ཝེ་ད་ནཱ་པ་ད་ནི་དྡེ་ས་ཝ་ཎྞ་ནཱ

༢༣༡. ‘‘སེ་སཱ་ན’’ནྟི ཨེ་ཏྠ ས་མྤ་ཊི་ཙྪ་ན་སྶ ཙ་ཀྑུ་ས་མྥ་སྶཱ་ད་ཡོ པ་ཉྩ ཡ་དི་པི ཨ་ན་ནྟ་རཱ་དཱི་ཧི་པི པ་ཙྩ་ཡཱ ཧོ་ནྟི, ཨ་ན་ནྟ་རཱ་དཱི་ནཾ པ་ན ཨུ་པ་ནི་སྶ་ཡེ ཨ་ནྟོ་ག་དྷ་ཏྟཱ ས་ནྟཱི་ར་ཎ་ཏ་དཱ་ར་མྨ་ཎཱ་ན་ཉྩ སཱ་དྷཱ་ར་ཎ་སྶ ཏ་སྶ ཝ་སེ་ན ‘‘ཨེ་ཀ་དྷཱ’’ཏི ཝུ་ཏྟཾ.

ཏེ་བྷཱུ་མ་ཀ་ཝི་པཱ་ཀ་ཝེ་ད་ནཱ་ན་མྤི ས་ཧ་ཛཱ་ཏ་མ་ནོ་ས་མྥ་སྶ་ས་ངྑཱ་ཏོ སོ ཕ་སྶོ ཨ་ཊྛ་དྷཱ པ་ཙྩ་ཡོ ཧོ་ཏཱི་ཏི ཡོ་ཛེ་ཏ་བྦཾ. པ་ཙྩ་ཡཾ ཨ་ནུ་པཱ་དི་ནྣ་མྤི ཀེ་ཙི ཨི་ཙྪ་ནྟཱི་ཏི ‘‘ཡཱ པ་ནཱ’’ཏི་ཨཱ་དི་ནཱ མ་ནོ་དྭཱ་རཱ་ཝ་ཛྫ་ན་ཕ་སྶ་སྶ པ་ཙྩ་ཡ་བྷཱ་ཝོ ཝུ་ཏྟོ, ཏ་ཉྩ མུ་ཁ་མ་ཏྟ་ད་སྶ་ན་ཏྠཾ ད་ཊྛ་བྦཾ. ཨེ་ཏེ་ན ན་ཡེ་ན ས་བྦ་སྶ ཨ་ན་ནྟ་ར་སྶ ཨ་ནཱ་ན་ནྟ་ར་སྶ ཙ ཕ་སྶ་སྶ ཏ་སྶཱ ཏ་སྶཱ ཝི་པཱ་ཀ་ཝེ་ད་ནཱ་ཡ ཨུ་པ་ནི་སྶ་ཡ་ཏཱ ཡོ་ཛེ་ཏ་བྦཱ་ཏི.

ཝེ་ད་ནཱ་པ་ད་ནི་དྡེ་ས་ཝ་ཎྞ་ནཱ ནི་ཊྛི་ཏཱ.