༡. སཱི་ཧ་ནཱ་ད་སུ་ཏྟ་ཝ་ཎྞ་ནཱ

༡༡. དུ་ཏི་ཡ་སྶ པ་ཋ་མེ ཨ་ཝཱ་པུ་རེ་ནྟི ཝི་ཝ་ར་ནྟི དྭཱ་རཾ ཨེ་ཏེ་ནཱ་ཏི ཨ་ཝཱ་པུ་ར་ཎཾ. ར་ཛཾ ཧ་ར་ནྟི ཨེ་ཏེ་ནཱ་ཏི ར་ཛོ་ཧ་ར་ཎཾ. ཀ་ལོ༹་པི་ཧ་ཏྠོཏི ཝི་ལཱི་ཝ་མ་ཡ་བྷཱ་ཛ་ན་ཧ་ཏྠོ, ‘‘ཙ་མྨ་མ་ཡ་བྷཱ་ཛ་ན་ཧ་ཏྠོ’’ཏི ཙ ཝ་ད་ནྟི. ཚི་ནྣཱ་ནི ཝི་སཱ་ཎཱ་ནི ཨེ་ཏ་སྶཱ་ཏི ཚི་ནྣ་ཝི་སཱ་ཎོ, ཨུ་ས་བྷོ ཙ སོ ཚི་ནྣ་ཝི་སཱ་ཎོ ཙཱ་ཏི ཨུ་ས་བྷ་ཚི་ནྣ་ཝི་སཱ་ཎོ. ཝི་སེ་ས་ན་པ་རོ་ཡཾ ས་མཱ་སོ. ཨ་ཧི་ཀུ་ཎ་པེ་ན ཝཱཏི་ཨཱ་དི ཨ་ཏི་ཛེ་གུ་ཙྪ་པྤ་ཊི་ཀཱུ་ལ་ཀུ་ཎ་པ་ད་སྶ་ན་ཏྠཾ ཝུ་ཏྟཾ. ཀ་ཎྛེ ཨཱ་ས་ཏྟེ་ནཱཏི ཀེ་ན་ཙི་དེ་ཝ པ་ཙྩ་ཏྠི་ཀེ་ན ཨཱ་ནེ་ཏྭཱ ཀ་ཎྛེ བ་དྡྷེ་ན, ཨོ་མུ་ཀྐེ་ནཱ་ཏི ཨ་ཏྠོ. ཨ་ཊྚོ ཨཱ་ཏུ་རོ དུ་གྒ་ནྡྷ་པཱི་ལཱ༹་ཡ པཱི་ལི༹་ཏོ. ཨ་ཙྩ་ཡ་སྶ པ་ཊི་གྒ་ཎྷ་ནཾ ཝཱ ཨ་དྷི་ཝཱ་ས་ནཾ. ཨེ་ཝ་ཉྷི སོ ཀཱ་ར་ཎེ དེ་སི་ཡ་མཱ་ནེ ཏ་ཏོ ཝི་ག་ཏོ ནཱ་མ ཧོ་ཏི. ཏེ་ནཱ་ཧ ‘‘པ་ཊི་གྒ་ཎྷ་ཏཱུ་ཏི ཁ་མ་ཏཱུ’’ཏི. སེ་ས་མེ་ཏྠ སུ་ཝི་ཉྙེ་ཡྻ་མེ་ཝ.

སཱི་ཧ་ནཱ་ད་སུ་ཏྟ་ཝ་ཎྞ་ནཱ ནི་ཊྛི་ཏཱ.