༡. ན་ཡ་མཱ་ཏི་ཀཱ་ཝ་ཎྞ་ནཱ

༡. ཀོ པ་ནེ་ཏ་སྶ པ་ཀ་ར་ཎ་སྶ པ་རི་ཙྪེ་དོ་ཏི? ན སོ ཨི་དྷ ཝ་ཏྟ་བྦོ, ཨ་ཊྛ་སཱ་ལི་ནི་ཡཾ (དྷ. ས. ཨ་ཊྛ. ནི་དཱ་ན་ཀ་ཐཱ) པ་ཀ་ར་ཎ་པ་རི་ཙྪེ་དོ ཝུ་ཏྟོ ཨེ་ཝཱ་ཏི ད་སྶེ་ནྟོ ཨཱ་ཧ ‘‘ཙུ་དྡ་ས་ཝི་དྷེ་ན ཝི་བྷ་ཏྟ་ནྟི ཝུ་ཏྟ’’ནྟི. ཁ་ནྡྷཱ་དཱི་ནཾ དེ་ས་ནཱ ནཱི་ཡ་ཏི པ་ཝ་ཏྟཱི་ཡ་ཏི ཨེ་ཏེ་ཧི, ཁ་ནྡྷཱ་ད་ཡོ ཨེ་ཝ ཝཱ ནཱི་ཡ་ནྟི ཉཱ་ཡ་ནྟི ཨེ་ཏེ་ཧི པ་ཀཱ་རེ་ཧཱི་ཏི ན་ཡཱ, ན་ཡཱ་ནཾ མཱ་ཏི་ཀཱ ཨུ་དྡེ་སོ, ན་ཡཱ ཨེ་ཝ ཝཱ མཱ་ཏི་ཀཱ་ཏི ན་ཡ་མཱ་ཏི་ཀཱ. ཨེ་ཏེ་སཾ པ་དཱ་ནཾ མཱུ་ལ་བྷཱུ་ཏ་ཏྟཱཏི ‘‘མཱུ་ལ་མཱ་ཏི་ཀཱ’’ཏི ཝ་ཏྟ་བྦཱ་ནཾ ས་ངྒ་ཧཱ་ས་ངྒ་ཧཱ་དཱི་ནཾ ཙུ་དྡ་ས་ནྣཾ པ་དཱ་ནཾ ཁ་ནྡྷཱ་དི་དྷ་མྨ་ཝི་བྷ་ཛ་ན་སྶ ཨི་མ་སྶ པ་ཀ་ར་ཎ་སྶ མཱུ་ལ་བྷཱུ་ཏ་ཏྟཱ ནི་སྶ་ཡ་བྷཱུ་ཏ་ཏྟཱ་ཏི ཨ་ཏྠོ.