༤-༥. དཱི་གྷ་ཛཱ་ཎུ་སུ་ཏྟཱ་དི་ཝ་ཎྞ་ནཱ

༥༤-༥༥. ཙ་ཏུ་ཏྠེ (དཱི. ནི. ཨ་ཊྛ. ༣.༢༦༥) ཨེ་ཀེ་ན བྷོ་གེ བྷུ་ཉྫེ་ཡྻཱཏི ཨེ་ཀེ་ན ཀོ་ཊྛཱ་སེ་ན བྷོ་གེ བྷུ་ཉྫེ་ཡྻ, ཝི་ནི་བྷུ་ཉྫེ་ཡྻ ཝཱ་ཏི ཨ་ཏྠོ. དྭཱི་ཧི ཀ་མྨནྟི དྭཱི་ཧི ཀོ་ཊྛཱ་སེ་ཧི ཀ་སི་ཝ་ཎི་ཛྫཱ་དི་ཀ་མྨཾ པ་ཡོ་ཛེ་ཡྻ. ནི་དྷཱ་པེ་ཡྻཱཏི ཙ་ཏུ་ཏྠ་ཀོ་ཊྛཱ་སཾ ནི་དྷེ་ཏྭཱ ཋ་པེ་ཡྻ, ནི་ད་ཧི་ཏྭཱ བྷཱུ་མི་ག་ཏཾ ཀ་ཏྭཱ ཋ་པེ་ཡྻཱ་ཏི ཨ་ཏྠོ. ཨཱ་པ་དཱ་སུ བྷ་ཝི་སྶ་ཏཱིཏི ཀུ་ལཱ་ན་ཉྷི ན ས་བྦ་ཀཱ་ལཾ ཨེ་ཀ་ས་དི་སཾ ཝ་ཏྟ་ཏི, ཀ་དཱ་ཙི རཱ་ཛ་ཨ་གྒི་ཙོ་ར་དུ་བྦྷི་ཀྑཱ་དི་ཝ་སེ་ན ཨཱ་པ་དཱ ཨུ་པྤ་ཛྫ་ནྟི, ཏ་སྨཱ ཨེ་ཝཾ ཨཱ་པ་དཱ་སུ ཨུ་པྤ་ནྣཱ་སུ བྷ་ཝི་སྶ་ཏཱི་ཏི ཨེ་ཀཾ ཀོ་ཊྛཱ་སཾ ནི་དྷཱ་པེ་ཡྻཱ་ཏི ཝུ་ཏྟཾ. ཨི་མེ་སུ པ་ན ཙ་ཏཱུ་སུ ཀོ་ཊྛཱ་སེ་སུ ཀ་ཏ་རཾ ཀོ་ཊྛཱ་སཾ ག་ཧེ་ཏྭཱ ཀུ་ས་ལཾ ཀཱ་ཏ་བྦ་ནྟི? ‘‘བྷོ་གེ བྷུ་ཉྫེ་ཡྻཱ’’ཏི ཝུ་ཏྟ་ཀོ་ཊྛཱ་སཾ. ཏ་ཏོ ག་ཎྷི་ཏྭཱ ཧི བྷི་ཀྑཱུ་ན་མྤི ཀ་པ་ཎ་དྡྷི་ཀཱ་ན་མྤི དཱ་ནཾ དཱ་ཏ་བྦཾ, པེ་ས་ཀཱ་ར་ནྷཱ་པི་ཏཱ་དཱི་ན་མྤི ཝེ་ཏ་ནཾ དཱ་ཏ་བྦཾ. ས་མ་ཎ་བྲཱ་ཧྨ་ཎ་ཀ་པ་ཎ་དྡྷི་ཀཱ་དཱི་ནཾ དཱ་ན་ཝ་སེ་ན ཙེ་ཝ, ཨ་དྷི་ཝ་ཏྠ་དེ་ཝ་ཏཱ་དཱི་ནཾ པེ་ཏ་བ་ལི་ཝ་སེ་ན, ནྷཱ་པི་ཏཱ་དཱི་ནཾ ཝེ་ཏ་ན་ཝ་སེ་ན ཙ ཝི་ནི་ཡོ་གོ་པི ཨུ་པ་ཡོ་གོ ཨེ་ཝ.

ཨ་པེ་ནྟི ག་ཙྪ་ནྟི, ཨ་པེ་ནྟཱ ཝཱ ཨེ་ཏེ་ཧཱི་ཏི ཨ་པཱ་ཡཱ, ཨ་པཱ་ཡཱ ཨེ་ཝ མུ་ཁཱ་ནི དྭཱ་རཱ་ནཱི་ཏི ཨ་པཱ་ཡ་མུ་ཁཱ་ནི. ཝི་ནཱ་ས་དྭཱ་རཱ་ནཱིཏི ཨེ་ཏྠཱ་པི ཨེ་སེ་ཝ ན་ཡོ. པ་ཉྩ་མེ ན་ཏྠི ཝ་ཏྟ་བྦཾ.

དཱི་གྷ་ཛཱ་ཎུ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.