༥-༡༣. མ་ཙྪ་རི་ནཱི་སུ་ཏྟཱ་དི་ཝ་ཎྞ་ནཱ

༡༡༥-༡༢༣. པ་ཉྩ་མེ ཨཱ་ཝཱ་ས་མ་ཙྪ་རི་ཡཱ་དཱི་ནི པ་ཉྩ ཨི་དྷ བྷི་ཀྑུ་ནི་ཡཱ ཝ་སེ་ན ཨཱ་ག་ཏཱ་ནི, བྷི་ཀྑུ་སྶ ཝ་སེ་ན་པི ཏཱ་ནི ཝེ་དི་ཏ་བྦཱ་ནི. ཨཱ་ཝཱ་ས་མ་ཙྪ་རི་ཡེ་ན ཧི ས་མ་ནྣཱ་ག་ཏོ བྷི་ཀྑུ ཨཱ་ག་ནྟུ་ཀཾ དི་སྭཱ ‘‘ཨེ་ཏྠ ཙེ་ཏི་ཡ་སྶ ཝཱ ས་ངྒྷ་སྶ ཝཱ པ་རི་ཀྑཱ་རོ ཋ་པི་ཏོ’’ཏི་ཨཱ་དཱི་ནི ཝ་ཏྭཱ ས་ངྒྷི་ཀ་ཨཱ་ཝཱ་སཾ ན དེ་ཏི. ཀུ་ལ་མ་ཙྪ་རི་ཡེ་ན ས་མ་ནྣཱ་ག་ཏོ བྷི་ཀྑུ ཏེ་ཧི ཏེ་ཧི ཀཱ་ར་ཎེ་ཧི ཨཱ་དཱི་ན་ཝཾ ད་སྶེ་ཏྭཱ ཨ་ཏྟ་ནོ ཨུ་པ་ཊྛཱ་ཀེ ཀུ་ལེ ཨ་ཉྙེ་སཾ པ་ཝེ་ས་མྤི ནི་ཝཱ་རེ་ཏི. ལཱ་བྷ་མ་ཙྪ་རི་ཡེ་ན ས་མ་ནྣཱ་ག་ཏོ ས་ངྒྷི་ཀ་མྤི ལཱ་བྷཾ མ་ཙྪ་རཱ་ཡ་ནྟོ ཡ་ཐཱ ཨ་ཉྙེ ན ལ་བྷ་ནྟི, ཨེ་ཝཾ ཀ་རོ་ཏི ཨ་ཏྟ་ནཱ ཝི་ས་མ་ནི་སྶི་ཏ་ཏཱ་ཡ བ་ལ་ཝ་ནི་སྶི་ཏ་ཏཱ་ཡ ཙ. ཝ་ཎྞ་མ་ཙྪ་རི་ཡེ་ན ས་མ་ནྣཱ་ག་ཏོ ཨ་ཏྟ་ནོ ཝ་ཎྞཾ ཝ་ཎྞེ་ཏི, པ་རེ་སཾ ཝ་ཎྞེ ‘‘ཀིཾ ཝ་ཎྞོ ཨེ་སོ’’ཏི ཏཾ ཏཾ དོ་སཾ ཝ་ད་ཏི. ཝ་ཎྞོཏི ཙེ་ཏྠ ས་རཱི་ར་ཝ་ཎྞོ་པི, གུ་ཎ་ཝ་ཎྞོ་པི ཝེ་དི་ཏ་བྦོ.

དྷ་མྨ་མ་ཙྪ་རི་ཡེ་ན ས་མ་ནྣཱ་ག་ཏོ – ‘‘ཨི་མཾ དྷ་མྨཾ པ་རི་ཡཱ་པུ་ཎི་ཏྭཱ ཨེ་སོ མཾ ཨ་བྷི་བྷ་ཝི་སྶ་ཏཱི’’ཏི ཨ་ཉྙ་སྶ ན དེ་ཏི. ཡོ པ་ན – ‘‘ཨ་ཡཾ ཨི་མཾ དྷ་མྨཾ ཨུ་གྒ་ཧེ་ཏྭཱ ཨ་ཉྙ་ཐཱ ཨ་ཏྠཾ ཝི་པ་རི་ཝ་ཏྟེ་ཏྭཱ ནཱ་སེ་སྶ་ཏཱི’’ཏི དྷ་མྨ་ནུ་གྒ་ཧེ་ན ཝཱ – ‘‘ཨ་ཡཾ ཨི་མཾ དྷ་མྨཾ ཨུ་གྒ་ཧེ་ཏྭཱ ཨུ་དྡྷ་ཏོ ཨུ་ནྣ་ལོ༹ ཨ་ཝཱུ་པ་ས་ནྟ་ཙི་ཏྟོ ཨ་པུ་ཉྙཾ པ་ས་ཝི་སྶ་ཏཱི’’ཏི པུ་གྒ་ལཱ་ནུ་གྒ་ཧེ་ན ཝཱ ན དེ་ཏི, ན ཏཾ མ་ཙྪ་རི་ཡཾ. དྷ་མྨོཏི ཙེ་ཏྠ པ་རི་ཡ་ཏྟི་དྷ་མྨོ ཨ་དྷི་པྤེ་ཏོ. པ་ཊི་ཝེ་དྷ་དྷ་མྨོ ཧི ཨ་རི་ཡཱ་ནཾ་ཡེ་ཝ ཧོ་ཏི, ཏེ ཙ ནཾ ན མ་ཙྪ་རཱ་ཡ་ནྟི མ་ཙྪ་རི་ཡ་སྶ ས་བྦ་སོ པ་ཧཱི་ན་ཏྟཱ་ཏི ཏ་སྶ ཨ་ས་མྦྷ་ཝོ ཨེ་ཝ. ཏ་ཏྠ ཨཱ་ཝཱ་ས་མ་ཙྪ་རི་ཡེ་ན ལོ་ཧ་གེ་ཧེ པ་ཙྩ་ཏི, ཡ་ཀྑོ ཝཱ པེ་ཏོ ཝཱ ཧུ་ཏྭཱ ཏ་སྶེ་ཝ ཨཱ་ཝཱ་ས་སྶ ས་ངྐཱ་རཾ སཱི་སེ་ན ཨུ་ཀྑི་པི་ཏྭཱ ཙ་ར་ཏི. ཀུ་ལ་མ་ཙྪ་རི་ཡེ་ན ཨ་པྤ་བྷོ་གོ ཧོ་ཏི. ལཱ་བྷ་མ་ཙྪ་རི་ཡེ་ན གཱུ་ཐ་ནི་ར་ཡེ ནི་བྦ་ཏྟ་ཏི, ས་ངྒྷ་སྶ ཝཱ ག་ཎ་སྶ ཝཱ ལཱ་བྷཾ མ་ཙྪ་རཱ་ཡི་ཏྭཱ པུ་གྒ་ལི་ཀ་པ་རི་བྷོ་གེ་ན ཝཱ པ་རི་བྷུ་ཉྫི་ཏྭཱ ཡ་ཀྑོ ཝཱ པེ་ཏོ ཝཱ མ་ཧཱ་ཨ་ཛ་ག་རོ ཝཱ ཧུ་ཏྭཱ ནི་བྦ་ཏྟ་ཏི. ཝ་ཎྞ་མ་ཙྪ་རི་ཡེ་ན བྷ་ཝེ་སུ ནི་བྦ་ཏྟ་སྶ ཝ་ཎྞོ ནཱ་མ ན ཧོ་ཏི. དྷ་མྨ་མ་ཙྪ་རི་ཡེ་ན ཀུ་ཀྐུ་ལ༹་ནི་ར་ཡེ ནི་བྦ་ཏྟ་ཏི. ཚ་ཊྛཱ་དཱི་ནི ཨུ་ཏྟཱ་ན་ཏྠཱ་ནེ་ཝ.

མ་ཙྪ་རི་ནཱི་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

ཨ་ནྡྷ་ཀ་ཝི་ནྡ་ཝ་གྒ་ཝ་ཎྞ་ནཱ ནི་ཊྛི་ཏཱ.