༥. ཝི་པ་ཏྟི་ས་མྤ་དཱ་སུ་ཏྟ་ཝ་ཎྞ་ནཱ

༡༡༨. པ་ཉྩ་མེ དི་ནྣནྟི དེ་ཡྻ་དྷ་མྨ་སཱི་སེ་ན དཱ་ནཾ ཝུ་ཏྟ་ནྟི ཨཱ་ཧ ‘‘དི་ནྣ་སྶ ཕ་ལཱ་བྷཱ་ཝཾ ས་ནྡྷཱ་ཡ ཝ་ད་ཏཱི’’ཏི. དི་ནྣཾ པ་ན ཨ་ནྣཱ་དི་ཝ་ཏྠུཾ ཀ་ཐཾ པ་ཊི་ཀྑི་པ་ཏི. ཨེ་ས ན་ཡོ ‘‘ཡི་ཊྛཾ ཧུ་ཏ’’ནྟི ཨེ་ཏྠཱ་པི. མ་ཧཱ་ཡཱ་གོཏི ས་བྦ་སཱ་དྷཱ་ར་ཎཾ མ་ཧཱ་དཱ་ནཾ. པ་ཧེ་ཎ་ཀ་ས་ཀྐཱ་རོཏི པཱ་ཧུ་ན་ཀཱ་ནཾ ཀཱ་ཏ་བྦ་ས་ཀྐཱ་རོ. ཕ་ལནྟི ཨཱ་ནི་སཾ་ས་ཕ་ལཾ ནི་སྶ་ནྡ་ཕ་ལ་ཉྩ. ཝི་པཱ་ཀོཏི ས་དི་ས་ཕ་ལཾ. པ་ར་ལོ་ཀེ ཋི་ཏ་སྶ ཨ་ཡཾ ལོ་ཀོ ན་ཏྠཱིཏི པ་ར་ལོ་ཀེ ཋི་ཏ་སྶ ཀ་མྨུ་ནཱ ལ་དྡྷ་བྦོ ཨ་ཡཾ ལོ་ཀོ ན ཧོ་ཏི. ཨི་དྷ་ལོ་ཀེ ཋི་ཏ་སྶ་པི པ་ར་ལོ་ཀོ ན་ཏྠཱིཏི ཨི་དྷ་ལོ་ཀེ ཋི་ཏ་སྶ ཀ་མྨུ་ནཱ ལ་དྡྷ་བྦོ པ་ར་ལོ་ཀོ ན ཧོ་ཏི. ཏ་ཏྠ ཀཱ་ར་ཎ་མཱ་ཧ ‘‘ས་བྦེ ཏ་ཏྠ ཏ་ཏྠེ་ཝ ཨུ་ཙྪི་ཛྫ་ནྟཱི’’ཏི. ཨི་མེ ས་ཏྟཱ ཡ་ཏྠ ཡ་ཏྠ བྷ་ཝ་ཡོ་ནི་ག་ཏི་ཨཱ་དཱི་སུ ཋི་ཏཱ, ཏ་ཏྠ ཏ་ཏྠེ་ཝ ཨུ་ཙྪི་ཛྫ་ནྟི, དྭ་ཡ་ཝི་ནཱ་སེ་ན ཝི་ན་སྶ་ནྟི.

ཕ་ལཱ་བྷཱ་ཝ་ཝ་སེ་ནཱཏི མཱ་ཏཱ་པི་ཏཱུ་སུ ས་མྨཱ་པ་ཊི་པ་ཏྟི་མི་ཙྪཱ་པ་ཊི་པ་ཏྟཱི་ནཾ ཕ་ལ་སྶ ཨ་བྷཱ་ཝ་ཝ་སེ་ན ‘‘ན་ཏྠི མཱ་ཏཱ, ན་ཏྠི པི་ཏཱ’’ཏི ཝ་ད་ཏི, ན མཱ་ཏཱ་པི་ཏཱུ་ནཾ, ནཱ་པི ཏེ་སུ ས་མྨཱ་པ་ཊི་པ་ཏྟི་མི་ཙྪཱ་པ་ཊི་པ་ཏྟཱི་ནཾ ཨ་བྷཱ་ཝ་ཝ་སེ་ན ཏེ་སཾ ལོ་ཀ་པ་ཙྩ་ཀྑ་ཏྟཱ. པུ་བྦུ་ལ༹་ཀ་སྶ ཝི་ཡ ཨི་མེ་སཾ ས་ཏྟཱ་ནཾ ཨུ་པྤཱ་དོ ནཱ་མ ཀེ་ཝ་ལོ, ན ཙ ཁ་ན་པུ་བྦ་ཀོ་ཏི ད་སྶ་ན་ཏྠཾ ‘‘ན་ཏྠི ས་ཏྟཱ ཨོ་པ་པཱ་ཏི་ཀཱ’’ཏི ཝུ་ཏྟ་ནྟི ཨཱ་ཧ ‘‘ཙ་ཝི་ཏྭཱ ཨུ་པྤ་ཛྫ་ན་ཀཱ ས་ཏྟཱ ནཱ་མ ན་ཏྠཱི་ཏི ཝ་ད་ཏཱི’’ཏི. ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དེ་ནྟཱིཏི ཡེ ཨི་མ་ཉྩ ལོ་ཀཾ པ་ར་ཉྩ ལོ་ཀཾ ཨ་བྷི་ཝི་སི་ཊྛཱ་ཡ པ་ཉྙཱ་ཡ ས་ཡཾ པ་ཙྩ་ཀྑཾ ཀ་ཏྭཱ པ་ཝེ་དེ་ནྟི, ཏེ ན་ཏྠཱི་ཏི ས་བྦ་ཉྙུ་བུ་དྡྷཱ་ནཾ ཨ་བྷཱ་ཝཾ དཱི་པེ་ཏི.

ཝི་པ་ཏྟི་ས་མྤ་དཱ་སུ་ཏྟ་ཝ་ཎྞ་ནཱ ནི་ཊྛི་ཏཱ.