༥-༡༠. ཀེ་ས་ཀ་མྦ་ལ་སུ་ཏྟཱ་དི་ཝ་ཎྞ་ནཱ

༡༣༨-༡༤༣. པ་ཉྩ་མེ ཏ་ནྟཱ་ཝུ་ཏཱ་ནཾ ཝ་ཏྠཱ་ནནྟི ཨི་དཾ ‘‘ཡཱ་ནི ཀཱ་ནི་ཙཱི’’ཏི ཨི་མི་ནཱ ས་མཱ་ནཱ་དྷི་ཀ་ར་ཎ་ནྟི ཨཱ་ཧ ‘‘པ་ཙྩ་ཏྟེ སཱ་མི་ཝ་ཙ་ན’’ནྟི. ཝཱ་ཡི་ཏཱ་ནནྟི ཝཱི་ཏཱ་ནཾ. ལཱ་མ་ཀོཏི ནི་ཧཱི་ནོ, མ་ཀྑ་ལི མོ་གྷ་པུ་རི་སོཏི ཨེ་ཏྠ མ་ཀྑ་ལཱིཏི ཏ་སྶ ནཱ་མཾ. ཏཾ ཀི་ར ས་ཀ་དྡ་མཱ་ཡ བྷཱུ་མི་ཡཱ ཏེ་ལ་གྷ་ཊཾ ག་ཧེ་ཏྭཱ ག་ཙྪ་ནྟཾ, ‘‘ཏཱ་ཏ, མཱ ཁ་ལཱི’’ཏི སཱ་མི་ཀོ ཨཱ་ཧ. སོ པ་མཱ་དེ་ན ཁ་ལི་ཏྭཱ པ་ཏི་ཏྭཱ སཱ་མི་ཀ་སྶ བྷ་ཡེ་ན པ་ལཱ་ཡི་ཏུཾ ཨཱ་ར་དྡྷོ. སཱ་མི་ཀོ ཨུ་པ་དྷཱ་ཝི་ཏྭཱ ནཾ དུ་སྶ་ཀ་ཎྞེ ཨ་གྒ་ཧེ་སི, སཱ་ཊ་ཀཾ ཚ་ཌྜེ་ཏྭཱ ཨ་ཙེ་ལ་ཀོ ཧུ་ཏྭཱ པ་ལཱ་ཡི. སོ པ་ཎྞེ་ན ཝཱ ཏི་ཎེ་ན ཝཱ པ་ཊི་ཙྪཱ་དེ་ཏུ་མྤི ཨ་ཛཱ་ན་ནྟོ ཛཱ་ཏ་རཱུ་པེ་ནེ་ཝ ཨེ་ཀཾ གཱ་མཾ པཱ་ཝི་སི. མ་ནུ་སྶཱ ཏཾ དི་སྭཱ ‘‘ཨ་ཡཾ ས་མ་ཎོ ཨ་ར་ཧཱ ཨ་པྤི་ཙྪོ, ན་ཏྠི ཨི་མི་ནཱ ས་དི་སོ’’ཏི པཱུ་ཝ་བྷ་ཏྟཱ་དཱི་ནི ག་ཧེ་ཏྭཱ ཨུ་པ་ས་ངྐ་མ་ནྟི. སོ ‘‘མ་ཡ྄ཧཾ སཱ་ཊ་ཀཾ ཨ་ནི་ཝ་ཏྠ་བྷཱ་ཝེ་ན ཨི་དཾ ཨུ་པྤ་ནྣ’’ནྟི ཏ་ཏོ པ་ཊྛཱ་ཡ སཱ་ཊ་ཀཾ ལ་བྷི་ཏྭཱ་པི ན ནི་ཝཱ་སེ་སི, ཏ་དེ་ཝ ཙ པ་བྦ་ཛྫཾ ཨ་གྒ་ཧེ་སི. ཏ་སྶ ས་ནྟི་ཀེ ཨ་ཉྙེ་པི ཨ་ཉྙེ་པཱི་ཏི པ་ཉྩ་ས་ཏཱ མ་ནུ་སྶཱ པ་བྦ་ཛིཾ་སུ. ཏཾ ས་ནྡྷཱ་ཡཱ་ཧ ‘‘མ་ཀྑ་ལི མོ་གྷ་པུ་རི་སོ’’ཏི. ཚ་ཊྛཱ་དཱི་ནི ཨུ་ཏྟཱ་ན་ཏྠཱ་ནི ཨེ་ཝ.

ཀེ་ས་ཀ་མྦ་ལ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.