༢-༤. ཨ་དྷི་ཝུ་ཏྟི་པ་ད་སུ་ཏྟཱ་དི་ཝ་ཎྞ་ནཱ

༢༢-༢༤. དུ་ཏི་ཡེ ཨ་དྷི་ཝ་ཙ་ན་པ་དཱ་ནནྟི པ་ཉྙ་ཏྟི་པ་དཱ་ནཾ. དཱ་སཱ་དཱི་སུ སི་རི་ཝ་ཌྜྷ་ཀཱ་དི་ས་དྡཱ ཝི་ཡ ཝ་ཙ་ན་མ་ཏྟ་མེ་ཝ ཨ་དྷི་ཀཱ་རཾ ཀ་ཏྭཱ པ་ཝ་ཏྟི་ཡཱ ཨ་དྷི་ཝ་ཙ་ནཾ པ་ཉྙ་ཏྟི. ཨ་ཐ ཝཱ ཨ་དྷི་ས་དྡོ ཨུ་པ་རི་བྷཱ་གེ. ཝུ་ཙྩ་ཏཱི་ཏི ཝ་ཙ་ནཾ, ཨུ་པ་རི ཝ་ཙ་ནཾ ཨ་དྷི་ཝ་ཙ་ནཾ, ཨུ་པཱ་དཱ་བྷཱུ་ཏ་རཱུ་པཱ་དཱི་ནཾ ཨུ་པ་རི པ་ཉྙ་པི་ཡ་མཱ་ནཱ ཨུ་པཱ་དཱ་པ་ཉྙ་ཏྟཱི་ཏི ཨ་ཏྠོ, ཏ་སྨཱ པ་ཉྙ་ཏྟི་དཱི་པ་ཀ་པ་དཱ་ནཱི་ཏི ཨ་ཏྠོ ད་ཊྛ་བྦོ. ཏ་སྶ པ་དཱ་ནི པ་ད་ཊྛཱ་ནཱ་ནི ཨ་དྷི་ཝ་ཙ་ན་པ་དཱ་ནི. ཏེ་ནཱ་ཧ ‘‘ཏེ་སཾ ཡེ’’ཏི་ཨཱ་དི. ཏེ་སནྟི ཨ་དྷི་ཝ་ཙ་ནཱ་ནཾ. ཡེཏི ཁ་ནྡྷཱ་ད་ཡོ. ཨ་དྷི་ཝུ་ཏྟི་ཏཱ་ཡ ཨ་དྷི་ཝུ་ཏྟི་ཡོ་ཏི དི་ཊྛི་ཡོ ཝུ་ཙྩ་ནྟི. ཨ་དྷི་ཀ་ཉྷི ས་བྷཱ་ཝ་དྷ་མྨེ་སུ ས་སྶ་ཏཱ་དིཾ, པ་ཀ་ཏི་ཨཱ་དིཾ, དྲ་བྱཱ་དིཾ, ཛཱི་ཝཱ་དིཾ, ཀཱ་ཡཱ་དི་ཉྩ, ཨ་བྷཱུ་ཏཾ ཨ་ཏྠཾ ཨ་ཛ྄ཛྷཱ་རོ་པེ་ཏྭཱ དི་ཊྛི་ཡོ པ་ཝ་ཏྟ་ནྟཱི་ཏི. ཏེ་ནཱ་ཧ ‘‘ཨ་ཐ ཝཱ’’ཏི་ཨཱ་དི. ཏ་ཏི་ཡ་ཙ་ཏུ་ཏྠཱ་ནི སུ་ཝི་ཉྙེ་ཡྻཱ་ནི.

ཨ་དྷི་ཝུ་ཏྟི་པ་ད་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.