑཱ་པ་ད་ཝ་ཎྞ་ནཱ
ས་ཏྟ་མེ ས་ཉྙཱ་ཙི་ཀེ་ནཱཏི ས་ཡཾ ཡཱ་ཙི་ཏ་ཀེ་ནཱ་པི. ཨེ་ཏ་དེ་ཝེ་ཏྠ ནཱ་ནཱ་ཀ་ར་ཎཾ, སེ་སཾ ཚ་ཊྛ་ས་དི་ས་མེ་ཝཱ་ཏི.
དུ་ཏི་ཡ་ས་ངྒྷི་ཀ་ཙེ་ཏཱ་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༨. པ་ཋ་མ་ག་ཎི་ཀ་ཙེ་ཏཱ་པ་ན་སི་ཀྑཱ་པ་ད་ཝ་ཎྞ་ནཱ
ཨ་ཊྛ་མེ མ་ཧཱ་ཛ་ནི་ཀེ་ནཱཏི ག་ཎ་སྶ པ་རི་ཙྩ་ཏྟེ་ན, ཨི་ད་མེ་ཏྠ ཚ་ཊྛ་ཏོ ནཱ་ནཱ་ཀ་ར་ཎཾ.
པ་ཋ་མ་ག་ཎི་ཀ་ཙེ་ཏཱ་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༩. དུ་ཏི་ཡ་ག་ཎི་ཀ་ཙེ་ཏཱ་པ་ན་སི་ཀྑཱ་པ་ད་ཝ་ཎྞ་ནཱ
ན་ཝ་མེ ས་ཉྙཱ་ཙི་ཀེ་ནཱཏི ཨི་དཾ ཨ་ཊྛ་མ་ཏོ ཨ་ཏི་རི་ཏྟཾ, སེ་སཾ དྭཱི་སུ་པི ཚ་ཊྛ་སི་ཀྑཱ་པ་ད་ས་དི་ས་མེ་ཝཱ་ཏི.
དུ་ཏི་ཡ་ག་ཎི་ཀ་ཙེ་ཏཱ་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༠. པུ་གྒ་ལི་ཀ་ཙེ་ཏཱ་པ་ན་སི་ཀྑཱ་པ་ད་ཝ་ཎྞ་ནཱ
ད་ས་མེ པུ་གྒ་ལི་ཀེ་ནཱཏི ཨེ་ཀ་བྷི་ཀྑུ་ནི་ཡཱ པ་རི་ཙྩ་ཏྟེ་ན. ས་ཉྙཱ་ཙི་ཀེ་ནཱཏི ས་ཡཾ ཡཱ་ཙི་ཏ་ཀེ་ན ཙ. ཨ་ཉྙཾ ཙེ་ཏཱ་པེ་ཡྻཱཏི ཡཾ ཨུ་དྡི་སི་ཏྭཱ དི་ནྣཾ, ཏ་ཏོ ཨ་ཉྙཾ ཙེ་ཏཱ་པེ་ནྟི་ཡཱ པ་ཡོ་གེ དུ་ཀྐ་ཊཾ, པ་ཊི་ལཱ་བྷེ་ན ནི་སྶ་གྒི་ཡཾ ཧོ་ཏི.
སཱ་ཝ་ཏྠི་ཡཾ ཐུ་ལླ་ན་ནྡཾ ཨཱ་ར་བྦྷ ཏཱ་དི་སེ་ན པ་རི་ཀྑཱ་རེ་ན ཨ་ཉྙཾ ཙེ་ཏཱ་པ་ན་ཝ་ཏྠུ་སྨིཾ པ་ཉྙ་ཏྟཾ, སེ་སཾ ཚ་ཊྛ་ས་དི་ས་མེ་ཝཱ་ཏི.
པུ་གྒ་ལི་ཀ་ཙེ་ཏཱ་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
པ་ཏྟ་ཝ་གྒོ པ་ཋ་མོ.
༡༡. ག་རུ་པཱ་ཝུ་ར་ཎ་སི་ཀྑཱ་པ་ད་ཝ་ཎྞ་ནཱ
དུ་ཏི་ཡ་སྶ པ་ཋ་མེ ག་རུ་པཱ་ཝུ་ར་ཎནྟི སཱི་ཏ་ཀཱ་ལེ པཱ་ཝུ་ར་ཎཾ. ཙ་ཏུ་ཀྐཾ་ས་པ་ར་མནྟི ཀཾ་སོ ནཱ་མ ཙ་ཏུ་ཀྐ་ཧཱ་པ་ཎི་ཀོ ཧོ་ཏི, ཏ་སྨཱ སོ་ལ༹་ས་ཀ་ཧཱ་པ་ཎ་གྒྷ་ན་ཀཾ. ཙེ་ཏཱ་པེ་ཏ་བྦནྟི ཋ་པེ་ཏྭཱ ས་ཧ་དྷ་མྨི་ཀེ ཙ ཉཱ་ཏ་ཀ་པྤ་ཝཱ་རི་ཏེ ཙ ཨ་ཉྙེ་ན ཀི་སྨི་ཉྩི་དེ་ཝ གུ་ཎེ པ་རི་ཏུ་ཊྛེ་ན ‘‘ཝ་དེ་ཐཱ་ཡྻེ, ཡེ་ན་ཏྠོ’’ཏི ཝུ་ཏྟཱ་ཡ ཝི་ཉྙཱ་པེ་ཏ་བྦཾ. ཏ་ཏོ ཙེ ཨུ་ཏྟ་རཱིཏི ཏ་ཏུ་ཏྟ་རི ཝི་ཉྙཱ་པེ་ནྟི་ཡཱ དུ་ཀྐ་ཊཾ, པ་ཊི་ལ་དྡྷཾ ནི་སྶ་གྒི་ཡཾ ཧོ་ཏི.
སཱ་ཝ་ཏྠི་ཡཾ ཐུ་ལླ་ན་ནྡཾ ཨཱ་ར་བྦྷ རཱ་ཛཱ་ནཾ ཀ་མྦ་ལཾ ཝི་ཉྙཱ་པ་ན་ཝ་ཏྠུ་སྨིཾ པ་ཉྙ་ཏྟཾ, ཏི་ཀ་པཱ་ཙི་ཏྟི་ཡཾ, ཨཱུ་ན་ཀ་ཙ་ཏུ་ཀྐཾ་སེ དྭི་ཀ་དུ་ཀྐ་ཊཾ. ཏ་སྨིཾ པ་ན ཨཱུ་ན་ཀ་ས་ཉྙཱ་ཡ, ཙ་ཏུ་ཀྐཾ་ས་པ་ར་མཾ ཙེ་ཏཱ་པེ་ནྟི་ཡཱ, ཉཱ་ཏ་ཀ་པྤ་ཝཱ་རི་ཏེ ཝཱ, ཨ་ཉྙ་སྶ ཝཱ ཨ་ཏྠཱ་ཡ, ཨ་ཏྟ་ནོ ཝཱ དྷ་ནེ་ན, མ་ཧ་གྒྷཾ ཙེ་ཏཱ་པེ་ནྟཾ ཨ་པྤ་གྒྷཾ ཙེ་ཏཱ་པེ་ནྟི་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ག་རུ་པཱ་ཝུ་ར་ཎ་ཏཱ, ཨ་ཏི་རེ་ཀ་ཙ་ཏུ་ཀྐཾ་ས་ཏཱ, ཨ་ན་ནུ་ཉྙཱ་ཏ་ཊྛཱ་ནེ ཝི་ཉྙ་ཏྟི, པ་ཊི་ལཱ་བྷོ་ཏི ཨི་མཱ་ནེ་ཏྠ ཙ་ཏྟཱ་རི ཨ་ངྒཱ་ནི. ས་མུ་ཊྛཱ་ནཱ་དཱི་ནི ས་ཉྩ་རི་ཏྟ་ས་དི་སཱ་ནཱི་ཏི.
ག་རུ་པཱ་ཝུ་ར་ཎ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༢. ལ་ཧུ་པཱ་ཝུ་ར་ཎ་སི་ཀྑཱ་པ་ད་ཝ་ཎྞ་ནཱ
དུ་ཏི་ཡེ ལ་ཧུ་པཱ་ཝུ་ར་ཎནྟི ཨུ་ཎྷ་ཀཱ་ལེ པཱ་ཝུ་ར་ཎཾ. ཨ་ཌྜྷ་ཏེ་ཡྻ་ཀཾ་ས་པ་ར་མནྟི ད་ས་ཀ་ཧཱ་པ་ཎ་གྒྷ་ན་ཀཾ, སེ་སཾ པ་ཋ་མ་ས་དི་ས་མེ་ཝཱ་ཏི.
ལ་ཧུ་པཱ་ཝུ་ར་ཎ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
ཨི་ཏོ པ་རཱ་ནི ཨི་མ་སྨིཾ ཝ་གྒེ ཨ་ཊྛ, ཏ་ཏི་ཡ་ཝ་གྒེ ད་སཱ་ཏི ཨི་མཱ་ནི ཨ་ཊྛཱ་ར་ས སི་ཀྑཱ་པ་དཱ་ནི བྷི་ཀྑུ་པཱ་ཏི་མོ་ཀྑ་ཝ་ཎྞ་ནཱ་ཡཾ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཱ་ནཱི་ཏི.
ཛཱ་ཏ་རཱུ་པ་ཝ་གྒོ ཏ་ཏི་ཡོ.
ཨུ་དྡི་ཊྛཱ ཁོ ཨ་ཡྻཱ་ཡོ ཏིཾ་ས ནི་སྶ་གྒི་ཡཱ པཱ་ཙི་ཏྟི་ཡཱ དྷ་མྨཱཏི བྷི་ཀྑཱུ ཨཱ་ར་བྦྷ པ་ཉྙ་ཏྟཱ སཱ་དྷཱ་ར་ཎཱ ཨ་ཊྛཱ་ར་ས, ཨ་སཱ་དྷཱ་ར་ཎཱ དྭཱ་ད་སཱ་ཏི ཨེ་ཝཾ ཏིཾ་ས. སེ་སཾ ས་བྦ་ཏྠ ཨུ་ཏྟཱ་ན་མེ་ཝཱ་ཏི.
ཀ་ངྑཱ་ཝི་ཏ་ར་ཎི་ཡཱ པཱ་ཏི་མོ་ཀྑ་ཝ་ཎྞ་ནཱ་ཡ བྷི་ཀྑུ་ནི་པཱ་ཏི་མོ་ཀྑེ
ནི་སྶ་གྒི་ཡ་པཱ་ཙི་ཏྟི་ཡ་ཝ་ཎྞ་ནཱ ནི་ཊྛི་ཏཱ.