༤. ཙ་ཏུ་ཏྠོ པ་རི་ཙྪེ་དོ
ཝི་ཉྙཱ་ཎ་ཀྑ་ནྡྷ་པ་ཀི་ཎྞ་ཀ་ན་ཡ་ས་ངྑེ་པོ
༡༩༢. ཨེ་ཀ་དྷཱ་དི་ན་ཡོ་དཱ་ནི, པ་ཊུ་ཝ་ཌྜྷཱ་ཡ ཡོ་གི་ནཾ;
ཝུ་ཙྩ་ཏེ ཝི་ས་ཡ་གྒཱ་ཧཱ, ས་བྦམེ་ཀ་ཝི་དྷཾ མ་ནཾ.
༡༩༣. ཨེ་ཀཱ་སཱི་ཏི ཏི་བྷཱུ་མ་ཊྛཾ, ལོ་ཀི་ཡཾ སུ་ཏྟ་ར་ཉྩ ཏཾ;
སེ་སཾ ལོ་ཀུ་ཏྟ་རཾ ཨ་ཊྛ, ཨ་ནུ་ཏྟ་ར་ཉྩི་ཏཱི དྭི་དྷཱ.
༡༩༤. ལོ་ཀ་པཱ་ཀ་ཀྲི་ཡཱ་ཧེ་ཏཱུ, ཙེ་ཀ་ཧེ་ཏཱུ་ཏི ས་ཏྟ་ཧི;
ཏིཾ་ས ནཱ་དྷི་པ་ཏི སཱ་དྷི-པ་ཏི སེ་སཱ་ཏི་པཱི དྭི་དྷཱ.
༡༩༥. ཚ་ནྡ་ཙི་ཏྟཱི་ཧ་ཝཱི་མཾ་སཱ-སྭེ་ཀེ་ན མ་ཏི་མཱ ཡུ་ཏཾ;
ཝི་ནཱ ཝཱི་མཾ་ས་མེ་ཀེ་ན, ཉཱ་ཎ་ཧཱི་ན་མ་ནཾ ཡུ་ཏཾ.
༡༩༦. པ་རི་ཏྟཱ་ན་པྤ་མཱ་ཎཱ་ནི, མ་ཧ་གྒ་ཏ་མ་ནཱ་ནི་ཏི;
ཏི་དྷཱ ཚ་ན་ཝ ཙ་ཊྛ ཙ, ཏི་ན་ཝཱ ཙ ཡ་ཐཱ་ཀྐ་མཾ.
༡༩༧. དྭི་པ་ཉྩ ཙི་ཏྟཾ ཝི་ཉྙཱ་ཎཾ, ཏི་སྶོ ཧི མ་ནོ་དྷཱ་ཏུ་ཡོ;
ཚ་ས་ཏྟ་ཏི མ་ནོ་ཉཱ་ཎ-དྷཱ་ཏཱུ་ཏི ཏི་ཝི་དྷཱ པུ་ན.
༡༩༨. ཨེ་ཀཱ་ར་མྨ་ཎ་ཙི་ཏྟཱ་ནི, ཨ་ན་བྷི་ཉྙཾ མ་ཧ་གྒ་ཏཾ;
ཨ་མ་ལཾ པ་ཉྩ་ཝི་ཉྙཱ་ཎཾ, ན་ཝ་པ་ཉྩ བྷ་ཝ་ནྟི་མེ.
༡༩༩. པ་ཉྩཱ་ལ་མྦཾ མ་ནོ་དྷཱ་ཏུ, སཱ་བྷི་ཉྙཾ ཀཱ་མ་དྷཱ་ཏུ་ཛཾ;
སེ་སཾ ཚཱ་ར་མྨ་ཎཾ ཏཾ ཧི, ཏེ་ཙ་ཏྟཱ་ལཱི་ས ས་ངྑྱ་ཏོ.
༢༠༠. ཀཱ་མ་པཱ་ཀ་དུ་སཱ ཙཱ་དི-མ་གྒོ ཙཱ་དི་ཀྲི་ཡཱ དུ་ཝེ;
རཱུ་པཱ ས་བྦེ་ཏི་རཱུ་པེ ན, ཏེ་ཙ་ཏྟཱ་ལཱི་ས ཧོ་ནྟི་མེ.
༢༠༡. ཝི་ནཱ་ཝ རཱུ་པེ་ནཱ་རུ་པྤ-ཝི་པཱ་ཀཱ ཙ་ཏུ་རོ སི་ཡུཾ;
དྭེ་ཙ་ཏྟཱ་ལཱི་ས སེ་སཱ་ནི, ཝ་ཏྟ་ནྟུ་བྷ་ཡ་ཐཱ་པི ཙ.
༢༠༢. ཙ་ཏུ་དྷཱཔི ཨ་ཧེ་ཏྭེ་ཀ་དྭི་ཧེ་ཏུ་ཀ་ཏི་ཧེ་ཏུ་ཏོ;
ཨ་ཊྛཱ་ར་ས དྭེ བཱ་ཝཱི་ས, ས་ཏྟ་ཙ་ཏྟཱ་ལི་སཾ བྷ་ཝེ.
༢༠༣. ཀཱ་མེ ཛ་ཝཱ ས་ཝོ་ཊྛ་བྦཱ, ཨ་བྷི་ཉྙཱ་དྭ་ཡ་མེ་ཝ ཙ;
རཱུ་པི་རི་ཡཱ་པ་ཐ་ཝི་ཉྙ་ཏྟི་ཀ་རཱ་མེ ཙ་ཏུ་ར་ཊྛ་ཀཱ.
༢༠༤. ཚ་བྦཱི་ས་ཏི ཛ་ཝཱ སེ་སཱ, ཀ་རཱ རཱུ་པི་རི་ཡཱ་པ་ཐེ;
དྭི་པ་ཉྩ་མ་ན་ཝ་ཛྫཱ་ནི, ཀཱ་མ་རཱུ་པ་ཕ་ལཱ་ནི ཙ.
༢༠༥. ཨཱ་དི་ཀྲི་ཡཱ་ཏི ཙེ་ཀཱུ་ན-ཝཱི་ས རཱུ་པ་ཀ་རཱ ཨི་མེ;
སེ་སཱ ཙུ་དྡ་ས བྷི་ནྣཱ་ཝ་ཙུ་ཏི ས་ནྡྷི ན ཏཱི་ཎི་པི.
༢༠༦. ཨེ་ཀ་ཀི་ཙྩཱ་དི་ཏོ པ་ཉྩ-ཝི་དྷཱ ཏ་ཏྠེ་ཀ་ཀི་ཙྩ་ཀཱ;
དྭི་པ་ཉྩ་ཙི་ཏྟཾ ཛ་ཝ་ནཾ, མ་ནོ་དྷཱ་ཏུ་ཊྛ་ས་ཊྛི་མེ.
༢༠༧. དྭི་ཀི་ཙྩཱ་དཱི་ནི ཝོ་ཊྛ་བྦཾ, སུ་ཁ་ཏཱི་རཾ མ་ཧ་གྒ་ཏེ;
པཱ་ཀཱ ཀཱ་མ་མ་ཧཱ་པཱ་ཀཱ, སེ་སཱ ཏཱི་རཱ ཡ་ཐཱ་ཀྐ་མཾ.
༢༠༨. ད་སྶ་ནཾ ས་ཝ་ནཾ དི་ཊྛཾ, སུ་ཏཾ གྷཱ་ཡ་ན་ཀཱ་དི་ཀཾ;
ཏ་ཡཾ མུ་ཏཾ མ་ནོ་དྷཱ་ཏུ་ཏྟ་ཡཾ དི་ཊྛཾ སུ་ཏཾ མུ་ཏཾ.
༢༠༩. དི་ཊྛཾ སུ་ཏཾ མུ་ཏཾ ཉཱ་ཏཾ, སཱ་བྷི་ཉྙཾ སེ་ས་ཀཱ་མི་ཀཾ;
ཝི་ཉྙཱ་ཏཱ་ར་མྨ་ཎཾ སེ་ས་མེ་ཝཾ ཚ་བྦི་དྷམཱི་ར་ཡེ.
༢༡༠. ས་ཏྟ་དྷཱ ས་ཏྟ་ཝི་ཉྙཱ་ཎ་དྷཱ་ཏཱུ་ནཾ ཏུ ཝ་སཱ བྷ་ཝེ;
ཝུ་ཙྩ་ཏེ་དཱ་ནི ཏ་སྶེ་ཝ, ཨ་ན་ནྟ་ར་ན་ཡ་ཀྐ་མོ.
༢༡༡. པུ་ཉྙེ་སྭཱ་དི་དྭ་ཡཱ ཀཱ་མེ, རཱུ་པ་པུ་ཉྙ་མ་ན་ནྟ་ཀཾ;
ཏ་པྤཱ་ད་ཀུ་ཏྟ་རཱ་ན་ནྟཾ, བྷ་ཝ་ངྒ་ཉྩཱ་དི་ཏཱི་ར་ཎཾ.
༢༡༢. དུ་ཏི་ཡ་ནྟ་དྭ་ཡཱ ཏཱི་རཾ, བྷ་ཝ་ངྒཾ ཏ་ཏི་ཡ་དྭ་ཡཱ;
ཏེ ཨ་ན་ནྟཱ་མ་ལཾ པུ་ཉྙཾ, མ་ཛ྄ཛྷ་ཏྟ་ཉྩ མ་ཧ་གྒ་ཏཾ.
༢༡༣. ས་བྦ་ཝཱ་རེ ས་ཡ་ཉྩེ་ཏི, ཏེ་པ་ཉྙཱ་ས ཏི་ས་ཏྟ ཙ;
ཏེ་ཏྟིཾ་ས ཙ བྷ་ཝ་ནྟེ་ཏེ, རཱུ་པེ་སུ པ་ན པུ་ཉྙ་ཏོ.
༢༡༤. ཏ་པྤཱ་ཀཱ ཙ མ་ཏི་ཡུ་ཏྟ-ཀཱ་མ་པཱ་ཀཱ ས་ཡཾ ད་ས;
ཨཱ་རུ་པྤ་པུ་ཉྙ་ཏོ ཏེ ཙ, ས་ཀོ པཱ་ཀོ ས་ཡཾ པུ་ན.
༢༡༥. ཨ་དྷོ་པཱ་ཀཱ ཙ ཨ་ནྟ་མྷཱ, ཏ་ཏི་ཡ་ཉྩ ཕ་ལ་ནྟི་མེ;
ད་སེ་ཀ་དྭི་ཏི་པ་ཉྩཱ་ཧི, མ་གྒཱ ཙེ་ཀཾ ས་ཀཾ ཕ་ལཾ.
༢༡༦. ལོ་བྷ་མཱུ་ལེ་ཀ་ཧེ་ཏཱུ་ཧི, ཨ་ནྟ་ཀཱ་མ་སུ་བྷཱ ཝི་ཡ;
ས་ཏྟ དོ་ས་དྭ་ཡཱ ཀཱ་མ-བྷ་ཝ་ངྒ་པེ་ཀྑ་ཝཱ ས་ཡཾ.
༢༡༧. མ་ཧཱ་པཱ་ཀ་ཏི་ཧེ་ཏཱུ་ཧི, སཱ་ཝ་ཛྫཱ ས་བྦ་ས་ནྡྷི་ཡོ;
ཀཱ་མ་ཙྩུ་ཏཱི་ཧི སེ་སཱ་ཧི, སཱ་ཝ་ཛྫཱ ཀཱ་མ་ས་ནྡྷི་ཡོ.
༢༡༨. ཀཱ་མ་ཙྩུ་ཏི ཙ ཝོ་ཊྛ་བྦཾ, ས་ཡ་ཉྩ སུ་ཁ་ཏཱི་ར་ཏོ;
པ་ཊི་ཙྪཱ ཏཱི་ར་ཎཱ་ནི དྭེ, ཨི་ཏ་རཱ ས་ཀ་ཏཱི་ར་ཎཾ.
༢༡༩. ས་ཀཾ ས་ཀཾ པ་ཊི་ཙྪཾ ཏུ, ཝི་ཉྙཱ་ཎེ་ཧི དྭི་པ་ཉྩ་ཧི;
རཱུ་པ་པཱ་ཀེ་ཧི སཱ་ཝ་ཛྫཱ, ས་ནྡྷི་ཡོ་ཧེ་ཏུ་ཝ་ཛྫི་ཏཱ.
༢༢༠. ཨ་རཱུ་པ་པཱ་ཀེ་སྭཱ་དི་མྷཱ, ཀཱ་མ་པཱ་ཀཱ ཏི་ཧེ་ཏུ་ཀཱ;
ཨ་ནྟཱ་ཝ་ཛྫ་མྤི ཙཱ་རུ་པྤ-པཱ་ཀཱ ཙ ན་ཝ ཧོ་ནྟི་མེ.
༢༢༡. དུ་ཏི་ཡཱ་དཱི་ཧི ཏེ་ཡེ་ཝ, ཨ་དྷོ་པཱ་ཀཾ ཝི་ནཱ ཝི་ནཱ;
ཕ་ལཱ ཏི་ཧེ་ཏུ་ཀཱ པཱ་ཀཱ, ས་ཡ་ཉྩེ་ཏི ཙ་ཏུ་དྡ་ས.
༢༢༢. དྭི་པ་ཉྩཱ་དི་ཀྲི་ཡཱ ཧཱ་སཱ, ས་ཡ་ཉྩཱ་རུ་པྤ་ཝ་ཛྫི་ཏཱ;
ཉཱ་ཎ་ཡུ་ཏྟ་བྷ་ཝ་ངྒཱ་ཏི, ད་ས ཝོ་ཊྛ་བྦ་ཏོ པ་ན.
༢༢༣. ཀཱ་མེ ཛ་ཝཱ བྷ་ཝ་ངྒཱ ཙ, ཀཱ་མ་རཱུ་པེ ས་ཡ་མྤི ཝཱ;
ན་ཝ་པ་ཉྩ ས་ཧེ་ཏཱ་དི-ཀི་རི་ཡ་དྭ་ཡ་ཏོ པ་ན.
༢༢༤. ས་ཡཾ བྷ་ཝ་ངྒ་མ་ཏི་མཱ, རཱུ་པེ སཱ་ཏ་ཀྲི་ཡཱ་པི ཙ;
ཏ་པྤཱ་ད་ཀ་ནྟི་མ་ཉྩེ་ཏི, བཱ་ཝཱི་ས ཏ་ཏི་ཡཱ པ་ན.
༢༢༥. ཏེ ཙ པཱ་ཀཱ ས་ཡ་ཉྩ་ནྟེ, ཕ་ལཾ མ་ཛ྄ཛྷཱ མ་ཧ་གྒ་ཏཱ;
ཀྲི་ཡཱ་ཏི ཝཱི་ས་ཏི ཧོ་ནྟི, སེ་ས་དྭཱི་ཧི དུ་ཀེ་ཧི ཏུ.
༢༢༦. ཝུ་ཏྟ་པཱ་ཀཱ ས་ཡ་ཉྩེ་ཏི, ཙུ་དྡ་སེ་ཝཾ ཀྲི་ཡཱ་ཛ་ཝཱ;
ཏ་དཱ་ར་མྨ་ཎཾ མུ་ཉྩི་ཏྭཱ, པ་ཊྛཱ་ན་ན་ཡ་ཏོ ན་ཡེ.
༢༢༧. ཨ་ཐ སཱ་ཏ་ཀྲི་ཡཱ སཱ་ཏཾ, སེ་སཾ སེ་ས་ཀྲི་ཡཱ་པི ཙ;
ཏ་དཱ་ལ་མྦཾ ཡ་ཐཱ་ཡོ་གཾ, ཝ་དེ ཨ་ཊྛ་ཀ་ཐཱ་ན་ཡཱ.
༢༢༨. མ་ཧ་གྒ་ཏཱ ཀྲི་ཡཱ ས་བྦཱ, ས་ཀ་པུ་ཉྙ་ས་མཱ ཏ་ཧིཾ;
ཨ་ནྟཱ ཕ་ལ་ནྟི་མཾ ཧོ་ཏི, ཨ་ཡ་མེ་ཝ ཝི་སེ་ས་ཏཱ.
༢༢༩. ཨི་མ་སྶཱ་ན་ནྟ་རཱ དྷ་མྨཱ, ཨེ་ཏྟ་ཀཱ་ཏི པ་ཀཱ་སི་ཏཱ;
ཨི་མཾ པ་ནེ་ཏྟ་ཀེ་ཧཱི་ཏི, ཝུ་ཙྩ་ཏེ་ཡཾ ན་ཡོ་དྷུ་ནཱ.
༢༣༠. དྭཱི་ཧི ཀཱ་མ་ཛ་ཝཱ ཏཱི་ཧི, རཱུ་པཱ་རཱུ་པཱ ཙ་ཏཱུ་ཧི ཏུ;
མ་གྒཱ ཚ་ཧི ཕ་ལཱ་དི དྭེ, སེ་སཱ དྭེ པ་ན ས་ཏྟ་ཧི.
༢༣༡. ཨེ་ཀ་མྷཱ ད་ས པ་ཉྩ་ཧི, པ་ཊི་ཙྪཱ སུ་ཁ་ཏཱི་ར་ཎཾ;
ཀཱ་མེ དོ་ས་ཀྲི་ཡཱ་ཧཱི་ན-ཛ་ཝེ་ཧི ག་ཧ་ཏོ ས་ཀཱ.
༢༣༢. ཀཱ་མེ ཛ་ཝཱ ཀྲི་ཡཱ་ཧཱི་ནཱ, ཏ་དཱ་ལ་མྦཱ ས་ཝོ་ཊྛ་བྦཱ;
ས་ག་ཧ་ཉྩེ་ཏི ཏེ་ཏྟིཾ་ས་ཙི་ཏྟེ་ཧི པ་ར་ཏཱི་ར་ཎཱ.
༢༣༣. ཀཱ་མ་པུ་ཉྙ་སུ་ཁཱི་ཏཱི་ར་ཀ་ཎྷ་ཝོ་ཊྛ་བྦ་ཏོ དྭ་ཡཾ;
མ་ཧཱ་པཱ་ཀ་ནྟི་མཾ ཧོ་ཏི, ཨ་ནཱ་རུ་པྤ་ཙུ་ཏཱི་ཧི ཙ.
༢༣༤. ས་ཏྟ་ཏིཾ་ས པ་ནེ་ཏཱ་ནི, ཨེ་ཏྠ ཧི་ཏྭཱ དུ་ས་དྭ་ཡཾ;
ཨེ་ཏེ་ཧི པ་ཉྩ་ཏིཾ་སེ་ཧི, ཛཱ་ཡ་ཏེ དུ་ཏི་ཡ་དྭ་ཡཾ.
༢༣༥. སུ་ཁ་ཏཱི་རཱ་དི ས་ཏྟེ་ཏེ, ཀྲི་ཡ་ཏོ ཙཱ་པི ས་མྦྷ་ཝཱ;
ཉེ་ཡྻཱ སེ་སཱ་ནི ཙ་ཏྟཱ་རི, བྷ་ཝ་ངྒེ་ན ཙ ལ་བྦྷ་རེ.
༢༣༦. མ་གྒ་ཝ་ཛྫཱ ས་ཝོ་ཊྛ་བྦ་སུ་ཁི་ཏཱི་ར་ཛ་ཝཱ་ཁི་ལཱ;
ཙུ་ཏཱི་ཏི ན་ཝ་ཀ་ཊྛཱ་ཧི, ཏ་ཏི་ཡ་དྭ་ཡ་མཱ་དི་སེ.
༢༣༧. ཨེ་ཏེ་ཧི དོ་ས་ཝ་ཛྫེ་ཧི, ས་ཏྟ་ཏཱི་ཧི་ཏ་ར་དྭ་ཡཾ;
རཱུ་པ་པཱ་ཀཱ ཝི་ནཱ་རུ་པྤ་པཱ་ཀཱ་ཧེ་ཏུ་དུ་ཧེ་ཏུ་ཀེ.
༢༣༨. ཏེ་ཧེ་ཝེ་ཀཱུ་ན་ས་ཊྛཱི་ཧི, ཧོ་ནྟི་རུ་པྤཱ་དི་ཀཾ ཝི་ནཱ;
ཧཱ་སཱ་ཝ་ཛྫེ ཛ་ཝེ རཱུ་པེ, ཨ་ཊྛ་ཚ་ཀྐེ་ཧི ཏེ་ཧི ཏུ.
༢༣༩. སཱ་དྷོ་པཱ་ཀེ་ཧི ཏེ་ཧེ་ཝ, དུ་ཏི་ཡཱ་དཱི་ནི ཨ་ཏྟ་ནཱ;
ཨ་དྷོ་དྷོ་ཛ་ཝ་ཧཱི་ནེ་ཧི, ཨེ་ཀེ་ཀཱུ་ནེ་ཧི ཛཱ་ཡ་རེ.
༢༤༠. སུ་ཁ་ཏཱི་ར་བྷ་ཝ་ངྒཱ་ནི, ས་ཡ་ཉྩཱ་ཏི ཏི་ས་ཏྟ་ཧི;
ཨ་ནྟཱ་ཝ་ཛྫཾ ཨ་ནཱ་རུ་པྤ་བྷ་ཝ་ངྒེ་ཧི པ་ནེ་ཏ་རཾ.
༢༤༡. ཝུ་ཏྟཱ་ན་ནྟ་ར་ས་ངྑཱ་ཏོ, ན་ཡོ དཱ་ནི ཨ་ནེ་ཀ་དྷཱ;
པུ་གྒ་ལཱ་དི་པྤ་བྷེ་དཱ་པི, པ་ཝ་ཏྟི ཏ་སྶ ཝུ་ཙྩ་ཏེ.
༢༤༢. པུ་ཐུ་ཛྫ་ན་སྶ ཛཱ་ཡ་ནྟེ, དི་ཊྛི་ཀ་ངྑཱ་ཡུ་ཏཱ་ནི ཝེ;
སེ་ཀྑ་སྶེ་ཝཱ་མ་ལཱ ས་ཏྟ, ཨ་ན་ནྟཱ་ནི་ཏ་ར་སྶ ཏུ.
༢༤༣. ཨ་ནྟཱ་མ་ལཾ ཨ་ནཱ་ཝ་ཛྫ་ཀྲི་ཡཱ ཙེ་ཀཱུ་ན་ཝཱི་ས་ཏི;
ཀུ་ས་ལཱ་ཀུ་ས་ལཱ སེ་སཱ, ཧོ་ནྟི སེ་ཀྑ་པུ་ཐུ་ཛྫ་ནེ.
༢༤༤. ཨི་ཏ་རཱ་ནི པ་ནཱ་ཝ་ཛྫ་དྭ་ཡཾ པཱ་ཀཱ ཙ སཱ་ས་ཝཱ;
ཏི་ཎྞ་ནྣ་མྤི སི་ཡུཾ ཨེ་ཝཾ, པ་ཉྩ་དྷཱ ས་ཏྟ་བྷེ་ད་ཏོ.
༢༤༥. ཀཱ་མེ སོ་ལ༹་ས གྷཱ་ནཱ་དི་ཏྟ་ཡཾ དོ་ས་མ་ཧཱ་ཕ་ལཱ;
རཱུ་པཱ་རཱུ་པེ ས་པཱ་ཀོ་ཏི, པ་ཉྩ་ཝཱི་ས་ཏི ཨེ་ཀ་ཛཱ.
༢༤༦. ཀཱ་མ་པཱ་ཀཱ ཙ སེ་སཱ་དི་མ་གྒོ ཨཱ་དི་ཀྲི་ཡཱ དུ་ཝེ;
རཱུ་པེ ཛ་ཝཱ་ཏི བཱ་ཝཱི་ས, དྭི་ཛཱ སེ་སཱ ཏི་དྷཱ་ཏུ་ཛཱ.
༢༤༧. ཝི་ཏྠཱ་རོ་པི ཙ བྷཱུ་མཱི་སུ, ཉེ་ཡྻོ ཀཱ་མ་སུ་བྷཱ་སུ་བྷཾ;
ཧཱ་ས་ཝ་ཛྫ་མ་ཧེ་ཏུ་ཉྩ, ཨ་པཱ་ཡེ ས་ཏྟ་ཏིཾ་སི་མེ.
༢༤༨. ཧི་ཏྭཱ མ་ཧ་གྒ་ཏེ པཱ་ཀེ, ཨ་སཱི་ཏི སེ་ས་ཀཱ་མི་སུ;
ཙ་ཀྑུ་སོ་ཏ་མ་ནོ་དྷཱ་ཏུ, ཏཱི་ར་ཎཾ ཝོ་ཊྛ་བྦ་མྤི ཙ.
༢༤༩. དོ་ས་ཧཱི་ན་ཛ་ཝཱ སོ སོ, པཱ་ཀོ རཱུ་པེ ཨ་ནཱ་རི་ཡེ;
པ་ཉྩ་ས་ཊྛི ཚ་ས་ཊྛཱི ཏུ, པ་རི་ཏྟཱ་བྷཱ་དཱི་སུ ཏཱི་སུ.
༢༥༠. ཨཱ་དི་པ་ཉྩཱ་མ་ལཱ ཀ་ངྑཱ་དི་ཊྛི་ཡུ་ཏྟེ ཝི་ནཱ ཏ་ཧིཾ;
ཏེ་ཡེ་ཝ པ་ཉྩ་པ་ཉྙཱ་ས, ཛཱ་ཡ་རེ སུ་དྡྷ་བྷཱུ་མི་སུ.
༢༥༡. ཨཱ་དི་མ་གྒ་དུ་སཱ་ཧཱ་ས་རཱུ་པ་ཧཱི་ན་ཛ་ཝཱ ས་ཀོ;
པཱ་ཀོ ཝོ་ཊྛ་བྦ་ན་ཉྩཱ་ཏི, ཏི་ཏཱ་ལཱི་སཾ སི་ཡུཾ ན་བྷེ.
༢༥༢. ཨ་དྷོ་དྷོ་མ་ན་ཝ་ཛྫཱ ཏེ,
པཱ་ཀོ ཙེ་ཝ ས་ཀོ ས་ཀོ;
དུ་ཏི་ཡཱ་དཱི་སུ ཛཱ་ཡ་ནྟེ,
དྭེ དྭེ ཨཱུ་ནཱ ཏ་ཏོ ཏ་ཏོ.
༢༥༣. ཨ་རཱུ་པེ་སྭེ་ཀ་མེ་ཀ་སྨིཾ, རཱུ་པེ་སྭཱ་དི་ཏྟི་ཀེ་པི ཙ;
ཏི་ཀེ ཙ ཏ་ཏི་ཡེ ཨེ་ཀཾ, དྭེ ཧོ་ནྟི དུ་ཏི་ཡ་ཏྟི་ཀེ.
༢༥༤. ཨ་ནྟི་མཾ རཱུ་པ་པཱ་ཀཾ ཏུ, ཚ་སུ ཝེ་ཧ་པྥ་ལཱ་དི་སུ;
ཀཱ་མ་སུ་ག་ཏི་ཡཾ་ཡེ་ཝ, མ་ཧཱ་པཱ་ཀཱ པ་ཝ་ཏྟ་རེ.
༢༥༥. གྷཱ་ཡ་ནཱ་དི་ཏྟ་ཡཾ ཀཱ་མེ, པ་ཊི་གྷ་དྭ་ཡ་མེ་ཝ ཙ;
ས་ཏྟ་ར་སེ་སུ པ་ཋ་མཾ, ཨ་མ་ལཾ མཱ་ན་ཝཱ་དི་སུ.
༢༥༦. ཨ་རི་ཡཱ་པཱ་ཡ་ཝ་ཛྫེ་སུ, ཙ་ཏུ་རོ་དི་པྥ་ལཱ་དི་ཀཱ;
ཨ་པཱ་ཡཱ་རུ་པྤ་ཝ་ཛྫེ་སུ, ཧཱ་ས་རཱུ་པ་སུ་བྷ་ཀྲི་ཡཾ.
༢༥༧. ཨ་པཱ་ཡུ་དྡྷ་ཏྟ་ཡཾ ཧི་ཏྭཱ, ཧོ་ཏཱ་ཀཱ་ས་སུ་བྷ་ཀྲི་ཡཾ;
ཏ་ཐཱ་པཱ་ཡུ་དྡྷ་དྭེ ཧི་ཏྭཱ, ཝི་ཉྙཱ་ཎ་ཀུ་ས་ལ་ཀྲི་ཡཾ.
༢༥༨. བྷ་ཝ་གྒཱ་པཱ་ཡ་ཝ་ཛྫེ་སུ, ཨཱ་ཀི་ཉྩ་ཉྙ་སུ་བྷ་ཀྲི་ཡཾ;
དི་ཊྛི་ཀ་ངྑཱ་ཡུ་ཏཱ སུ་དྡྷེ, ཝི་ནཱ ས་བྦཱ་སུ བྷཱུ་མི་སུ.
༢༥༩. ཨ་མ་ལཱ་ནི ཙ ཏཱི་ཎ་ནྟེ,
བྷ་ཝ་གྒེ ཙ སུ་བྷ་ཀྲི་ཡཱ;
མ་ཧཱ་ཀྲི་ཡཱ ཙ ཧོ་ནྟེ་ཏེ,
ཏེ་ར་སེ་ཝཱ་ན་པཱ་ཡི་སུ.
༢༦༠. ཨ་ནཱ་རུ་པྤེ མ་ནོ་དྷཱ་ཏུ, ད་སྶ་ནཾ ས་ཝ་ཏཱི་ར་ཎཾ;
ཀཱ་མེ ཨ་ནི་ཊྛ་སཾ་ཡོ་གེ, བྲ་ཧྨཱ་ནཾ པཱ་པ་ཛཾ ཕ་ལཾ.
༢༦༡. ཝོ་ཊྛ་བྦཾ ཀཱ་མ་པུ་ཉྙ་ཉྩ, དི་ཊྛི་ཧཱི་ནཾ ས་ཨུ་དྡྷ་ཝཾ;
ཙུ་དྡ་སེ་ཏཱ་ནི ཙི་ཏྟཱ་ནི, ཛཱ་ཡ་རེ ཏིཾ་ས་བྷཱུ་མི་སུ.
༢༦༢. ཨི་ནྡྲི་ཡཱ་ནི དུ་ཝེ ཨ་ནྟ་དྭ་ཡ་ཝ་ཛྫེ་སྭ་ཧེ་ཏུ་སུ;
ཏཱི་ཎི ཀ་ངྑེ་ཏ་རཱ་ཧེ་ཏུ་པཱ་པེ ཙ་ཏྟཱ་རི ཏེ་ར་ས.
༢༦༣. ཚ ཉཱ་ཎ་ཧཱི་ནེ ཏ་བྦ་ནྟ་སཱ་ས་ཝེ ས་ཏྟ ནི་མྨ་ལེ;
ཙ་ཏྟཱ་ལཱི་སེ པ་ན་ཊྛེ་ཝཾ, ཉེ་ཡྻ་མི་ནྡྲི་ཡ་བྷེ་ད་ཏོ.