༢༩. ས་མ་སཱུ་པ་ཀ་པ་ཊི་གྒ་ཧ་ཎ་སི་ཀྑཱ་པ་ད་ཝ་ཎྞ་ནཱ

ཏ་ཏི་ཡེ ས་མ་སཱུ་པ་ཀོ ནཱ་མ ཡ་ཏྠ མུ་གྒ་མཱ་སེ་ཧི ཝཱ ཀུ་ལ་ཏྠཱ་དཱི་ཧི ཝཱ ཀ་ཏོ ཧ་ཏྠ་ཧཱ་རི་ཡོ སཱུ་པོ བྷ་ཏྟ་སྶ ཙ་ཏུ་ཏྠ་བྷཱ་ག་པྤ་མཱ་ཎོ ཧོ་ཏི, ཏ་ཏོ ཧི ཨ་དྷི་ཀཾ ག་ཎྷ་ནྟ་སྶ དུ་ཀྐ་ཊཾ. ཋ་པེ་ཏྭཱ པ་ན སཱུ་པཾ ཨ་ཝ་སེ་སཱ ས་བྦཱ་པི སཱུ་པེ་ཡྻ་བྱ་ཉྫ་ན་ཝི་ཀ་ཏི ར་ས་ར་སོ ནཱ་མ ཧོ་ཏི, ཏ་སྨིཾ ར་ས་ར་སེ, ཉཱ་ཏ་ཀཱ་ནཾ ཝཱ པ་ཝཱ་རི་ཏཱ་ནཾ ཝཱ ཨ་ཉྙ་སྶ་ཏྠཱ་ཡ ཝཱ ཨ་ཏྟ་ནོ དྷ་ནེ་ན ཝཱ ཨི་དྷ ཨ་ནཱ་པ་ཏྟི.

༣༠…པེ…༣༢. ས་མ་ཏི་ཏྟི་ཀ་སི་ཀྑཱ་པ་ད་ཝ་ཎྞ་ནཱ

ཙ་ཏུ་ཏྠེ ས་མ་ཏི་ཏྟི་ཀནྟི ས་མ་པུ་ཎྞཾ ས་མ་བྷ་རི་ཏཾ ཨ་དྷི་ཊྛཱ་ནུ་པ་ག་པ་ཏྟ་སྶ ཨ་ནྟོ་མུ་ཁ་ཝ་ཊྚི་ལེ་ཁཾ ཨ་ན་ཏི་ཀྐ་མི་ཏྭཱ ར་ཙི་ཏཾ. པི་ཎྜ་པཱ་ཏནྟི ཡཾ་ཀི་ཉྩི ཡཱ་ཝ་ཀཱ་ལི་ཀཾ. ཨ་ན་དྷི་ཊྛཱ་ནུ་པ་གེ པ་ན ཡཱ་ཝ་ཀཱ་ལི་ཀཾ ཡཱ་མ་ཀཱ་ལི་ཀཱ་དཱི་ནི ཙ ཡ་ཏྠ་ཀ་ཏྠ་ཙི ཐཱུ་པཱི་ཀ་ཏཱ་ནི་པི ཝ་ཊྚ་ནྟི, ཡཾ པ་ན དྭཱི་སུ པ་ཏྟེ་སུ ག་ཧེ་ཏྭཱ ཨེ་ཀཾ པཱུ་རེ་ཏྭཱ ཝི་ཧཱ་རཾ ཧ་ར་ཏི, ཡཾ ཝཱ པ་ཀྑི་པི་ཡ་མཱ་ནཾ པཱུ་ཝ་ཨུ་ཙྪུ་ཀྑ་ཎྜ་ཕ་ལཱ་ཕ་ལཱ་དི ཧེ་ཊྛཱ ཨོ་རོ་ཧ་ཏི, ཏ་ཀྐོ་ལ་ཝ་ཊཾ་ས་ཀཱ་ད་ཡོ ཝཱ ཨུ་པ་རི ཋ་པེ་ཏྭཱ དི་ཡྻ་ནྟི, ཡ་ཉྩ པ་ཎྞེ ཝཱ ཐཱ་ལ་ཀེ ཝཱ པ་ཀྑི་པི་ཏྭཱ པ་ཏྟ་མ་ཏྠ་ཀེ ཋ་པི་ཏཾ ཧོ་ཏི, ན ཏཾ ཐཱུ་པཱི་ཀ་ཏཾ ནཱ་མ, ཏ་སྨཱ ཏཾ ས་བྦཾ ཝ་ཊྚ་ཏི. ཨི་དྷ པ་ན གི་ལཱ་ན་སྶཱ་པི ཨ་ནཱ་པ་ཏྟི ན་ཏྠི, ཏ་སྨཱ ཏེ་ན་པི ས་མ་ཏི་ཏྟི་ཀོ་ཡེ་ཝ ག་ཧེ་ཏ་བྦོ. ས་བྦ་ཏྠ པ་ན པ་ཊི་གྒ་ཧེ་ཏུ་མེ་ཝ ན ཝ་ཊྚ་ཏི, པ་ཊི་གྒ་ཧི་ཏཾ པ་ན སུ་པྤ་ཊི་གྒ་ཧི་ཏཾ པ་རི་བྷུ་ཉྫི་ཏུཾ ཝ་ཊྚ་ཏི. པ་ཉྩ་མ་ཚ་ཊྛཱ་ནི ཝུ་ཏྟ་ན་ཡཱ་ནེ་ཝ.