༡༨. དྷ་མྨ་ཧ་ད་ཡ་ཝི་བྷ་ངྒོ
༡. ས་བྦ་ས་ངྒཱ་ཧི་ཀ་ཝཱ་ར་ཝ་ཎྞ་ནཱ
༩༧༨. ‘‘པ་ཉྩ་ཀྑ་ནྡྷཱ’’ཏི་ཨཱ་དི་ནཱ ཁ་ནྡྷཱ་དཱི་ནཾ དྷཱ་ཏུ་ས་མྦྷ་ཝ་པ་རི་ཡཱ་པ་ནྣ་པཱ་ཏུ་བྷཱ་ཝ བྷཱུ་མ་ནྟ་ར་ཏཱི་སུ དྷཱ་ཏཱུ་སུ་ཨུ་པྤཱ་ད་ཀ་དཱ་ནཱ་དི་ཀུ་ས་ལ ཀ་མྨ་ཏ་བྦི་པཱ་ཀ་ཨ་བྷི་ཉྙེ་ཡྻཱ་དི་ཨཱ་ར་མྨ་ཎ་དུ་ཀ་དྭ་ཡ་དི་ཊྛཱ་དི་ཀུ་ས་ལ་ཏྟི་ཀཱ་དི་ཏི་ཀ་པ་ཉྩ་ཀ་རཱུ་པ་ལོ་ཀི་ཡ་དུ་ཀ་དྭ་ཡ་བྷེ་ད་བྷི་ནྣཱ་ནཾ ནི་ར་ཝ་སེ་ས་ཏོ ས་ངྒ་ཧི་ཏ་ཏྟཱ དུ་ཏི་ཡ་ཝཱ་རཱ་དཱི་ན་ཉྩ ཨེ་ཏྠ ཨ་ནུ་པྤ་ཝེ་ས་ཏོ ས་བྦ་སཱ་མ་ཉྙེ་ན ཝུ་ཏྟོ པ་ཋ་མོ ས་བྦ་ས་ངྒཱ་ཧི་ཀ་ཝཱ་རོ ནཱ་མ, དུ་ཏི་ཡོ ཨུ་པྤ་ཏྟཱ་ནུ་པྤ་ཏྟི་ད་སྶ་ན་ཝཱ་རོ ནཱ་མཱཏི ཝུ་ཏྟཾ. ཏ་ཏྠ པ་ན ‘‘ཀཱ་མ་དྷཱ་ཏུ་ཡཱ ཀ་ཏི ཁ་ནྡྷཱ ཀ་ཏི ཨཱ་ཡ་ཏ་ནཱ་ནཱི’’ཏི་ཨཱ་དི་ནཱ (ཝི་བྷ. ༩༩༡) ཏེ་སཾ ཨ་ཏྠི་ཏཱ ཨེ་ཝ ཝུ་ཏྟཱ, ཀི་རི་ཡཱ་ཝི་སེ་ས་སྶ ཨ་པྤ་ཡོ་གོ ‘‘ཨ་ཏྠི བྷ་ཝ་ཏི སཾ་ཝི་ཛྫ་ཏཱི’’ཏི སཱ་མ་ཉྙ་ཀི་རི་ཡཱ་ཡ ཝི་ཉྙེ་ཡྻ་བྷཱ་ཝ་ཏོ, ཏེ་ནཱ་ཡཾ ‘‘ས་མྦྷ་ཝཱ་ས་མྦྷ་ཝ་ད་སྶ་ན་ཝཱ་རོ’’ཏི ཝ་ཏྟུཾ ཡུ་ཏྟོ, ཙ་ཏུ་ཏྠོ ཙ ཨུ་པ་པ་ཏྟི་ཀྑ་ཎེ ཨུ་པྤ་ཏྟཱ་ནུ་པྤ་ཏྟི་ད་སྶ་ན་ཝཱ་རོ་ཏི ཏ་ཏྠ པཱ་ཏུ་བྷཱ་ཝཱ་པཱ་ཏུ་བྷཱ་ཝ་ཝ་ཙ་ན་ཏོ.
༩༧༩. ཡ་ཐཱ་པུ་ཙྪནྟི པུ་ཙྪཱ་ནུ་རཱུ་པཾ ཨ་ཝི་ཏ་ཐ་བྱཱ་ཀ་ར་ཎཾ པ་རེ་ཧི ཀ་ཏ་མྤི ས་བྦ་ཉྙུ་ཝ་ཙ་ནཾ ཝི་ཉྙཱ་ཡ ཀ་ཏ་ཏྟཱ ས་བྦ་ཉྙུ་བྱཱ་ཀ་ར་ཎ་མེ་ཝ ནཱ་མ ཧོ་ཏི, ཀོ པ་ན ཝཱ་དོ ས་བྦ་ཉྙུ་ནཱ ཨེ་ཝ ཀ་ཏེ་ཏི ཨ་དྷི་པྤཱ་ཡོ.
༢. ཨུ་པྤ་ཏྟཱ་ནུ་པྤ་ཏྟི་ཝཱ་ར་ཝ་ཎྞ་ནཱ
༩༩༡. ཀཱ་མ་དྷཱ་ཏུ་ས་མྦྷཱུ་ཏཱ་ན་ཉྩཱཏི ཨི་དྡྷི་ཡཱ རཱུ་པ་དྷཱ་ཏུ་ག་ཏཱ་ནཾ ཀཱ་མཱ་ཝ་ཙ་ར་ས་ཏྟཱ་ན་ཉྩཱ་ཏི ཨ་ཏྠོ. གྷཱ་ནཱ་ཡ་ཏ་ནཱ་དཱི་ནཾ ཨ་བྷཱ་ཝེ་ནཱཏི ཨེ་ཏྠ ཡ་དི ཏ་ད་བྷཱ་ཝེ་ན ག་ནྡྷཱ་ཡ་ཏ་ནཱ་དཱི་ནི ཨཱ་ཡ་ཏ་ནཱ་དི་ཀི་ཙྩཾ ན ཀ་རོ་ནྟི, ཨ་ས་ཉྙ་ས་ཏྟེ་སུ ཙ་ཀྑཱ་ཡ་ཏ་ན་སྶ ཨ་བྷཱ་ཝེ་ན རཱུ་པཱ་ཡ་ཏ་ནཾ ཨཱ་ཡ་ཏ་ནཱ་དི་ཀི་ཙྩཾ ན ཀ་རེ་ཡྻ. ཏ་ཏོ ‘‘ཨ་ས་ཉྙ་ས་ཏྟཱ་ནཾ དེ་ཝཱ་ནཾ ཨུ་པ་པ་ཏྟི་ཀྑ་ཎེ དྭཱ་ཡ་ཏ་ནཱ་ནི པཱ་ཏུ་བྷ་ཝ་ནྟཱི’’ཏི་ཨཱ་དི་ཝ་ཙ་ནཾ ན ཝ་ཏྟ་བྦཾ སི་ཡཱ. ཀཱ་མཱ་ཝ་ཙ་རཱ་དི་ཨོ་ཀཱ་སཱ ཏ་ཏྠ ཨུ་པྤ་ཛྫ་མཱ་ན་ས་ཏྟཱ་ནཾ, ཏ་ཏྠ པ་རི་ཡཱ་པ་ནྣ་དྷ་མྨཱ་ནཾ ཝཱ ཨ་དྷི་ཊྛཱ་ན་བྷཱ་ཝེ་ན ‘‘དྷཱ་ཏཱུ’’ཏི ཝུ་ཙྩ་ནྟི, ཏ་ཐཱ ཡེ་སུ ཀཱ་མཱ་ཝ་ཙ་རཱ་དི་ས་ཏྟ་ནི་ཀཱ་ཡེ་སུ ཀཱ་མཱ་ཝ་ཙ་རཱ་དི་ས་ཏྟཱ ཨུ་པྤ་ཛྫ་ནྟི, ཏེ་སཾ ས་ཏྟཱ་ནཾ ཨུ་པྤ་ཏྟི ཨེ་ཏྠཱ་ཏི ས་ཏྟུ་པྤ་ཏྟཱི་ཏི ཝུ་ཙྩ་མཱ་ནཱ ཏེ ས་ཏྟ་ནི་ཀཱ་ཡཱ ཙ, ན པ་ནེ་ཏྠ ཨ་པ་རི་ཡཱ་པ་ནྣོ་ཀཱ་སོ ཨ་པ་རི་ཡཱ་པ་ནྣ་ས་ཏྟ་ནི་ཀཱ་ཡོ ཙ ཨ་ཏྠི, ཡོ ‘‘དྷཱ་ཏཱུ’’ཏི ཝུ་ཙྩེ་ཡྻཱ་ཏི ཨི་མ་མ་ཏྠཾ ད་སྶེ་ནྟོ ‘‘ཨོ་ཀཱ་ས་ཝ་སེ་ན ཝཱ ས་ཏྟུ་པྤ་ཏྟི་ཝ་སེ་ན ཝཱ ཨ་པ་རི་ཡཱ་པ་ནྣ་དྷཱ་ཏུ ནཱ་མ ན་ཏྠཱི’’ཏི ཨཱ་ཧ. ས་ཏྟུ་པྤ་ཏྟི་ཝ་སེ་ནཱཏི ཨི་མི་ནཱ ཝཱ ཨོ་ཀཱ་ས་ས་ཏྟ་ལོ་ཀ་དྭ་ཡཾ ས་ཧ ག་ཧེ་ཏྭཱ ཏཱ་དི་སཱ་ཡ ཨ་པ་རི་ཡཱ་པ་ནྣ་དྷཱ་ཏུ་ཡཱ ཨ་བྷཱ་ཝཾ ད་སྶེ་ཏི, ས་ཏྟ་བྷཱ་ཝེ་ན ཝཱ ཨུ་པྤ་ཏྟི ས་ཏྟུ་པྤ་ཏྟི, ས་ཏྟཱ་ཝཱ་ས་ཝ་སེ་ན ཏཾ་ཏཾ་བྷ་ཝ་ཝ་སེ་ན ཨུ་པྤ་ཛྫ་མཱ་ནཱ ཨུ་པཱ་དི་ནྣ་ཀ་ཀྑ་ནྡྷཱ ཏཾ་ཏཾ་པ་རི་ཡཱ་པ་ནྣཱ་ནཾ ས་དི་སཱ་དྷི་ཊྛཱ་ན་བྷཱ་ཝེ་ན དྷཱ་ཏཱུ་ཏི ཝུ་ཙྩ་ནྟཱི་ཏི ཨེ་ཝཾ ཨ་པ་རི་ཡཱ་པ་ནྣ་དྷཱ་ཏུ ན་ཏྠཱི་ཏི ཨ་ཏྠོ.
༣. པ་རི་ཡཱ་པ་ནྣཱ་པ་རི་ཡཱ་པ་ནྣ་ཝཱ་ར་ཝ་ཎྞ་ནཱ
༩༩༩. བྷ་ཝ་ཝ་སེ་ན ཨོ་ཀཱ་ས་ཝ་སེ་ན ཙ པ་རི་ཙྪི་ནྣཱཏི ཏ་ཏྠ ཨ་ཉྙ་ཏྠ ཙ ཨུ་པྤ་ཛྫ་མཱ་ནཱ ཨུ་པཱ་དི་ནྣ་ཀ་ཀྑ་ནྡྷཱ ཏཾ་ཏཾ་པ་རི་ཡཱ་པ་ནྣཱ ས་བྦེ ད་ཊྛ་བྦཱ.
༦. ཨུ་པྤཱ་ད་ཀ་ཀ་མྨ་ཨཱ་ཡུ་པྤ་མཱ་ཎ་ཝཱ་རོ
(༡.) ཨུ་པྤཱ་ད་ཀ་ཀ་མྨ་ཝ་ཎྞ་ནཱ
༡༠༢༡. ཁ་ནྡྷཱ་དཱི་ནཾ དྷཱ་ཏུ་ས་མྦྷ་ཝཱ་དི་ཝ་སེ་ན པ་བྷེ་དཾ ཝ་ཏྭཱ ཡེ ས་ཏྟཱ དྷཱ་ཏུ་པྤ་བྷེ་ད་ཝ་ནྟོ, ཡ་ཉྩ ཏེ་སཾ ཨུ་པྤཱ་ད་ཀ་ཀ་མྨཾ, ཡོ ཙ ཏ་སྶ ཝི་པཱ་ཀོ, ཏེ་སཾ ཝ་སེ་ན པ་བྷེ་དཾ ད་སྶེ་ཏུཾ ‘‘ཏ་ཡོ དེ་ཝཱ’’ཏི་ཨཱ་དི་ཀོ ཚ་ཊྛ་ཝཱ་རོ ཨཱ་ར་དྡྷོ. ཁ་ནྡྷཱ་ད་ཡོ ཨེ་ཝ ཧི དྷཱ་ཏུ་ཏྟ་ཡ་བྷཱུ་ཏ་དེ་ཝ་ཝ་སེ་ན དཱ་ནཱ་དི་ཀ་མྨ་ཝ་སེ་ན ཏཾ་ཏཾ་ཨཱ་ཡུ་པྤ་མཱ་ཎ་པ་རི་ཙྪི་ནྣ་ཨུ་པཱ་དི་ནྣ་ཀ་ཀྑ་ནྡྷ་ཝ་སེ་ན ཙ བྷི་ནྣཱ་ཏི. ཙ་ཏུ་དོ་ཎཾ ཨ་མྦ་ཎཾ, ཚ་དོ་ཎ་ནྟི ཨེ་ཀེ.
ཨུ་པྤཱ་ད་ཀ་ཀ་མྨ་ཝ་ཎྞ་ནཱ ནི་ཊྛི་ཏཱ.
(༢.) ཨཱ་ཡུ་པྤ་མཱ་ཎ་ཝ་ཎྞ་ནཱ
༡༠༢༤. ཏ་ཡོ་པི ཛ་ནཱཏི ཏ་ཡོ ཛ་ན་ས་མཱུ་ཧཱ་ཏི ཨ་དྷི་པྤཱ་ཡོ.
༡༠༢༥. ཨཱ་བྷཱཏི སོ་བྷ་ནཱ པ་བྷཱ.
༡༠༢༦. ཀ་ཉྩ་ན་པི་ཎྜོ ཝི་ཡ ས་སྶི་རི་ཀཱ ཀ་ཉྩ་ན་པི་ཎྜ་ས་སྶི་རི་ཀཱ. ཏ་ཏྠ པ་ན སོ་བྷ་ན་པ་བྷཱ་ཡ ཀི་ཎྞཱ སུ་བྷཱ་ཀི་ཎྞཱ་ཏི ཝ་ཏྟ་བྦེ ཨཱ-ཀཱ་ར་སྶ ར་སྶ་ཏྟཾ ཨ་ནྟི་མ་ཎ-ཀཱ་ར་སྶ ཧ-ཀཱ་ར་ཉྩ ཀ་ཏྭཱ ‘‘སུ་བྷ་ཀི་ཎྷཱ’’ཏི ཝུ་ཏྟཱ, ཨ་ཐ པ་ན སུ་བྷེ་ན ཀི་ཎྞཱ སུ་བྷ་ཀི་ཎྞཱ. པུ་རི་མ་པ་དེ་སུ་པི པ་རི་ཏྟཾ སུ་བྷཾ ཨེ་ཏེ་ས་ནྟི པ་རི་ཏྟ་སུ་བྷཱ, ཨ་པྤ་མཱ་ཎཾ སུ་བྷཾ ཨེ་ཏེ་ས་ནྟི ཨ་པྤ་མཱ་ཎ་སུ་བྷཱཏི སུ་བྷ-ས་དྡེ་ན ས་མཱ་སོ ཡོ་ཛེ་ཏ་བྦོ ཧོ་ཏི.
༡༠༢༧. ཨཱ་ར་མྨ་ཎ་མ་ན་སི་ཀཱ་རཱ པུ་བྦ་བྷཱ་གེ་ན ཀ་ཐི་ཏཱཏི ཛྷཱ་ན་ཀྑ་ཎེ ཏ་ཏོ པ་ཙྪཱ ཝཱ པ་རི་ཏྟཱ་དི་ཀ་སི་ཎཱ་ར་མྨ་ཎ་བྷཱ་ཝ་ནཱ་ཡ ཨཱ་ཝ་ཛྫ་ནེ་ན ཙ ཛྷཱ་ན་སྶ ཨཱ་ར་མྨ་ཎ་མ་ན་སི་ཀཱ་ར་ནཱ་ན་ཏྟ་ཏཱ ན ཧོ་ཏི, པུ་བྦ་བྷཱ་ག་བྷཱ་ཝ་ནཱ་ཡ པ་ན པུ་བྦ་བྷཱ་གཱ་ཝ་ཛྫ་ནེ་ན ཙ ཧོ་ཏཱི་ཏི ཨ་ཏྠོ. པུ་བྦ་བྷཱ་ག་བྷཱ་ཝ་ནཱ་ཡ ཝ་སེ་ན ཧི ཛྷཱ་ནཾ པ་རི་ཏྟ་པ་ཐ་ཝཱི་ཀ་སི་ཎཱ་དཱི་སུ ཏཾ་ཏ་དཱ་ར་མྨ་ཎཾ ཧོ་ཏི, པུ་བྦ་བྷཱ་གེ་ན ཏཾ་ཏཾ་ཀ་སི་ཎཱ་ཝ་ཛྫ་ནེ་ན ཏཾ་ཏཾ་མ་ན་སི་ཀཱ་ར་ནྟི. ཚ་ནྡཱ་ད་ཡོ པ་ན ཨ་པྤ་ནཱ་ཀྑ་ཎེ་པི ཝི་ཛྫ་ནྟི. ཏ་ཏྠ པ་ཎི་དྷཱིཏི ན ཏ་ཎྷཱ་པ་ཏྠ་ནཱ, ཨ་ཐ ཁོ ཚ་ནྡ་པ་ཏྠ་ནཱ་ཝ ད་ཊྛ་བྦཱ. ཨ་དྷི་མོ་ཀྑོ ནི་ཙྪ་ཡོ. ཨ་བྷི་ནཱི་ཧཱ་རོ ཙི་ཏྟ་པྤ་ཝ་ཏྟི་ཡེ་ཝ. ཡ་དི པ་ན བྷ་ཝ་ཚ་ནྡ་བྷ་ཝ་པ་ཏྠ་ནཱ་ད་ཡོ ཏཾ་ཏཾ་བྷ་ཝ་ཝི་སེ་ས་ནི་ཡཱ་མ་ཀཱ ཨ་དྷི་པྤེ་ཏཱ. ‘‘ཨ་པྤ་ནཱ་ཡ་པི ཝ་ཊྚ་ནྟཱི’’ཏི ཨེ་ཏ་སྶ ཨ་པྤ་ནཱ་ཡ པ་ཝ་ཏྟཱ་ཡ ཏ་ཏོ པ་ཙྪཱ་པི ཝ་ཊྚ་ནྟཱི་ཏི ཨ་ཏྠོ ད་ཊྛ་བྦོ. ས་ཉྙཱ་ཝི་རཱ་གཱ་དཱི་ཧི པ་ན ཝི་སེ་སི་ཡ་མཱ་ནཾ ཨཱ་ར་མྨ་ཎཾ ཏ་ཐཱ ཏ་ཐཱ ཏ་ཏྠ པ་ཝ་ཏྟོ མ་ན་སི་ཀཱ་རོ ཙ བྷ་ཝ་ཝི་སེ་ས་ནི་ཡཱ་མ་ཀོ པུ་བྦ་བྷཱ་གོ་ཝ ཝ་ཊྚ་ཏཱི་ཏི ‘‘ཨཱ་ར་མྨ་ཎ་མ་ན་སི་ཀཱ་རཱ པུ་བྦ་བྷཱ་གེ་ན ཀ་ཐི་ཏཱ’’ཏི ཝུ་ཏྟཾ.
ཝི་པུ་ལཱ ཕ་ལཱཏི ཝི་པུ་ལ་ས་ནྟ་སུ་ཁཱ་ཡུ་ཝ་ཎྞཱ་དི་ཕ་ལཱ. སུ་ཊྛུ པ་སྶ་ནྟི པ་ཉྙཱ་ཙ་ཀྑུ་ནཱ མཾ་ས་དི་བྦ་ཙ་ཀྑཱུ་ཧི ཙ.
༡༠༢༨. ‘‘ཡཱ་ཝ ན ཏཾ པཱ་པ་ཀ་མྨཾ བྱ་ནྟཱི ཧོ་ཏཱི’’ཏི (མ. ནི. ༣.༢༥༠) ཝ་ཙ་ན་ཏོ ‘‘ཀ་མྨ་མེ་ཝ པ་མཱ་ཎ’’ནྟི ཨཱ་ཧ, ཨ་བྦུ་དཱ་དི་ཨཱ་ཡུ་པྤ་མཱ་ཎ་པ་རི་ཙྪེ་དོ པ་ན ཀ་མྨ་ཝ་སེ་ནེ་ཝ ཀ་ཏོ་ཏི ཨ་དྷི་པྤཱ་ཡོ.
ནི་ལཱི་ཡ་ནོ་ཀཱ་ས་སྶ ཨ་བྷཱ་ཝཱཏི ས་མཱ་ན་ཛཱ་ཏི་ཀེ་ན ཨ་ཙྪ་རཱ་ག་ཎེ་ན ས་བྦ་དཱ པ་རི་ཝཱ་རི་ཡ་མཱ་ན་སྶ ཀཱ་མ་གུ་ཎཱ་ཀི་ཎྞ་སྶ ཏ་བྦི་ར་ཧི་ཏ་ཊྛཱ་ན་སྶ ཨ་བྷཱ་ཝཱ་ཏི ཨ་ཏྠོ.
ཀིཾ ནི་ཡ་མེ་ཏཱིཏི ཀིཾ ཛྷཱ་ནཾ ཨུ་པ་པ་ཏྟིཾ ནི་ཡ་མེ་ཏཱི་ཏི ཨ་ཏྠོ. ན་ཝ བྲ་ཧྨ་ལོ་ཀེཏི བྲ་ཧྨ་པཱ་རི་ས་ཛྫཱ་ད་ཡོ ན་ཝ་པི སོ་དྷེ་ཏྭཱ. མ་ཏྠ་ཀེཏི ཝེ་ཧ་པྥ་ལེ་སཱུ་ཏི ཨ་ཏྠོ. སེ་ཊྛ་བྷ་ཝཱ ནཱ་མཱཏི ཏ་ཏོ པ་རཾ ཨ་ག་མ་ན་ཏོ ཨུ་ཏྟ་མ་བྷ་ཝཱ་ཏི ཨ་དྷི་པྤཱ་ཡོ. ཏེ་ནེ་ཝ བྷ་ཝ་སཱི་སཱ་ནཱིཏི ག་ཧི་ཏཱ. ཨི་མེ་སུ ཏཱི་སུ ཋཱ་ནེ་སཱུཏི ཝེ་ཧ་པྥ་ལཱ་དི་ཊྛཱ་ནཱ་ནི ཨེ་ཝ ས་ནྡྷཱ་ཡ ཝུ་ཏྟཾ. ཝེ་ཧ་པྥ་ལ་ཏོ པ་ན པུ་རི་མེ་སུ ན་ཝ་སུ ནི་བྦ་ཏྟ་ཨ་ནཱ་གཱ་མཱི ཨ་རཱུ་པ་དྷཱ་ཏུཾ ཨུ་པ་པ་ཛྫ་ཏཱི་ཏི ཀ་ཏྭཱ ‘‘རཱུ་པ་དྷཱ་ཏུ་ཡཱ ཙུ་ཏ་སྶ ཨ་རཱུ་པ་དྷཱ་ཏུཾ ཨུ་པ་པ་ཛྫ་ནྟ་སྶ ཀ་སྶ་ཙི ས་ཏྟ ཨ་ནུ་ས་ཡཱ ཨ་ནུ་སེ་ནྟི, ཀ་སྶ་ཙི པ་ཉྩ, ཀ་སྶ་ཙི ཏ་ཡོ ཨ་ནུ་སེ་ནྟཱི’’ཏི (ཡ་མ. ༢.ཨ་ནུ་ས་ཡ་ཡ་མ་ཀ.༣༡༡) ཨི་དཾ ཝུ་ཏྟཾ, ན ཝེ་ཧ་པྥ་ལཱ་དཱི་སུ ཨུ་པ་པ་ནྣཾ ས་ནྡྷཱ་ཡཱ་ཏི ཨ་ཡ་མེ་ཏྠ ཨ་དྷི་པྤཱ་ཡོ སི་ཡཱ. ཡཾ པ་ན ཝུ་ཏྟཾ ‘‘ན་ཝ་སུ བྲ་ཧྨ་ལོ་ཀེ་སུ ནི་བྦ་ཏྟ་ཨ་རི་ཡ་སཱ་ཝ་ཀཱ་ནཾ ཏ་ཏྲཱུ་པ་པ་ཏྟི་ཡེ་ཝ ཧོ་ཏི, ན ཧེ་ཊྛཱུ་པ་པ་ཏྟཱི’’ཏི, ཨེ་ཏེ་ན ཧེ་ཊྛཱུ་པ་པ་ཏྟི ཨེ་ཝ ནི་ཝཱ་རི་ཏཱ, ན ཏེ་སྭེ་ཝ ཨུ་པ་རཱུ་པ་རི ཝེ་ཧ་པྥ་ལེ ཙ ཨུ་པ་པ་ཏྟི ཨ་རཱུ་པ་དྷཱ་ཏཱུ་པ་པ་ཏྟི ཙ. ‘‘པ་ཋ་མ་ཛ྄ཛྷཱ་ན་བྷཱུ་མི་ཡཾ ནི་བྦ་ཏྟོ ཨ་ནཱ་གཱ་མཱི ན་ཝ བྲ་ཧྨ་ལོ་ཀེ སོ་དྷེ་ཏྭཱ མ་ཏྠ་ཀེ ཋི་ཏོ པ་རི་ནི་བྦཱ་ཏཱི’’ཏི ཨི་ད་མྤི ཨ་ནུ་པུ་བྦེ་ན ཨཱ་རོ་ཧ་ནྟཾ ས་ནྡྷཱ་ཡ ཝུ་ཏྟ་ནྟི ན ཏེ་ན ཏ་སྶ མ་ཏྠ་ཀཾ ཨ་པྤ་ཏྟ་སྶ ཨ་རཱུ་པ་དྷཱ་ཏུཾ ཨུ་པ་པ་ཏྟི ནི་ཝཱ་རི་ཏཱ་ཏི ད་ཊྛ་བྦཱ.
ཡོ ཝཱ ཨ་ཉྙ་ཏྠ ཏ་ཏྠ ཝཱ མ་གྒཾ བྷཱ་ཝེ་ཏྭཱ ཙ་ཝི་ཏྭཱ ཏ་ཏྠ ཨུ་པ་པ་ནྣོ ཨ་ཝི་ཀྑ་མྦྷི་ཏ་རཱུ་པ་རཱ་གོ ཨ་རི་ཡ་སཱ་ཝ་ཀོ, ཏཾ ས་ནྡྷཱ་ཡ ཨ་ཡཾ ཨ་ཊྛ་ཀ་ཐཱ ཝུ་ཏྟཱ. ཏེ་ནེ་ཝ ‘‘ན་ཝ་སུ བྲ་ཧྨ་ལོ་ཀེ་སུ ནི་བྦ་ཏྟ་ཨ་རི་ཡ་སཱ་ཝ་ཀཱ་ན’’ནྟི, ‘‘པ་ཋ་མ་ཛ྄ཛྷཱ་ན་བྷཱུ་མི་ཡཾ ནི་བྦ་ཏྟོ ཨ་ནཱ་གཱ་མཱི’’ཏི, ‘‘ཨི་མེ་སུ ཏཱི་སུ ཋཱ་ནེ་སུ ནི་བྦ་ཏྟ་ཨ་ནཱ་གཱ་མི་ནོ’’ཏི ཙ ས་བྦ་ཏྠ ནི་བྦ་ཏྟ་གྒ་ཧ་ཎཾ ཀ་ཏཾ. ཏ་སྶ པ་ན ཡེ་ན ཏ་ཏྠ ཨུ་པ་པ་ནྣོ, ཏ་སྨིཾ རཱུ་པ་རཱ་གེ ཝི་ཀྑ་མྦྷི་ཏེ པུ་ན བྷ་ཝཱ་བྷི་ལཱ་སོ ན བྷ་ཝི་སྶ་ཏཱི་ཏི ཨ་རཱུ་པ་རཱ་གུ་པ་ཙྪེ་དོ ཙ བྷ་ཝི་སྶ་ཏི་ཡེ་ཝ. ཡོ པ་ན པུ་ཐུ་ཛྫ་ནོ ཏ་ཏྠ ནི་བྦ་ཏྟོ ཨ་རི་ཡ་མ་གྒཾ བྷཱ་ཝེ་ཏྭཱ ཨ་རཱུ་པེ་ཧི ཝི་ཀྑ་མྦྷི་ཏ་རཱུ་པ་རཱ་གོ ཨུ་པྤ་ནྣེ མ་གྒེ ནི་བྦ་ཏྟ་བྷ་ཝཱ་དཱི་ན་ཝ་ད་སྶ་ན་ཝ་སེ་ན ཨ་ནི་ཝ་ཏྟི་ཏ་བྷ་ཝཱ་བྷི་ལཱ་སོ, ཏ་སྶ ཝ་སེ་ན ཡ་མ་ཀ་པཱ་ལི༹ པ་ཝ་ཏྟཱ་ཏི ཝཱ ཨ་ཡ་མ་ཏྠོ ཨ་དྷི་པྤེ་ཏོ སི་ཡཱ.
ཨཱ་ཡུ་པྤ་མཱ་ཎ་ཝ་ཎྞ་ནཱ ནི་ཊྛི་ཏཱ.
༧. ཨ་བྷི་ཉྙེ་ཡྻཱ་དི་ཝཱ་ར་ཝ་ཎྞ་ནཱ
༡༠༣༠. ‘‘རུ་པྤ་ན་ལ་ཀྑ་ཎཾ རཱུ་པཾ, ཕུ་ས་ན་ལ་ཀྑ་ཎོ ཕ་སྶོ’’ཏི་ཨཱ་དི་ནཱ སཱ་མ་ཉྙ་ཝི་སེ་ས་ལ་ཀྑ་ཎ་པ་རི་གྒཱ་ཧི་ཀཱ ས་ལ་ཀྑ་ཎ་པ་རི་གྒཱ་ཧི་ཀཱ དི་ཊྛི་ཀ་ངྑཱ་ཝི་ཏ་ར་ཎ་ཝི་སུ་དྡྷི་ཡོ ཉཱ་ཏ་པ་རི་ཉྙཱ, ཏ་ཏོ པ་རཾ ཡཱ་ཝ ཨ་ནུ་ལོ་མཱ ཏཱི་ར་ཎ་པ་རི་ཉྙཱ, ཨུ་ད་ཡ་བྦ་ཡཱ་ནུ་པ་སྶ་ན་ཏོ པ་ཊྛཱ་ཡ ཡཱ་ཝ མ་གྒཱ པ་ཧཱ་ན་པ་རི་ཉྙཱ.
ཏ་ཏྠ ཏ་ཏྠཱཏི ཁ་ནྡྷཱ་དཱི་ནཾ ཏཱ་ཝ ཁ་ནྡྷ་ཝི་བྷ་ངྒཱ་དཱི་སུ པ་ཉྷ་པུ་ཙྪ་ཀ་ཝཱ་རེ ཝ་ཏྟ་བྦཾ ཝུ་ཏྟཾ, ཧེ་ཏུ་ཨཱ་དཱི་ན་ཉྩ ཁ་ནྡྷཱ་དཱི་སུ ཨ་ནྟོ་ག་དྷ་ཏྟཱ ཏ་ཏྠ ཏ་ཏྠ པ་ཉྷ་པུ་ཙྪ་ཀ་ཝཱ་རེ ཝ་ཏྟ་བྦཾ ཝུ་ཏྟ་མེ་ཝཱ་ཏི ད་ཊྛ་བྦཾ.
ཨ་བྷི་ཉྙེ་ཡྻཱ་དི་ཝཱ་ར་ཝ་ཎྞ་ནཱ ནི་ཊྛི་ཏཱ.
དྷ་མྨ་ཧ་ད་ཡ་ཝི་བྷ་ངྒ་ཝ་ཎྞ་ནཱ ནི་ཊྛི་ཏཱ.
ཨི་ཏི ས་མྨོ་ཧ་ཝི་ནོ་ད་ནི་ཡཱ ལཱི་ན་ཏྠ་པ་ད་ཝ་ཎྞ་ནཱ
ཝི་བྷ་ངྒ-མཱུ་ལ་ཊཱི་ཀཱ ས་མ་ཏྟཱ.
ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ