༡༡. ཨེ་ཀཱ་ད་ས་མ་ན་ཡོ ས་ངྒ་ཧི་ཏེ་ན་ས་མྤ་ཡུ་ཏྟ་ཝི་པྤ་ཡུ་ཏྟ་པ་ད་ཝ་ཎྞ་ནཱ

༤༠༩. ཨེ་ཀཱ་ད་ས་མ་ན་ཡ་ཝ་ཎྞ་ནཱ་ཡཾ ‘‘ཏེ ཙ སེ་སེ་ཧི ཏཱི་ཧི ཁ་ནྡྷེ་ཧི ཨེ་ཀེ་ན མ་ནཱ་ཡ་ཏ་ནེ་ན ས་ཏྟ་ཧི ཝི་ཉྙཱ་ཎ་དྷཱ་ཏཱུ་ཧཱི’’ཏི ཨེ་ཏེ་སཾ པ་དཱ་ནཾ ‘‘ས་མྤ་ཡུ་ཏྟཱ ནཱ་མཱ’’ཏི ཨེ་ཏེ་ན ས་ཧ ས་མྦ་ནྡྷོ. ‘‘ཀེ་ཧི་ཙཱི’’ཏི ཨེ་ཏ་སྶ པ་ན་ཏྠཾ ད་སྶེ་ཏུཾ ‘‘ས་ངྑཱ་ར་ཀྑ་ནྡྷེ དྷ་མྨཱ་ཡ་ཏ་ན་དྷ་མྨ་དྷཱ་ཏཱུ་སུ ཙ ཋ་པེ་ཏྭཱ ཏ་ཎྷ’’ནྟི ཨེ་ཏེ་ན ‘‘ཏེ ཙཱ’’ཏི ཝུ་ཏྟེ ས་མུ་ད་ཡ་ས་ཙྩེ་ན ཁ་ནྡྷཱ་དི་ས་ངྒ་ཧེ་ན ས་ངྒ་ཧི་ཏ་དྷ་མྨེ ཝི་སེ་སེ་ཏྭཱ ཏེ་སཾ ཨེ་ཝ ཝི་སེ་སི་ཏཱ་ནཾ ཨ་ཏྟ་ཝ་ཛྫེ་ཧི སེ་སེ་ཧི ས་ངྑཱ་ར་ཀྑ་ནྡྷེ ཏ་ཎྷཱ་ཡ དྷ་མྨཱ་ཡ་ཏ་ན་དྷ་མྨ་དྷཱ་ཏཱུ་སུ ཙ ཏ་ཎྷཱ་ཡ ཝེ་ད་ནཱ་ས་ཉྙཱ་ཀྑ་ནྡྷེ་ཧི ས་མྤ་ཡོ་གཱ་ར་ཧེ་ཧི ས་མྤ་ཡུ་ཏྟ་ཏཾ ས་ནྡྷཱ་ཡཱ་ཧ ‘‘སེ་སེ་ཧི ས་མྤ་ཡུ་ཏྟ་ཏྟཱ ཀེ་ཧི་ཙི ས་མྤ་ཡུ་ཏྟཱ ནཱ་མཱ’’ཏི.

ཨེ་ཀཱ་ད་ས་མ་ན་ཡ་ས་ངྒ་ཧི་ཏེ་ན་ས་མྤ་ཡུ་ཏྟ་ཝི་པྤ་ཡུ་ཏྟ་པ་ད་ཝ་ཎྞ་ནཱ ནི་ཊྛི་ཏཱ.