༡-༡༠. སི་ཀྑཱ་པ་ད་སུ་ཏྟཱ་དི་ཝ་ཎྞ་ནཱ

༢༠༡-༢༡༠. པ་ཉྩ་མ་སྶ པ་ཋ་མེ ཨ་ས་པྤུ་རི་སོཏི ལཱ་མ་ཀ་པུ་རི་སོ. པཱ་ཎཾ ཨ་ཏི་པཱ་ཏེ་ཏཱི་ཏི པཱ་ཎཱ་ཏི་པཱ་ཏཱི. ཨ་དི་ནྣཾ ཨཱ་དི་ཡ་ཏཱི་ཏི ཨ་དི་ནྣཱ་དཱ་ཡཱི. ཀཱ་མེ་སུ མི་ཙྪཱ ཙ་ར་ཏཱི་ཏི ཀཱ་མེ་སུ་མི་ཙྪཱ་ཙཱ་རཱི. མུ་སཱ ཝ་ད་ཏཱི་ཏི མུ་སཱ་ཝཱ་དཱི. སུ་རཱ་མེ་ར་ཡ་མ་ཛྫ་པ་མཱ་དེ ཏི་ཊྛ་ཏཱི་ཏི སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ཡཱི. པཱ་ཎཱ་ཏི་པཱ་ཏེ ས་མཱ་ད་པེ་ཏཱིཏི ཡ་ཐཱ པཱ་ཎཾ ཨ་ཏི་པཱ་ཏེ་ཏི, ཏ་ཐཱ ནཾ ཏ་ཏྠ ག་ཧ་ཎཾ ག་ཎྷཱ་པེ་ཏི. སེ་སེ་སུ་པི ཨེ་སེ་ཝ ན་ཡོ. ཨ་ཡཾ ཝུ་ཙྩ་ཏཱིཏི ཨ་ཡཾ ཨེ་ཝ་རཱུ་པོ པུ་གྒ་ལོ ཡ་སྨཱ ས་ཡཾ་ཀ་ཏེ་ན ཙ དུ་སྶཱི་ལྱེ་ན ས་མ་ནྣཱ་ག་ཏོ, ཡ་ཉྩ ས་མཱ་ད་པི་ཏེ་ན ཀ་ཏཾ, ཏ་ཏོ ཨུ་པ་ཌྜྷ་སྶ དཱ་ཡཱ་དོ, ཏ་སྨཱ ‘‘ཨ་ས་པྤུ་རི་སེ་ན ཨ་ས་པྤུ་རི་ས་ཏ་རོ’’ཏི ཝུ་ཙྩ་ཏི. ས་པྤུ་རི་སོཏི ཨུ་ཏྟ་མ་པུ་རི་སོ. ས་པྤུ་རི་སེ་ན ས་པྤུ་རི་ས་ཏ་རོཏི ཨ་ཏྟ་ནཱ ཙ ཀ་ཏེ་ན སུ་སཱི་ལྱེ་ན ས་མ་ནྣཱ་ག་ཏ་ཏྟཱ ཡ་ཉྩ ས་མཱ་ད་པི་ཏོ ཀ་རོ་ཏི, ཏ་ཏོ ཨུ་པ་ཌྜྷ་སྶ དཱ་ཡཱ་ད་ཏྟཱ ཨུ་ཏྟ་མ་པུ་རི་སེ་ན ཨུ་ཏྟ་མ་པུ་རི་ས་ཏ་རོ. ཨེ་ཏྠ ཙ པ་རེ་ན ཀ་ཏཾ དུ་སྶཱི་ལྱཾ སུ་སཱི་ལྱཾ ཝཱ ཨཱ་ཎ་ཏྟི་ཡཱ ཨ་ཏྟ་ནཱ ཙ ཝ་ཙི་པྤ་ཡོ་གེ་ན ཀ་ཏ་ནྟི ཨཱ་ཎཱ་པ་ན་ཝ་སེ་ན པ་སུ་ཏ་པཱ་པ་སྶ པུ་ཉྙ་སྶ ཝཱ དཱ་ཡཱ་དོ ‘‘ཏ་ཏོ ཨུ་པ་ཌྜྷ་སྶ དཱ་ཡཱ་དོ’’ཏི ཝུ་ཏྟོ. དུ་ཏི་ཡཱ་དཱི་ནི ཨུ་ཏྟཱ་ན་ཏྠཱ་ནེ་ཝ.

སི་ཀྑཱ་པ་ད་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

ས་པྤུ་རི་ས་ཝ་གྒ་ཝ་ཎྞ་ནཱ ནི་ཊྛི་ཏཱ.

༢༡༡-༢༢༠. དུ་ཏི་ཡོ པ་རི་སཱ་ཝ་གྒོ ཨུ་ཏྟཱ་ན་ཏྠོ་ཡེ་ཝ.