༦. ཚ་ཊྛོ པ་རི་ཙྪེ་དོ
ཨཱ་ར་མྨ་ཎ་ཝི་བྷཱ་ག་ནི་དྡེ་སོ
༢༩༡. ཨེ་ཏེ་སཾ པ་ན ཙི་ཏྟཱ་ནཾ, ཨཱ་ར་མྨ་ཎ་མི་ཏོ པ་རཾ;
ད་སྶ་ཡི་སྶཱ་མ་ཧཾ ཏེ་ན, ཝི་ནཱ ན་ཏྠི ཧི ས་མྦྷ་ཝོ.
༢༩༢. རཱུ་པཾ ས་དྡཾ ག་ནྡྷཾ ར་སཾ, ཕོ་ཊྛ་བྦཾ དྷ་མྨ་མེ་ཝ ཙ;
ཚ་དྷཱ ཨཱ་ར་མྨ་ཎཾ ཨཱ་ཧུ, ཚ་ལཱ༹་ར་མྨ་ཎ་ཀོ་ཝི་དཱ.
༢༩༣. ཏ་ཏྠ བྷཱུ་ཏེ ཨུ་པཱ་དཱ་ཡ, ཝ་ཎྞོ ཙ་ཏུ་ས་མུ་ཊྛི་ཏོ;
ས་ནི་ད་སྶ་ན་པ་ཊི་གྷོ, རཱུ་པཱ་ར་མྨ་ཎ་ས་ཉྙི་ཏོ.
༢༩༤. དུ་ཝི་དྷོ ཧི ས་མུ་དྡི་ཊྛོ, ས་དྡོ ཙི་ཏྟོ་ཏུ་ས་མྦྷ་ཝོ;
ས་ཝི་ཉྙཱ་ཎ་ཀ་ས་དྡོ་ཝ, ཧོ་ཏི ཙི་ཏྟ་ས་མུ་ཊྛི་ཏོ.
༢༩༥. ཨ་ཝི་ཉྙཱ་ཎ་ཀ་ས་དྡོ ཡོ,
སོ ཧོ་ཏཱུ་ཏུ་ས་མུ་ཊྛི་ཏོ;
དུ་ཝི་དྷོ་པི ཨ་ཡཾ ས་དྡོ,
ས་དྡཱ་ར་མྨ་ཎ་ཏཾ ག་ཏོ.
༢༩༦. དྷ་རཱི་ཡ་ཏཱི་ཏི ག་ཙྪ་ནྟོ, ག་ནྡྷོ སཱུ་ཙ་ན་ཏོ་པི ཝཱ;
ཨ་ཡཾ ཙ་ཏུ་ས་མུ་ཊྛཱ་ནོ, ག་ནྡྷཱ་ར་མྨ་ཎ་ས་མྨ་ཏོ.
༢༩༧. ར་ས་མཱ་ནཱ ར་ས་ནྟཱི་ཏི, ར་སོ་ཏི པ་རི་ཀི་ཏྟི་ཏོ;
སོ་ཝ ཙ་ཏུ་ས་མུ་ཊྛཱ་ནོ, ར་སཱ་ར་མྨ་ཎ་ནཱ་མ་ཀོ.
༢༩༨. ཕུ་སཱི་ཡ་ཏཱི་ཏི ཕོ་ཊྛ་བྦཾ, པ་ཐ་ཝཱི་ཏེ་ཛ་ཝཱ་ཡ་ཝོ;
ཕོ་ཊྛ་བྦཾ ཙ་ཏུ་ས་མྦྷཱུ་ཏཾ, ཕོ་ཊྛ་བྦཱ་ར་མྨ་ཎཾ མ་ཏཾ.
༢༩༩. ས་བྦཾ ནཱ་མ་ཉྩ རཱུ་པ་ཉྩ, ཧི་ཏྭཱ རཱུ་པཱ་དི་པ་ཉྩ་ཀཾ;
ལ་ཀྑ་ཎཱ་ནི ཙ པ་ཉྙ་ཏྟི-དྷ་མྨཱ་ར་མྨ་ཎ་ས་ཉྙི་ཏཾ.
༣༠༠. ཚཱ་ར་མྨ་ཎཱ་ནི ལ་བྦྷ་ནྟི, ཀཱ་མཱ་ཝ་ཙ་ར་བྷཱུ་མི་ཡཾ;
ཏཱི་ཎི རཱུ་པེ པ་ནཱ་རཱུ་པེ, དྷ་མྨཱ་ར་མྨ་ཎ་མེ་ཀ་ཀཾ.
༣༠༡. ཁ་ཎ་ཝ་ཏྠུ་པ་རི་ཏྟ་ཏྟཱ, ཨཱ་པཱ་ཐཾ ན ཝ་ཛ་ནྟི ཡེ;
ཏེ དྷ་མྨཱ་ར་མྨ་ཎཱ ཧོ་ནྟི, ཡེ་སཾ རཱུ་པཱ་ད་ཡོ ཀི་ར.
༣༠༢. ཏེ པ་ཊི་ཀྑི་པི་ཏ་བྦཱ་ཝ, ཨ་ཉྙ་མ་ཉྙ་སྶ གོ་ཙ་རཾ;
ནེ་ཝ པ་ཙྩ་ནུ་བྷོ་ནྟཱ་ནཾ, མ་ནོ ཏེ་སཾ ཏུ གོ་ཙ་རཾ.
༣༠༣. ཏ་ཉྩ ‘‘པ་ཙྩ་ནུ་བྷོ་ཏཱི’’ཏི, ཝུ་ཏྟ་ཏྟཱ པ་ན ས་ཏྠུ་ནཱ;
རཱུ་པཱ་དཱ་ར་མྨ་ཎཱ་ནེ་ཝ, ཧོ་ནྟི རཱུ་པཱ་ད་ཡོ པ་ན.
༣༠༤. དི་བྦ་ཙ་ཀྑཱ་དི་ཉཱ་ཎཱ་ནཾ, རཱུ་པཱ་དཱི་ནེ་ཝ གོ་ཙ་རཱ;
ཨ་ནཱ་པཱ་ཐ་ག་ཏཱ་ནེ་ཝ, ཏཱ་ནཱི་ཏི་པི ན ཡུ་ཛྫ་ཏི.
༣༠༥. ཡཾ རཱུ་པཱ་ར་མྨ་ཎཾ ཧོ་ནྟཾ, ཏཾ དྷ་མྨཱ་ར་མྨ་ཎཾ ཀ་ཐཾ;
ཨེ་ཝཾ ས་ཏི པ་ནེ་ཏེ་སཾ, ནི་ཡ་མོ་ཏི ཀ་ཐཾ བྷ་ཝེ.
༣༠༦. ས་བྦཾ ཨཱ་ར་མྨ་ཎཾ ཨེ་ཏཾ, ཚ་བྦི་དྷཾ ས་མུ་དཱི་རི་ཏཾ;
ཏཾ པ་རི་ཏྟ་ཏྟི་ཀཱ་དཱི་ནཾ, ཝ་སེ་ན བ་ཧུ་དྷཱ མ་ཏཾ.
༣༠༧. ས་བྦོ ཀཱ་མ་ཝི་པཱ་ཀོ ཙ, ཀྲི་ཡཱ་ཧེ་ཏུ་དྭ་ཡ་མྤི ཙ;
པ་ཉྩ་ཝཱི་ས་ཏི ཨེ་ཀ་ནྟཾ, པ་རི་ཏྟཱ་ར་མྨ་ཎཱ སི་ཡུཾ.
༣༠༨. ཨི་ཊྛཱ་དི་བྷེ་དཱ པ་ཉྩེ་ཝ, རཱུ་པ་ས་དྡཱ་ད་ཡོ པ་ན;
ཝི་ཉྙཱ་ཎཱ་ནཾ དྭི་པ་ཉྩ་ནྣཾ, གོ་ཙ་རཱ པ་ཊི་པཱ་ཊི་ཡཱ.
༣༠༩. རཱུ་པཱ་དི་པ་ཉྩ་ཀཾ ས་བྦཾ, མ་ནོ་དྷཱ་ཏུ་ཏྟ་ཡ་སྶ ཏུ;
ཏེ་ར་ས་ནྣཾ པ་ནེ་ཏེ་སཾ, རཱུ་པ་ཀྑ་ནྡྷོ་ཝ གོ་ཙ་རོ.
༣༡༠. ནཱ་རཱུ་པཾ ན ཙ པ་ཉྙ་ཏྟིཾ, ནཱ་ཏཱི་ཏཾ ན ཙ་ནཱ་ག་ཏཾ;
ཨཱ་ར་མྨ་ཎཾ ཀ་རོ་ནྟེ ཙ, ཝ་ཏྟ་མཱ་ནོ ཧི གོ་ཙ་རོ.
༣༡༡. ཏེ་ར་སེ་ཏཱ་ནི ཙི་ཏྟཱ་ནི, ཛཱ་ཡ་ནྟེ ཀཱ་མ་དྷཱ་ཏུ་ཡཾ;
ཙ་ཏྟཱ་རི རཱུ་པཱ་ཝ་ཙ་རེ, ནེ་ཝ ཀི་ཉྩི ཨ་རཱུ་པི་སུ.
༣༡༢. མ་ཧཱ་པཱ་ཀཱ་ན་མ་ཊྛ་ནྣཾ, ས་ནྟཱི་ར་ཎ་ཏྟ་ཡ་སྶ་པི;
ཚ་སུ དྭཱ་རེ་སུ རཱུ་པཱ་དི་ཚ་པ་རི་ཏྟཱ་ནི གོ་ཙ་རཱ.
༣༡༣. རཱུ་པཱ་ད་ཡོ པ་རི་ཏྟཱ ཚ, ཧ་སི་ཏུ་པྤཱ་ད་གོ་ཙ་རཱ;
པ་ཉྩ་དྭཱ་རེ པ་ཊུ་པྤ་ནྣཱ, མ་ནོ་དྭཱ་རེ ཏི་ཀཱ་ལི་ཀཱ.
༣༡༤. དུ་ཏི་ཡཱ་རུ་པྤ་ཙི་ཏྟ་ཉྩ, ཙ་ཏུ་ཏྠཱ་རུ་པྤ་མཱ་ན་སཾ;
ཚ་བྦི་དྷཾ ནི་ཡ་ཏཾ ཧོ་ཏི, ཏཾ མ་ཧ་གྒ་ཏ་གོ་ཙ་རཾ.
༣༡༥. ནི་བྦཱ་ནཱ་ར་མྨ་ཎ་ཏྟཱ ཧི, ཨེ་ཀ་ནྟེ་ན ཨ་ན་ཉྙ་ཏོ;
ཨ་ཊྛཱ་ནཱ་ས་ཝ་ཙི་ཏྟཱ་ནཾ, ཨ་པྤ་མཱ་ཎོ་ཝ གོ་ཙ་རོ.
༣༡༦. ཙ་ཏྟཱ་རོ ཉཱ་ཎ་ཧཱི་ནཱ ཙ, ཀཱ་མཱ་ཝ་ཙ་ར་པུ་ཉྙ་ཏོ;
ཀྲི་ཡ་ཏོ་པི ཙ ཙ་ཏྟཱ་རོ, དྭཱ་ད་སཱ་ཀུ་ས་ལཱ་ནི ཙ.
༣༡༧. པ་རི་ཏྟཱ་ར་མྨ་ཎཱ ཙེ་ཝ, ཏེ མ་ཧ་གྒ་ཏ་གོ་ཙ་རཱ;
པ་ཉྙ་ཏྟཱ་ར་མྨ་ཎ་ཏྟཱ ཧི, ན་ཝ་ཏྟ་བྦཱ་ཝ ཧོ་ནྟི ཏེ.
༣༡༨. ཙ་ཏྟཱ་རོ ཉཱ་ཎ་སཾ་ཡུ་ཏྟཱ, པུ་ཉྙ་ཏོ ཀྲི་ཡ་ཏོ་པི ཙ;
ཏ་ཐཱ་བྷི་ཉྙཱ་དྭ་ཡ་ཉྩེ་ཝ, ཀྲི་ཡཱ་ཝོ་ཊྛ་བྦ་ན་མྤི ཙ.
༣༡༩. ཨེ་ཀཱ་ད་ས་ནྣ་མེ་ཏེ་སཾ, ཏི་ཝི་དྷོ ཧོ་ཏི གོ་ཙ་རོ;
པ་ཉྙ་ཏྟཱ་ར་མྨ་ཎ་ཏྟཱ ཧི, ན་ཝ་ཏྟ་བྦཱ་པི ཧོ་ནྟི་མེ.
༣༢༠. ཡཱ་ནི ཝུ་ཏྟཱ་ཝ་སེ་སཱ་ནི, ཙི་ཏྟཱ་ནི པ་ན ཏཱ་ནི ཧི;
ན་ཝ་ཏྟ་བྦཱ་ར་མྨ་ཎཱ་ནཱི་ཏི, ཝི་ཉྙེ་ཡྻཱ་ནི ཝི་བྷཱ་ཝི་ནཱ.
པ་རི་ཏྟཱ་ར་མྨ་ཎ་ཏྟི་ཀཾ ས་མ་ཏྟཾ.
༣༢༡. དུ་ཏི་ཡཱ་རུ་པྤ་ཙི་ཏྟ་ཉྩ, ཙ་ཏུ་ཏྠཱ་རུ་པྤ་མཱ་ན་སཾ;
ཚ་བྦི་དྷཾ པ་ན ཨེ་ཀ་ནྟ-ཨ་ཏཱི་ཏཱ་ར་མྨ་ཎཾ སི་ཡཱ.
༣༢༢. ཝི་ཉྙཱ་ཎཱ་ནཾ དྭི་པ་ཉྩ་ནྣཾ, མ་ནོ་དྷཱ་ཏུ་ཏྟ་ཡ་སྶ ཙ;
པ་ཉྩ རཱུ་པཱ་ད་ཡོ དྷ་མྨཱ, པ་ཙྩུ་པྤ་ནྣཱ་ཝ གོ་ཙ་རཱ.
༣༢༣. ཨ་ཊྛ ཀཱ་མ་མ་ཧཱ་པཱ་ཀཱ, ས་ནྟཱི་ར་ཎ་ཏྟ་ཡ་མྤི ཙ;
ཧ་སི་ཏུ་པྤཱ་ད་ཙི་ཏྟ་ནྟི, དྭཱ་ད་སེ་ཏེ ཏུ མཱ་ན་སཱ.
༣༢༤. སི་ཡཱ་ཏཱི་ཏཱ་ར་མྨ་ཎཱ པ་ཙྩུ-པྤ་ནྣཱ་ནཱ་ག་ཏ་གོ་ཙ་རཱ;
ཀུ་ས་ལཱ་ཀུ་ས་ལཱ ཀཱ་མེ, ཀྲི་ཡ་ཏོ ན་ཝ མཱ་ན་སཱ.
༣༢༥. ཨ་བྷི་ཉྙཱ་མཱ་ན་སཱ དྭེ་པི, སི་ཡཱ་ཏཱི་ཏཱ་དི་གོ་ཙ་རཱ;
ས་ནྟ་པ་ཉྙ་ཏྟི་ཀཱ་ལེ་པི, ན་ཝ་ཏྟ་བྦཱ བྷ་ཝ་ནྟི་མེ.
༣༢༦. སེ་སཱ་ནི པ་ན ས་བྦཱ་ནི, རཱུ་པཱ་རཱུ་པ་བྷ་ཝེ་སུ་པི;
ན་ཝ་ཏྟ་བྦཱ་ནི ཧོ་ནྟེ་ཝ, ཨ་ཏཱི་ཏཱ་ར་མྨ་ཎཱ་དི་ནཱ.
༣༢༧. ཀཱ་མ་ཏོ ཙ ཀྲི་ཡཱ པ་ཉྩ, རཱུ་པ་ཏོ པ་ཉྩ་མཱི ཀྲི་ཡཱ;
ཙི་ཏྟཱ་ནཾ ཚ་ནྣ་མེ་ཏེ་སཾ, ན་ཏྠི ཀི་ཉྩི ཨ་གོ་ཙ་རཾ.
༣༢༨. ནི་བྦཱ་ན་ཉྩ ཕ་ལཾ མ་གྒཾ, རཱུ་པ་ཉྩཱ་རཱུ་པ་མེ་ཝ ཙ;
ས་ཀྐོ་ནྟི གོ་ཙ་རཾ ཀཱ་ཏུཾ, ཀ་ཏི ཙི་ཏྟཱ་ནི མེ ཝ་ད.
༣༢༩. ཙ་ཏྟཱ་རོ ཉཱ་ཎ་སཾ་ཡུ་ཏྟཱ,
པུ་ཉྙ་ཏོ ཀྲི་ཡ་ཏོ ཏ་ཐཱ;
ཨ་བྷི་ཉྙཱ་ཧ་ད་ཡཱ དྭེ་པི,
ཀྲི་ཡཱ ཝོ་ཊྛ་བྦ་ན་མྤི ཙ.
༣༣༠. ས་ཀྐོ་ནྟི གོ་ཙ་རཾ ཀཱ་ཏུཾ, ཙི་ཏྟཱ་ནེ་ཀཱ་ད་སཱ་པི ཙ;
ནི་བྦཱ་ན་ཉྩ ཕ་ལཾ མ་གྒཾ, རཱུ་པ་ཉྩཱ་རཱུ་པ་མེ་ཝ ཙ.
༣༣༡. ཙི་ཏྟེ་སུ པ་ན ས་བྦེ་སུ, ཀ་ཏི ཙི་ཏྟཱ་ནི མེ ཝ་ད;
ཨ་ར་ཧ་ཏྟ་ཕ་ལཾ མ་གྒཾ, ཀཱ་ཏུཾ ས་ཀྐོ་ནྟི གོ་ཙ་རཾ.
༣༣༢. ས་བྦེ་སུ པ་ན ཙི་ཏྟེ་སུ, ཚ ཙ ཙི་ཏྟཱ་ནི མེ སུ་ཎ;
ཨ་ར་ཧ་ཏྟ་ཕ་ལཾ མ་གྒཾ, ཀཱ་ཏུཾ ས་ཀྐོ་ནྟི གོ་ཙ་རཾ.
༣༣༣. ཙ་ཏྟཱ་རོ ཉཱ་ཎ་སཾ་ཡུ་ཏྟཱ, ཀྲི་ཡཱ ཝོ་ཊྛ་བྦ་ན་མྤི ཙ;
ཀྲི་ཡཱ་བྷི་ཉྙཱ མ་ནོ་དྷཱ་ཏུ, ཚ ཙ ས་ཀྐོ་ནྟི གོ་ཙ་རཾ.
༣༣༤. ཙ་ཏྟཱ་རོ ཉཱ་ཎ་སཾ་ཡུ་ཏྟཱ-བྷི་ཉྙཱ་ཙི་ཏྟ་ཉྩ པུ་ཉྙ་ཏོ;
ནཱ་ར་ཧ་ཏྟཾ ཕ་ལཾ མ་གྒཾ, ཀཱ་ཏུཾ ས་ཀྐོ་ནྟི གོ་ཙ་རཾ.
༣༣༥. ཀ་སྨཱ ཨ་ར་ཧ་ཏོ མ་གྒ-ཙི་ཏྟཾ ཝཱ ཕ་ལ་མཱ་ན་སཾ;
པུ་ཐུ་ཛྫ་ནཱ ཝཱ སེ་ཀྑཱ ཝཱ, ན ས་ཀྐོ་ནྟི ཧི ཛཱ་ནི་ཏུཾ.
༣༣༦. པུ་ཐུ་ཛྫ་ནོ ན ཛཱ་ནཱ་ཏི,
སོ་ཏཱ་པ་ནྣ་སྶ མཱ་ན་སཾ;
སོ་ཏཱ་པ་ནྣོ ན ཛཱ་ནཱ་ཏི,
ས་ཀ་དཱ་གཱ་མི་སྶ མཱ་ན་སཾ.
༣༣༧. ས་ཀ་དཱ་གཱ་མཱི ན ཛཱ་ནཱ་ཏི, ཨ་ནཱ་གཱ་མི་སྶ མཱ་ན་སཾ;
ཨ་ནཱ་གཱ་མཱི ན ཛཱ་ནཱ་ཏི, ཨ་ར་ཧ་ནྟ་སྶ མཱ་ན་སཾ.
༣༣༨. ཧེ་ཊྛི་མོ ཧེ་ཊྛི་མོ ནེ་ཝ, ཛཱ་ནཱ་ཏི ཨུ་པ་རཱུ་པ་རི;
ཨུ་པ་རཱུ་པ་རི ཛཱ་ནཱ་ཏི, ཧེ་ཊྛི་མ་སྶ ཙ མཱ་ན་སཾ.
༣༣༩. ཡོ དྷ་མྨོ ཡ་སྶ དྷ་མྨ་སྶ,
ཧོ་ཏི ཨཱ་ར་མྨ་ཎཾ པ་ན;
ཏ་མུ་དྡྷ་རི་ཏྭཱ ཨེ་ཀེ་ཀཾ,
པ་ཝ་ཀྑཱ་མི ཨི་ཏོ པ་རཾ.
༣༤༠. ཀུ་ས་ལཱ་ར་མྨ་ཎཾ ཀཱ་མེ, ཀུ་ས་ལཱ་ཀུ་ས་ལ་སྶ ཙ;
ཨ་བྷི་ཉྙཱ་མཱ་ན་ས་སྶཱ་པི, ཀུ་ས་ལ་སྶ ཀྲི་ཡ་སྶ ཙ.
༣༤༡. ཀཱ་མཱ་ཝ་ཙ་ར་པཱ་ཀ་སྶ, ཏ་ཐཱ ཀཱ་མ་ཀྲི་ཡ་སྶ ཙ;
ཨེ་ཏེ་སཾ པ་ན རཱ་སཱི་ནཾ, ཚ་ནྣཾ ཨཱ་ར་མྨ་ཎཾ སི་ཡཱ.
༣༤༢. རཱུ་པཱ་ཝ་ཙ་ར་པུ་ཉྙཱ་ནི, ཀཱ་མ་པཱ་ཀཾ ཏ་ཏོ ཝི་ནཱ;
པ་ཉྩ་ནྣཾ པ་ན རཱ་སཱི་ནཾ, ཧོ་ནྟི ཨཱ་ར་མྨ་ཎཱ་ནི ཧི.
༣༤༣. ཨཱ་རུ་པྤ་ཀུ་ས་ལ་ཉྩཱ་པི, ཏེ་བྷཱུ་མ་ཀུ་ས་ལ་སྶ ཙ;
ཏེ་བྷཱུ་མ་ཀ་ཀྲི་ཡ་སྶཱ་པི, ཏ་ཐེ་ཝཱ་ཀུ་ས་ལ་སྶ་པི.
༣༤༤. ཨ་རཱུ་པཱ་ཝ་ཙ་ར་པཱ་ཀཱ་ནཾ, དྭི་ནྣཾ པ་ན ཙ་ཏུ་ཏྠ་དུ;
ཨི་མེ་སཾ ཨ་ཊྛ་རཱ་སཱི་ནཾ, ཧོ་ཏཱ་ར་མྨ་ཎ་པ་ཙྩ་ཡོ.
༣༤༥. ཨ་པ་རི་ཡཱ་པ་ནྣ་པུ་ཉྙ་མྤི, ཀཱ་མཱ་ཝ་ཙ་ར་ཏོ་པི ཙ;
རཱུ་པ་ཏོ པ་ཉྩ་མ་སྶཱ་པི, ཀུ་ས་ལ་སྶ ཀྲི་ཡ་སྶ ཙ.
༣༤༦. ཙ་ཏུ་ནྣཾ པ་ན རཱ་སཱི་ནཾ, ཧོ་ཏི ཨཱ་ར་མྨ་ཎཾ ས་དཱ;
ཏ་ཐེ་ཝཱ་ཀུ་ས་ལཾ ཀཱ་མ-རཱུ་པཱ་ཝ་ཙ་ར་ཏོ པ་ན.
༣༤༧. ཀུ་ས་ལ་སྶ ཀྲི་ཡ་སྶཱ་པི, ཏ་ཐེ་ཝཱ་ཀུ་ས་ལ་སྶ ཙ;
ཀཱ་མཱ་ཝ་ཙ་ར་པཱ་ཀཱ་ནཾ, ཚ་ནྣཾ རཱ་སཱི་ན་མཱི་རི་ཏཾ.
༣༤༨. ཝི་པཱ་ཀཱ་ར་མྨ་ཎཾ ཀཱ་མེ, ཀཱ་མཱ་ཝ་ཙ་ར་ཏོ་པི ཙ;
རཱུ་པཱ་ཝ་ཙ་ར་ཏོ ཙེ་ཝ, ཀུ་ས་ལ་སྶ ཀྲི་ཡ་སྶ ཙ.
༣༤༩. ཀཱ་མཱ་ཝ་ཙ་ར་པཱ་ཀཱ་ནཾ, ཏ་ཐེ་ཝཱ་ཀུ་ས་ལ་སྶ ཙ;
ཚ་ནྣ་ཉྩ པ་ན རཱ་སཱི་ནཾ, ཧོ་ཏཱ་ར་མྨ་ཎ་པ་ཙྩ་ཡོ.
༣༥༠. ཝི་པཱ་ཀཱ་ར་མྨ་ཎཾ རཱུ་པེ, ཀཱ་མཱ་ཝ་ཙ་ར་ཏོ་པི ཙ;
རཱུ་པཱ་ཝ་ཙ་ར་ཏོ ཙེ་ཝ, ཀུ་ས་ལ་སྶ ཀྲི་ཡ་སྶ ཙ.
༣༥༡. ཨ་པུ་ཉྙ་སྶཱ་ཏི པ་ཉྩ་ནྣཾ, རཱ་སཱི་ནཾ ཧོ་ཏི གོ་ཙ་རོ;
ཨ་རཱུ་པཱ་ཝ་ཙ་ར་པཱ་ཀེ་སུ, ཨ་ཡ་མེ་ཝ ན་ཡོ མ་ཏོ.
༣༥༢. ཨ་པ་རི་ཡཱ་པ་ནྣ་པཱ་ཀ་མྤི, ཀཱ་མ་ཏོ རཱུ་པ་ཏོ་པི ཙ;
ཀུ་ས་ལ་སྶ ཀྲི་ཡ་སྶཱ་པི, ཧོ་ཏི ཨཱ་ར་མྨ་ཎཾ པ་ན.
༣༥༣. ཀྲི་ཡ་ཙི་ཏྟ་མི་དཾ ཀཱ་མེ, ཀཱ་མཱ་ཝ་ཙ་ར་ཏོ་པི ཙ;
རཱུ་པཱ་ཝ་ཙ་ར་ཏོ ཙེ་ཝ, ཀུ་ས་ལ་སྶ ཀྲི་ཡ་སྶ ཙ.
༣༥༤. ཀཱ་མཱ་ཝ་ཙ་ར་པཱ་ཀ་སྶ, ཏ་ཐེ་ཝཱ་ཀུ་ས་ལ་སྶ ཙ;
ཚ་ནྣཾ རཱ་སཱི་ན་མེ་ཏེ་སཾ, ཧོ་ཏཱ་ར་མྨ་ཎ་པ་ཙྩ་ཡོ.
༣༥༥. ཡཾ ཀྲི་ཡཱ་མཱ་ན་སཾ རཱུ་པེ, ཀཱ་མ་པཱ་ཀཾ ཏ་ཏོ ཝི་ནཱ;
པ་ཉྩ་ནྣཾ པ་ན རཱ་སཱི་ནཾ, ཧོ་ཏི ཨཱ་ར་མྨ་ཎཾ པ་ན.
༣༥༦. ཀྲི་ཡཱ་ཙི་ཏྟཾ པ་ནཱ་རུ་པྤེ, ཏེ་སཾ པ་ཉྩ་ནྣ་མེ་ཝ ཙ;
ཨཱ་རུ་པྤ་སྶ ཀྲི་ཡ་སྶཱ་པི, ཚ་ནྣཾ ཧོ་ཏེ་ཝ གོ་ཙ་རོ.
༣༥༧. རཱུ་པཾ ཙ་ཏུ་ས་མུ་ཊྛཱ་ནཾ, རཱུ་པཱ་ར་མྨ་ཎ་ས་ཉྙི་ཏཾ;
ཀཱ་མཱ་ཝ་ཙ་ར་པུ་ཉྙ་སྶ, ཏ་ཐེ་ཝ ཀུ་ས་ལ་སྶ ཙ.
༣༥༨. ཨ་བྷི་ཉྙཱ་དྭ་ཡ་ཙི་ཏྟ་སྶ, ཀཱ་མ་པཱ་ཀ་ཀྲི་ཡ་སྶ ཙ;
ཚ་ནྣཾ རཱ་སཱི་ན་མེ་ཏེ་སཾ, ཧོ་ཏཱ་ར་མྨ་ཎ་པ་ཙྩ་ཡོ.
༣༥༩. ནི་བྦཱ་ནཱ་ར་མྨ་ཎཾ ཀཱ་མ-རཱུ་པཱ་ཝ་ཙ་ར་ཏོ པ་ན;
ཀུ་ས་ལ་སྶུ་བྷ་ཡ་སྶཱ་པི, ཀཱ་མ་རཱུ་པ་ཀྲི་ཡ་སྶ ཙ.
༣༦༠. ཨ་པ་རི་ཡཱ་པ་ནྣ་ཏོ ཙེ་ཝ, ཕ་ལ་སྶ ཀུ་ས་ལ་སྶ ཙ;