༡༠. བོ་ཛ྄ཛྷ་ངྒ་ཝི་བྷ་ངྒོ
༡. སུ་ཏྟ་ནྟ་བྷཱ་ཛ་ནཱི་ཡཾ
པ་ཋ་མ་ན་ཡ་ཝ་ཎྞ་ནཱ
༤༦༦. པ་ཏི་ཊྛཱ་ནཾ ཨི་དྷ སཾ་སཱ་རེ ཨ་ཝ་ཊྛཱ་ནཾ, ཏ་སྶ མཱུ་ལཾ ཀི་ལེ་སཱ་ཏི ཨཱ་ཧ ‘‘ཀི་ལེ་ས་ཝ་སེ་ན པ་ཏི་ཊྛཱ་ན’’ནྟི. པ་ཏི་ཊྛཱ་ནཱ་ཡ པ་ན བྱཱ་པཱ་རཱ་པ་ཏྟི ཀ་མྨ་ནྟི ཝུ་ཏྟཾ ‘‘ཨ་བྷི་ས་ངྑཱ་ར་ཝ་སེ་ན ཨཱ་ཡཱུ་ཧ་ནཱ’’ཏི. ཡ་སྨཱ ཀི་ལེ་སེ་སུ ཏ་ཎྷཱ་དི་ཊྛི་ཡོ ཏ་ཎྷཱ་དི་ཊྛི་ཙ་རི་ཏཱ་ནཾ ཝི་སེ་ས་ཏོ སཾ་སཱ་ར་ནཱ་ཡི་ཀཱ, ཀི་ལེ་ས་ས་ཧི་ཏ་མེ་ཝ ཙ ཀ་མྨཾ པ་ཏི་ཊྛཱ་ནཱ་ཡ ཧོ་ཏི, ན ཀེ་ཝ་ལཾ, ཏ་སྨཱ ཝུ་ཏྟཾ ‘‘ཏ་ཎྷཱ་དི་ཊྛཱི་ཧི…པེ… ཨཱ་ཡཱུ་ཧ་ནཱ’’ཏི. ཏ་ཐཱ ཏ་ཎྷཱ་ཡ བྷ་ཝ་སྶཱ་ད་བྷཱ་ཝ་ཏོ, དི་ཊྛི་ཡཱ ཝི་བྷ་ཝཱ་བྷི་ན་ནྡ་ན་བྷཱུ་ཏཱ་ཡ ཝི་བྷ་ཝཱ་བྷི་ས་ངྑ་ར་ཎ་བྷཱ་ཝ་ཏོ ‘‘ཏ་ཎྷཱ་ཝ་སེ་ན པ་ཏི་ཊྛཱ་ནཾ, དི་ཊྛི་ཝ་སེ་ན ཨཱ་ཡཱུ་ཧ་ནཱ’’ཏི ཝུ་ཏྟཾ. དི་ཊྛཱི་སུ་པི ཨ་ནྟོ་མུ་ཁ་པྤ་ཝ་ཏྟཱ་ཡ བྷ་ཝ་དི་ཊྛི་ཡཱ ཝི་སེ་ས་ཏོ སཾ་སཱ་རེ ཨ་ཝ་ཊྛཱ་ནཾ, ཡ་ཏོ ཨོ་ལཱི་ཡ་ནཱ་ཏི ཝུ་ཙྩ་ཏཱི་ཏི ཨཱ་ཧ ‘‘ས་སྶ་ཏ་དི་ཊྛི་ཡཱ པ་ཏི་ཊྛཱ་ན’’ནྟི. བ་ཧི་མུ་ཁ་པྤ་ཝ་ཏྟཱ་པི ཝི་བྷ་ཝ་དི་ཊྛི བྷ་ཝཱ་བྷི་ས་ངྑ་ར་ཎཾ ནཱ་ཏི་ཝ་ཏྟ་ཏཱི་ཏི ཝུ་ཏྟཾ ‘‘ཨུ་ཙྪེ་ད་དི་ཊྛི་ཡཱ ཨཱ་ཡཱུ་ཧ་ནཱ’’ཏི. ལ་ཡཱ་པ་ཏྟི ཡ་ཐཱ་ར་དྡྷ་སྶ ཨཱ་ར་མྦྷ་སྶ ཨ་ནི་ཊྛཱ་ནཾ ཨ་ནྟོ་ས་ངྐོ་ཙ་བྷཱ་ཝ་ཏོ་ཏི ཨཱ་ཧ ‘‘ལཱི་ན་ཝ་སེ་ན པ་ཏི་ཊྛཱ་ན’’ནྟི. ཨུ་དྡྷ་ཏཱ་པ་ཏྟི ཨ་ནུ་པཱ་ཡ་བྷཱུ་ཏཱ བྱཱ་པཱ་རཱ་པ་ཏྟི ཨ་ས་ངྐོ་ཙ་བྷཱ་ཝ་ཏོ་ཏི ཝུ་ཏྟཾ ‘‘ཨུ་དྡྷ་ཙྩ་ཝ་སེ་ན ཨཱ་ཡཱུ་ཧ་ནཱ’’ཏི. ཏ་ཐཱ ཀོ་ས་ཛྫ་པ་ཀྑི་ཀ་ཏྟཱ ཙ ཀཱ་མ་སུ་ཁཱ་ནུ་ཡོ་ག་སྶ ཨུ་དྡྷ་ཙྩ་པ་ཀྑི་ཀ་ཏྟཱ ཙ ཨ་ཏྟ་ཀི་ལ་མ་ཐཱ་ནུ་ཡོ་ག་སྶ ཏ་དུ་བྷ་ཡ་ཝ་སེ་ན པ་ཏི་ཊྛཱ་ནཱ་ཡཱུ་ཧ་ནཱ ཝུ་ཏྟཱ, ཨི་ཏ་རཾ ཝུ་ཏྟ་ན་ཡཱ་ནུ་སཱ་རེ་ན ཝེ་དི་ཏ་བྦཾ. ཨི་དྷཱཏི ཨི་མི་སྶཱ ས་མྨོ་ཧ་ཝི་ནོ་ད་ནི་ཡཱ. ཨ་ཝུ་ཏྟཱ་ནནྟི ‘‘ཀི་ལེ་ས་ཝ་སེ་ན པ་ཏི་ཊྛཱ་ན’’ནྟི་ཨཱ་དཱི་ནཾ ཝ་སེ་ན ཝེ་དི་ཏ་བྦཱ པ་ཏི་ཊྛཱ་ནཱ་ཡཱུ་ཧ་ནཱ་ཏི ཡོ་ཛ་ནཱ.
ས་མ་པྤ་ཝ་ཏྟེ དྷ་མྨེཏི ལཱི་ནུ་དྡྷ་ཙྩ་ཝི་ར་ཧེ་ན ས་མ་པྤ་ཝ་ཏྟེ ས་མྤ་ཡུ་ཏྟ་དྷ་མྨེ. པ་ཊི་ས་ཉྩི་ཀྑ་ཏཱིཏི པ་ཏི་རཱུ་པཾ ས་ངྐ་ལེ་ཏི ག་ཎེ་ཏི ཏུ་ལེ་ཏི. ཏེ་ནཱ་ཧ ‘‘ཨུ་པ་པ་ཏྟི་ཏོ ཨི་ཀྑ་ཏཱི’’ཏི. ཏ་དཱ་ཀཱ་རོཏི པ་ཊི་ས་ངྑཱ་ནཱ་ཀཱ་རོ ཨུ་པ་པ་ཏྟི་ཏོ ཨི་ཀྑ་ནཱ་ཀཱ་རོ. ཨེ་ཝ་ཉྩ ཀ་ཏྭཱཏི པ་ཊི་ས་ངྑཱ་ན་ས་བྷཱ་ཝ་ཏྟཱ ཨེ་ཝ ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ. པ་ཙྪི་མ་པ་ཙྪི་མ་ཀཱ་ར་ཎ་བྷཱ་ཝོཏི པ་ཙྪི་མ་སྶ པ་ཙྪི་མ་སྶ ཀཱ་ར་ཎ་བྷཱ་ཝོ. པུ་རི་མཾ པུ་རི་མ་ཉྷི པ་ཙྪི་མ་སྶ པ་ཙྪི་མ་སྶ ཝི་སེ་ས་པ་ཙྩ་ཡོ་ཏི.
༤༦༧. ཨ་ཝི་པ་རཱི་ཏ་ཀཱ་ཡཱ་དི་ས་བྷཱ་ཝ་གྒ་ཧ་ཎ་ས་མ་ཏྠ་ཏཱ་ཡ བ་ལ་ཝ་ཏཱི ཨེ་ཝ ས་ཏི. པ་ཉྙཱ ག་ཧི་ཏཱ ས་ཏི་ནེ་པ་ཀྐེ་ནཱ་ཏི ཨ་ཏྠོ. ཨེ་ཝཾ་ཙི་ཏྟོཏི ཨེ་ཝཾ ལཱ་བྷ་ས་ཀྐཱ་ར་སི་ལོ་ཀ་ས་ནྣི་སྶི་ཏ་ཙི་ཏྟོ. ཙི་ར་ཀ་ཏ་ཝ་ཏྟཱ་དི་ཝ་སེ་ནཱཏི ཙི་ར་ཀ་ཏ་ཝ་ཏྟཱ་དི་སཱི་སེ་ན. ‘‘ཝུ་ཏྟོ’’ཏི ཨི་མི་ནཱ་པི ‘‘ཀ་ཏྭཱ ཨཱ་ཧ ཀཱ་ཡ་ཝི་ཉྙ་ཏྟིཾ…པེ… ཀོ་ཊྛཱ་ས’’ནྟི ཡོ་ཛ་ནཱ.
པ་རེ་སནྟི ན ཨ་ན་ནྟ་རཱ་ནཾ. ས་བྦེ་སཾ…པེ… ཡོ་ཛེ་ཏ་བྦཱ ‘‘ས་བྦེ བོ་ཛ྄ཛྷ་ངྒཱ ས་བྦེ་སཾ པ་ཙྩ་ཡ་ཝི་སེ་སཱ ཧོ་ནྟི་ཡེ་ཝཱ’’ཏི. ཀཱ་མེ་ཏཱི་ཏི ཀཱ་མོ, ཨ་སྶཱ་ད་ན་ཝ་སེ་ན ཨཱ་མ་ས་ཏཱི་ཏི ཨཱ་མི་སཾ, ཀཱ་མོ་ཝ ཨཱ་མི་ས་ནྟི ཀཱ་མཱ་མི་སཾ, ཀི་ལེ་ས་ཀཱ་མོ. ཝ་ཏྠུ་ཀཱ་མོ པ་ན ཨཱ་མ་སཱི་ཡ་ཏཱི་ཏི ཨཱ་མི་སཾ. ཨེ་ཝཾ སེ་ས་དྭ་ཡ་མྤི. ཏེ་སུ ལོ་ཀཱི་ཡ་ནྟི ཨེ་ཏྠ སུ་ཁ་ཝི་སེ་སཱ་ཏི ལོ་ཀོ, ཨུ་པ་པ་ཏྟི་ཝི་སེ་སོ. ཝ་ཊྚཾ སཾ་སཱ་རོ. ཀཱ་མ་སྶཱ་ད་ཝ་སེ་ན པ་ཝ་ཏྟོ ལོ་བྷོ ཀཱ་མཱ་མི་སཾ. བྷ་ཝ་ཝི་སེ་ས་པ་ཏྠ་ནཱ་ཝ་སེ་ན པ་ཝ་ཏྟོ ལོ་ཀཱ་མི་སཾ. ཝི་བྷ་ཝོ ནཱ་མ ཀི་མ་ཏྠི་ཡོ, ཀོ ཝཱ ཏཾ ཨ་བྷི་པ་ཏྠེ་ཡྻཱ་ཏི ཝ་ཊྚཱ་ནུ་གེ་དྷ་བྷཱུ་ཏོ ལོ་བྷོ ཝ་ཊྚཱ་མི་ས་ནྟི ཙ ཝ་ད་ནྟི. ཏ་དཱ་ར་མྨ་ཎནྟི ཏ་སྶཱ ཏ་ཎྷཱ་ཡ ཨཱ་ར་མྨ་ཎཾ, རཱུ་པཱ་དི. ལོ་ཀ་དྷ་མྨཱ ལཱ་བྷཱ་ད་ཡོ. ཝུ་ཏྟཱ་ཝ་སེ་སཱ ས་བྦཱ་ཝ ཏ་ཎྷཱ སཾ་སཱ་ར་ཛ་ན་ཀོ རཱ་གོ.
པ་ཋ་མ་ན་ཡ་ཝ་ཎྞ་ནཱ ནི་ཊྛི་ཏཱ.
དུ་ཏི་ཡ་ན་ཡ་ཝ་ཎྞ་ནཱ
༤༦༨-༩. ས་བྦེ ས་ཏྟཱཏི ཀཱ་མ་བྷ་ཝཱ་དཱི་སུ, ས་ཉྙཱི་བྷ་ཝཱ་དཱི་སུ, ཨེ་ཀ་ཝོ་ཀཱ་ར་བྷ་ཝཱ་དཱི་སུ ཙ ས་བྦ་བྷ་ཝེ་སུ ས་བྦེ ས་ཏྟཱ. ཨཱ་ཧཱ་ར་ཏོ ཋི་ཏི ཨེ་ཏེ་ས་ནྟི ཨཱ་ཧཱ་ར་ཊྛི་ཏི་ཀཱ, པ་ཙྩ་ཡ་ཊྛི་ཏི་ཀཱ. ཡེ་ན པ་ཙྩ་ཡེ་ན ཏེ ཏི་ཊྛ་ནྟི, སོ ཨེ་ཀོ་ཝ དྷ་མྨོ ཉཱ་ཏ་པ་རི་ཉྙཱ་ས་ངྑཱ་ཏཱ་ཡ ‘‘ཨཱ་ཧཱ་ར་ཊྛི་ཏི་ཀཱ’’ཏི ཨ་བྷི་ཉྙཱ་ཡ ཨ་བྷི་ཉྙེ་ཡྻོ. དྭེ དྷཱ་ཏུ་ཡོཏི ས་ངྑ་ཏཱ་ས་ངྑ་ཏ་དྷཱ་ཏུ་ཡོ. ཏི་སྶོ དྷཱ་ཏུ་ཡོཏི ཀཱ་མ་དྷཱ་ཏུ་རཱུ་པ་དྷཱ་ཏུ་ཨ་རཱུ་པ་དྷཱ་ཏུ་ཡོ. པ་ཉྩ ཝི་མུ་ཏྟཱ་ཡ་ཏ་ནཱ་ནཱིཏི ‘‘ཨི་དྷ, བྷི་ཀྑ་ཝེ, བྷི་ཀྑུ་ནོ ས་ཏྠཱ དྷ་མྨཾ དེ་སེ་ཏི ཨ་ཉྙ་ཏ་རོ ཝཱ ག་རུ་ཊྛཱ་ནི་ཡོ’’ཏི་ཨཱ་དི་ནཱ (དཱི. ནི. ༣.༣༢༢, ༣༥༥; ཨ. ནི. ༥.༢༦) ཨཱ་ག་ཏཱ་ནི ཝི་མུ་ཙྩ་ན་ཀཱ་ར་ཎཱ་ནི. ཨ་ནུ་ཏྟ་རི་ཡཱ་ནཱིཏི ད་སྶ་ནཱ་ནུ་ཏྟ་རི་ཡཱ་དཱི་ནི ཚ ཨ་ནུ་ཏྟ་རི་ཡཱ་ནི. ནི་དྡ་ས་ཝ་ཏྠཱུ་ནཱིཏི ཡེ་ཧི ཀཱ་ར་ཎེ་ཧི ནི་དྡ་སོ ཧོ་ཏི, ཏཱ་ནི ནི་དྡ་ས་ཝ་ཏྠཱུ་ནི ནཱ་མ. དེ་ས་ནཱ་མ་ཏྟ་ཉྩེ་ཏཾ. ཁཱི་ཎཱ་ས་ཝོ ཧི ད་ས་ཝ་སྶོ ཧུ་ཏྭཱ པ་རི་ནི་བྦུ་ཏོ པུ་ན ད་ས་ཝ་སྶོ ན ཧོ་ཏི. ན ཀེ་ཝ་ལ་ཉྩ ད་ས་ཝ་སྶོ, ན་ཝ་ཝ་སྶོ་པི…པེ… ཨེ་ཀ་མུ་ཧུ་ཏྟི་ཀོ་པི ན ཧོ་ཏི་ཡེ་ཝ པུ་ན པ་ཊི་ས་ནྡྷི་ཡཱ ཨ་བྷཱ་ཝཱ, ཨ་ཊྛུ་པྤ་ཏྟི་ཝ་སེ་ན པ་ནེ་ཝཾ ཝུ་ཏྟཾ. ཏཱ་ནི པ་ན ‘‘ཨི་དྷ, བྷི་ཀྑུ, སི་ཀྑཱ་ས་མཱ་དཱ་ནེ ཏི་བྦ་ཙྪ་ནྡོ ཧོ་ཏཱི’’ཏི་ཨཱ་དི་ནཱ (དཱི. ནི. ༣.༣༣༡) སུ་ཏྟེ ཨཱ་ག་ཏཱ་ནི་ཡེ་ཝ. ‘‘ས་མྨཱ་དི་ཊྛི་སྶ པུ་རི་ས་པུ་གྒ་ལ་སྶ མི་ཙྪཱ་དི་ཊྛི ནི་ཛྫི་ཎྞཱ ཧོ་ཏཱི’’ཏི་ཨཱ་དཱི་ནི (དཱི. ནི. ༣.༣༦༠; ཨ. ནི. ༡༠.༡༠༦) ད་ས ནི་ཛྫ་ར་ཝ་ཏྠཱུ་ནི. ཁ་ནྡྷཱ་ད་ཡོཏི ཁ་ནྡྷཱ་ཡ་ཏ་ན་དྷཱ་ཏཱ་ད་ཡོ. ཝི་ན་ནྡྷ་ནནྟི ‘‘བྷ་ཝཱ་དི་ཝི་ན་ནྡྷ་ན་ཊྛེ་ན ཝཱ་ནཾ ཝུ་ཙྩ་ཏི ཏ་ཎྷཱ’’ཏི ད་སྶེ་ཏི. ག་མ་ནནྟི ཨ་སྶཱ་ད་ན་ཝ་སེ་ན ཨཱ་ར་མྨ་ཎེ པ་ཝ་ཏྟི་མཱ་ཧ. ཏེ་ན ཝུ་ཏྟཾ ‘‘པི་ཡ་རཱུ་པ་སཱ་ཏ་རཱུ་པེ་སཱུ’’ཏི.
ཝི་པ་སྶ་ནཱ་ས་ཧ་ག་ཏ་ནྟི ཝེ་དི་ཏ་བྦཾ ཝི་ཉྙ་ཏྟི་ས་མུ་ཊྛཱ་པ་ཀ་ཏྟཱ. ‘‘མ་གྒཾ ཨ་པྤ་ཏྟཾ ཀཱ་ཡི་ཀཾ ཝཱི་རི་ཡ’’ནྟི ཝི་སེ་སེ་ཏྭཱ ཝུ་ཏྟ་ཏྟཱ པ་ན ལོ་ཀུ་ཏྟ་ར་ཝཱི་རི་ཡ་མྤི པ་རི་ཡཱ་ཡེ་ན ཀཱ་ཡི་ཀཾ ནཱ་མ ཨ་ཏྠཱི་ཏི དཱི་པི་ཏཾ ཧོ་ཏི.
རཱུ་པཱ་ཝ་ཙ་རེ པཱི་ཏི་ས་མྦོ་ཛ྄ཛྷ་ངྒོ་ཏི ན ཝུ་ཙྩ་ཏཱི་ཏི ཨཱ་ཧ ‘‘རཱུ་པཱ་ཝ་ཙ་རེ…པེ… པ་ཊི་ཀྑི་ཏྟཱ’’ཏི. ཡ་ཐཱ ཝི་པ་སྶ་ནཱ་ས་ཧ་ག་ཏཱ པཱི་ཏི པ་རི་ཡཱ་ཡེ་ན ‘‘པཱི་ཏི་ས་མྦོ་ཛ྄ཛྷ་ངྒོ’’ཏི ཝུ་ཙྩ་ཏི, ཨེ་ཝཾ རཱུ་པཱ་ཝ་ཙ་རེ པཱི་ཏི ནི་བྦེ་དྷ་བྷཱ་གི་ཡཱ ཝ་ཏྟ་བྦཱ སི་ཡཱ. ཨེ་ཝཾ ལ་བྦྷ་མཱ་ནཱ་པི ཨ་ལ་བྦྷ་མཱ་ནཾ ཨུ་པཱ་དཱ་ཡ ན ཝུ་ཏྟཱ. ‘‘ཨ་ཝི་ཏ་ཀྐ་ཨ་ཝི་ཙཱ་རཱ’’ཏི ཝི་སེ་ས་ནཾ ས་ནྟ་པ་ཎཱི་ཏཱ་ཡ པཱི་ཏི་ཡཱ ད་སྶ་ན་ཏྠཾ. བོ་ཛ྄ཛྷ་ངྒ་བྷཱུ་ཏཱཏི པ་རི་ཡཱ་ཡ་བོ་ཛ྄ཛྷ་ངྒ་བྷཱུ་ཏཱ. ཨ་ཝི་ཏ་ཀྐ་ཨ་ཝི་ཙཱ་རོ པཱི་ཏི…པེ… ན ཝུ་ཏྟོ ས་ཝི་ཏ་ཀྐ་ས་ཝི་ཙཱ་ར་ཏྟཱ ཏ་སྶ. ན ཧི ཀཱ་མཱ་ཝ་ཙ་རཱ ཨ་ཝི་ཏ་ཀྐ་ཨ་ཝི་ཙཱ་རཱ པཱི་ཏི ཨ་ཏྠི.
ཨི་དྷ ཝུ་ཏྟོ པ་རི་ཡཱ་ཡེ་ནཱ་ཏི ཨ་ཏྠོ. མ་གྒ་པ་ཊི་ཝེ་དྷཱ་ནུ་ལོ་མ་ན་ཏོ ཝི་པ་སྶ་ནཱ་ཡ ཝི་ཡ པཱ་ད་ཀ་ཛ྄ཛྷཱ་ནེ་སུ་པི ས་ཏི་ཨཱ་ད་ཡོ ‘‘བོ་ཛ྄ཛྷ་ངྒཱ’’ཏྭེ་ཝ ཝུ་ཙྩ་ནྟཱི་ཏི ཨཱ་ཧ ‘‘ནི་བྦེ་དྷ་བྷཱ་གི་ཡ་ཏྟཱ ན པ་ཊི་ཀྑི་པི་ཏ་བྦོ’’ཏི. ཨེ་ཝཾ ཀ་སི་ཎ་ཛ྄ཛྷཱ་ནཱ་དཱི་སུ བོ་ཛ྄ཛྷ་ངྒེ ཨུ་དྡྷ་ར་ནྟཱ་ནཾ ཨ་དྷི་པྤཱ་ཡཾ ཝ་ཏྭཱ ཨ་ནུ་དྡྷ་ར་ནྟཱ་ནཾ ཨ་དྷི་པྤཱ་ཡཾ ཝ་ཏྟུཾ ‘‘ཨ་ནུ་དྡྷ་ར་ནྟཱ པ་ནཱ’’ཏི་ཨཱ་དི་མཱ་ཧ. ཏེ ཧི ཨཱ་ས་ནྣེ་ཀ་ནྟ་ཀི་ཙྩ་ནི་བྦ་ཏྟཱི་ཧི ཝི་པ་སྶ་ནཱ་ཀྑ་ཎེ བོ་ཛ྄ཛྷ་ངྒེ ཨུ་དྡྷ་ར་ནྟི, ན ཛྷཱ་ན་ཀྑ་ཎེ ཏ་ད་བྷཱ་ཝ་ཏོ. ཏེ་ནཱ་ཧ ‘‘ཝི་པ་སྶ་ནཱ་ཀི་ཙྩ་སྶ ཝི་ཡ…པེ… ན ཨུ་དྡྷ་ར་ནྟཱི’’ཏི. ཀ་སི་ཎ་ནི་སྶ་ནྡོ ཨ་རཱུ་པཱ་ནཱི་ཏི ཨཱ་ཧ ‘‘ཏ་དཱ་ཡ་ཏྟཱ་ནཱི’’ཏི.
དུ་ཏི་ཡ་ན་ཡ་ཝ་ཎྞ་ནཱ ནི་ཊྛི་ཏཱ.
ཏ་ཏི་ཡ་ན་ཡ་ཝ་ཎྞ་ནཱ
༤༧༠-༡. ཝོ་སྶ་ཛྫ་ནཾ པ་ཧཱ་ནཾ ཝོ་སྶ་གྒོ, ཝོ་སྶ་ཛྫ་ནཾ ཝཱ ཝི་སྶ་ཊྛ་བྷཱ་ཝོ ནི་རཱ་ས་ངྐཱ་ནུ་པྤ་ཝེ་སོ་ཏི ཨཱ་ཧ ‘‘ཝོ་སྶ་གྒ་ས་དྡོ…པེ… དུ་ཝི་དྷ་ཏཱ ཝུ་ཏྟཱ’’ཏི. ཝི་པ་སྶ་ནཱ་ཀྑ་ཎེ ཏ་ད་ངྒ་ཏ་ནྣི་ནྣ་པྤ་ཀཱ་རེ་ན, མ་གྒ་ཀྑ་ཎེ ས་མུ་ཙྪེ་ད་ཏ་དཱ་ར་མྨ་ཎ་ཀ་ར་ཎ་པྤ་ཀཱ་རེ་ན.
ཏ་ཏི་ཡ་ན་ཡ་ཝ་ཎྞ་ནཱ ནི་ཊྛི་ཏཱ.
སུ་ཏྟ་ནྟ་བྷཱ་ཛ་ནཱི་ཡ་ཝ་ཎྞ་ནཱ ནི་ཊྛི་ཏཱ.
༢. ཨ་བྷི་དྷ་མྨ་བྷཱ་ཛ་ནཱི་ཡ་ཝ་ཎྞ་ནཱ
༤༧༢. ཨུ་པེ་ཀྑ་ན་མུ་པེ་ཀྑཱ་ས་མྦོ་ཛ྄ཛྷ་ངྒ་སྶ ས་བྷཱ་ཝོ, སོ ཙ ས་མཱ་དྷི་ཝཱི་རི་ཡ་ས་མྦོ་ཛ྄ཛྷ་ངྒོ ཝི་ཡ ས་མྤ་ཡུ་ཏྟཱ་ནཾ ཨཱུ་ནཱ་དྷི་ཀ་བྷཱ་ཝ་བྱཱ་ཝ་ཊོ ཨ་ཧུ་ཏྭཱ ཏེ་སཾ ཨ་ནཱུ་ནཱ་ན་དྷི་ཀ་བྷཱ་ཝེ མ་ཛ྄ཛྷ་ཏྟཱ་ཀཱ་ར་པྤ་ཝ་ཏྟཱི་ཏི ཨི་མ་མ་ཏྠཾ ཨཱ་ཧ ‘‘ཨུ་པེ་ཀྑ་ན་ཝ་སེ་ནཱ’’ཏི་ཨཱ་དི་ནཱ. ཏ་ཏྠ ཨུ་པ་པ་ཏྟི་ཏོ ཨི་ཀྑ་ནནྟི པ་ཊི་ས་ངྑཱ་ན་མཱ་ཧ.
ཨ་བྷི་དྷ་མྨ་བྷཱ་ཛ་ནཱི་ཡ་ཝ་ཎྞ་ནཱ ནི་ཊྛི་ཏཱ.
བོ་ཛ྄ཛྷ་ངྒ་ཝི་བྷ་ངྒ་ཝ་ཎྞ་ནཱ ནི་ཊྛི་ཏཱ.