༦. ཝ་ཛྫ་པྤ་ཊི་ཙྪཱ་དི་ཀཱ་སི་ཀྑཱ་པ་ད་ཝ་ཎྞ་ནཱ

དུ་ཏི་ཡེ ག་ཎ་སྶཱཏི ཨ་ཉྙཱ་སཾ བྷི་ཀྑུ་ནཱི་ནཾ. ཋི་ཏཱཏི ས་ལི་ངྒེ ཋི་ཏཱ. ཙུ་ཏཱཏི ཀཱ་ལ་ངྐ་ཏཱ. ནཱ་སི་ཏཱཏི ལི་ངྒ་ནཱ་ས་ནཱ་ཡ ས་ཡཾ ཝཱ ན་ཊྛཱ, ཨ་ཉྙེ་ཧི ཝཱ ནཱ་སི་ཏཱ. ཨ་ཝ་སྶ་ཊཱཏི ཏི་ཏྠཱ་ཡ་ཏ་ནཾ ས་ངྐ་ནྟཱ. པུ་བྦེ་ཝཱ་ཧཾ ཨ་ཡྻེ ཨ་ཉྙཱ་སིནྟི ཨི་དཾ ཏ་སྶཱ ཝ་ཙ་ན་ཀཱ་ལ་ད་སྶ་ནཾ, ས་ལི་ངྒེ ཋི་ཏཱ་ཡ པ་ན པཱ་རཱ་ཛི་ཀ་བྷཱ་ཝཾ ཉ་ཏྭཱ ‘‘ན དཱ་ནི ནཾ ཀ་སྶ་ཙི ཨཱ་རོ་ཙེ་སྶཱ་མཱི’’ཏི དྷུ་རེ ནི་ཀྑི་ཏྟ་མ་ཏྟེ་ཡེ་ཝ ཨ་ཡཾ ཝ་ཛྫ་པྤ་ཊི་ཙྪཱ་དི་ཀཱ ནཱ་མ པཱ་རཱ་ཛི་ཀཱ ཧོ་ཏཱི་ཏི.

སཱ་ཝ་ཏྠི་ཡཾ ཐུ་ལླ་ན་ནྡཾ ཨཱ་ར་བྦྷ ནེ་ཝ་ཨ་ཏྟ་ནཱ་པ་ཊི་ཙོ་ད་ནཱ ན་ག་ཎ་སྶ ཨཱ་རོ་ཙ་ན་ཝ་ཏྠུ་སྨིཾ པ་ཉྙ་ཏྟཾ, སེ་ས་མེ་ཏྠ ས་པྤཱ་ཎ་ཀ་ཝ་གྒ་མྷི དུ་ཊྛུ་ལླཱ་པ་ཏྟི་པྤ་ཊི་ཙྪཱ་ད་ན་སི་ཀྑཱ་པ་དེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ. ཏ་ཏྲ ཧི པཱ་ཙི་ཏྟི་ཡཾ, ཨི་དྷ པཱ་རཱ་ཛི་ཀ་ནྟི ཨ་ཡ་མེ་ཝ ཝི་སེ་སོ, སེ་སཾ ཏཱ་དི་ས་མེ་ཝཱ་ཏི.

ཝ་ཛྫ་པྤ་ཊི་ཙྪཱ་དི་ཀཱ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.