(༩) ༤. ཐེ་ར་ཝ་གྒོ
༡-༢. ར་ཛ་ནཱི་ཡ་སུ་ཏྟཱ་དི་ཝ་ཎྞ་ནཱ
༨༡-༨༢. ཙ་ཏུ་ཏྠ་སྶ པ་ཋ་མཾ སུ་ཝི་ཉྙེ་ཡྻ་མེ་ཝ. དུ་ཏི་ཡེ གུ་ཎ་མ་ཀྑ་ནཱ་ཡ པ་ཝ་ཏྟོ་པི ཨ་ཏྟ་ནོ ཀཱ་ར་ཀཾ གཱུ་ཐེ་ན པ་ཧ་ར་ནྟཾ གཱུ་ཐོ ཝི་ཡ པ་ཋ་མ་ཏ་རཾ མ་ཀྑེ་ཏཱི་ཏི མ་ཀྑོ, སོ ཨེ་ཏ་སྶ ཨ་ཏྠཱི་ཏི མ་ཀྑཱི. པ་ལཱ༹་ས་ཏཱི་ཏི པ་ལཱ༹་སོ, པ་ར་སྶ གུ་ཎེ ཌཾ་སི་ཏྭཱ ཝི་ཡ ཨ་པ་ནེ་ཏཱི་ཏི ཨ་ཏྠོ. སོ ཨེ་ཏ་སྶ ཨ་ཏྠཱི་ཏི པ་ལཱ༹་སཱི. པ་ལཱ༹་སཱི པུ་གྒ་ལོ ཧི དུ་ཏི་ཡ་སྶ དྷུ་རཾ ན དེ་ཏི, ས་མྤ་སཱ་རེ་ཏྭཱ ཏི་ཊྛ་ཏི. ཏེ་ནཱ་ཧ ‘‘ཡུ་ག་གྒཱ་ཧ་ལ་ཀྑ་ཎེ་ན པ་ལཱ༹་སེ་ན ས་མ་ནྣཱ་ག་ཏོ’’ཏི.
ར་ཛ་ནཱི་ཡ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.
༣. ཀུ་ཧ་ཀ་སུ་ཏྟ་ཝ་ཎྞ་ནཱ
༨༣. ཏ་ཏི་ཡེ ཏཱི་ཧི ཀུ་ཧ་ན་ཝ་ཏྠཱུ་ཧཱིཏི སཱ་མ་ནྟ་ཛ་པྤ་ན་ཨི་རི་ཡཱ་པ་ཐ་ས་ནྣི་སྶི་ཏ་པ་ཙྩ་ཡ་པྤ་ཊི་སེ་ཝ་ན་བྷེ་ད་ཏོ ཏི་པྤ་བྷེ་དེ་ཧི ཀུ་ཧ་ན་ཝ་ཏྠཱུ་ཧི. ཏི་ཝི་དྷེ་ན ཀུ་ཧ་ན་ཝ་ཏྠུ་ནཱ ལོ་ཀཾ ཀུ་ཧ་ཡ་ཏི ཝི་མྷཱ་པ་ཡ་ཏི ‘‘ཨ་ཧོ ཨ་ཙྪ་རི་ཡ་པུ་རི་སོ’’ཏི ཨ་ཏྟ་ནི པ་རེ་སཾ ཝི་མྷ་ཡཾ ཨུ་པྤཱ་དེ་ཏཱི་ཏི ཀུ་ཧ་ཀོ. ལཱ་བྷ་ས་ཀྐཱ་ར་ཏྠི་ཀོ ཧུ་ཏྭཱ ལ་པ་ཏི ཨ་ཏྟཱ་ནཾ དཱ་ཡ་ཀཾ ཝཱ ཨུ་ཀྑི་པི་ཏྭཱ ཡ་ཐཱ སོ ཀི་ཉྩི ད་དཱ་ཏི, ཨེ་ཝཾ ཨུ་ཀྐཱ་ཙེ་ཏྭཱ ཀ་ཐེ་ཏཱི་ཏི ལ་པ་ཀོ. ནི་མི་ཏྟཾ སཱི་ལཾ ཏ་སྶཱ་ཏི ནེ་མི་ཏྟི་ཀོ, ནི་མི་ཏྟེ་ན ཝཱ ཙ་ར་ཏི, ནི་མི་ཏྟཾ ཝཱ ཀ་རོ་ཏཱི་ཏི ནེ་མི་ཏྟི་ཀོ. ནི་མི་ཏྟནྟི ཙ པ་རེ་སཾ པ་ཙྩ་ཡ་དཱ་ན་ས་ཉྙུ་པྤཱ་ད་ཀཾ ཀཱ་ཡ་ཝ་ཙཱི་ཀ་མྨཾ ཝུ་ཙྩ་ཏི. ནི་པྤེ་སོ སཱི་ལ་མ་སྶཱ་ཏི ནི་པྤེ་སི་ཀོ. ནི་པྤི་ས་ཏཱི་ཏི ཝཱ ནི་པྤེ་སོ, ནི་པྤེ་སོ་ཡེ་ཝ ནི་པྤེ་སི་ཀོ. ནི་པྤེ་སོཏི ཙ ས་ཋ་པུ་རི་སོ ཝི་ཡ ལཱ་བྷ་ས་ཀྐཱ་ར་ཏྠཾ ཨ་ཀྐོ་ས་ནུ་པྤ་ཎྜ་ན་པ་ར་པི་ཊྛི་མཾ་སི་ཀ་ཏཱ་དི.
ཀུ་ཧ་ཀ་སུ་ཏྟ་ཝ་ཎྞ་ནཱ ནི་ཊྛི་ཏཱ.
༦-༧. པ་ཊི་ས་མྦྷི་དཱ་པྤ་ཏྟ་སུ་ཏྟཱ་དི་ཝ་ཎྞ་ནཱ
༨༦-༨༧. ཚ་ཊྛེ པ་ཊི་ས་མྦྷི་དཱ་སུ ཡཾ ཝ་ཏྟ་བྦཾ, ཏཾ ཧེ་ཊྛཱ ཝུ་ཏྟ་མེ་ཝ. ཨུ་ཙྩཱ་ཝ་ཙཱ་ནཱིཏི ཨུ་ཙྩ་ནཱི་ཙཱ་ནི. ཏེ་ནཱ་ཧ ‘‘མ་ཧ་ནྟ་ཁུ་དྡ་ཀཱ་ནཱི’’ཏི. ཀིཾ་ཀ་ར་ཎཱི་ཡཱ་ནཱིཏི ‘‘ཀིཾ ཀ་རོ་མཱི’’ཏི ཨེ་ཝཾ ཝ་ཏྭཱ ཀ་ཏྟ་བྦ་ཀ་མྨཱ་ནི. ཏ་ཏྠ ཨུ་ཙྩ་ཀ་མྨཱ་ནི ནཱ་མ ཙཱི་ཝ་ར་སྶ ཀ་ར་ཎཾ, ར་ཛ་ནཾ, ཙེ་ཏི་ཡེ སུ་དྷཱ་ཀ་མྨཾ, ཨུ་པོ་ས་ཐཱ་གཱ་ར་ཙེ་ཏི་ཡ་གྷ་ར་བོ་དྷི་གྷ་རེ་སུ ཀ་ཏྟ་བྦ་ཀ་མྨ་ནྟི ཨེ་ཝ་མཱ་དི. ཨ་ཝ་ཙ་ཀ་མྨཾ ནཱ་མ པཱ་ད་དྷོ་ཝ་ན་མ་ཀྑ་ནཱ་དི ཁུ་དྡ་ཀ་ཀ་མྨཾ. ཏ་ཏྲུ་པཱ་ཡཱ་སཱཏི ཏ་ཏྲུ་པ་ག་མ་ནི་ཡཱ, ཏ་ཏྲ ཏ་ཏྲ མ་ཧ་ནྟེ ཁུ་དྡ་ཀེ ཙ ཀ་མྨེ སཱ་དྷ་ན་ཝ་སེ་ན ཨུ་པ་ག་ཙྪ་ནྟི་ཡཱ་ཏི ཨ་ཏྠོ. ཏ་སྶ ཏ་སྶ ཀ་མྨ་སྶ ནི་པྥཱ་ད་ནེ ས་མ་ཏྠཱ་ཡཱ་ཏི ཝུ་ཏྟཾ ཧོ་ཏི. ཏ་ཏྲུ་པཱ་ཡཱ་ཡཱཏི ཝཱ ཏ་ཏྲ ཏ་ཏྲ ཀ་མྨེ སཱ་དྷེ་ཏ་བྦེ ཨུ་པཱ་ཡ་བྷཱུ་ཏཱ་ཡ. ཨ་ལཾ ཀཱ་ཏུནྟི ཀཱ་ཏུཾ ས་མ་ཏྠོ ཧོ་ཏི. ཨ་ལཾ སཾ་ཝི་དྷཱ་ཏུནྟི ཝི་ཙཱ་རེ་ཏུཾ ས་མ་ཏྠོ. ས་ཏྟ་མཾ ཨུ་ཏྟཱ་ན་མེ་ཝ.
པ་ཊི་ས་མྦྷི་དཱ་པྤ་ཏྟ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.
༨. ཐེ་ར་སུ་ཏྟ་ཝ་ཎྞ་ནཱ
༨༨. ཨ་ཊྛ་མེ ཐི་ར་བྷཱ་ཝ་པྤ་ཏྟོཏི སཱ་ས་ནེ ཐི་ར་བྷཱ་ཝཾ ཨ་ནི་ཝ་ཏྟི་བྷཱ་ཝཾ པ་ཏྠོ. པ་བྦ་ཛི་ཏོ ཧུ་ཏྭཱ བ་ཧཱུ ར་ཏྟི་ཡོ ཛཱ་ནཱ་ཏཱི་ཏི ར་ཏྟ་ཉྙཱུ. ཏེ་ནཱ་ཧ ‘‘པ་བྦ་ཛི་ཏ་དི་ཝ་ས་ཏོ པ་ཊྛཱ་ཡཱ’’ཏི་ཨཱ་དི. པཱ་ཀ་ཊོཏི ཨ་ཡ་ཐཱ་བྷཱུ་ཏ་གུ་ཎེ་ཧི ཙེ་ཝ ཡ་ཐཱ་བྷཱུ་ཏ་གུ་ཎེ་ཧི ཙ ས་མུ་གྒ་ཏོ. ཡ་སོ ཨེ་ཏ་སྶ ཨ་ཏྠཱི་ཏི ཡ་ས་སྶཱི, ཡ་སཾ སི་ཏོ ནི་སྶི་ཏོ ཝཱ ཡ་ས་སྶཱི. ཏེ་ནཱ་ཧ ‘‘ཡ་ས་ནི་སྶི་ཏོ’’ཏི. ཨ་ས་ཏཾ ཨ་སཱ་དྷཱུ་ནཾ དྷ་མྨཱ ཨ་ས་དྡྷ་མྨཱ, ཨ་ས་ནྟཱ ཝཱ ཨ་སུ་ནྡ་རཱ གཱ་ར་ཡ྄ཧཱ ལཱ་མ་ཀཱ དྷ་མྨཱ་ཏི ཨ་ས་དྡྷ་མྨཱ. ཝི་པ་རི་ཡཱ་ཡེ་ན ས་དྡྷ་མྨཱ ཝེ་དི་ཏ་བྦཱ.
ཐེ་ར་སུ་ཏྟ་ཝ་ཎྞ་ནཱ ནི་ཊྛི་ཏཱ.
༩. པ་ཋ་མ་སེ་ཁ་སུ་ཏྟ་ཝ་ཎྞ་ནཱ
༨༩. ན་ཝ་མེ ཨཱ་ར་མི་ཏ་བྦ་ཊྛེ་ན ཀ་མྨཾ ཨཱ་རཱ་མོ ཨེ་ཏ་སྶཱ་ཏི ཀ་མྨཱ་རཱ་མོ, ཏ་སྶ བྷཱ་ཝོ ཀ་མྨཱ་རཱ་མ་ཏཱ. ཏ་ཏྠ ཀ་མྨནྟི ཨི་ཏི་ཀ་ཏྟ་བྦཾ ཀ་མྨཾ ཝུ་ཙྩ་ཏི. སེ་ཡྻ་ཐི་དཾ – ཙཱི་ཝ་ར་ཝི་ཙཱ་ར་ཎཾ ཙཱི་ཝ་ར་ཀ་མྨ་ཀ་ར་ཎཾ ཨུ་པ་ཏྠ་མྦྷ་ནཾ པ་ཏྟ་ཏྠ་ཝི་ཀ་ཨཾ་ས་བ་དྡྷ་ཀ་ཀཱ་ཡ་བ་ནྡྷ་ན་དྷ་མྨ་ཀ་ར་ཎ་ཨཱ་དྷཱ་ར་ཀ་པཱ་ད་ཀ་ཐ་ལི་ཀ་ས་མྨ་ཛྫ་ནི་ཨཱ་དཱི་ནཾ ཀ་ར་ཎ་ནྟི. ཨེ་ཀ་ཙྩོ ཧི ཨེ་ཏཱ་ནི ཀ་རོ་ནྟོ ས་ཀ་ལ་དི་ཝ་སཾ ཨེ་ཏཱ་ནེ་ཝ ཀ་རོ་ཏི, ཏཾ ས་ནྡྷཱ་ཡེ་ས པ་ཊི་ཀྑེ་པོ. ཡོ པ་ན ཨེ་ཏེ་སཾ ཀ་ར་ཎ་ཝེ་ལཱ་ཡ་མེ་ཝ ཏཱ་ནི ཀ་རོ་ཏི, ཨུ་དྡེ་ས་ཝེ་ལཱ་ཡ ཨུ་དྡེ་སཾ ག་ཎྷཱ་ཏི, ས་ཛ྄ཛྷཱ་ཡ་ཝེ་ལཱ་ཡ ས་ཛ྄ཛྷཱ་ཡ་ཏི, ཙེ་ཏི་ཡ་ངྒ་ཎ་ཝ་ཏྟ་ཝེ་ལཱ་ཡ ཙེ་ཏི་ཡ་ངྒ་ཎ་ཝ་ཏྟཾ ཀ་རོ་ཏི, མ་ན་སི་ཀཱ་ར་ཝེ་ལཱ་ཡ མ་ན་སི་ཀཱ་རཾ ཀ་རོ་ཏི, ན སོ ཀ་མྨཱ་རཱ་མོ ནཱ་མ. བྷ་སྶཱ་རཱ་མ་ཏཱཏི ཨེ་ཏྠ ཡོ ཨི་ཏྠི་ཝ་ཎྞ་པུ་རི་ས་ཝ་ཎྞཱ་དི་ཝ་སེ་ན ཨཱ་ལཱ་པ་ས་ལླཱ་པཾ ཀ་རོ་ནྟོ་ཡེ་ཝ དི་ཝ་ས་ཉྩ ར་ཏྟི་ཉྩ ཝཱི་ཏི་ནཱ་མེ་ཏི, ཨེ་ཝ་རཱུ་པོ བྷ་སྶེ པ་རི་ཡ་ནྟ་ཀཱ་རཱི ན ཧོ་ཏི, ཨ་ཡཾ བྷ་སྶཱ་རཱ་མོ ནཱ་མ. ཡོ པ་ན ར་ཏྟི་མྤི དི་ཝ་ས་མྤི དྷ་མྨཾ ཀ་ཐེ་ཏི, པ་ཉྷཾ ཝི་སྶ་ཛྫེ་ཏི, ཨ་ཡཾ ཨ་པྤ་བྷ་སྶོ བྷ་སྶེ པ་རི་ཡ་ནྟ་ཀཱ་རཱི་ཡེ་ཝ. ཀ་སྨཱ? ‘‘ས་ནྣི་པ་ཏི་ཏཱ་ནཾ ཝོ, བྷི་ཀྑ་ཝེ, དྭ་ཡཾ ཀ་ར་ཎཱི་ཡཾ དྷ་མྨཱི ཝཱ ཀ་ཐཱ, ཨ་རི་ཡོ ཝཱ ཏུ་ཎྷཱི་བྷཱ་ཝོ’’ཏི (མ. ནི. ༡.༢༧༣; ཨུ་དཱ. ༡༢, ༢༨, ༢༩) ཝུ་ཏྟ་ཏྟཱ.
ནི་དྡཱ་རཱ་མ་ཏཱཏི ཨེ་ཏྠ ཡོ ག་ཙྪ་ནྟོ་པི ནི་སི་ནྣོ་པི ནི་པ་ནྣོ་པི ཐི་ན་མི་དྡྷཱ་བྷི་བྷཱུ་ཏོ ནི་དྡཱ་ཡ་ཏི་ཡེ་ཝ, ཨ་ཡཾ ནི་དྡཱ་རཱ་མོ ནཱ་མ. ཡ་སྶ པ་ན ཀ་ར་ཛ་ཀཱ་ཡེ གེ་ལ་ཉྙེ་ན ཙི་ཏྟཾ བྷ་ཝ་ངྒེ ཨོ་ཏ་ར་ཏི, ནཱ་ཡཾ ནི་དྡཱ་རཱ་མོ. ཏེ་ནེ་ཝཱ་ཧ – ‘‘ཨ་བྷི་ཛཱ་ནཱ་མི ཁོ པ་ནཱ་ཧཾ, ཨ་གྒི་ཝེ་སྶ་ན, གི་མྷཱ་ནཾ པ་ཙྪི་མེ མཱ་སེ པ་ཙྪཱ་བྷ་ཏྟཾ པི་ཎྜ་པཱ་ཏ་པྤ་ཊི་ཀྐ་ནྟོ ཙ་ཏུ་གྒུ་ཎཾ ས་ངྒྷཱ་ཊིཾ པ་ཉྙཱ་པེ་ཏྭཱ ད་ཀྑི་ཎེ་ན པ་སྶེ་ན ས་ཏོ ས་མྤ་ཛཱ་ནོ ནི་དྡཾ ཨོ་ཀྐ་མི་ཏཱ’’ཏི (མ. ནི. ༡.༣༨༧). ས་ངྒ་ཎི་ཀཱ་རཱ་མ་ཏཱཏི ཨེ་ཏྠ ཡོ ཨེ་ཀ་སྶ དུ་ཏི་ཡོ, དྭི་ནྣཾ ཏ་ཏི་ཡོ, ཏི་ཎྞཾ ཙ་ཏུ་ཏྠོ་ཏི ཨེ་ཝཾ སཾ་ས་ཊྛོ་ཝ ཝི་ཧ་ར་ཏི, ཨེ་ཀ་ཀོ ཨ་སྶཱ་དཾ ན ལ་བྷ་ཏི, ཨ་ཡཾ ས་ངྒ་ཎི་ཀཱ་རཱ་མོ. ཡོ པ་ན ཙ་ཏཱུ་སུ ཨི་རི་ཡཱ་པ་ཐེ་སུ ཨེ་ཀ་ཀོ་ཝ ཨ་སྶཱ་དཾ ལ་བྷ་ཏི, ནཱ་ཡཾ ས་ངྒ་ཎི་ཀཱ་རཱ་མོ ཝེ་དི་ཏ་བྦོ. སེ་ཁཱ་ནཾ པ་ཊི་ལ་དྡྷ་གུ་ཎ་སྶ པ་རི་ཧཱ་ནཱ་ས་མྦྷ་ཝ་ཏོ ‘‘ཨུ་པ་རི་གུ་ཎེ་ཧཱི’’ཏི་ཨཱ་དི ཝུ་ཏྟཾ.
པ་ཋ་མ་སེ་ཁ་སུ་ཏྟ་ཝ་ཎྞ་ནཱ ནི་ཊྛི་ཏཱ.
༡༠. དུ་ཏི་ཡ་སེ་ཁ་སུ་ཏྟ་ཝ་ཎྞ་ནཱ
༩༠. ད་ས་མེ ཨ་ཏི་པཱ་ཏོ་ཝཱཏི ས་བྦ་ར་ཏྟིཾ ནི་དྡཱ་ཡི་ཏྭཱ བ་ལ་ཝ་པ་ཙྩཱུ་སེ ཀོ་ཊི་ས་མྨུ་ཉྫ་ནི་ཡཱ ཐོ་ཀཾ ས་མྨ་ཛྫི་ཏྭཱ མུ་ཁཾ དྷོ་ཝི་ཏྭཱ ཡཱ་གུ་བྷི་ཀྑ་ཏྠཱ་ཡ པཱ་ཏོ་ཝ པ་ཝི་ས་ཏི. ཏཾ ཨ་ཏི་ཀྐ་མི་ཏྭཱཏི གི་ཧི་སཾ་ས་གྒ་ཝ་སེ་ན ཀཱ་ལཾ ཝཱི་ཏི་ནཱ་མེ་ནྟོ མ་ཛ྄ཛྷ་ནྷི་ཀ་ས་མ་ཡཾ ཨ་ཏི་ཀྐ་མི་ཏྭཱ པ་ཀྐ་མ་ཏི. པཱ་ཏོ་ཡེ་ཝ ཧི གཱ་མཾ པ་ཝི་སི་ཏྭཱ ཡཱ་གུཾ ཨཱ་དཱ་ཡ ཨཱ་ས་ན་སཱ་ལཾ ག་ནྟྭཱ པི་ཝི་ཏྭཱ ཨེ་ཀ་སྨིཾ ཋཱ་ནེ ནི་པ་ནྣོ ནི་དྡཱ་ཡི་ཏྭཱ མ་ནུ་སྶཱ་ནཾ བྷོ་ཛ་ན་ཝེ་ལཱ་ཡ ‘‘པ་ཎཱི་ཏ་བྷི་ཀྑཾ ལ་བྷི་སྶཱ་མཱི’’ཏི ཨུ་པ་ཀ་ཊྛེ མ་ཛ྄ཛྷ་ནྷི་ཀེ ཨུ་ཊྛཱ་ཡ དྷ་མྨ་ཀ་ར་ཎེ་ན ཨུ་ད་ཀཾ ག་ཧེ་ཏྭཱ ཨ་ཀྑཱི་ནི པུ་ཉྪི་ཏྭཱ པི་ཎྜཱ་ཡ ཙ་རི་ཏྭཱ ཡཱ་ཝ་ད་ཏྠཾ བྷུ་ཉྫི་ཏྭཱ གི་ཧི་སཾ་ས་ཊྛོ ཀཱ་ལཾ ཝཱི་ཏི་ནཱ་མེ་ཏྭཱ མ་ཛ྄ཛྷ་ནྷེ ཝཱི་ཏི་ཝ་ཏྟེ པ་ཊི་ཀྐ་མ་ཏི.
ཨ་པྤི་ཙྪ་ཀ་ཐཱཏི, ‘‘ཨཱ་ཝུ་སོ, ཨ་ཏྲི་ཙྪ་ཏཱ པཱ་པི་ཙྪ་ཏཱ་ཏི ཨི་མེ དྷ་མྨཱ པ་ཧཱ་ཏ་བྦཱ’’ཏི ཏེ་སུ ཨཱ་དཱི་ན་ཝཾ ད་སྶེ་ཏྭཱ ‘‘ཨེ་ཝ་རཱུ་པཾ ཨ་པྤི་ཙྪ་ཏཾ ས་མཱ་དཱ་ཡ ཝ་ཏྟི་ཏ་བྦ’’ནྟི་ཨཱ་དི་ན་ཡ་པྤ་ཝ་ཏྟཱ ཀ་ཐཱ. ཏཱི་ཧི ཝི་ཝེ་ཀེ་ཧཱིཏི ཀཱ་ཡ་ཝི་ཝེ་ཀོ, ཙི་ཏྟ་ཝི་ཝེ་ཀོ, ཨུ་པ་དྷི་ཝི་ཝེ་ཀོ་ཏི ཨི་མེ་ཧི ཏཱི་ཧི ཝི་ཝེ་ཀེ་ཧི. ཏ་ཏྠ ཨེ་ཀོ ག་ཙྪ་ཏི, ཨེ་ཀོ ཏི་ཊྛ་ཏི, ཨེ་ཀོ ནི་སཱི་ད་ཏི, ཨེ་ཀོ སེ་ཡྻཾ ཀ་པྤེ་ཏི, ཨེ་ཀོ གཱ་མཾ པི་ཎྜཱ་ཡ པ་ཝི་ས་ཏི, ཨེ་ཀོ པ་ཊི་ཀྐ་མ་ཏི, ཨེ་ཀོ ཙ་ངྐ་མཾ ཨ་དྷི་ཊྛཱ་ཏི, ཨེ་ཀོ ཙ་ར་ཏི, ཨེ་ཀོ ཝི་ཧ་ར་ཏཱི་ཏི ཨ་ཡཾ ཀཱ་ཡ་ཝི་ཝེ་ཀོ ནཱ་མ. ཨ་ཊྛ ས་མཱ་པ་ཏྟི་ཡོ པ་ན ཙི་ཏྟ་ཝི་ཝེ་ཀོ ནཱ་མ. ནི་བྦཱ་ནཾ ཨུ་པ་དྷི་ཝི་ཝེ་ཀོ ནཱ་མ. ཝུ་ཏྟ་མྤི ཧེ་ཏཾ – ‘‘ཀཱ་ཡ་ཝི་ཝེ་ཀོ ཙ ཝི་ཝེ་ཀ་ཊྛ་ཀཱ་ཡཱ་ནཾ ནེ་ཀྑ་མྨཱ་བྷི་ར་ཏཱ་ནཾ, ཙི་ཏྟ་ཝི་ཝེ་ཀོ ཙ པ་རི་སུ་དྡྷ་ཙི་ཏྟཱ་ནཾ པ་ར་མ་ཝོ་དཱ་ན་པྤ་ཏྟཱ་ནཾ, ཨུ་པ་དྷི་ཝི་ཝེ་ཀོ ཙ ནི་རུ་པ་དྷཱི་ནཾ པུ་གྒ་ལཱ་ནཾ ཝི་ས་ངྑཱ་ར་ག་ཏཱ་ན’’ནྟི (མ་ཧཱ་ནི. ༥༧). དུ་ཝི་དྷཾ ཝཱི་རི་ཡནྟི ཀཱ་ཡི་ཀཾ, ཙེ་ཏ་སི་ཀ་ཉྩ ཝཱི་རི་ཡཾ. སཱི་ལནྟི ཙ་ཏུ་པཱ་རི་སུ་དྡྷི་སཱི་ལཾ. ས་མཱ་དྷིནྟི ཝི་པ་སྶ་ནཱ་པཱ་ད་ཀཱ ཨ་ཊྛ ས་མཱ་པ་ཏྟི་ཡོ. ཝི་མུ་ཏྟི་ཀ་ཐཱཏི ཝཱ ཨ་རི་ཡ་ཕ་ལཾ ཨཱ་ར་བྦྷ པ་ཝ་ཏྟཱ ཀ་ཐཱ. སེ་སཾ ཨུ་ཏྟཱ་ན་མེ་ཝ.
དུ་ཏི་ཡ་སེ་ཁ་སུ་ཏྟ་ཝ་ཎྞ་ནཱ ནི་ཊྛི་ཏཱ.
ཐེ་ར་ཝ་གྒ་ཝ་ཎྞ་ནཱ ནི་ཊྛི་ཏཱ.