༣. ནི་རོ་དྷ་ས་ཙྩ་ནི་དྡེ་ས་ཝ་ཎྞ་ནཱ

༢༠༤. ཨ་ནཱུ་ཧ་ཏེཏི ཨ་ནུ་དྡྷ་ཏེ, ཨ་པྤ་ཧཱི་ནེ་ཏི ཨ་ཏྠོ.

སཱི་ཧོ ཝེ་དྷ་ཀེ པ་ཊི་པ་ཛྫ་ཏི, ན ཨུ་སུ་མྷི, སུ་ཝཱ་ནོ ལེ་ཌྜུ་མྷི པ་ཊི་པ་ཛྫ་ཏི, ན པ་ཧཱ་ར་ཀེ. ཁ་ཡ་ག་མ་ན་ཝ་སེ་ན ཝི་ར་ཛྫ་ཏི, ཨ་པྤ་ཝ་ཏྟི་ག་མ་ན་ཝ་སེ་ན ནི་རུ་ཛ྄ཛྷ་ཏི. ཨ་ན་པེ་ཀྑ་ཏཱ་ཡ ཙ་ཛ་ན་ཝ་སེ་ན ཧཱ་ནི་ཝ་སེ་ན ཙ ཙ་ཛཱི་ཡ་ཏི, པུ་ན ཡ་ཐཱ ན པ་ཝ་ཏྟ་ཏི, ཏ་ཐཱ དཱུ་ར་ཁི་པ་ན་ཝ་སེ་ན པ་ཊི་ནི་སྶ་ཛྫཱི་ཡ་ཏི, བ་ནྡྷ་ན་བྷཱུ་ཏཱ་ཡ མོ་ཙ་ན་ཝ་སེ་ན མུ་ཙྩ་ཏི, ཨ་སཾ་ཀི་ལེ་ས་ཝ་སེ་ན ན ཨ་ལླཱི་ཡ་ཏི. ཨཱ་ཡཱུ་ཧ་ནཾ ས་མུ་ད་ཡོ, ཏ་པྤ་ཊི་པ་ཀྑ་ཝ་སེ་ན ཨ་ནཱ་ཡཱུ་ཧ་ནཾ.

ཨ་པ་ཉྙ་ཏྟིནྟི ཨ་པ་ཉྙཱ་པ་ནཾ, ‘‘ཏི་ཏྟ་ཨ་ལཱ་བུ ཨ་ཏྠཱི’’ཏི ཝོ་ཧཱ་རཱ་བྷཱ་ཝཾ ཝཱ. ཏི་ཏྟ་ཨ་ལཱ་བུ་ཝ་ལླི་ཡཱ ཨ་པྤ་ཝ་ཏྟིཾ ཨི་ཙྪ་ནྟོ པུ་རི་སོ ཝི་ཡ མ་གྒོ ད་ཊྛ་བྦོ, ཏ་སྶ ཏ་སྶཱ ཨ་པྤ་ཝ་ཏྟི་ནི་ནྣ་ཙི་ཏྟ་སྶ མཱུ་ལ་ཙྪེ་ད་ནཾ ཝི་ཡ མ་གྒ་སྶ ནི་བྦཱ་ནཱ་ར་མྨ་ཎ་སྶ ཏ་ཎྷཱ་པ་ཧཱ་ནཾ. ཏ་དཱ་པྤ་ཝ་ཏྟི ཝི་ཡ ཏ་ཎྷཱ་ཡ ཨ་པྤ་ཝ་ཏྟི་བྷཱུ་ཏཾ ནི་བྦཱ་ནཾ ད་ཊྛ་བྦཾ. དུ་ཏི་ཡཱུ་པ་མཱ་ཡ ད་ཀྑི་ཎ་དྭཱ་རཾ ཝི་ཡ ནི་བྦཱ་ནཾ, ཙོ་ར་གྷཱ་ཏ་ཀཱ ཝི་ཡ མ་གྒོ ད་ཊྛ་བྦོ, པུ་རི་མཱ ཝཱ ཨུ་པ་མཱ མ་གྒེ་ན ནི་རུ་དྡྷཱ་ཡ པི་ཡ་རཱུ་པ་སཱ་ཏ་རཱུ་པེ་སུ ནི་རུ་དྡྷཱ་ཏི ཝ་ཏྟ་བྦ་ཏཱ་ད་སྶ་ན་ཏྠཾ ཝུ་ཏྟཱ, པ་ཙྪི་མཱ ནི་བྦཱ་ནཾ ཨཱ་ག་མྨ ནི་རུ་དྡྷཱ་ཡ་པི.

ནི་རོ་དྷ་ས་ཙྩ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.