ཛཱ་ཏི་ཛ་རཱ་མ་ར་ཎཱ་དི་པ་ད་ནི་དྡེ་ས་ཝ་ཎྞ་ནཱ
༢༣༥. ཨུ་པ་པ་ཏྟི་བྷ་ཝུ་པྤ་ཏྟི་ཡེ་ཝ ཛཱ་ཏཱི་ཏི ཨཱ་ཧ ‘‘ན ཨུ་པ་པ་ཏྟི་བྷ་ཝོ’’ཏི. ཛཱ་ཡ་མཱ་ན་སྶ པ་ན ཛཱ་ཏི ཛཱ་ཏཱི་ཏི ཨུ་པ་པ་ཏྟི་བྷ་ཝོ་པི ཨ་ས་ཏི ཨ་བྷཱ་ཝཱ ཛཱ་ཏི་ཡཱ པ་ཙྩ་ཡོ་ཏི ས་ཀྐཱ ཝ་ཏྟུཾ. ཛཱ་ཡ་མཱ་ན་རཱུ་པ་པ་ད་ཊྛཱ་ན་ཏཱ་པི ཧི རཱུ་པ་ཛཱ་ཏི་ཡཱ ཝུ་ཏྟཱ ‘‘ཨུ་པ་ཙི་ཏ་རཱུ་པ་པ་ད་ཊྛཱ་ནོ (དྷ. ས. ཨ་ཊྛ. ༦༤༡) ཨུ་པ་ཙ་ཡོ, ཨ་ནུ་པྤ་བ་ནྡྷ་རཱུ་པ་པ་ད་ཊྛཱ་ནཱ ས་ནྟ་ཏཱི’’ཏི.
ཁ་ནྡྷཱ་ནཾ ཛཱ་ཏཱ་ནཾ ཨུ་ཉྙཱ་ཏ་ཏཱ་ནུ་ཉྙཱ་ཏ་ཏཱ་ཙ ཧཱི་ན་པ་ཎཱི་ཏ་ཏཱ. ཨཱ་དི-ས་དྡེ་ན སུ་ཝ་ཎྞ་དུ་བྦ་ཎྞཱ་དི་ཝི་སེ་སཾ ས་ངྒ་ཎྷཱ་ཏི. ཨ་ཛ྄ཛྷ་ཏྟ་ས་ནྟཱ་ན་ག་ཏ་ཏོ ཨ་ཉྙ་སྶ ཝི་སེ་ས་ཀཱ་ར་ཀ་སྶ ཀཱ་ར་ཎ་སྶ ཨ་བྷཱ་ཝཱ ‘‘ཨ་ཛ྄ཛྷ་ཏྟ་ས་ནྟཱ་ནེ’’ཏི ཨཱ་ཧ.
ཏེ་ན ཏེ་ནཱཏི ཉཱ་ཏི་བྱ་ས་ནཱ་དི་ནཱ ཛ་རཱ་མ་ར་ཎ་ཏོ ཨ་ཉྙེ་ན དུ་ཀྑ་དྷ་མྨེ་ན. ཨུ་པ་ནི་སྶ་ཡ་ཀོ་ཊི་ཡཱཏི ཨུ་པ་ནི་སྶ་ཡཾ་སེ་ན, ཨུ་པ་ནི་སྶ་ཡ་ལེ་སེ་ནཱ་ཏི ཨ་ཏྠོ. ཡོ ཧི པ་ཊྛཱ་ནེ ཨ་ནཱ་ག་ཏོ ས་ཏི བྷཱ་ཝཱ ཨ་ས་ཏི ཙ ཨ་བྷཱ་ཝཱ སུ་ཏྟ་ནྟི་ཀ་པ་རི་ཡཱ་ཡེ་ན ཨུ་པ་ནི་སྶ་ཡོ, སོ ‘‘ཨུ་པ་ནི་སྶ་ཡ་ཀོ་ཊཱི’’ཏི ཝུ་ཙྩ་ཏི.
ཛཱ་ཏི་ཛ་རཱ་མ་ར་ཎཱ་དི་པ་ད་ནི་དྡེ་ས་ཝ་ཎྞ་ནཱ ནི་ཊྛི་ཏཱ.