༩-༡༠. ཨུ་པཱ་ལི་སུ་ཏྟཱ་དི་ཝ་ཎྞ་ནཱ

༩༩-༡༠༠. ན་ཝ་མེ ཨ་ཛ྄ཛྷོ་གཱ་ཧེ་ཏྭཱ ཨ་དྷི་པྤེ་ཏ་མ་ཏྠཾ ས་མྦྷ་ཝི་ཏུཾ སཱ་དྷེ་ཏུཾ དུ་ཀྑཱ་ནི དུ་ར་བྷི་ས་མྦྷ་ཝཱ་ནི. ཨ་ཊྛ་ཀ་ཐཱ་ཡཾ པ་ན ཏ་ཏྠ ནི་ཝཱ་སོ་ཡེ་ཝ དུ་ཀྑོ་ཏི ད་སྶེ་ཏུཾ ‘‘ས་མྦྷ་ཝི་ཏུཾ དུ་ཀྑཱ་ནི དུ་སྶ་ཧཱ་ནཱི’’ཏི ཝུ་ཏྟཾ. ཨ་ར་ཉྙ་ཝ་ན་པ་ཏྠཱ་ནཱིཏི ཨ་ར་ཉྙ་ལ་ཀྑ་ཎ་པྤ་ཏྟཱ་ནི ཝ་ན་ས་ཎྜཱ་ནི. ཝ་ན་པ་ཏྠ་ས་དྡོ ཧི ས་ཎྜ་བྷཱུ་ཏེ རུ་ཀྑ་ས་མཱུ་ཧེ་པི ཝ་ཏྟ་ཏཱི་ཏི ཨ་ར་ཉྙ་གྒ་ཧ་ཎཾ. པ་ཝི་ཝེ་ཀནྟི པ་ཀཱ་ར་ཏོ, པ་ཀཱ་རེ་ཧི ཝཱ ཝི་ཝེ་ཙ་ནཾ, རཱུ་པཱ་དི་པུ་ཐུ་ཏྟཱ་ར་མྨ་ཎེ པ་ཀཱ་ར་ཏོ ག་མ་ནཱ་དི་ཨི་རི་ཡཱ་པ་ཐ་པྤ་ཀཱ་རེ་ཧི ཨ་ཏྟ་ནོ ཀཱ་ཡ་སྶ ཝི་ཝེ་ཙ་ནཾ, ག་ཙྪ་ཏོ་པི ཏི་ཊྛ་ཏོ་པི ནི་ས་ཛྫ་ཏོ་པི ནི་པ་ཛྫ་ཏོ་པི ཨེ་ཀ་སྶེ་ཝ པ་ཝ་ཏྟི. ཏེ་ནེ་ཝ ཧི ཝི་ཝེ་ཙེ་ཏ་བྦཱ་ནཾ ཝི་ཝེ་ཙ་ནཱ་ཀཱ་ར་སྶ ཙ བྷེ་ད་ཏོ བ་ཧུ་ཝི་དྷ་ཏྟཱ ཏེ ཨེ་ཀ་ཏྟེ་ན ག་ཧེ་ཏྭཱ ‘‘པ་ཝི་ཝེ་ཀ’’ནྟི ཨེ་ཀ་ཝ་ཙ་ནེ་ན ཝུ་ཏྟཾ. དུ་ཀྐ་རཾ པ་ཝི་ཝེ་ཀནྟི ཝཱ པ་ཝི་ཝེ་ཀཾ ཀ་ཏྟུཾ ན སུ་ཁ་ནྟི ཨ་ཏྠོ. ཨེ་ཀཱི་བྷཱ་ཝེཏི ཨེ་ཀ་ཏྟ་བྷཱ་ཝེ. དྭ་ཡཾ་དྭ་ཡཱ་རཱ་མོཏི དྭི་ནྣཾ དྭི་ནྣཾ བྷཱ་ཝཱ་བྷི་ར་ཏོ. ཧ་ར་ནྟི ཝི་ཡཱཏི སཾ་ཧ་ར་ནྟི ཝི་ཡ ཝི་གྷཱ་ཏུ་པྤཱ་ད་ནེ་ན. ཏེ་ནཱ་ཧ ‘‘གྷ་ས་ནྟི ཝི་ཡཱ’’ཏི. བྷ་ཡ་ས་ནྟཱ་སུ་པྤཱ་ད་ནེ་ན ཁཱ་དི་ཏུཾ ཨཱ་ག་ཏཱ ཡ་ཀྑ་ར་ཀྑ་ས་པི་སཱ་ཙཱ་ད་ཡོ ཝི་ཡཱ་ཏི ཨ་དྷི་པྤཱ་ཡོ. ཨཱི་དི་ས་སྶཱཏི ཨ་ལ་དྡྷ་ས་མཱ་དྷི་ནོ. ཏི་ཎ་པ་ཎྞ་མི་གཱ་དི་ས་དྡེ་ཧཱིཏི ཝཱ་ཏེ་རི་ཏཱ་ནཾ ཏི་ཎ་པ་ཎྞཱ་དཱི་ནཾ མི་ག་པ་ཀྑི་ཨཱ་དཱི་ན་ཉྩ བྷཱི་ས་ན་ཀེ་ཧི བྷེ་ར་ཝེ་ཧི ས་དྡེ་ཧི. ཝི་ཝི་དྷེ་ཧི ཙ ཨ་ཉྙེ་ཧི ཁཱ་ཎུ་ཨཱ་དཱི་ཧི ཡ་ཀྑཱ་དི་ཨཱ་ཀཱ་རེ་ཧི ཨུ་པ་ཊྛི་ཏེ་ཧི བྷཱི་ས་ན་ཀེ་ཧི. གྷ་ཊེ་ན ཀཱི་ལཱ༹ གྷ་ཊི་ཀཱཏི ཨེ་ཀེ. ད་ས་མཾ ཨུ་ཏྟཱ་ན་མེ་ཝ.

ཨུ་པཱ་ལི་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

ཨུ་པཱ་ལི་ཝ་གྒ་ཝ་ཎྞ་ནཱ ནི་ཊྛི་ཏཱ.

དུ་ཏི་ཡ་པ་ཎྞཱ་ས་ཀཾ ནི་ཊྛི་ཏཾ.