༨. ཨ་ཊྛ་མོ པ་རི་ཙྪེ་དོ
པ་ཀི་ཎྞ་ཀ་ནི་དྡེ་སོ
༤༧༥. ཨི་དཱ་ནི པ་ན ས་བྦེ་སཾ, ཨེ་ཏེ་སཾ མཱ་ན་སཾ མ་ཡཱ;
པཱ་ཊ་ཝ་ཏྠཱ་ཡ བྷི་ཀྑཱུ་ནཾ, ཀ་ཐཱི་ཡ་ཏི པ་ཀི་ཎྞ་ཀཾ.
༤༧༦. པ་ནྠ་མ་ཀྐ་ཊ་ཀོ ནཱ་མ, དི་སཱ་སུ པ་ན པ་ཉྩ་སུ;
ཏ་ཏྠ སུ་ཏྟཾ པ་སཱ་རེ་ཏྭཱ, ཛཱ་ལ་མ་ཛ྄ཛྷེ ནི་པ་ཛྫ་ཏི.
༤༧༧. པ་ཋ་མཱ་ཡ དི་སཱ་ཡེ་ཏྠ, སུ་ཏྟེ པ་ན པ་སཱ་རི་ཏེ;
པཱ་ཎ་ཀེ་ན པ་ཊ་ངྒེ་ན, གྷ་ཊྚི་ཏེ མ་ཀྑི་ཀཱ་ཡ ཝཱ.
༤༧༨. ནི་པ་ནྣ་ཊྛཱ་ན་ཏོ ཀི་ཉྩི, ཙ་ལི་ཏྭཱ ཨུ་ཎྞ་ནཱ་བྷི ཏུ;
ག་ནྟྭཱ སུ་ཏྟཱ་ནུ་སཱ་རེ་ན, ཡཱུ་སཾ པི་ཝ་ཏི ཏ་སྶ སཱ.
༤༧༩. པུ་ནཱ་ག་ནྟྭཱ་ན ཏ་ཏྠེ་ཝ, ནི་པ་ཛྫ་ཏི ཡ་ཐཱ་སུ་ཁཾ;
ཨེ་ཝ་མེ་ཝ ཀ་རོ་ཏེ་ཝ, དི་སཱ་སུ དུ་ཏི་ཡཱ་དི་སུ.
༤༨༠. པ་སཱ་དཱ པ་ཉྩ ད་ཊྛ་བྦཱ, སུ་ཏྟཾ པ་ཉྩ་དི་སཱ་སྭི་ཝ;
ཙི་ཏྟཾ པ་ན ཙ ད་ཊྛ་བྦཾ, མ་ཛ྄ཛྷེ མ་ཀྐ་ཊ་ཀོ ཝི་ཡ.
༤༨༡. པཱ་ཎ་ཀཱ་དཱི་ཧི སུ་ཏྟ་སྶ, ཏ་སྶ ས་ངྒྷ་ཊྚ་ནཱ ཝི་ཡ;
པ་སཱ་དཱ་ནཾ ཏུ ད་ཊྛ་བྦཱ, གྷ་ཊྚ་ནཱ་ར་མྨ་ཎེ་ན ཧི.
༤༨༢. ཙ་ལ་ནཾ ཝི་ཡ ཏཾ་མ་ཛ྄ཛྷེ, ནི་པ་ནྣཱ་ཡུ་ཎྞ་ནཱ་བྷི་ཡཱ;
པ་སཱ་ད་གྷ་ཊྚ་ནཾ ཏ་ཏྠ, ག་ཧེ་ཏྭཱ་ར་མྨ་ཎཾ པ་ན.
༤༨༣. མ་ནོ་དྷཱ་ཏུ་ཀྲི་ཡཱ་ཙི་ཏྟཾ, བྷ་ཝ་ངྒཱ་ཝ་ཊྚ་ནཾ མ་ཏཾ;
ཏ་སྶཱ སུ་ཏྟཱ་ནུ་སཱ་རཾ་ཝ, ཝཱི་ཐི་ཙི་ཏྟ་པ་ཝ་ཏྟ་ནཾ.
༤༨༤. སཱི་སེ པ་ན་སྶ ཝི་ཛ྄ཛྷི་ཏྭཱ, ཡཱུ་ས་པཱ་ནཾ་ཝ ཙེ་ཏ་སོ;
ཨཱ་ར་མྨ་ཎེ་སུ ད་ཊྛ་བྦཾ, ཛ་ཝ་ན་སྶ པ་ཝ་ཏྟ་ནཾ.
༤༨༥. པུ་ནཱ་ག་ནྟྭཱ ཡ་ཐཱ སུ་ཏྟ-ཛཱ་ལ་མ་ཛ྄ཛྷེ ནི་པ་ཛྫ་ནཾ;
ཝ་ཏྠུཾ་ཡེ་ཝ ཙ ནི་སྶཱ་ཡ, ཙི་ཏྟ་སྶ པ་རི་ཝ་ཏྟ་ནཾ.
༤༨༦. ཨི་དཾ ཏུ པ་ན ཨོ་པ་མྨཾ, ཨ་ཏྠཾ དཱི་པེ་ཏི ཀིཾ ཏུ ཧི;
ཨཱ་ར་མྨ་ཎེ་ན པ་ཋ་མཾ, པ་སཱ་དེ གྷ་ཊྚི་ཏེ པ་ན.
༤༨༧. པ་སཱ་ད་ཝ་ཏྠུ་ཏོ ཙི་ཏྟཱ, ཝ་ཏྠུ་ས་ནྣི་སྶི་ཏཾ མ་ནོ;
ཏ་ཏོ ཧི པ་ཋ་མཾ་ཡེ་ཝ, ཛཱ་ཡ་ཏཱི་ཏི ཧི དཱི་པི་ཏཾ.
༤༨༨. ཨེ་ཀེ་ཀཱ་ར་མྨ་ཎཾ དྭཱི་སུ, དྭཱི་སུ དྭཱ་རེ་སུ ས་བྦ་སོ;
ཨཱ་ག་ཙྪ་ཏི ཏེ་ནཱ་པཱ་ཐཾ, ཨ་ཡ་མ་ཏྠོ་པི དཱི་པི་ཏོ.
༤༨༩. རཱུ་པཾ ཙ་ཀྑུ་པ་སཱ་ད་མྷི, གྷ་ཊྚི་ཏྭཱ ཏ་ངྑ་ཎེ པ་ན;
མ་ནོ་དྭཱ་རེ ཏ་ཐཱ་པཱ་ཐ-མཱ་ག་ཙྪ་ཏི ནི་སཾ་ས་ཡོ.
༤༩༠. ཁ་གོ ཡ་ཐཱ ཧི རུ་ཀྑ་གྒེ, ནི་ལཱི་ཡ་ནྟོ་ཝ སཱ་ཁི་ནོ;
སཱ་ཁཾ གྷ་ཊྚེ་ཏི ཏ་སྶཱི་དྷ, ཚཱ་ཡཱ ཕ་ར་ཏི བྷཱུ་མི་ཡཾ.
༤༩༡. སཱ་ཁཱ་ཡ གྷ་ཊྚ་ན་ཙྪཱ་ཡཱ, ཕ་ར་ཎཱ་ནི ཙ ས་བྦ་སོ;
ཨ་པུ་བྦཱ་ཙ་རི་མཾ ཨེ་ཀ-ཀྑ་ཎ་སྨིཾ་ཡེ་ཝ ཛཱ་ཡ་རེ.
༤༩༢. ཨེ་ཝ་མེ་ཝ ཙ རཱུ་པ་སྶ, པ་སཱ་ད་སྶ ཙ གྷ་ཊྚ་ནཾ;
བྷ་ཝ་ངྒ་ཙ་ལ་ན་སྶཱ་པི, པ་ཙྩ་ཡ་ཏྟེ་ན ཨ་ཏྠ་ཏོ.
༤༩༣. ཏ་ཐེ་ཝ ཙ མ་ནོ་དྭཱ་རེ, ཨཱ་པཱ་ཐ་ག་མ་ན་མྤི ཙ;
ཨ་པུ་བྦཱ་ཙ་རི་མཾ ཨེ་ཀ-ཀྑ་ཎ་སྨིཾ་ཡེ་ཝ ཧོ་ཏི་ཏི.
༤༩༤. ཏ་ཏོ བྷ་ཝ་ངྒཾ ཚི་ནྡི་ཏྭཱ, ཙ་ཀྑུ་དྭཱ་རེ ཡ་ཐཱ་ཀྐ་མཾ;
ཨཱ་ཝ་ཛྫ་ནེ ས་མུ་པྤ་ནྣེ, ད་སྶ་ནེ ས་མྤ་ཊི་ཙྪ་ནེ.
༤༩༥. ས་ནྟཱི་ར་ཎེ ས་མུ་པྤ་ནྣེ, ཏ་ཏོ ཝོ་ཊྛ་བྦ་ནེ་པི ཙ;
ཀུ་ས་ལཾ ཛ་ཝ་ནཾ ཙི་ཏྟཾ, ཏ་ཐཱ་ཀུ་ས་ལ་མེ་ཝ ཝཱ.
༤༩༦. ཨེ་སོ ཨེ་ཝ ན་ཡོ སོ་ཏ-དྭཱ་རཱ་དཱི་སུ་པི ཝི་ཉྙུ་ནཱ;
ཨ་ཝི་སེ་སེ་ན ཝི་ཉྙེ་ཡྻོ, ས་དྡཱ་དཱི་ནཾ ཏུ གྷ་ཊྚ་ནེ.
༤༩༧. དོ་ཝཱ་རི་ཀོ་པ་མཱ་དཱི་ནི, ཨེ་ཏ་སྶ་ཏྠ་སྶ དཱི་པ་ནེ;
ཨུ་དྡྷ་རི་ཏྭཱ་ན ཏཱ་ནེ་ཏྠ, ད་སྶེ་ཏ་བྦཱ་ནི ཝི་ཉྙུ་ནཱ.
༤༩༨. ཨ་ས་མྦྷེ་དེ་ན ཙ་ཀྑུ་སྶ, རཱུ་པཱ་པཱ་ཐ་ག་མེ་ན ཙ;
ཨཱ་ལོ་ཀ་ནི་སྶ་ཡེ་ནཱ་པི, ས་མ་ན་ཀྐཱ་ར་ཧེ་ཏུ་ནཱ.
༤༩༩. པ་ཙྩ་ཡེ་ཧི པ་ནེ་ཏེ་ཧི, ས་མེ་ཏེ་ཧི ཙ་ཏཱུ་ཧི་པི;
ཛཱ་ཡ་ཏེ ཙ་ཀྑུ་ཝི་ཉྙཱ་ཎཾ, ས་མྤ་ཡུ་ཏྟེ་ཧི ཏཾ ས་ཧ.
༥༠༠. ཨ་ས་མྦྷེ་དེ་ན སོ་ཏ་སྶ, ས་དྡཱ་པཱ་ཐ་ག་མེ་ན ཙ;
ཨཱ་ཀཱ་ས་ནི་སྶ་ཡེ་ནཱ་པི, ས་མ་ན་ཀྐཱ་ར་ཧེ་ཏུ་ནཱ.
༥༠༡. པ་ཙྩ་ཡེ་ཧི པ་ནེ་ཏེ་ཧི, ས་མེ་ཏེ་ཧི ཙ་ཏཱུ་ཧི་པི;
ཛཱ་ཡ་ཏེ སོ་ཏ་ཝི་ཉྙཱ་ཎཾ, ས་མྤ་ཡུ་ཏྟེ་ཧི ཏཾ ས་ཧ.
༥༠༢. ཨ་ས་མྦྷེ་དེ་ན གྷཱ་ན་སྶ, ག་ནྡྷཱ་པཱ་ཐ་ག་མེ་ན ཙ;
ཝཱ་ཡོ་ས་ནྣི་སྶ་ཡེ་ནཱ་པི, ས་མ་ན་ཀྐཱ་ར་ཧེ་ཏུ་ནཱ.
༥༠༣. པ་ཙྩ་ཡེ་ཧི པ་ནེ་ཏེ་ཧི, ས་མེ་ཏེ་ཧི ཙ་ཏཱུ་ཧི་པི;
ཛཱ་ཡ་ཏེ གྷཱ་ན་ཝི་ཉྙཱ་ཎཾ, ས་མྤ་ཡུ་ཏྟེ་ཧི ཏཾ ས་ཧ.
༥༠༤. ཨ་ས་མྦྷེ་དེ་ན ཛི་ཝ྄ཧཱ་ཡ, ར་སཱ་པཱ་ཐ་ག་མེ་ན ཙ;
ཨཱ་པོ་ས་ནྣི་སྶ་ཡེ་ནཱ་པི, ས་མ་ན་ཀྐཱ་ར་ཧེ་ཏུ་ནཱ.
༥༠༥. པ་ཙྩ་ཡེ་ཧི པ་ནེ་ཏེ་ཧི, ས་མེ་ཏེ་ཧི ཙ་ཏཱུ་ཧི་པི;
ཛཱ་ཡ་ཏེ ཛི་ཝ྄ཧཱ་ཝི་ཉྙཱ་ཎཾ, ས་མྤ་ཡུ་ཏྟེ་ཧི ཏཾ ས་ཧ.
༥༠༦. ཨ་ས་མྦྷེ་དེ་ན ཀཱ་ཡ་སྶ, ཕོ་ཊྛ་བྦཱ་པཱ་ཐ་ས་ངྒ་མཱ;
པ་ཐ་ཝཱི་ནི་སྶ་ཡེ་ནཱ་པི, ས་མ་ན་ཀྐཱ་ར་ཧེ་ཏུ་ནཱ.
༥༠༧. པ་ཙྩ་ཡེ་ཧི པ་ནེ་ཏེ་ཧི, ས་མེ་ཏེ་ཧི ཙ་ཏཱུ་ཧི་པི;
ཛཱ་ཡ་ཏེ ཀཱ་ཡ་ཝི་ཉྙཱ་ཎཾ, ས་མྤ་ཡུ་ཏྟེ་ཧི ཏཾ ས་ཧ.
༥༠༨. ཨ་ས་མྦྷེ་དཱ མ་ན་སྶཱ་པི, དྷ་མྨཱ་པཱ་ཐ་ག་མེ་ན ཙ;
ཝ་ཏྠུ་ས་ནྣི་སྶ་ཡེ་ནཱ་པི, ས་མ་ན་ཀྐཱ་ར་ཧེ་ཏུ་ནཱ.
༥༠༩. པ་ཙྩ་ཡེ་ཧི པ་ནེ་ཏེ་ཧི, ས་མེ་ཏེ་ཧི ཙ་ཏཱུ་ཧི་པི;
མ་ནོ་ཝི་ཉྙཱ་ཎམེ་ཝཾ ཏུ, ས་མྤ་ཡུ་ཏྟེ་ཧི ཛཱ་ཡ་ཏེ.
༥༡༠. མ་ནོ བྷ་ཝ་ངྒ་ཙི་ཏྟ་ནྟི, ཝེ་དི་ཏ་བྦཾ ཝི་བྷཱ་ཝི་ནཱ;
ཨཱ་ཝ་ཛྫ་ན་ཀྲི་ཡཱ་ཙི་ཏྟཾ, ས་མ་ན་ཀྐཱ་རོ་ཏི ས་ཉྙི་ཏཾ.
༥༡༡. ཝ་ཏྠུ་ས་ནྣི་སྶ་ཡེ་ནཱ་ཏི, ནཱ་ཡཾ ས་བྦ་ཏྠ ག་ཙྪ་ཏི;
བྷ་ཝཾ ཏུ པ་ཉྩ་ཝོ་ཀཱ་རཾ, ས་ནྡྷཱ་ཡ ཀ་ཐི་ཏོ པ་ན.
༥༡༢. པ་ཊི་ས་ནྡྷཱ་དི་ཙི་ཏྟཱ་ནི, ས་བྦཱ་ནེ་ཀཱུ་ན་ཝཱི་ས་ཏི;
ཀཱ་མེ ད་ས ཙ རཱུ་པེ་སུ, པ་ཉྩ ཙ་ཏྟཱ་རི་རཱུ་པི་སུ.
༥༡༣. ཀ་མྨཾ ཀ་མྨ་ནི་མི་ཏྟ་ཉྩ, ཏ་ཐཱ ག་ཏི་ནི་མི་ཏྟ་ཀཾ;
ཨི་དཾ ཧི ཏི་ཝི་དྷཾ ཏེ་སཾ, ཨཱ་ར་མྨ་ཎ་མུ་དཱི་རི་ཏཾ.
༥༡༤. ཀཱ་མཱ་ཝ་ཙ་ར་ས་ནྡྷཱི་ནཾ, པ་རི་ཏྟཱ་ར་མྨ་ཎཾ མ་ཏཾ;
པ་ཙྩུ་པྤ་ནྣ་མ་ཏཱི་ཏཾ ཝཱ, ཧོ་ཏི ན་ཏྠི ཨ་ནཱ་ག་ཏཾ.
༥༡༥. ཨ་ཊྛེ་ཝ ཙ མ་ཧཱ་པཱ་ཀཱ, ཏཱི་ཎི ས་ནྟཱི་ར་ཎཱ་ནི ཙ;
ཨེ་ཀཱ་ད་ས་ཝི་དྷཾ ཙི་ཏྟཾ, ཏ་དཱ་ར་མྨ་ཎ་ས་ཉྙི་ཏཾ.
༥༡༦. ཨེ་ཀཱ་ད་ས་ཝི་དྷེ ཙི་ཏྟེ, ཏ་དཱ་ར་མྨ་ཎ་ས་ཉྙི་ཏེ;
ད་ས པུ་ཉྙ་ཝི་པཱ་ཀཱ་ནི, ཨེ་ཀཾ ཧོ་ཏི ཨ་པུ་ཉྙ་ཛཾ.
༥༡༧. མ་ཧཱ་པཱ་ཀཱ ན ཛཱ་ཡ་ནྟེ, རཱུ་པཱ་རཱུ་པ་བྷ་ཝ་དྭ་ཡེ;
ཀཱ་མེ རཱུ་པེ བྷ་ཝེ ཙེ་ཝ, ཧོ་ཏི ས་ནྟཱི་ར་ཎ་ཏྟ་ཡཾ.
༥༡༨. ཏ་དཱ་ར་མྨ་ཎ་ཙི་ཏྟཱ་ནི, ཡཱ་ནི ཝུ་ཏྟཱ་ནི ས་ཏྠུ་ནཱ;
ཏེ་སུ ཙི་ཏྟཾ པ་ནེ་ཀ་མྤི, རཱུ་པཱ་རཱུ་པ་བྷ་ཝ་དྭ་ཡེ.
༥༡༩. ན ཏ་དཱ་ར་མྨ་ཎཾ ཧུ་ཏྭཱ, པ་ཝ་ཏྟ་ཏི ཀ་དཱ་ཙི་པི;
ཀ་སྨཱ ན ཧོ་ཏི ཙེ ཏ་ཏྠ, བཱི་ཛ་སྶཱ་བྷཱ་ཝ་ཏོ པ་ན.
༥༢༠. པ་ཊི་ས་ནྡྷི་བཱི་ཛཾ ན་ཏྠེ་ཏྠ, ཀཱ་མཱ་ཝ་ཙ་ར་ས་ཉྙི་ཏཾ;
རཱུ་པཱ་དི་གོ་ཙ་རེ ཏ་སྶ, བྷ་ཝེ་ཡྻ ཛ་ན་ཀཾ ཏུ ཡཾ.
༥༢༡. ཙ་ཀྑུ་ཝི་ཉྙཱ་ཎ་ཀཱ་དཱི་ནཾ, ན་ཏྠི་ཏཱ་པ་ཛྫ་ཏཱི་ཏི ཙེ;
ནི་ནྡྲི་ཡཱ་ནཾ པ་ཝ་ཏྟཱ་ནུ-བྷཱ་ཝ་ཏོ ཙི་ཏྟ་ས་མྦྷ་ཝོ.
༥༢༢. ཨེ་ཀ་ནྟེ་ན ཡ་ཐཱ ཙེ་ཏཾ, ཏ་དཱ་ར་མྨ་ཎ་མཱ་ན་སཾ;
ན་པྤ་ཝ་ཏྟ་ཏི ས་བྦ་མྤི, རཱུ་པཱ་རཱུ་པ་བྷ་ཝ་དྭ་ཡེ.
༥༢༣. ཨ་ཀཱ་མཱ་ཝ་ཙ་ར་དྷ་མྨེ་པི, ཏ་དེ་ཏཾ ནཱ་ནུ་བ་ནྡྷ་ཏི;
ཀ་སྨཱ ཨ་ཛ་ན་ཀ་ཏྟཱ ཧི, ཛ་ན་ཀ་སྶཱ་ས་མཱ་ན་ཏོ.
༥༢༤. ཛ་ན་ཀཾ ཏེ་ན ཏུ་ལྱཾ ཝཱ, ཀཱ་མཱ་ཝ་ཙ་ར་ས་ཉྙི་ཏཾ;
ཀུ་ས་ལཱ་ཀུ་ས་ལཱ་དིཾ ཏུ, ཛ་ཝ་ནཾ ཨ་ནུ་བ་ནྡྷ་ཏི.
༥༢༥. ཀཱ་མཱ་ཝ་ཙ་ར་དྷ་མྨཱ་པི, ཡེ མ་ཧ་གྒ་ཏ་གོ་ཙ་རཱ;
ཧུ་ཏྭཱ ཝ་ཏྟ་ནྟི ཏེ ཙཱ་པི, ཨི་དཾ ནེ་ཝཱ་ནུ་བ་ནྡྷ་ཏི.
༥༢༦. པ་རི་ཏྟཱ་ར་མྨ་ཎ་ཏྟཱ ཙ, ཨེ་ཀ་ནྟེ་ན པ་ན་སྶ ཧི;
ཏ་ཐཱ་པ་རི་ཙི་ཏ་ཏྟཱ ཙ, ནཱ་ནུ་བ་ནྡྷ་ཏི ས་བྦ་དཱ.
༥༢༧. ཀིཾ ཏེ་ན ཡུ་ཏྟི་ཝཱ་དེ་ན, ཝུ་ཏྟཾ ཨ་ཊྛ་ཀ་ཐཱ་སུ ཧི;
ཏ་དཱ་ར་མྨ་ཎ་ཙི་ཏྟཱ་ནི, ཨེ་ཀཱ་ད་ས་པི ས་བྦ་སོ.
༥༢༨. ནཱ་མ་གོ་ཏྟཾ པ་ནཱ་ར་བྦྷ, ཛ་ཝ་ནེ ཛ་ཝི་ཏེ་པི ཙ;
ཏ་དཱ་ར་མྨ་ཎཾ ན ག་ཎྷ་ནྟི, རཱུ་པཱ་རཱུ་པ་བྷ་ཝེ་སུ ཝཱ.
༥༢༩. ཡ་དཱ པ་ཉྙ་ཏྟི་མཱ་ར་བྦྷ, ཛ་ཝ་ནེ ཛ་ཝི་ཏེ་པི ཝཱ;
ཏ་ཐཱ ཝི་པ་སྶ་ནཱ་ཡཱ་པི, ལ་ཀྑ་ཎཱ་ར་མྨ་ཎཱ་ཡ ཙ.
༥༣༠. ཏ་དཱ་ར་མྨ་ཎཱ ན ལ་བྦྷ་ནྟི, མི་ཙྪ་ཏྟ་ནི་ཡ་ཏེ་སུ་པི;
ན ལོ་ཀུ་ཏྟ་ར་དྷ་མྨེ་པི, ཨཱ་ར་བྦྷ ཛ་ཝ་ནེ ག་ཏེ.
༥༣༡. ཏ་ཐཱ མ་ཧ་གྒ་ཏེ དྷ་མྨེ, ཨཱ་ར་བྦྷ ཛ་ཝ་ནེ པ་ན;
པ་ཊི་ས་མྦྷི་དཱ་ཉཱ་ཎཱ་ནི, ཨཱ་ར་བྦྷ ཛ་ཝི་ཏེ་པི ཙ.
༥༣༢. མ་ནོ་དྭཱ་རེ་པི ས་བྦེ་སཾ, ཛ་ཝ་ནཱ་ན་མ་ན་ནྟ་རཾ;
ཏ་དཱ་ར་མྨ་ཎ་ཙི་ཏྟཱ་ནི, བྷ་ཝ་ནྟི ཨ་ནུ་པུ་བྦ་ཏོ.
༥༣༣. ན ཝི་ཛྫ་ཏི མ་ནོ་དྭཱ་རེ, གྷ་ཊྚ་ནཱ་ར་མྨ་ཎ་སྶ ཧི;
ཀ་ཐཾ བྷ་ཝ་ངྒ་ཏོ ཧོ་ཏི, ཝུ་ཊྛཱ་ནཾ པ་ན ཙེ་ཏ་སོ.
༥༣༤. མ་ནོ་དྭཱ་རེ་པི ཨཱ་པཱ་ཐ-མཱ་ག་ཙྪ་ནྟེ་ཝ གོ་ཙ་རཱ;
གྷ་ཊྚ་ནཱ་ཡ ཝི་ནཱ ཏ་སྨཱ, ཙི་ཏྟཱ་ནཾ ཧོ་ཏི ས་མྦྷ་ཝོ.
༥༣༥. དྭཱ་ད་སཱ་པུ་ཉྙ་ཙི་ཏྟཱ་ནཾ, ཝི་པཱ་ཀཱ ས་ཏྟ་ས་ཏྟ་ཏི;
བྷ་ཝ་ནྟི ཙ་ཏུ་རཱ་སཱི་ཏི, པཱ་པ་པཱ་ཀཱ པ་ཝ་ཏྟི་ཡཾ.
༥༣༦. ཨེ་ཀཱ་ད་ས་ཝི་དྷཱ་ནཾ ཏུ, ཧི་ཏྭཱ ཨུ་དྡྷ་ཙྩ་མཱ་ན་སཾ;
ཨེ་ཀཱ་ད་ས་ཝི་དྷཱ ཙེ་ཝ, བྷ་ཝ་ནྟི པ་ཊི་ས་ནྡྷི་ཡོ.
༥༣༧. ཀྲི་ཡ་ཙི་ཏྟེ་སུ ས་བྦེ་སུ, ཛ་ཝ་ནཾ ན ཙ ཧོ་ཏི ཡཾ;
ཏཾ ཝེ ཀ་ར་ཎ་མ་ཏྟ་ཏྟཱ, ཝཱ་ཏ་པུ་པྥ་ས་མཾ མ་ཏཾ.
༥༣༨. ཛ་ཝ་ན་ཏྟཾ ཏུ ས་མྤ་ཏྟཾ, ཀི་ཙྩ་སཱ་དྷ་ན་ཏོ པ་ན;
ཚི་ནྣ་མཱུ་ལ་སྶ རུ་ཀྑ་སྶ, པུ་པྥཾ་ཝ ཨ་ཕ་ལཾ སི་ཡཱ.
༥༣༩. པ་ཊི་ཙྩ པ་ན ཨེ་ཏ་སྨཱ, ཕ་ལ་མེ་ཏཱི་ཏི པ་ཙྩ་ཡོ;
ཡོ དྷ་མྨོ ཡ་སྶ དྷ་མྨ་སྶ, ཋི་ཏི་ཡུ་པྤ་ཏྟི་ཡཱ་པི ཝཱ.
༥༤༠. ཨུ་པ་ཀཱ་རོ ཧི སོ ཏ་སྶ, པ་ཙྩ་ཡོ་ཏི པ་ཝུ་ཙྩ་ཏི;
ས་མྦྷ་ཝོ་པ་བྷ་ཝོ ཧེ་ཏུ, ཀཱ་ར་ཎཾ པ་ཙྩ་ཡོ མ་ཏོ.
༥༤༡. ལོ་བྷཱ་དི པ་ན ཡོ དྷ་མྨོ, མཱུ་ལ་ཊྛེ་ནུ་པ་ཀཱ་ར་ཀོ;
ཧེ་ཏཱུ་ཏི པ་ན སོ དྷ་མྨོ, ཝི་ཉྙཱ་ཏ་བྦོ ཝི་བྷཱ་ཝི་ནཱ.
༥༤༢. ལོ་བྷོ དོ་སོ ཙ མོ་ཧོ ཙ,
ཏ་ཐཱ་ལོ་བྷཱ་ད་ཡོ ཏ་ཡོ;
ཚ་ལེ༹་ཝ ཧེ་ཏུ་ཡོ ཧོ་ནྟི,
ཛཱ་ཏི་ཏོ ན་ཝ་དྷཱ སི་ཡུཾ.
༥༤༣. དྷ་མྨཱ་ནཾ ཀུ་ས་ལཱ་དཱི་ནཾ, ཀུ་ས་ལཱ་དི་ཏྟ་སཱ་དྷ་ཀོ;
མཱུ་ལ་ཊྛོ་ཏི ཝ་ད་ནྟེ་ཝཾ, ཨེ་ཀེ ཨཱ་ཙ་རི་ཡཱ པ་ན.
༥༤༤. ཨེ་ཝཾ ས་ནྟེ ཏུ ཧེ་ཏཱུ་ནཾ, ཏཾ་ས་མུ་ཊྛཱ་ན་རཱུ་པི་སུ;
ཧེ་ཏུ་པ་ཙྩ་ཡ་ཏཱ ནེ་ཝ, ས་མྤ་ཛྫ་ཏི ཀ་དཱ་ཙི་པི.
༥༤༥. ན ཧི ཏེ པ་ན རཱུ་པཱ་ནཾ, སཱ་དྷེ་ནྟི ཀུ་ས་ལཱ་དི་ཀཾ;
ན ཏེ་སཾ པ་ན རཱུ་པཱ་ནཾ, པ་ཙྩ་ཡཱ ན ཙ ཧོ་ནྟི ཏེ.
༥༤༦. ཏ་སྨཱ ཧི ཀུ་ས་ལཱ་དཱི་ནཾ, ཀུ་ས་ལཱ་དི་ཏྟ་སཱ་དྷ་ཀོ;
མཱུ་ལ་ཊྛོ་ཏི ན ག་ནྟ་བྦོ, ཝི་ཉྙུ་ནཱ ས་མ་ཡ་ཉྙུ་ནཱ.
༥༤༧. སུ་པྤ་ཏི་ཊྛི་ཏ་བྷཱ་ཝ་སྶ, སཱ་དྷ་ནེ་ནུ་པ་ཀཱ་ར་ཀོ;
མཱུ་ལ་ཊྛོ་ཏི ཙ ཧེ་ཏཱུ་ནཾ, ཝི་ཉྙཱ་ཏ་བྦོ ཝི་བྷཱ་ཝི་ནཱ.