(༨) ༣. ས་ནི་མི་ཏྟ་ཝ་གྒ་ཝ་ཎྞ་ནཱ

༧༨-༧༩. ཏ་ཏི་ཡ་སྶ པ་ཋ་མེ ནི་མཱི་ཡ་ཏི ཨེ་ཏྠ ཕ་ལཾ ཨ་ཝ་སེ་ས་པ་ཙྩ་ཡེ་ཧི པ་ཀྑི་པཱི་ཡ་ཏི ཝི་ཡཱ་ཏི ནི་མི་ཏྟཾ, ཀཱ་ར་ཎ་ནྟི ཨཱ་ཧ ‘‘ས་ནི་མི་ཏྟཱ་ཏི ས་ཀཱ་ར་ཎཱ’’ཏི. དུ་ཏི་ཡཱ་དཱི་སཱུཏི དུ་ཏི་ཡ་སུ་ཏྟཱ་དཱི་སུ. ཨེ་སེ་ཝ ན་ཡོཏི ཨི་མི་ནཱ ནི་དཱ་ནཱ་དི་པ་དཱ་ན་མྤི ཀཱ་ར་ཎ་པ་རི་ཡཱ་ཡ་མེ་ཝ དཱི་པེ་ཏི. ནི་ད་དཱ་ཏི ཕ་ལ་ནྟི ནི་དཱ་ནཾ, ཧི་ནོ་ཏི ཕ་ལཾ པ་ཏི་ཊྛཱ་ཏི ཨེ་ཏེ་ནཱ་ཏི ཧེ་ཏུ, ས་ངྑ་རོ་ཏི ཕ་ལ་ནྟི ས་ངྑཱ་རོ, པ་ཊི་ཙྩ ཨེ་ཏ་སྨཱ ཕ་ལཾ ཨེ་ཏཱི་ཏི པ་ཙྩ་ཡོ, རུ་པྤ་ཏི ནི་རུ་པྤ་ཏི ཕ་ལཾ ཨེ་ཏྠཱ་ཏི རཱུ་པནྟི ཨེ་ཝཾ ནི་དཱ་ནཱ་དི་པ་དཱ་ན་མྤི ཧེ་ཏུ་པ་རི་ཡཱ་ཡ་ཏཱ ཝེ་དི་ཏ་བྦཱ.

༨༤. ས་ཏྟ་མེ པ་ཙྩ་ཡ་བྷཱུ་ཏཱ་ཡཱཏི ས་ཧ་ཛཱ་ཏཱ་དི་པ་ཙྩ་ཡ་བྷཱུ་ཏཱ་ཡ.

༨༧. ད་ས་མེ ས་མེ་ཙྩ ས་མྦྷུ་ཡྻ པ་ཙྩ་ཡེ་ཧི ཀ་ཏོ་ཏི ས་ངྑ་ཏོ, ས་ངྑ་ཏོ དྷ་མྨོ ཨཱ་ར་མྨ་ཎཾ ཨེ་ཏེ་ས་ནྟི ས་ངྑ་ཏཱ་ར་མྨ་ཎཱ. མ་གྒ་ཀྑ་ཎེ ན ཧོ་ནྟི ནཱ་མ པ་ཧཱི་ཡ་ནྟཱི་ཏི ཀ་ཏྭཱ. ནཱ་ཧེ་སུནྟི ཨེ་ཏྠ ‘‘ཝུ་ཙྩ་ནྟཱི’’ཏི ཨ་ཛ྄ཛྷཱ་ཧ་རི་ཏ་བྦཾ. ཡཱ་ཝ ཨ་ར་ཧ་ཏྟཱ དེ་ས་ནཱ དེ་སི་ཏཱ ཏཾ་ཏཾ་སུ་ཏྟ་པ་རི་ཡོ་སཱ་ནེ ‘‘ན ཧོ་ནྟཱི’’ཏི ཝུ་ཏྟ་ཏྟཱ.

ས་ནི་མི་ཏྟ་ཝ་གྒ་ཝ་ཎྞ་ནཱ ནི་ཊྛི་ཏཱ.